ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ចំណេះដឹងទូទៅ៖ ម្តាយឪពុកជាបុគ្គលសំខាន់ជួយជំរុញការសិក្សារបស់កូនៗឱ្យទទួលបានលទ្ធផលកាន់តែល្អប្រសើរ។ ចំណែកកូនៗដែលទទួលការអប់រំវិជ្ជមានពីម្តាយឪពុក រមែងទទួលបានភាពកក់ក្តៅនិងជោគជ័យលឿនរហ័សក្នុងដំណើរសិក្សា។ ទន្ទឹមគ្នានេះ ម្តាយឪពុកក៏ត្រូវមានវិធីសាស្ត្រអប់រំមួយចំនួនផ្តល់ជាមធ្យោបាយជួយពន្លឿនគុណភាពសិក្សារបស់កូនឱ្យមានប្រសិទ្ធភាពដែរ។ ខាងក្រោមនេះជាវិធីអាចជួយឱ្យកុមារកម្រិតថ្នាក់បឋមសិក្សា ទទួលបានលទ្ធផលសិក្សាល្អតាមរយៈជំនួយពីម្តាយឪពុក។
1. ចូលរួមសិក្ខាសាលាប្រចាំឆ្នាំរបស់សាលារៀន ៖ សាលាបឋមសិក្សាសាធារណៈ ឬនៅតាមសាលារៀនឯកជនមួយចំនួន តែងបង្កើតសិក្ខាសាលាផ្សេងៗជាច្រើន។ កម្មវិធីបែបនេះ អាចធ្វើឡើងចន្លោះពីកន្លះឆ្នាំទៅមួយឆ្នាំម្តង ហើយជាពេលវេលាដែលជួយឱ្យម្តាយឪពុកមានឱកាសជួបគ្រូបង្រៀន ដើម្បីពិភាក្សាគ្នាពីយុទ្ធសាស្ត្រនិងចំណុចកែប្រែចំពោះការសិក្សារបស់កូនៗនៅឆមាសបន្ទាប់។
2. ស្គាល់ទីតាំង និងព័ត៌មានរបស់សាលារៀនឱ្យច្បាស់លាស់ ៖ មា្តយឪពុក ឬអាណាព្យាបាលគួរស្វែងយល់ពីសាលារៀនរបស់កូនឱ្យបានច្បាស់លាស់ ទាំងកន្លែងញ៉ាំអាហារ កន្លែងលេង កន្លែងអង្គុយរៀនរបស់កូន។ ពេលស្គាល់ច្បាស់ពីបរិស្ថានសាលារៀនរបស់កូន នឹងអាចជួយឱ្យអ្នកមានទំនាក់ទំនងកាន់តែជិតស្និទ្ធជាមួយកូន។
3. បង្រៀនកូនឱ្យចេះធ្វើកិច្ចការផ្ទះ ៖ ភារៈសំខាន់របស់ម្តាយឪពុកពេលនេះ ត្រូវបង្រៀនកូនឱ្យចេះធ្វើកិច្ចការងារផ្ទះ។ ការងារនេះ វាអាចជួយកុមាររៀនសូត្រពីទំនួលខុសត្រូវចំពោះការងារ និងមានទម្លាប់ល្អក្នុងរស់នៅ។
4. អាហារពេលព្រឹកត្រូវរួចរាល់ជារៀងរាល់ថ្ងៃ ៖ ការស្រាវជ្រាវរកឃើញថា កុមារទទួលទានអាហារពេលព្រឹកបានគ្រប់គ្រាន់និងទៀងទាត់ តែងធ្វើកិច្ចការបានល្អជាងកុមារដែលមិនបានទទួលអាហារពេលព្រឹក។ ដូច្នេះភារៈសំខាន់បំផុតរបស់ម្តាយឪពុកត្រូវធានាថា អាហារពេលព្រឹករបស់កូនត្រូវទៀងទាត់បំផុត។
5. បង្រៀនកូនពីជំនាញរៀបចំ ៖ វិន័យផ្ទាល់ខ្លួន សណ្តាប់ធ្នាប់ ឥរិយាបថគំរូក្នុងការរស់នៅ វាបង្ហាញពីបំណិនប្រសប់នៃការរៀបចំខ្លួនបានល្អរបស់កុមារ។ ម្តាយឪពុកត្រូវបង្រៀនសកម្មភាពទាំងនេះ ដូចជាកិច្ចការផ្ទះ រៀបចំបន្ទប់ លេងកីឡា និងរបៀបរៀបចំខ្លួនជាដើម។
6. បង្រៀនកូនឱ្យចេះស្រឡាញ់ការសិក្សា ៖ ម្តាយឪពុកត្រូវដាស់តឿនឱ្យកូនប្រឹងប្រែងរៀនសូត្រ បង្រៀនឱ្យចេះរៀបចំកាលវិភាគសិក្សា បង្កើតសកម្មភាពអានសៀវភៅ និងបង្រៀនកូនឱ្យរៀនដោះស្រាយបញ្ហា។ ម្តាយឪពុកគួរចំណាយពេលវេលាជាមួយកូនឱ្យបានច្រើន ចៀសវាងជំរុញឱ្យកូនប្រឹងរៀនទាំងតក់ក្រហល់មុនថ្ងៃប្រឡងមក។
7. ចំណាយពេលខ្លះពិភាក្សាជាមួយកូនអំពីការសិក្សា ៖ ពិភាក្សារឿងរ៉ាវដែលកូនបានជួប និយាយពីព័ត៌មានដែលកំពុងកើតឡើងនៅសាលារៀន សៀវភៅសិក្សា មុខវិជ្ជា និងគោលដៅរបស់កូន ព្រមទាំងផ្តល់មតិយោបល់មានប្រសិទ្ធភាពបន្ថែមដល់កូនបន្ថែម នឹងជួយឱ្យពួកគេត្រៀមខ្លួនរួចជាស្រេចក្នុងការសិក្សា និងចូលរួមសកម្មភាពផ្សេងៗនៅក្នុងសង្គម៕
ជីវប្រវត្តិ: លោក ម៉ៅ សំណាង ជាការីនិពន្ធផ្នែកអប់រំ និងជាផលិតករព័ត៌មាននៃ AMS Education ។ លោកមានបទពិសោធន៍ការងារជាអ្នកសារព័ត៌មានវិទ្យុ, ពិធីករ និងជាអ្នករាយការណ៍ព័ត៌មានទូរទស្សន៍, និងជាផលិករប្រព័ន្ធផ្សព្វផ្សាយចម្រុះ។
របាយការណ៍សំខាន់
ព័ត៌មានទូទៅ
អ្នកអប់រំ ស្នើឱ្យកំហិតការផ្សាយពាណិជ្ជកម្មគ្រឿងស្រវឹង ត្រឹមម៉ាកសញ្ញា កាត់បន្ថយការទាក់ទាញកុមារ និងយុវជន
អង់គ្លេស នឹងផ្តល់អ្នកជំនាញ ព្រមទាំងកម្មវិធីអប់រំលំដាប់ពិភពលោកដល់កម្ពុជា ដើម្បីលើកកម្ពស់គុណភាព TVET
ថ្នាលបឋម PLP និង MoEYS EdTech ចាប់ដៃគ្នាលើកកម្ពស់គុណភាពអប់រំនៅកម្ពុជា តាមរយៈប្រព័ន្ធឌីជីថល
ផលប៉ះពាល់ នៃការប្រើប្រាស់ផលិតផលប្លាស្ទិក
អាហារូបករណ៍ថ្នាក់បរិញ្ញាបត្ររង សិក្សានៅប្រទេសចិន ចំនួន១៥កន្លែង
មន្ត្រីក្រសួងអប់រំ ៖ យុវជនទាំងអស់ត្រូវមានចំណេះដឹងក្នុងការគ្រប់គ្រងហិរញ្ញវត្ថុផ្ទាល់ខ្លួន ដើម្បីឆ្លើយតបនឹងការវិវត្តនៃសេដ្ឋកិច្ចឌីជីថល
ក្រសួងប្រៃសណីយ៍ពង្រីកវិសាលភាព នៃការអប់រំឌីជីថល ទៅកាន់សាលាគោលដៅចំនួន១៨បន្ថែម
រដ្ឋមន្រ្តីអប់រំ ៖ ការអភិវឌ្ឍជំនាញសង្គម និងអារម្មណ៍ សំខាន់ក្នុងការអប់រំ និងអភិវឌ្ឍមូលធនមនុស្ស
ក្រសួងរ៉ែ ថាមពល និងអង្គការ SNV ប្រកាសពីជោគជ័យ នៃគម្រោងលើកកម្ពស់ការចម្អិនស្អាត និងភូមិគ្មានផ្សែង
តិចនិកសាមញ្ញ ៦ យ៉ាង ដើម្បីពង្រឹងការចងចាំឱ្យកាន់តែប្រសើរ
កម្មវិធីពិសេសរបស់ AMS EDUCATION
ព័ត៌មានសង្ខេប
