ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ជាឱកាសសម្រាប់សិស្ស-និស្សិត ដែលទើបបញ្ចប់ការសិក្សា ពេលនេះ ក្រសួងប្រៃសណីយ៍ និងទូរគមនាគមន៍ ប្រកាសជ្រើសរើសបុគ្គលិកជាប់កិច្ចសន្យាចំនួន ៤៤រូប ដើម្បីបង្រៀនថ្នាក់ជំនាញឌីជីថល ដល់សិស្សានុសិស្សថ្នាក់ទី៤ ទី៥ និងទី៦ នៅតាមសាលាបឋមសិក្សាគោលដៅ ក្នុងរាជធានី-ខេត្តចំនួន៩។
ក្នុងនោះ រាជធានីភ្នំពេញ ត្រូវការចំនួន ៤រូប, កំពង់ចាម ចំនួន៥រូប, សៀមរាប ចំនួន៥រូប, ខេត្តកណ្តាល ចំនួន៥រូប, តាកែវ ចំនួន ៧រូប, ព្រៃវែង ចំនួន ៤រូប, កំពង់ឆ្នាំង ចំនួន ៥រូប, កំពង់ស្ពឺ ចំនួន ៥រូប និង ខេត្តកោះកុង ចំនួន ៤រូប។
លក្ខខណ្ឌនៃការជ្រើសរើស ៖ បេក្ខជនត្រូវមានសញ្ញាបត្រថ្នាក់បរិញ្ញាបត្រជំនាញបច្ចេកវិទ្យាព័ត៌មាន ឬជំនាញពាក់ព័ន្ធ, បានបញ្ចប់សាលាគរុកោសល្យ ឬកំពុងបំពេញមុខងារជាគ្រូបង្រៀននៅតាមរាជធានី-ខេត្ត ខាងលើត្រូវបានផ្តល់អាទិភាព, ត្រូវមានចំណេះដឹងភាសាអង់គ្លេសអាចប្រើការបាន, មានចំណេះដឹងប្រើប្រាស់កម្មវិធី Mirosoft Office ច្បាស់លាស់, មានបទពិសោធន៍ និងចំណេះដឹងពាក់ព័ន្ធនឹងការអប់រំបច្ចេកវិទ្យាឌីជីថល (ជាការប្រសើរ), មានឆន្ទៈ និងក្រមសីលធម៌បំពេញការងារ, មានភាពស្មោះត្រង់ និងយកចិត្តទុកដាក់ចំពោះការងារ, មានភាពអត់ធ្មត់ តស៊ូ និងឧស្សាហ៍ព្យាយាម, មានសមត្ថភាពបំពេញការងារដោយឯករាជ្យ និងការងារជាក្រុម, មានគំនិតផ្តួចផ្តើម ច្នៃប្រឌិត និងស្រាវជ្រាវ, ទទួលយកការបណ្តុះបណ្តាលចំណេះដឹងបន្ថែម, ទទួលយកភារកិច្ចផ្សេងទៀតតាមការប្រគល់ជូនពីអ្នកគ្រប់គ្រង, គោរពបទបញ្ជាផ្ទៃក្នុង និងកិច្ចសន្យាប្រចាំឆ្នាំរបស់ក្រុមការងាររៀបចំថ្នាក់រៀនឌីជីថល។
ភារកិច្ច និងការទទួលខុសត្រូវ ៖ រៀបចំ និងបង្រៀនមុខវិជ្ជាជំនាញឌីជីថល សម្រាប់ថ្នាក់ទី៤ ទី៥ និងទី៦ ស្របតាមការកំណត់របស់ក្រុមការងារបច្ចេកទេសរៀបចំថ្នាក់រៀនឌីជីថល, សម្របសម្រួលបទពិសោធន៍ការរៀន និងការអនុវត្ត ដែលជំរុញការគិតវិភាគបញ្ហា ដោះស្រាយ និងជំនាញធ្វើការងារជាក្រុមនៅក្នុងថ្នាក់, វាយតម្លៃ និងវាស់វែងវឌ្ឍនភាពរបស់សិស្ស ផ្តល់មតិ និងផ្តល់ដំណោះស្រាយតាមតម្រូវការ នៃការរៀនសូត្ររបស់សិស្ស, សិក្សាស្រាវជ្រាវរកវិធីសាស្រ្តបង្រៀនល្អៗ និងថ្មីៗ, ចូលរួមសហការយ៉ាងសកម្មជាមួយក្រុមការងារបច្ចេកទេសរៀបចំថ្នាក់រៀនឌីជីថល ដោយគោរពតាមគោលការណ៍របស់កម្មវិធីថ្នាក់រៀនជំនាញឌីជីថល។
ប្រាក់បៀវត្ស និងអត្ថប្រយោជន៍ ៖ ប្រាក់បៀវត្ស និងប្រាក់ឧបត្ថម្ភប្រចាំខែស្របតាមសមត្ថភាព បទពិសោធន៍ និងគុណវុឌ្ឍិរបស់បេក្ខជន, ទទួលបានចំណេះដឹង និងជំនាញឯកទេសថ្នាក់ឌីជីថលបន្ថែមតាមរយៈការបណ្តុះបណ្តាលរបស់ក្រុមការងារបច្ចេកទេសរៀបចំថ្នាក់រៀនឌីជីថល និងការណែនាំរបៀបអនុវត្តការងារជាក្រុម។
កាលបរិច្ឆេទទទួលពាក្យ និងនិតិវិធី នៃការជ្រើសរើស ៖ បេក្ខជនដែលមានចំណាប់អារម្មណ៍ ត្រូវបំពេញពាក្យស្នើសុំតាមរយៈ តំណភ្ជាប់នេះ ព្រមទាំងភ្ជាប់មកជាមួយសំណុំឯកសារពាក់ព័ន្ធផ្សេងៗ ចាប់ពីថ្ងៃជូនដំណឹងនេះ រហូតដល់ថ្ងៃទី៣០ ខែកញ្ញា ឆ្នាំ២០២៤ វេលាម៉ោង៥រសៀល ។ បេក្ខជនដែលបានជាប់ដំណាក់កាលសម្រាំងជ្រើសរើស (Shortlist) នឹងត្រូវបានទាក់ទងឱ្យមកធ្វើបទបង្ហាញ ឬសម្ភាសន៍ជាមួយគណៈកម្មការជ្រើសរើស៕
