ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – យុវជនមួយក្រុមដែលសុទ្ធសឹងតែសិក្សាផ្នែកអក្សរសាស្រ្តខ្មែរ បានសម្តែងការយល់ឃើញដូចៗគ្នាថា បច្ចុប្បន្ននេះ យុវជនកម្ពុជាទូទៅហាក់មិនសូវយកចិត្តទុកដាក់ចំពោះអក្សរសាស្រ្តរបស់ជាតិប៉ុន្មានទេ ពិសេសនៅលើបណ្តាញសង្គម ដោយខ្លះសរសេរខុស ហើយខ្លះទៀតព្យាយាមប្រើប្រាស់អក្សរឡាតាំងសរសេរជាសំនៀងខ្មែរ ដែលនេះវាអាចនឹងមានផលអាក្រក់ទៅថ្ងៃអនាគត។
កញ្ញា ប៉ោ សុខហឹម អតីតនិស្សិតអក្សរសាស្រ្តខ្មែរ នៅសាកលវិទ្យាល័យភូមិន្ទភ្នំពេញ បានលើកឡើងថា សព្វថ្ងៃនេះ នាងឃើញថាមានយុវជនជាច្រើនបានឱ្យតម្លៃអក្សរសាស្រ្តជាតិ ប៉ុន្តែទន្ទឹមនេះ ក៏សង្កេតឃើញមានយុវជនមួយចំនួនទៀតបែរជានាំគ្នាធ្វើត្រាប់សរសេរអក្សរឡាតាំងជាសំនៀងខ្មែរតៗគ្នា បណ្ដាលទៅជាទម្លាប់ ដែលវាជារឿងមិនល្អ ហើយយុវជនខ្មែរគ្រប់រូបគួរគិតពិចារណា និងជៀសវាងចាប់ពីពេលឥឡូវទៅ។
អតីតនិស្សិតអក្សរសាស្រ្តខ្មែររូបនេះ បន្ថែមថា យុវជនអាចចូលរួមលើកស្ទួយអក្សរសាស្រ្តជាតិរបស់ខ្លួន តាមរយៈការទម្លាប់សរសេរអក្សរជាតិរបស់ខ្លួន និងយកចិត្តទុកដាក់ចំពោះអក្ខរាវិរុទ្ធផង។ លើពីនេះ យុវជនក៏គួរតែចូលរួមការអាន ព្រោះថាការអានបង្កើតទាំងចំណេះ និងអាចឱ្យយុវជនកត់ចំណាំពាក្យថ្មីៗដែលគេពុំធ្លាប់បានជួបពីមុនមក ដែលអាចជួយឱ្យការសរសេរបានត្រឹមត្រូវឡើងវិញ។
កញ្ញា ប៉ោ សុខហឹម
“ខ្ញុំចង់ឃើញអក្សរសាស្រ្តខ្មែរទៅថ្ងៃអនាគតមានការរីកចម្រើន ជាពិសេស ចង់ឃើញយុវជនខ្មែរគ្រប់ជំនាន់សរសេរអក្សរខ្មែរត្រឹមត្រូវ”
អតីតនិស្សិតអក្សរសាស្រ្តខ្មែរមួយរូបទៀត គឺ កញ្ញា មិច ស្រីវី ក៏បានលើកឡើងដែរថា យុវជនអាចចូលរួមលើកស្ទួយអក្សរសាស្រ្តជាតិរបស់ខ្លួន ដោយប្រើភាសាខ្មែរជាយាន ចូលរួមនិយាយ និងសរសេរជាភាសាខ្មែរក្នុងជីវភាពប្រចាំថ្ងៃ ។
កញ្ញាបន្តថា ការចូលរួមសរសេរស្នាដៃបែបបរទេស ការបើកបង្រៀនភាសាខ្មែរដោយស្មគ្រ័ចិត្តចំពោះជនជាតិខ្មែរ និងជនបរទេស ក៏ជាការល្អប្រសើរដែរ ដោយវារួមចំណែកជួយឱ្យយុវជនកម្ពុជាចេះច្បាស់អំពីការប្រើប្រាស់ភាសា និងសំណេរខ្មែរ។
កញ្ញា ម៉ិច ស្រីវី
“ខ្ញុំចង់ឱ្យយុវជនខ្មែរគ្រប់រូប យកចិត្តទុកដាក់សរសេរអក្សរខ្មែរឱ្យបានត្រឹមត្រូវ ជាពិសេសហ៊ាននិយាយភាសាខ្មែរដោយភាពជឿជាក់”
សម្រាប់ លោក វ៉ន សីហា និស្សិតដែលទើបបញ្ចប់ថ្នាក់បរិញ្ញាបត្រអក្សរសាស្រ្តខ្មែរវិញ ក៏លើកឡើងមិនគ្នាប៉ុន្មានដែរថា បច្ចុប្បន្នយុវជនដែលឱ្យតម្លៃអក្សរសាស្រ្តខ្មែរនៅមានភាគរយទាប ដោយសារភាគច្រើនយុវជនឱ្យតម្លៃទៅលើអក្សរសាស្រ្តបរទេស ឬសរសេរអក្សរអង់គ្លេស ហើយពេលខ្លះគេសរសេរភាសាបរទេសជាសំនៀងភាសាខ្មែរថែមទៀត ដែលនាំឱ្យមានការយល់ច្រឡំកាន់តែច្រើនឡើងៗ។
អតីតនិស្សិតអក្សរសាស្រ្តខ្មែររូបនេះ បន្ថែមថា ការចាប់យកភាសាជាតិជាអាទិភាពទី១ មានសារៈសំខាន់ ព្រោះដរាបណាយុវជនចេះភាសាជាតិច្បាស់ ការសិក្សាភាសាទី២ ដែលជាភាសាបរទេសក៏មានភាពងាយស្រួលផងដែរ។
លោក វ៉ន សីហា បន្តថា សិក្សារៀនសូត្រទៅលើអក្ខរាវិរុទ្ធ ក្បួនវេយ្យាករណ៍ និងសរសេរអក្សរខ្មែរឱ្យបានត្រឹមត្រូវ គឺបានរួមចំណែកលើកស្ទួយអក្សរសាស្រ្តជាតិឱ្យកាន់តែខ្ពង់ខ្ពស់ និងគង់វង្សផងដែរ។
លោក វ៉ន សីហា
“បើទោះជាយុវជនចេះភាសាបរទេសដែលជាភាសាទី២ ប៉ុន្តែសូមកុំបោះបង់ភាសាជាតិរបស់ខ្លួន គឺត្រូវចូលរួមប្រើប្រាស់ និងឱ្យតម្លៃចំពោះអក្សរសាស្រ្តជាតិរបស់ខ្លួនគ្រប់ៗគ្នា”
ជុំវិញការយល់ឃើញខាងលើនេះ កញ្ញា ប៉ោ សុខហឹម ចង់ឱ្យមានការប្រឡងប្រជែងផ្នែកអក្សរសាស្រ្តខ្មែរតាមសាលា អង្គការ ឬស្ថាប័ននានាដើម្បីឱ្យយុវជនមានឱកាសចូលរួមប្រកួតប្រជែងបញ្ចេញសមត្ថភាពលើវិស័យអក្សរសាស្រ្តខ្មែរឱ្យបានច្រើន។ ពិសេសចង់ឃើញកូនខ្មែរបញ្ឈប់ទម្លាប់សរសេរអក្សរឡាតាំងសំនៀងខ្មែរនៅតាមបណ្ដាញសង្គមអ៊ីនធឺណិត ហើយចាប់ផ្ដើមបង្កើតទម្លាប់សរសេរអក្សរខ្មែរឱ្យបានត្រឹមត្រូវឡើងវិញ។
យល់ស្របដូចក្រុមយុវជនខាងលើដែរ លោក គេន រង្សី សាស្ត្រាចារ្យដេប៉ាតឺម៉ង់អក្សរសាស្រ្ដខ្មែរនៃសាកលវិទ្យាល័យភូមិន្ទភ្នំពេញ បានលើកឡើងថា ដើម្បីកាត់បន្ថយកំហុសអក្ខរាវិរុទ្ធខ្មែរ សាធារណជនគួរឈរលើស្មារតីជាតិនិយម គឺឱ្យតម្លៃទៅលើភាសាជាតិ ទោះរៀនឯកទេសអ្វីក៏ដោយ ។ លោកថា អ្នកសរសេរត្រូវសរសេរពាក្យខ្មែរឱ្យបានត្រឹមត្រូវ ទោះមួយពាក្យ មួយល្បះ ឬមួយអត្ថបទ ទាំងផ្លូវការ ឬក្រៅផ្លូវការក៏ដោយ ជាពិសេសយុវជន គួរព្យាយាមអានសៀវភៅឱ្យបានច្រើនដើម្បីបង្កើនការចងចាំអំពីសំណេរពាក្យខ្មែរ ៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសសិក្សាអាហារូបករណ៍ពីកម្មវិធី CICOPS នៅសាកលវិទ្យាល័យ Pavia នៃប្រទេសអ៉ីតាលី ឆ្នាំ២០២៥
ព័ត៌មានអាហារូបករណ៍, ព្រឹត្តិការណ៍
• 03/05/2024
ឱកាសសិក្សាអាហារូបករណ៍រយៈពេលខ្លីពីកម្មវិធីអាហារូបករណ៍CICOPS នៅសាកលវិទ្យាល័យ Pavia Italy នៃប្រទេសអ៉ីតាលីឆ្នាំ២០២៥សម្រាប់ថ្នាក់...
ឱកាសសិក្សាថ្នាក់បរិញ្ញបត្ររង-បរិញ្ញាបត្រ នៅវិទ្យាស្ថានអាហ្កាចំនួន១០០កន្លែង ពីអាហារូបករណ៍អភិសន្តិបណ្ឌិត ស សុខា
ព័ត៌មានអាហារូបករណ៍, ព្រឹត្តិការណ៍
• 10/11/2023
ឱកាសសិក្សាអាហារូបករណ៍ថ្នាក់បរិញ្ញបត្ររង និងថ្នាក់បរិញ្ញាបត្រនៅវិទ្យាស្ថានអាហ្កាចំនួន១០០កន្លែង ពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិឆ្នាំ២០២៣-២០២៤។ អាហារូបករណ៍ផ្ដល់ជូនក្រោមការឧបត្ថម្ភ ...
អាហារូបករណ៍សិក្សាថ្នាក់ក្រោយឧត្ដមសិក្សានៅប្រទេសសិង្ហបុរីពីកម្មវិធីអាហារូបករណ៍ SASEAF
ព័ត៌មានអាហារូបករណ៍, ព្រឹត្តិការណ៍
• 26/07/2023
ឱកាសសិក្សាអាហារូបករណ៍ថ្នាក់ក្រោយឧត្ដមសិក្សានៅប្រទេសសិង្ហបុរីពីកម្មវិធីអាហារូបករណ៍ SG Academies South-East Asia Fellowship ឬ SASEAF សម្រាប់បេក្ខជនពីប្រទេសមាជិកអាស៊ានសម្រាប់ឆ្នាំសិក្សា២០២៣
អាហារូបករណ៍ថ្នាក់បរិញ្ញាបត្រជាន់ខ្ពស់ចំនួន១០០កន្លែងពីក្រសួងប្រៃសណីយ និងទូរគមនាគមន៍ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 30/10/2024
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ចំនួន១០០កន្លែងពីក្រសួងប្រៃសណីយ៍ និងទូរគមនាគមន៍ សិក្សានៅបណ្ឌិតសភាបច្ចេកវិទ្យាឌីជីថលកម្ពុជា និងសាកលវិទ្យាល័យអាមេរិកាំងភ្នំពេញ សម្រាប់ឆ្នាំសិក្សា២០២៥។ អាហារូបករណ៍ផ្ដល់ជូនការសិក្សា...
អាហារូបករណ៍ថ្នាក់បរិញ្ញាបត្រចំនួន១៥កន្លែងនៅសាកលវិទ្យាល័យជាតិគ្រប់គ្រងឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 06/11/2024
តាមរយៈការលើកស្ទួយក្នុងវិស័យអប់រំ ឯកឧត្ដមអភិបណ្ឌិត ស សុខា និង លោកជំទាវ កែ សួនសុភី សហការជាមួយសាកលវិទ្យាល័យជាតិគ្រប់គ្រង ប្រកាសជ្រើសរើសនិស្សិតចំនួន១៥នាក់ដើម្បីសិក្សាថ្នាក់...
អាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ Australia Awards ២០២៤នៅប្រទេសអូស្រ្តាលី
ព័ត៌មានអាហារូបករណ៍, ព្រឹត្តិការណ៍
• 29/02/2024
កម្មវិធីអាហារូបករណ៍ Australia Awards ប្រកាសបើកទទួលពាក្យស្នើសុំអាហារូបករណ៍ថ្នាក់ឧត្តមសិក្សានៅសាកលវិទ្យាល័យល្បីៗក្នុងប្រទេសអូស្ត្រាលី...
ស.ស.យ.ក. រាជធានីភ្នំពេញ ផ្តល់ការចុះឈ្មោះប្រឡងគណិតវិទ្យាសិង្ហបុរី ចំនួន២៥០កន្លែង ដោយឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 06/08/2025
ដើម្បីបន្តចូលរួមចំណែកជាមួយរាជរដ្ឋាភិបាលក្នុងការលើកកម្ពស់ធនធានមនុស្ស នៃព្រះរាជាណាចក្រកម្ពុជា សហភាពសហព័ន្ធយុវជនកម្ពុជា រាជធានីភ្នំពេញ ក្រោមកិច្ចសហប្រតិបត្តិការជាមួយមជ្ឈមណ្ឌលរៀបចំការប្រឡងអូឡាំព្យាដសិង្ហបុរី (SIMCC)
កម្មវិធីពិសេសរបស់ AMS EDUCATION
ព័ត៌មានសង្ខេប
