ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – នៅសល់រយៈពេលមិនប៉ុន្មានថ្ងៃទៀតទេ ការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុបនឹងមកដល់ហើយ ដែលនៅកំឡុងពេលនេះ មានសិស្សមួយចំនួនបានកំពុងត្រៀមខ្លួន និងខ្លះបានត្រៀមខ្លួនរួចរាល់ហើយសម្រាប់ការប្រឡងដ៏មានសារៈសំខាន់មួយនេះ។ ចុះសម្រាប់ឪពុកម្តាយដែលមានកូនៗត្រូវចូលរួមប្រឡងបាក់ឌុបវិញ តើពួកគាត់មានអារម្មណ៍យ៉ាងដូចម្តេច ?
អ្នកស្រី ខាត់ ណារ៉ា ជាកសិករមួយរូបរស់នៅខេត្តសៀមរាប ដែលក៏មានកូនត្រូវចូលរួមប្រឡងសញ្ញាបត្រមធ្យមសិក្សាទុតិយភូមិ នៅថ្ងៃពេលខាងមុខនេះ បាននិយាយថា សម្រាប់ការប្រឡងនេះ អ្នកស្រីក៏មានការព្រួយបារម្ភបន្តិចបន្តួចចំពោះកូនផងដែរ ព្រោះតែមណ្ឌលប្រឡងនៅឆ្ងាយពីផ្ទះ ដូច្នេះនៅថ្ងៃប្រឡងបាក់ឌុបខាងមុខនេះ អ្នកស្រីនឹងជូនកូនទៅប្រឡងដោយផ្ទាល់ ។
អ្នកម្តាយរូបនេះ មានបំណងចង់ឱ្យកូនបន្តការសិក្សានៅសាកលវិទ្យាល័យ ប៉ុន្តែដោយសារជីវភាពខ្វះខាត ដូច្នេះគាត់រំពឹងថា កូនប្រុសរបស់គាត់នឹងខិតខំប្រឡងឱ្យជាប់ ព្រមទាំងបាននិទ្ទេសល្អ ដើម្បីអាចទទួលបានអាហារូបករណ៍បន្តការសិក្សាទៀត។
– លោកស្រី ខាត់ ណារ៉ា
“ខ្ញុំខិតខំធ្វើស្រែចម្ការ ត្រៀមលុយកាក់បន្តិចបន្តួចជួយផ្គត់ផ្គង់ឱ្យកូនបានរៀនបន្ត…ហើយក៏មានលទ្ធភាពត្រឹមទិញកង់ឱ្យកូនជិះទៅរៀននៅសាកលវិទ្យាល័យ”
លោក គង់ ហួត ប្រជាកសិកររស់នៅក្នុងខេត្តតាកែវ ដែលមានកូនត្រូវប្រឡងបាក់ឌុបដែរ បានមានប្រសាសន៍ថា លោកលើកទឹកចិត្តកូនឱ្យខំរៀន និងសង្ឃឹមថា គេអាចប្រឡងជាប់ទទួលបានលទ្ធផលល្អ ។ ហើយប្រសិនបើមិនទទួលបានលទ្ធផលល្អវិញ លោកក៏មិនស្ដីបន្ទោសចំពោះកូននោះឡើយ ។
លោកថា ក្រោយបញ្ចប់ការប្រឡងបាក់ឌុបរួច លោកមានបំណងចង់បញ្ជូនកូនឱ្យទៅបន្តការសិក្សានៅសាកលវិទ្យាល័យ ដោយលោកយល់ឃើញថា បច្ចុប្បន្ននេះយុវជន ត្រូវមានចំណេះដឹង ជំនាញពិតប្រាកដ ដើម្បីងាយស្រួលរកការងារធ្វើ ជួយទាំងខ្លួនឯង គ្រួសារ និងសង្គមជាតិ ។
លោក គង់ ហួត
“ខ្ញុំបានត្រៀមលក្ខណៈរួចរាល់សម្រាប់ឱ្យកូនរៀនបន្ត ទោះត្រូវលក់គោ ក្របី ក៏សុខចិត្តឱ្យតែកូនចង់រៀន មានចំណេះដឹង និងមានអនាគតភ្លឺស្វាង”
ដោយឡែក លោកស្រី គល់ វរគុត្ត ជាគ្រូបង្រៀននៅខេត្តព្រះវិហារ ដែលក៏មានកូនស្រីម្នាក់ត្រូវប្រឡងបាក់ឌុបនៅឆ្នាំនេះដែរ បានមានប្រសាសន៍ថា កន្លងមកលោកស្រីតែងលើកទឹកចិត្តកូនឱ្យខិតខំប្រឹងប្រែងរៀនសូត្រ ប្រឡងឱ្យជាប់ ដើម្បីរៀនបន្តនៅសាកលវិទ្យាល័យ ។
លោកស្រីថា កូនរបស់គាត់ខិតខំរៀនសូត្រ និងតែងជួយធ្វើកិច្ចការងារផ្ទះ ដោយមិនដែលបង្កបញ្ហាពិបាកដល់គ្រួសារនោះឡើយ ។
– លោកស្រី គល់ វរគុត្ត
“ខ្ញុំមិនដែលឱ្យកូនឈប់រៀននោះទេ តែងផ្ដល់ឱកាសឱ្យកូនរៀនសូត្រគ្រាប់គ្រាន់ មានចំណេះដឹង ជាពិសេសជូនពរកូនឱ្យប្រឡងជាប់ អាចបន្តការសិក្សាឱ្យបានខ្ពង់ខ្ពស់”
ចំពោះលោកស្រី ហ៊ុយ សុធា អ្នកម្ដាយដែលមានកូនត្រូវប្រឡងបាក់ឌុបខាងមុខនេះដែរ បានថ្លែងថា គាត់សង្ឃឹមថា កូនរបស់គាត់នឹងប្រឡងជាប់ ហើយក្រោយប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុបនេះចប់ អ្នកស្រីលើកទឹកចិត្តកូនឱ្យបន្តរៀននៅសាកលវិទ្យាល័យ ស្របតាមមុខជំនាញដែលកូនពេញចិត្ត និងគ្មានការបង្ខិតបង្ខំឱ្យកូនរៀនតាមបំណងឪពុកម្ដាយនោះឡើយ ដោយអ្នកស្រីក៏បានត្រៀមរួចរាល់នូវថវិកា សម្ភារៈសិក្សា កន្លែងថ្នាក់នៅសម្រាប់កូនបន្ដការសិក្សានៅថ្នាក់មហាវិទ្យាល័យផងដែរ ។
សូមបញ្ជាក់ថា ការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប នៅឆ្នាំនេះ មានបេក្ខជនចូលរួមប្រឡងសរុបចំនួន ១១៤ ១៨៣នាក់ ក្នុងនោះមានស្រីចំនួន ៦៣៩៧នាក់ ។ ក្រសួងអប់រំបានរៀបចំជាមណ្ឌលសំណេរចំនួន ២០៤មណ្ឌល និងបែងចែកជា ៤៦១៦បន្ទប់ ៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសអាហារូបករណ៍ថ្នាក់អនុបណ្ឌិត បរិញ្ញាបត្រ និងបរិញ្ញាបត្ររង ១០០% ចំនួន២៣០កន្លែង ពី ស.ស.យ.ក. រាជធានីភ្នំពេញ
ព័ត៌មានអាហារូបករណ៍, ព្រឹត្តិការណ៍
• 27/09/2024
សហភាពសហព័ន្ធយុវជនកម្ពុជារាជធានីភ្នំពេញ (ស.ស.យ.ក. រាជធានីភ្នំពេញ) ក្រោមកិច្ចសហប្រតិបត្តិការជាមួយវិទ្យាស្ថានខ្មែរជំនាន់ថ្មី ផ្តល់ជូនអាហារូបករណ៍ថ្នាក់បរិញ្ញាបត្រជាន់ខ្ពស់ (អនុបណ្ឌិត) ចំនួន៣០កន្លែង ថ្នាក់បរិញ្ញាបត្រ និងថ្នាក់បរិញ្ញាបត្ររង ចំនួន...
ឱកាសអាហារូបករណ៍រដ្ឋាភិបាលចិន នៅសាកលវិទ្យាល័យ Shanghai Jiao Tong
ព័ត៌មានអាហារូបករណ៍, ព្រឹត្តិការណ៍
• 04/02/2026
សាកលវិទ្យាល័យ Shanghai Jiao Tong University (SJTU) ដែលជាគ្រឹះស្ថានសិក្សាដ៏ល្បីល្បាញលំដាប់កំពូលនៅក្នុងទីក្រុងស៊ាងហៃ ប្រទេសចិន កំពុងប្រកាសជ្រើសរើសនិស្សិតអន្តរជាតិ ដើម្បីទទួលអាហារូបករណ៍រដ្ឋាភិបាលចិន (CSC Type B)
ឱកាសសម្រាប់សិស្សថ្នាក់ទី១២ ដែលចង់ចូលរៀននៅសាកលវិទ្យាល័យ, អង្គការកុមារមេគង្គ ប្រកាសអាហារូបករណ៍ឆ្នាំ២០២៦-២០២៧
ព័ត៌មានអាហារូបករណ៍, ព្រឹត្តិការណ៍
• 24/12/2025
សម្រាប់ប្អូនៗសិស្សានុសិស្សដែលកំពុងរៀនថ្នាក់ទី១២ ក្នុងឆ្នាំសិក្សា២០២៥-២០២៦, អង្គការកុមារមេគង្គបានប្រកាសជ្រើសរើសនិស្សិតអាហារូបករណ៍
អាហារូបករណ៍សាច់ប្រាក់ពីធនាគារ Maybank សម្រាប់ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 26/03/2025
កម្មវិធីអាហារូបករណ៍ Maybank Scholarship Programme 2025 ប្រកាសផ្ដល់អាហារូបករណ៍សាច់ប្រាក់សម្រាប់និស្សិតដែលកំពុងសិក្សានៅសាកលវិទ្យាល័យមួយចំនួននៅព្រះរាជាណាចក្រកម្ពុជា។
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ពី British Wellcome Scholarships 2025
ព័ត៌មានអាហារូបករណ៍, ព្រឹត្តិការណ៍
• 27/05/2025
កម្មវិធីអាហារូបករណ៍ British Wellcome Scholarship 2025 ប្រកាសផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់ នៅសាកលវិទ្យាល័យផ្សេងៗក្នុងចក្រភពអង់គ្លេស។ អាហារូបករណ៍ផ្ដល់ជូនការសិក្សាពេញលេញ សម្រាប់និស្សិតអន្តរជាតិ...
ក្រសួងអប់រំជ្រើសរើសកុមារីចូលរួមប្រកួតកម្មវិធីតិចណូវេសិនកម្ពុជា ឆ្នាំ២០២៥
ព័ត៌មានអាហារូបករណ៍, ព្រឹត្តិការណ៍
• 09/01/2025
ក្រសួងអប់រំ យុវជន និងកីឡា ប្រកាសជ្រើសរើសសិស្សនារីអាយុពី៨ ដល់១៨ឆ្នាំ ចូលរួមប្រកួតកម្មវិធីតិចណូវេសិន កម្ពុជា ឆ្នាំ២០២៥ ដើម្បីបង្កើនបរិមាណក្មេងស្រីបញ្ចប់ការសិក្សាលើជំនាញកុំព្យូទ័រ ។ កម្មវិធីនេះ ជំរុញលើកទឹកចិត្តកុមារីឱ្យក្លាយជាអ្នកអភិវឌ្ឍកម្មវិធី...
អាហារូបករណ៍សិក្សាភាសាចិនរយៈពេល ១ ឆ្នាំ នៅសាកលវិទ្យាល័យ Yunnan Normal University
ព័ត៌មានអាហារូបករណ៍, ព្រឹត្តិការណ៍
• 26/01/2026
សាកលវិទ្យាល័យ Yunnan Normal University កំពុងផ្តល់អាហារូបករណ៍សម្រាប់វគ្គបណ្តុះបណ្តាលភាសាចិន ចំនួន ៣០ កន្លែង ដែលជាអាហារូបករណ៍បានចុះ MoU រវាងសាកលវិទ្យាល័យ និងសមាគមនិស្សិតកម្ពុជាប្រចាំ...
កម្មវិធីពិសេសរបស់ AMS EDUCATION
ព័ត៌មានសង្ខេប
