លោក ចៅ ដារិទ្ធ ៖ ការចូលជាសមាជិក​ ARC ASIA ជា​ឱកា​សសម្រាប់ស្ថាបត្យករខ្មែរ ក្នុងការសិក្សាស្រាវជ្រាវ និងបង្ហាញស្ថាបត្យកម្ម​កម្ពុជាទៅអន្តរជាតិ

សំឡេងត្រូវបានបង្កើតឡើងតាមរយៈប្រព័ន្ធបញ្ញាសិប្បនិម្មិត។

សមាគមស្ថាបត្យករខ្មែរ ត្រូវ​បានទទួលស្គាល់ និង​ដាក់បញ្ចូល​ជាសមាជិកពេញសិទ្ធិក្នុង​ក្រុមប្រឹក្សា​ស្ថាបត្យករ​ទ្វីបអាស៊ី ហៅកាត់ថា ARC Asia កាលពីថ្ងៃទី១៥ ខែមករា ឆ្នាំ២០២៥ ។ ការ​បោះជំហានទៅកាន់កម្រិតអន្តរជាតិនេះ នឹងផ្តល់ផលប្រយោជន៍​យ៉ាង​ច្រើន​សម្រាប់ស្ថាបត្យករខ្មែរ ដូចជាបង្កើតទំនាក់ទំនង ការសិក្សា​ស្រាវជ្រាវ ជាពិសេសគឺជា​ឱកាស​ក្នុង​ការ​បង្ហាញពីស្ថាបត្យកម្ម​របស់​ប្រទេស​កម្ពុជា ទៅកាន់អន្តរជាតិ។

លោក ចៅ ដារិទ្ធ ស្ថាបត្យករអាស៊ាន និងជាប្រធានផ្នែករដ្ឋបាល សមាគមស្ថាបត្យកម្មខ្មែរ​​ មានប្រសាសន៍ថា ARC ASIA ជាស្ថាប័ន​ ដែលពោពេញដោយស្ថាបត្យករដ៏មានកេរ្តិ៍ឈ្មោះល្បីល្បាញ​ និងបណ្ឌិតសាស្ត្រាចារ្យពូកែៗ​ ព្រមទាំងមានការចូលរួមពី​ សិស្ស និស្សិតស្ថាបត្យកម្មមកពីគ្រប់ទិសទី​។ ជារៀងរាល់ឆ្នាំប្រទេសរៀងៗ​ខ្លួន​ព្រមទាំង​ ARC ASIA ខ្លួនឯង​ បានរៀបចំកម្មវិធីសិក្ខាសាលា​គ្រប់ផ្នែកដែលទាក់ទងការអប់រំ និងការប្រកបវិជ្ជាជីវះស្ថាបត្យកម្ម​ ព្រមទាំងការប្រកួតប្រជែងស្នារដៃគម្រោងស្ថាបត្យកម្មដ៏ពោពេញដោយទេពកោសល្យ និងភាពឆ្នៃប្រឌិត​។ បើតាមលោក ដារិទ្ធ នេះជា​ឱកាស​ដ៏ធំ​សម្រាប់ស្ថាបត្យករ​កម្ពុជា តាមរយះសមាគមស្ថាបត្យករខ្មែរ​ ក្នុងការចូលរួមបង្កេីតទំនាក់ទំនង​ សិក្សារៀនសូត្រ​ ប្រកួតប្រជែង​ និងជាពិសេសបង្ហាញជូនដល់ស្ថាប័នអន្តរជាតិពីស្ថាបត្យករ និងស្ថាបត្យកម្មកម្ពុជា​។

តើវិស័យស្ថាបត្យកម្ម នឹង​រួមចំណែក​យ៉ាង​ណាក្នុងការលើកមុខមាត់ប្រទេសជាតិ?

លោក ចៅ ដារិទ្ធ មានប្រសាសន៍ថា ស្ថាបត្យកម្មតំណាងឱ្យរបៀបដែលយើងមើលឃើញខ្លួនយើងក៏ដូចជារបៀបដែលយើងមើលឃើញពិភពលោក។ នៅក្នុងប្រវត្តិសាស្រ្ត ស្ថាបត្យកម្មបានឈរជាតំណាង និងជាភស្តុតាងនៃសង្គម ដោយបានឆ្លុះបញ្ចាំងពីគុណតម្លៃ ពីភាពជោគជ័យ និងពីការថយ ឬដួលរលំចុះ នៃអរិយធម៌មួយតាមពេលវេលា។ មនុស្សបានកសាងប្រាសាទដ៏មហិមា កសាងទីកន្លែងដ៏អស្ចារ្យ កសាងលំនៅដ្ឋាន កសាងអគារដែលផ្តុំគ្នាបង្កើតជាតំបន់រស់នៅនៃទីក្រុង ដែលអាចឱ្យយល់បានពីកម្រិតរស់នៅរុងរឿង ឬអន់ថយទៅតាមសម័យកាលផ្សេងៗគ្នា ។

សម្រាប់ប្រទេសកម្ពុជា មានប្រវត្តិសាស្រ្ត និងកេរ្តិ៍​ដំណែលប្រាសាទបុរាណ ដែលជាភស្តុតាង​បញ្ជាក់ពីភាពរុងរឿង ទេពកោសល្យ ភាពប៉ិនប្រសព្វ វាងវៃ ឆ្នៃប្រឌិត របស់ជនជាតិខ្មែរ។ ក្នុងបរិបទដែលបរិស្ថាន សង្គម បច្ចេកវិជ្ជា និងសេដ្ឋកិច្ចនៅលើពិភពលោកមានការប្រែប្រួលខ្លាំង ហើយនឹងកាន់តែខ្លាំងក្លាថែមទៀតនៅថ្ងៃអនាគត ទាមទាឱ្យស្ថាបត្យករជំនាន់ថ្មីត្រូវតែមានភាពកាន់តែរស់រវើក និងកាន់តែប៉ិនប្រសព្វក្នុងការបង្កើតស្ថាបត្យកម្មដែលអាចបន្តរក្សាអត្តសញ្ញាណរបស់ខ្មែរ បន្ថែមនូវទស្សនះគំនិតថ្មីៗ ជួយទប់ស្កាត់ផលប៉ះពាល់ជាអវិជ្ជមានទៅលើបរិស្ថាន សម្របបានតាមការប្រែប្រួលទាំងឡាយ និងប្រកបដោយនិរន្តរភាពផងដែរ។ ហេតុនេះ​ គឺស្ថាបត្យករដែលចូលរួមលេីកកម្ពស់គុណភាពជីវិតរស់នៅ​ រក្សាអត្តសញ្ញាណជាតិ​ ព្រមទាំងស្វែងរកនឹងបង្កេីតអ្វីថ្មីៗ​ ឆ្លេីយតបទៅនឹងគោលដៅអភិវឌ្ឍន៍ប្រកបដោយភាពបៃតង​ និងចិរភាព​ នៅក្នុងពេលវេលាសហសម័យកាលនេះ​។

ចំពោះវិស័យស្ថាបត្យកម្មនៅ​កម្ពុជាបច្ចុប្បន្ន លោក ចៅ ដារិទ្ធ បានបង្ហាញពីមោទភាព ដោយថា វិស័យ​នេះ​បាន​បោះជំហានទៅមុខយ៉ាងឆាប់រហ័ស ហើយបច្ចុប្បន្ន​ស្ថាបត្យករ​កម្ពុជាមានសមត្ថភាពប្រហាក់ប្រហែល​ទៅ​នឹង​បណ្តា​ប្រទេស​ជិតខាង។ លោកថា ​បច្ចុប្បន្ន​ស្ថាបត្យករ​កម្ពុជាមួយ​ចំនួនអាច​ធ្វើ​កិច្ច​សហប្រតិបត្តិការ​ស្មើរភាពគ្នា​ជាមួយស្ថាបត្យករ​បរទេស​ក្នុងការសិក្សា​គម្រោងប្លង់​ស្ថាបត្យកម្មធំៗ។

បើតាមលោក ដារិទ្ធ បច្ចុប្បន្ន​វិស័យ​ស្ថាបត្យកម្ម​កម្ពុជា កំពុង​ទទួលបាន​ការ​ទទួលស្គាល់នៅ​លើឆាកអន្តរជាតិជា​បន្តបន្ទាប់ ហើយលោករំពឹងថា ការ​រួបរួមគ្នា និង​ការ​ខិតខំ​ប្រឹងប្រែងទាំងអស់គ្នា នឹងជួយ​ឱ្យ​វិស័យ​ស្ថាបត្យកម្ម​កម្ពុជា មានកិត្តិស័ព្ទរុងរឿងលើឆាកអន្តរជាតិ​ក្នុងពេល​ឆាប់ៗ​ខាងមុខនេះជាក់ជាមិនខាន។

គួរ​បញ្ជាក់ថា សមាគមស្ថាបត្យករខ្មែរ គឺជាសមាគមវិជ្ជាជីវះ​ ដើម្បីលើក​កម្ពស់កម្រិតសមត្ថភាព​ស្ថាបត្យករ និងវិស័យស្ថាបត្យកម្មនៅប្រទេសកម្ពុជា​ ទាំងក្នុងការអប់រំនិងការប្រកបវិជ្ជាជីវះស្ថាបត្យកម្ម​។ សមាគមនេះ មានបេសកកម្ម​គាំទ្រ លេីកកម្ពស់​ កសាងសមត្ថភាព​ស្ថាបត្យករ​ និងការផ្តល់សេវាកម្មស្ថាបត្យកម្មប្រកបដោយសីលធម៌​ វិជ្ជាជីវះ​ និងគុណភាពខ្ពស់​៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រសួងអប់រំជ្រើសរើសគ្រូបង្រៀនមធ្យមសិក្សា ៥០០នាក់ ដើម្បីបណ្តុះបណ្តាលក្នុងកម្មវិធីលើក​កម្ពស់គុណវុឌ្ឍិគ្រូបង្រៀន ជំនាន់ទី១

ព័ត៌មានអាហារូបករណ៍, ព្រឹត្តិការណ៍

• 06/04/2026

ក្រសួងអប់រំ យុវជន និងកីឡា កំពុងប្រកាសជ្រើសរើស​លោកគ្រូ អ្នកគ្រូ នៃគ្រឹះស្ថាន​មធ្យមសិក្សា​ចំណេះទូទៅ​ក្នុង​សាលា​គោលដៅ និង​សាលា​ទទួលផលជះ នៃគម្រោង​កែលម្អការ​អប់រំចំណេះទូទៅ (GEIP និងGEIP-AF)

អាហារូបករណ៍សិក្សាជំនាញផលិតភាពយន្តឯកសារ និងពហុប្រព័ន្ធផ្សព្វផ្សាយ ពីមជ្ឈមណ្ឌលបុប្ផាណា

ព័ត៌មានអាហារូបករណ៍, ព្រឹត្តិការណ៍

• 28/05/2025

មជ្ឈមណ្ឌលធនធានសោតទស្សន៍បុប្ផាណា ប្រកាសជ្រើសរើសសិស្សដែល​ចង់សិក្សាជំនាញផលិតភាពយន្ត និងពហុប្រព័ន្ធផ្សព្វផ្សាយ ក្នុងវគ្គបណ្ដុះបណ្ដាលផ្នែកផលិតភាពយន្តឯកសារ និងពហុប្រព័ន្ធផ្សព្វផ្សាយក្រោមការឧបត្ថម្ភពីមូនិធិហេនរីលូស៍...

ឪពុកម្ដាយគួរដឹង! របៀបដោះស្រាយភាពតានតឹងផ្លូវចិត្តរបស់កុមារ

ព័ត៌មានអាហារូបករណ៍, ព្រឹត្តិការណ៍

• 26/07/2024

ភាពតានតឹងចិត្តមិនកើតមានឡើងចំពោះតែមនុស្សធំនោះទេ វាក៏អាចកើតមានចំពោះកុមារដែរ។ នៅពេលកូន ឬកុមារមានភាពតាមតឹងចិត្ត តើឪពុកម្ដាយធ្វើបែបណា? ខាងក្រោមនេះ ជារៀបដោះស្រាយភាពតានតឹង...

វិទ្យាស្ថានពហុបច្ចេកទេស​ភូមិភាគ​តេជោសែនស្វាយរៀង ជ្រើសរើស​សិក្ខាកាមរៀនជំនាញអគ្គិសនី និងកាមេរ៉ាសុវត្ថិភាព

ព័ត៌មានអាហារូបករណ៍, ព្រឹត្តិការណ៍

• 29/09/2023

ជាឱកា​សសម្រាប់យុវជន យុវនារី កម្មករ កម្មការិនី ដែលបាត់បង់​ឱកាស​ការងារ​នៅ​តាម​រោងចក្រ សហគ្រាសនានា និង​គ្មានការងារធ្វើ, ពេលនេះ វិទ្យាស្ថាន​ពហុបច្ចេកទេស​ភូមិ​ភាគ​តេជោ​សែនស្វាយរៀង ប្រកាស​ជ្រើសរើស​សិក្ខាកាម...

អាហារូបករណ៍បរិញ្ញាបត្រជាន់ខ្ពស់នៅសាកលវិទ្យាល័យ Oxford ពីកម្មវិធី St Cross College Scholarship 2024

ព័ត៌មានអាហារូបករណ៍, ព្រឹត្តិការណ៍

• 18/10/2023

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកវិទ្យាល័យ Oxford ពីកម្មវិធីអាហារូបករណ៍ St Cross College Scholarship 2024...

ឡាវ ​ផ្តល់​អាហារូបករណ៍​ថ្នាក់​បរិញ្ញាបត្រ ​១៥​ កន្លែង​ ដល់​និស្សិត​កម្ពុជា​

ព័ត៌មានអាហារូបករណ៍, ព្រឹត្តិការណ៍

• 29/07/2026

​សាធារណរដ្ឋ​ប្រជាធិបតេយ្យ​ប្រជាមានិត​ឡាវ ​បាន​ប្រកាស​ផ្តល់​អាហារូបករណ៍​ថ្នាក់​បរិញ្ញាបត្រ​ចំនួន​ ​១៥​ កន្លែង​ ដល់​និស្សិត​កម្ពុជា​ ​ទៅ​សិក្សា​លើ​ ​៧​មុខជំនាញ​ខុស​ៗ​គ្នា​ក្នុង​ឆ្នាំ​សិក្សា​២០២៦​-​២០២៧​។​

នូវែលសេឡង់ ជ្រើសរើសមន្ត្រីរាជការកម្ពុជា ៤ រូប សិក្សាវគ្គបណ្ដុះបណ្ដាលខ្លី ក្រោមប្រធានបទ “Public Health Management ASEAN Online 2026”

ព័ត៌មានអាហារូបករណ៍, ព្រឹត្តិការណ៍, អាហារូបករណ៍

• 07/07/2026

នូវែលសេឡង់ នឹងជ្រើសរើសមន្ត្រីរាជការកម្ពុជា ៤ រូប សិក្សាវគ្គបណ្ដុះបណ្ដាលរយៈពេលខ្លី ក្រោមប្រធានបទ "Public Health Management ASEAN Online 2026"

ឱកាសអាហារូបករណ៍ថ្នាក់បរិញ្ញាបត្រ និងថ្នាក់ក្រោយ​ឧត្តមសិក្សា​ចំនួន១២០កន្លែងនៅ​សាធារណរដ្ឋសង្គមនិយម​វៀតណាម ឆ្នាំ​សិក្សា​២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 04/04/2023

រសួងអប់រំយុវជន និង​កីឡា កាលពីពេលថ្មីៗនេះ បានប្រកាសជ្រើសរើស​និស្សិត​អាហារូបករណ៍​ថ្នាក់​ក្រោយ​ឧត្តមសិក្សា និង​ប្រឡង​ជ្រើសរើស​និស្សិត​អាហារូបករណ៍...

ក្រុមហ៊ុន Microsoft ប្រកាសផ្ដល់ការសិក្សាវគ្គខ្លី​​ជំនាញព័ត៌មានវិទ្យា​ឥតគិតថ្លៃតាមរយៈ Online

ព័ត៌មានអាហារូបករណ៍, ព្រឹត្តិការណ៍

• 04/12/2025

ឱកាសសិក្សាវគ្គខ្លីតាម Online ពីក្រុមហ៊ុន Microsoft សម្រាប់ឆ្នាំសិក្សា២០២៦ ក្នុងផ្នែកព័ត៌មានវិទ្យា។ អាហារូបករណ៍ផ្ដល់ការសិក្សាដល់និស្សិតអន្តរជាតិជាច្រើនកន្លែង និងមានភាពបត់បែនទៅពេលវេលាសិក្សារបស់បេក្ខជន។



អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *