ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ផលនៃអំណានជាចំណីសម្រាប់ខួរក្បាល ក្នុងការអភិវឌ្ឍន៍និងបង្កើនមូលដ្ឋានគំនិត និងជំនាញនៅក្នុងសកម្មភាពរស់នៅប្រចាំថ្ងៃ។ ទម្លាប់អានសៀវភៅ ត្រូវបានគេឲ្យតម្លៃខ្ពស់ ព្រោះអាចជួយឲ្យអ្នកអានបង្កើនចំណេះដឹងថ្មីៗបន្ថែម។
នៅក្នុងបរិបទនៃការរីករាលដាលជាសកលជំងឺផ្លូវដង្ហើម Covid-19 តើយើងគួរបង្កើតទម្លាប់អានដែរឬទេ? តើអ្នកអាន គួរតែបន្តទម្លាប់អានរបស់ខ្លួនដែរឬទេ?
ជាក់ស្ដែងកំឡុងពេលនេះ មានមនុស្សច្រើនណាស់ប្រឈមមុខជាមួយនឹងបម្លាស់ប្ដូរផ្សេងៗនៅក្នុងជីវិតប្រចាំថ្ងៃ។ ទន្ទឹមគ្នានេះ មានមនុស្សជាច្រើនបានចំណាយពេលសិក្សា និងធ្វើការងារពីផ្ទះ ដើម្បីកាត់បន្ថយការរីករាលដាលជំងឺកូវីដ-19។ ស្ថានភាពនេះ ពួកគេចំណាយពេលវេលាស្ទើរតែមួយថ្ងៃពេញ ជាមួយនឹងអេក្រង់ទូរស័ព្ទ កុំព្យូទ័រ និងឧបករណ៍អេឡិចត្រូនិចផ្សេងៗ ដែលអាចបណ្តាលឲ្យប៉ះពាល់ដល់សុខភាពផ្លូវកាយ និងផ្លូវចិត្តផងដែរ។
ទោះយ៉ាងណាក៏ដោយ ដំណោះស្រាយដ៏ល្អគឺបង្កើតអានសៀវភៅ។ ឆ្លៀតពេលសម្រាកពីការសិក្សា និងការងារ អ្នកគួរចំណាយពេលមកចាប់យកសៀវភៅល្អៗ ដែលអាចផ្ដល់អត្ថប្រយោជន៍ជាច្រើនដល់អ្នក។
ការអានសៀវភៅ បែបប្រលោមលោក និងសៀវភៅបែបនិពន្ធជាដើម អាចនាំអ្នកអានទៅកាន់ស្ថានការណ៍ ឬពិភព មួយទៀតដែលអ្នកនិពន្ធប្រឌិតឡើងនៅក្នុងសាច់រឿង។ អ្នកនិពន្ធបង្កើតពិភពស្រមើស្រមៃមួយ ដែលអ្នកអានអាចទៅដល់ និងអាចសម្រាកពីបញ្ហានានាដែលកើតមាននៅក្នុងតថភាពជាក់ស្ដែង។ ការអាន ដូចជាការធ្វើសម្មាធិចិត្ត និងអារម្មណ៍ ដែលអាចធ្វើឲ្យអ្នកអានបង្កើតនូវសេចក្ដីស្ងប់បាន។
លើសពីនេះទៅទៀត ការអានអាចបង្កើនចំណេះ អភិវឌ្ឍគំនិត និងភាពច្នៃប្រឌិតឥតឈប់ឈរ។ នៅពេលដែលអានសៀវភៅ អ្នកនឹងជួបរឿងរ៉ាវថ្មីៗ ដែលអ្នកមិនធ្លាប់ដឹង ដែលរឿងរ៉ាវទាំងនោះសុទ្ធសឹងតែជាអត្ថប្រយោជន៍ដែលអាចជួយអ្នកក្នុងការបង្កើតគំនិតច្នៃប្រឌិតថ្មីៗ ឬអាចជួយសម្រួលដល់ការសិក្សា ក៏ដូចជាជីវិតរស់នៅប្រចាំថ្ងៃរបស់អ្នក។
ទាក់ទងនឹងការអាននេះដែរ លោក ប៊ួយ សុធន ជាទីប្រឹក្សាជាន់ខ្ពស់នៃគ្រឹះស្ថានបោះពុម្ពផ្សាយ My Bookshop Cambodia ក៏បានលើកឡើងដែរថា អត្ថប្រយោជន៍នៃការអានសៀវភៅ អាចជួយឲ្យអ្នកអាន បំបាត់ភាពធុញថប់ពីការសំងំនៅតែក្នុងផ្ទះ ដើម្បីគេចពីការរាតត្បាតនៃជំងឺកូវីដនេះ។
លោកមានប្រសាសន៍បន្តថា ការអានសៀវភៅនៅពេលនេះ គឺពិតជាល្អ ព្រោះមនុស្សភាគច្រើននៅផ្ទះមិនសូវចេញទៅក្រៅ។ ការចំណាយពេលលើការអានសៀវភៅ ធ្វើឲ្យចំណេះដឹងកើនឡើងបាន។
លោកក៏បានបន្ថែមទៀតថា៖
“នៅផ្ទះពិតមែន តែចំណេះដឹងនៅតែកើន ហើយផ្លូវចិត្តក៏មិនសូវធុញថប់ ទោះបីជាស្នាក់នៅក្នុងផ្ទះយូរ មិនសូវបានចេញទៅណា”
លោក ប៊ួយ សុធន
ចំណែកយុវជន សន តុលា ដែលជានិស្សិតកំពុងសិក្សាថ្នាក់បរិញ្ញាបត្រ នៅសាកលវិទ្យាល័យភូមិន្ទភ្នំពេញ ក៏បានលើកឡើងពីគុណប្រយោជន៍នៃការអានសៀវភៅដែរ។ លោកយល់ថា ទម្លាប់អានសៀវភៅជួយឲ្យអ្នកអានមានគំនិតសុទិដ្ឋិនិយមក្នុងការរស់នៅ។
តុលា បានលើកឡើងថា៖
“មនុស្សមួយចំនួនបានទទួលពត៌មានមិនពិតពីអ្នកចែកចាយក្នុងបណ្ដាញសង្គម ហើយក៏ចាប់ផ្ដើមភ័យបាក់ស្បាតពីបញ្ហាជំងឺកូវីដ19 នេះ។ ផ្ទុយទៅវិញបើពួកគាត់យកពេលវេលាទាំងអស់នោះ ចំណាយទៅលើការអានសៀវភៅ វានឹងអាចជួយពួកគាត់បានច្រើន”
យុវជន សន តុលា
ដោយសារតែការអានផ្ដល់អត្ថប្រយោជន៍ជាច្រើន ដូចនេះហើយអ្នកអាន មិនថាក្មេង ចាស់ ប្រុស ស្រីទេ ជាពិសេសយុវជន ដែលជាសរសរទ្រូងប្រទេសជាតិ គួរជួយជំរុញគ្នាបង្កើតវប្បធម៌អំណាន និងណែនាំគ្នាសៀវភៅល្អៗ សម្រាប់អាន ដើម្បីជម្រុញការអភិវឌ្ឍន៍ខ្លួនប្រកបដោយប្រសិទ្ធភាព និងរក្សាចិត្តគំនិតរឹងមាំល្អ ទោះស្ថិតក្នុងស្ថានភាពនៃការរាតត្បាតជំងឺកូវីដ19 នេះក៏ដោយ៕
ជីវប្រវត្តិ: កញ្ញា សៅ សុធារ៉ា កំពុងសិក្សាផ្នែកប្រព័ន្ធផ្សព្វផ្សាយនិងសារគមនាគមន៍ នៅសាកលវិទ្យាល័យភូមិន្ទភ្នំពេញ។ កញ្ញាធ្លាប់ជាអ្នកសរសេរអត្ថបទជាភាសាខ្មែរ និងបកប្រែឲ្យស្ថាប័នឯកជនមួយកន្លែង។ បច្ចុប្បន្ន សុធារ៉ា ជាអ្នកយកការព័ត៌មានអប់រំឲ្យសារព័ត៌មាន AMS Education។
របាយការណ៍សំខាន់
ព័ត៌មានទូទៅ
អ.វ.ត.ក. រៀបចំពិព័រណ៍សៀវភៅ ចំទិវាជាតិ នៃការចងចាំ ២០ឧសភា ដើម្បីលើកកម្ពស់ការចងចាំ និងយុត្តិធម៌ក្នុងប្រវត្តិសាស្រ្តឈឺចាប់របស់កម្ពុជា
សាលានៅកម្ពុជាបង្រៀនកុមារពីតំបន់គំនរសំរាម ឈ្នះពានសាលាឈានមុខគេលើពិភពលោកផ្នែក STEM
កិច្ចសន្ទនាទស្សនាវដ្ដីសហសម័យកម្ពុជា ២០២៦ ជំរុញយុវជន កម្ពុជា-ចិន ផ្លាស់ប្ដូរការយល់ដឹងជាសកល និងបង្កើនសមត្ថភាពជាអ្នកដឹកនាំជំនាន់ក្រោយ
ឯកឧត្តម ហង់ជួន ណារ៉ុន បង្ហាញពីការធ្វើកំណែទម្រង់ប្រព័ន្ធអប់រំកម្រិតមូលដ្ឋានរបស់កម្ពុជា ក្នុងវេទិកា Education World Forum 2026
យុវតីឆ្នើម៣រូប ឈ្នះការប្រកួតគំនូរ «Dream Girls» ជំនាន់ទី១៣ ដើម្បីលើកស្ទួយផលិតផលខ្មែរ
វិធីសាស្ត្រ ៩យ៉ាង ដើម្បីគ្រប់គ្រង និងកាត់បន្ថយភាពឯកោ
កូរ៉េប្រកាសជ្រើសរើសបេក្ខភាពឱ្យទៅចូលរួមកម្មវិធី K-POP as Global Cultural Industry
ក្រសួងអប់រំ ពិនិត្យលទ្ធភាពបញ្ចូលការសិក្សាភាសាចិននៅតាមសាកលវិទ្យាល័យ ជាផ្នែកនៃការធ្វើអន្តរជាតូបនីយកម្មឧត្តមសិក្សាកម្ពុជាទៅក្នុងតំបន់ និងអន្តរជាតិ
ឯកឧត្តម ហង់ជួន ណារ៉ុន ៖ ការពង្រីកសេវាអប់រំកុមារតូច គឺជាមូលដ្ឋានគ្រឹះយុទ្ធសាស្ត្រសម្រាប់ការអភិវឌ្ឍជាតិ
ឯកឧត្តម សេរី ជំនះ ៖ “ការងារស្ម័គ្រចិត្ត គឺជាសាលារៀនជីវិតដ៏អស្ចារ្យ សម្រាប់យុវជន”
កម្មវិធីពិសេសរបស់ AMS EDUCATION
ព័ត៌មានសង្ខេប
