ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្មេងស្រីអាយុ ៩ឆ្នាំ នៅទីក្រុងប៉ារីស បានធ្វើឱ្យប្រព័ន្ធអប់រំរបស់ប្រទេសបារាំង មានការភ្ញាក់ផ្អើលយ៉ាងខ្លាំង ដោយរូបគេ បានក្លាយជាមនុស្សវ័យក្មេងបំផុត ដែលបានធ្វើតេស្តប្រឡងជាប់បាក់ឌុប ដែលជាធម្មតា សញ្ញាបត្រនេះតម្រូវឱ្យមនុស្សនៅអាយុ ១៧ ឬ១៨ឆ្នាំប្រឡង។
ក្មេងស្រីរូបនេះបានប្រឡងជាប់ជាបេក្ខជនឯករាជ្យផ្នែកគណិតវិទ្យា និងរូបវិទ្យា-គីមីវិទ្យា ដែលវាបានបង្កើតកំណត់ត្រាថ្មីមួយ ធ្លាប់ធ្វើឡើងដោយ Arthur Ramiandrisoa ដែលបានប្រឡងជាប់នៅអាយុ ១១ឆ្នាំ នៅខែ វិច្ឆិកា ឆ្នាំ១៩៨៩។
ជាមួយនឹងការមិនបង្ហាញឈ្មោះ ក្រសួងអប់រំរបស់បារាំង បានឱ្យដឹងថា ក្មេងស្រីនេះ កើតនៅប្រទេសបារាំង បច្ចុប្បន្នមានសញ្ជាតិ Grenadian និងកំពុងសិក្សានៅទីក្រុងឌូបៃ។ យោងតាមកាសែត Franceinfo បានរាយការណ៍ថា នៅអាយុរបស់នាង ជាធម្មតានាងត្រូវសិក្សានៅកម្រិត CM1 ដែលស្មើនឹងថ្នាក់ទី៤។
ភាពជោគជ័យរបស់កុមារីរូបនេះ ត្រូវបានគាំទ្រដោយ Isoset ជាក្រុមអប់រំ ដែលអនុវត្តវិធីសាស្ត្ររៀនបង្កើនល្បឿន Aleph ដែលបានជួយសិស្សដទៃទៀត ឱ្យប្រឡងជាប់បាក់ឌុប នៅត្រឹមអាយុ ១២ឆ្នាំ។
លទ្ធផលនេះ បានជំរុញឱ្យមានការកោតសរសើរ ប៉ុន្តែក៏មានការជជែកដេញដោលជាច្រើនពីសំណាក់សាធារណជន។ អ្នកអប់រំខ្លះបារម្ភថា ការបង្កើនល្បឿនខ្លាំងបែបនេះ អាចប៉ះពាល់ដល់ការអភិវឌ្ឍផ្លូវចិត្តកុមារ។
យោងតាមក្រសួងអប់រំបានឱ្យដឹងថា នៅឆ្នាំនេះ អត្រាអ្នកប្រឡងជាប់បាក់ឌុបក្នុងប្រទេសបារាំង មានរហូតដល់ ៩១,៨% ក្នុងចំណោម បេក្ខជនជាង ៧២ម៉ឺននាក់៕
