ភ្នំពេញ៖ កម្មវិធីអភិវឌ្ឍសមត្ថភាពយុវជន BOOTCAMP 2021 មានឈ្មោះជាផ្លូវការថា យុវជន២១ រៀបចំឡើងក្រោមប្រធានបទសហគ្រិនឌីជីថល ដោយបណ្តុះបណ្តាល និងអភិវឌ្ឍសមត្ថភាពយុវជនកម្ពុជាឱ្យមានបំណិនរៀបចំគម្រោងអាជីវកម្មបែបឌីជីថល និងប្រើប្រាស់បំណិនឌីជីថលដើម្បីដោះស្រាយបញ្ហា (Digital Resolutions) និងបង្កើតអាជីវកម្មក្នុងបរិបទថ្មី ។ កម្មវិធីអភិវឌ្ឍយុវជននេះបានប្រកួតប្រជែងវគ្គទីមួយកាលពីថ្ងៃទី២៨-២៩ ខែឧសភា ឆ្នាំ២០២១។
លោក ឯម ពិសិដ្ឋ សាស្ត្រាចារ្យ និងគណៈកម្មការរៀបចំកម្មវិធីយុវជន២១ នៃក្រសួងអប់រំ យុវជន និងកីឡា បានមានប្រសាសន៍ថា BOOTCAMP 2021 ធ្វើឡើងក្រោមប្រធានបទសហគ្រិនឌីជីថល បង្ហាញការផ្លាស់ប្តូរផ្នត់គំនិតកម្ពុជាឱ្យងាកមកចាប់យកអាជីវកម្មឌីជីថល រួមចំណែកអនុវត្តគោលនយោបាយស្តីពីសេដ្ឋកិច្ចឌីជីថល។
លោក ឯម ពិសិដ្ឋ បានបន្ថែមថា យុវជនដែលបានចូលរួមប្រកួតក្នុងកម្មវិធីនេះ ក្រុមយុវជនទទួលបានជ័យលាភីចុងក្រោយនឹងទទួលបានពានរង្វាន់ថ្នាក់ជាតិស្តីពីយុវសហគ្រិនឌីជីថល និងទឹកប្រាក់ឧបត្ថម្ភសម្រាប់ធើ្វជាដើមទុនវិនិយោគលើគម្រោងអាជីវកម្មរបស់ខ្លួន។ ទន្ទឹមគ្នានេះយុវជនទទួលបានការបណ្តុះបណ្តាលឱ្យក្លាយជាធនធានសហគ្រិនវ័យក្មេង ដែលមានគំនិតច្នៃប្រឌិត នវានុវត្តន៍ ភាពជាអ្នកដឹកនាំ និងការប្រើប្រាស់ឌីជីថលសម្រាប់ដោះស្រាយបញ្ហា។
សម្រាប់ឆ្នាំ២០២១ នេះ កម្មវិធីបានតម្រង់ទិសនិងបណ្ដុះគំនិតអាជីវកម្មដល់យុវជនចំនួន ១១០នាក់ មកពីសាកលវិទ្យាល័យចំនួន១៣ផ្សេងគ្នា តាមរយៈ Google Meet និងផ្សាយបន្តផ្ទាល់តាមបណ្តាញព័ត៌មានសង្គម។ ក្រុមនីមួយៗចូលរួមប្រកួតកំពុងខិតខំបង្ហាញសមត្ថភាព និងឆន្ទៈរៀបចំគម្រោងអាជីវកម្មបែបឌីជីថលតាមកិច្ចការស្រាវជ្រាវដែលកម្មវិធីបានផ្ដល់ជូន ។
កម្មវិធីអភិវឌ្ឍសមត្ថភាពយុវជន BOOTCAMP 2021 ផ្តួចផ្តើមគំនិតដោយឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្រ្តីក្រសួងអប់រំ យុវជន និងកីឡាក្នុងគោលបំណងប្រែអភិវឌ្ឍសមត្ថភាពយុវជនកម្ពុជាឱ្យមានសមត្ថភាពដោះបញ្ហាប្រឈមនៅក្នុងបរិបទឌីជីថល (Digital Resolutions) និងបដិវត្តឧស្សាហកម្ម ៤.០ ដែលយុវជនត្រូវមានជំនាញនិងបំណិនជីវិត ទាំងវិជ្ជាសម្បទា បំណិនសម្បទា និងចរិយាសម្បទា។
គួររំលឹកថា កម្មវិធីយុវជន២១ មានរយៈពេលប្រាំមួយខែ និងផ្តល់ការបណ្តុះបណ្តាលយុវជនជាក់ស្តែងជាមួយវាគ្មិន សាស្រ្តាចារ្យ និងអ្នកឯកទេសរយៈពេល១២ថ្ងៃ ចែកចេញជាបួនវគ្គ ព្រមទាំងតម្រូវឱ្យចុះកម្មសិក្សាជាមួយសហគ្រាសឯកជនដែលកំពុងធើ្វអាជីវកម្មឌីជីថល ដោយសរសេរគម្រោងអាជីវកម្មជាក់លាក់ ដើម្បីប្រកួតប្រជែងដណ្តើមជ័យលាភីរបស់ក្រសួងអប់រំ យុវជន និងកីឡា៕
កញ្ញា វ៉ាន គីមសល់ ជាអ្នករាយការណ៍ព័ត៌មានអប់រំឱ្យបណ្ដាញសារព័ត៌មាន AMS Education ។
របាយការណ៍ថ្មី
មើលទាំងអស់ ➧គន្លឹះគ្រប់គ្រងពេល ២៤ម៉ោងផ្ទាល់ខ្លួនបានត្រឹមត្រូវ បញ្ជៀសទំនាស់និងបង្កើនគុណភាពជីវិត
បទយកការណ៍, ព័ត៌មានជាតិ និងអន្តរជាតិ, ព័ត៌មានអន្តរជាតិ
• 15/12/2023
មនុស្សមានទំនាស់ពីរប្រភេទ គឺទំនាស់ក្នុងខ្លួន និងទំនាស់ក្រៅខ្លួន ។ ទំនាស់ក្នុងខ្លួនជាអាកប្បកិរិយាទាស់ទែងនឹងឥរិយាបថ ...
ព័ត៌មានទូទៅ
មើលទាំងអស់ ➧អាហារូបករណ៍សិក្សាថ្នាក់ក្រោយឧត្ដមសិក្សានៅប្រទេសសិង្ហបុរីពីកម្មវិធីអាហារូបករណ៍ SASEAF
ព័ត៌មានអាហារូបករណ៍, ព្រឹត្តិការណ៍
• 26/07/2023
ឱកាសសិក្សាអាហារូបករណ៍ថ្នាក់ក្រោយឧត្ដមសិក្សានៅប្រទេសសិង្ហបុរីពីកម្មវិធីអាហារូបករណ៍ SG Academies South-East Asia Fellowship ឬ SASEAF សម្រាប់បេក្ខជនពីប្រទេសមាជិកអាស៊ានសម្រាប់ឆ្នាំសិក្សា២០២៣
មូលនិធិព្រីនស៍ ផ្តល់ជូនអាហារូបករណ៍ ចេន ហ្ស៊ី ជំនាន់ទី៣ ដល់និសិ្សតចំនួន ១០០នាក់ ជាសសរទ្រូងនៃការរីកចម្រើនរបស់កម្ពុជា
ព័ត៌មានអាហារូបករណ៍, ព្រឹត្តិការណ៍
• 20/03/2024
នៅក្នុងដំណើរឆ្ពោះទៅរកការពង្រឹងវិស័យអប់រំ ថ្មីៗនេះ មូលនិធិព្រីនស៍ ជាមូលនិធិមនុស្សធម៌នៃសម្ព័ន្ធក្រុមហ៊ុន ព្រីនស៍ ហូលឌីង គ្រុប បានរៀបចំពិធីប្រគល់ អាហារូបករណ៍ ចេន ហ្ស៊ី ជំនាន់ទី៣ ជូនដល់សិស្សនិស្សិត។
គន្លឹះទាំង៥ដើម្បីត្រៀមខ្លួនក្នុងការសម្ភាសន៍អាហារូបករណ៍ Chevening
ព័ត៌មានអាហារូបករណ៍, ព្រឹត្តិការណ៍
• 14/08/2023
វគ្គសម្ភាសន៍ជាដំណាក់កាលសំខាន់មួយក្នុងចំណោមវគ្គផ្សេងៗនៃការដាក់ពាក្យអាហារូបករណ៍គ្រប់ប្រភេទទាំងក្នុងប្រទេស និងក្រៅប្រទេស ។ បេក្ខជនជាច្រើនបានបាត់បង់ឱកាសទទួល...
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតចំនួន៥០០កន្លែងពីកម្មវិធីអាហារូបករណ៍ ANSO ប្រទេសចិន
ព័ត៌មានអាហារូបករណ៍, ព្រឹត្តិការណ៍
• 07/02/2024
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីកម្មវិធីអាហារូបករណ៍ ANSO ចំនួន៥០០កន្លែងសិក្សានៅសាកលវិទ្យាល្បីៗក្នុងប្រទេសចិនឆ្នាំសិក្សា២០២៤។...
អាហារូបករណ៍អាស៊ានសិស្សថ្នាក់វិទ្យាល័យសម្រាប់ប្រទេសកម្ពុជា-សឹង្ហបុរី ឆ្នាំ២០២៤
ព័ត៌មានអាហារូបករណ៍, ព្រឹត្តិការណ៍
• 13/02/2024
ឱកាសសិក្សាអាហារូបករណ៍អាស៊ានសម្រាប់សិស្សវិទ្យាល័យសិក្សានៅប្រទេសសឹង្ហបុរីឆ្នាំសិក្សា២០២៤។ អាហារូបករណ៍ផ្ដល់ជូនសម្រាប់សិស្សកម្ពុជាដែលកំពុង...
ក្រសួងអប់រំជ្រើសរើសនិស្សិតអាហារូបករណ៍នៅសិក្សានៅប្រទេសថៃសម្រាប់ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 20/12/2023
ក្រសួងអប់រំ យុវជន និងកីឡា ប្រកាសប្រឡងអាហារូបករណ៍ជ្រើសរើសសិស្ស និស្សិត និងមន្ត្រីរាជធការកម្ពុជាទៅសិក្សានៅប្រទេសថៃក្រោមអាហារូបករណ៍ ព្រះអង្គម្ចាស់ក្សត្រីយ័មហាចក្រីសិរិថន។ អាហារូបករណ៍...
អាហារូបករណ៍៥០កន្លែងទៅសិក្សានៅប្រទេសឥណ្ឌា សម្រាប់ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 28/03/2023
កម្មវិធីអាហារូបករណ៍ ICCR Scholarships បានប្រកាសផ្តល់អាហារូបករណ៍ចំនួន៥០កន្លែងសម្រាប់សិស្សនិស្សិតកម្ពុជា ទៅសិក្សានៅប្រទេសឥណ្ឌា ...