ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ៖ បន្ទាប់ពីព្រឹត្តិការណ៍សហគមន៍ ២០កុម្ភៈបានផ្ទុះឡើង រហូតមកដល់ពេលនេះករណីឆ្លងរីករាលដាលជំងឺកូវីដ-១៩ ក្នុងសហគមន៍បន្តមានជាហូរហែរ ព្រមទាំងបានបង្ខំចិត្តឱ្យអាជីវកម្មមួយចំនួនផ្អាក់ដំណើរការបណ្តោះអាសន្ន មនុស្សម្នាផ្អាក់រាល់ការជួបជុំ ឯការធ្វើដំណើរនៅតាមផ្លូវសាធារណៈក៏មានសភាពស្ងប់ស្ងាត់ជាងថ្ងៃធម្មតា។ អ្នកប្រកបរបរដឹកអ្នកដំណើរតាមកង់បី (តុកតុក) មួយចំនួននៅរាជធានីភ្នំពេញ បានលើកឡើងថា ឥទ្ធិពលជំងឺកូវីដបង្រៀនពួកគាត់ឱ្យប្រុងប្រយ័ត្នគិតពីសុវត្ថិភាពសុខភាពផ្ទាល់ខ្លួន និងសុវត្ថិភាពអតិថិជនបានប្រសើរជាងមុខ។
លោក សោម សារិទ្ធ ជាអ្នករត់កង់ម្នាក់នៅរាជធានីភ្នំពេញ បាននិយាយថា៖
“ខ្ញុំខ្លាចជំងឺកាចសាហាវមួយនេះ ប៉ុន្តែធ្វើយ៉ាងណាបើនេះជាជីវភាព ដើម្បីចិញ្ចឹមក្រពះ ខ្ញុំត្រូវតែបន្តសកម្មភាពការងារ ចិត្តវិញចេះតែភ័យព្រួយហើយ តែយ៉ាងណាក៏ដោយយើងត្រូវចេះការពារខ្លួនឯងឱ្យបានល្អ”
អ្នករត់កង់បីវ័យសែសិបឆ្នាំរូបនេះ បានបន្តទៀតថា ដើម្បីបញ្ជៀសការឆ្លងកូវីដ-១៩ លោកតែងពាក់ម៉ាស់រាល់ពេលដឹកអតិថិជន លាងសម្អាតដៃមុននឹងក្រោយពេលទទួលលុយពីអតិថិជន និងសម្អាតកង់បីរបស់ខ្លួនជានិច្ច។
“ខ្ញុំត្រៀមម៉ាស់ ទឹកអាល់កុលលាងដៃ និងប្រុងប្រយ័ត្នជានិច្ច ការពារសុវត្ថិភាពខ្លួនឯង និងអតិថិជន… បើនិយាយចំណូលវិញធ្លាក់ចុះខ្លាំងគួរសមដែរមួយរយៈនេះ”
ទន្ទឹមនឹងគ្នានេះដែរ លោក ភី សុបញ្ញា អ្នករត់តុកតុកម្នាក់ទៀត ក៏បាននិយាយដែរថា ជាទូទៅលោកអាចរកចំណូលពីរបរដឹកអ្នកដំណើរបានចន្លោះពីប្រំាបួនម៉ឺនទៅដប់ម៉ឺនរៀលក្នុងមួយថ្ងៃ ប៉ុន្តែតាំងពីផ្ទុះព្រឹត្តិការណ៍សហគមន៍ ២០កុម្ភៈមក មួយថ្ងៃលោកអាចរកប្រាក់ត្រឹមតែមួយម៉ឺនទៅពីរម៉ឺនរៀលប៉ុណ្ណោះ។
“ជំងឺកូវីដ-១៩ ហ្នឹង បានធ្វើឱ្យចំណូលខ្ញុំកាន់តែដុនដាប់ទៅ និងប្រឈមហានិភ័យខ្ពស់ តែពេលនេះខ្ញុំត្រូវតែគិតពីសុខភាពខ្លួនឯង សុខភាពគ្រួសារខ្ញុំ និងភ្ញៀវដែរមករកសេវារបស់យើង… មិនមែនថាបានលុយចេះតែដឹកទេ”
លោក សុបញ្ញា
កំពុងអង្គុយក្នុងតុកតុករង់ចាំអតិថិជនហៅតាមទូរស័ព្ទដៃ លោក សុភ័ក្រ សីហា ងាកមកនិយាយថា ៖
“បើសិនជាជំងឺកូវីដនេះនៅតែមានការរីករាលដាលកាន់តែខ្លាំង ប្រហែលខ្ញុំសម្រេចចិត្តផ្លាស់ប្ដូរមុខរបរថ្មី ព្រោះបាត់បង់ចំណូលច្រើន ហើយបារម្ភពីរឿងសុវត្ថិភាពសុខភាព មើលមិនឃើញទេជំងឺកូវីដហ្នឹង”
ដំណោះស្រាយបញ្ហាចំពោះមុខ លោក សុភ័ក្រ សីហា បានឱ្យដឹងថា លោកតែងប្រុងប្រយ័ត្នសុខភាព រក្សាអនាម័យ និងរក្សាគម្លាតសុវត្ថិភាពជានិច្ច ដោយចាត់ទុកខ្លួនឯងជាផ្នែកមួយសំខាន់ចូលរួមទប់ស្កាត់ការឆ្លងរីករាលដាលជំងឺកូវីដ-១៩ ក្នុងសហគមន៍។
“ខ្ញុំប្រកាន់ខ្ជាប់អនាម័យជាងមុន បើយើងមិនប្រយ័ត្ននរណាមកជិះកង់បីយើង វាជាទំនួលខុសត្រូវរបស់ប្រជាពលរដ្ឋគ្រប់គ្នា យើងទាំងអស់គ្នាត្រូវធ្វើតាមវិធានការណ៍ណែនាំរបស់ក្រសួងសុខាភិបាលណែនាំ ទើបជំងឺកូវីដ-១៩ នេះ អាចបាត់ផុតពីភពផែនដីនេះ”
គួរបញ្ជាក់ថា ព្រឹត្តិការណ៍សហគមន៍ ២០កុម្ភៈ ត្រូវបានក្រសួងសុខាភិបាលបានរកឃើញអ្នកផ្ទុកជំងឺកូវីដ-១៩ និងប្រកាសនៅថ្ងៃទី ២១ កុម្ភៈ។ ដំណាក់កាលនោះ សម្តេចតេជោ ហ៊ុន សែន នាយករដ្ឋមន្ត្រី បានស្នើឱ្យអាជ្ញាធរពាក់ព័ន្ធបិទអគារ, ក្លិបកម្សាន្ត N8, សណ្ឋាគារ, និងតំបន់មួយចំនួនជាបន្តបន្ទាប់៕
ជីវប្រវត្តិ: លោក សន តុលា កំពុងសិក្សានៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍នៃសាកលវិទ្យាល័យភូមិន្ទភ្នំពេញ។ បច្ចុប្បន្នលោកជាអ្នកសរសេរ និងអ្នករាយការណ៍ព័ត៌មានអប់រំនៃ AMS Education។
របាយការណ៍សំខាន់
ព័ត៌មានទូទៅ
លោកស្រី តាន់ សុដានី ៖ សេចក្ដីក្លាហាន និងចង់ចេះចង់ដឹង ជាលក្ខណៈពិសេសធ្វើឱ្យស្រ្តីក្លាយជាអ្នកបង្កើតបច្ចេកវិទ្យា
គម្រោងបច្ចេកវិទ្យារបស់សិស្សកម្ពុជា ៥៧គម្រោង ត្រៀមប្រកួតក្នុងកម្មវិធីថ្នាក់ជាតិ ឆ្នាំ២០២៦
កម្មវិធី “អ្នកដឹកនាំយុវជនអាស៊ី ២០២៦” នៅប្រទេសជប៉ុន បើកទទួលពាក្យ
អាហារ ៧យ៉ាង ដែលគួរចៀសវាងមុនពេលចូលគេង
ក្រសួងប្រៃសណីយ៍ និងទូរគមនាគមន៍ ជ្រើសរើសនិស្សិត ២៥នាក់ ទៅសិក្សាថ្នាក់បរិញ្ញាបត្រជាន់ខ្ពស់ជំនាញផ្កាយរណប និងលំហអាកាស
អ្នកជំនាញ ៖ ការប្រើទូរស័ព្ទរបស់សិស្សក្នុងសម័យឌីជីថល គួរមានការគ្រប់គ្រងតាមអាយុ និងការណែនាំពីមាតាបិតា
យុគសម័យ AI លោកស្រី សំណាង វិធាវី លើកទឹកចិត្តក្មេងស្រីឱ្យចាប់យកជំនាញបច្ចេកវិទ្យា
សិស្សជាង២ពាន់នាក់នៅកំពង់ធំទទួលអត្ថប្រយោជន៍ពីគម្រោងកែលម្អគុណភាពអប់រំបឋមសិក្សា
វេសឡាញគ្រុបរៀបចំព្រឹត្តិការណ៍៤ ដើម្បីបង្ហាញផលជះវិជ្ជមាន និងបរិវត្តកម្មក្នុងវិស័យអប់រំរយៈពេល១៨ឆ្នាំ និងសម្ពោធដំណើរការកម្មវិធីសិក្សាអន្តជាតិ Pearson Edexcel មកពីចក្រភពអង់គ្លេស
វិធីជួយកូនតូចៗឱ្យបាត់មួម៉ៅ និងមានអារម្មណ៍ស្ងប់ស្ងាត់ឡើងវិញ
កម្មវិធីពិសេសរបស់ AMS EDUCATION
ព័ត៌មានសង្ខេប
