ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ៖ ដើមខែមករានៃឆ្នាំថ្មីជាពេលវេលាសាកសមបំផុតដែលសិស្សានុសិស្សទាំងអស់ គួររៀបចំផែនការថ្មីដើម្បីអភិវឌ្ឍចំណេះនិងសមត្ថភាពរបស់ខ្លួនឱ្យកាន់តែប្រសើរឡើង។ ចំណាយពេលរៀបចំផែនការសម្រាប់ខ្លួនឯងក្នុងឆ្នាំថ្មី នឹងជួយឱ្យសិស្ស-និស្សិត ត្រៀមខ្លួនរួចជាស្រេច ដើរលើវិថីមួយដែលមានគោលដៅ និងមានគម្រោងច្បាស់លាស់សម្រាប់ជីវិត។ ស្របគ្នានេះ យុវជន ជានិស្សិតកំពុងសិក្សានៅសាកលវិទ្យាល័យ បានចែក រំលែកបទពិសោធរៀបចំផែនការក្នុងវ័យសិក្សារបស់ពួកគេថា
“មានផែនការសិក្សាមួយច្បាស់ អាចជួយជំរុញទឹកចិត្តសិក្សាឱ្យចំគោលដៅដែលខ្លួនចង់បាន”
យុវជន ដាង ដាំរ៉ុង
យុវជន ដាង ដាំរ៉ុង ជានិស្សិតឆ្នាំទីបួន នៃសាកលវិទ្យាល័យអាស៊ីអឺរ៉ុប បានចែករំលែកថា ផែនការរបស់ខ្លួននៅក្នុងឆ្នាំថ្មីដែលចង់សម្រេចឲ្យបាន គឺមានច្រើនដូចជា ផែនការសិក្សា ការងារ កិច្ចការផ្ទាល់ខ្លួន និងផែនការហិរញ្ញវត្ថុ។ លើសពីនេះ ដាំរ៉ុង ប្ដេជ្ញាចិត្តថា ឆ្នាំថ្មីនឹងខិតខំប្រឹងប្រែងសិក្សានៅសាកលវិទ្យាល័យ រួមទាំងពង្រឹងសមត្ថភាពភាសាបរទេសរបស់ខ្លួនបន្ថែមទៀត។
ទន្ទឹមនឹងផែនការដែលបានរៀបចំខាងលើ នៅឆ្នាំថ្មីនេះ ដាំរ៉ុង គ្រោងចំណាយពេលចុងសប្ដាហ៍ ដើម្បីធ្វើការ និងរៀនសូត្រពីការងារបន្ថែម ត្រៀមខ្លួនបន្ទាប់ពីបញ្ចប់ការសិក្សានៅសាកលវិទ្យាល័យ។ ក្នុងនោះបង្កើតទម្លាប់អានសៀវភៅនៅពេលទំនេរ និងថែទាំសុខភាពឱ្យបានល្អ ក៏ស្ថិតនៅក្នុងផែនការសកម្មភាពត្រូវអនុវត្តក្នុងឆ្នាំ 2021 នេះដែរ។
ដាង ដាំរ៉ុង ៖
“ខ្ញុំនឹងបង្កើតទម្លាប់អានសៀវភៅ ធ្វើលំហាត់ប្រាណ ដើម្បីបង្កើតទំនុកចិត្តលើខ្លួនជាងមុន ផ្ដល់ពេលសម្រាប់ក្រុមគ្រួសារ និងមិត្តភក្តិឱ្យបានច្រើនជាងមុន… ធ្វើឱ្យមានតុល្យភាពជីវិត ការងារ និងការសិក្សា។ យើងរស់នៅរៀបចំផែនការសកម្មភាពបានល្អ ប្រសើរជាងគ្មានផែនការ ផ្ទុយទៅវិញបើគ្មានផែនការច្បាស់លាស់អាចឱ្យសិស្ស-និស្សិតបាត់បង់ទំនុកចិត្ត មិនច្បាស់ថាខ្លួននឹងត្រូវធ្វើអ្វី ដើម្បីអ្វីឱ្យប្រាកដឡើយ”
យុវជន ដាង ដាំរ៉ុង
នេះជាការយល់ឃើញរបស់យុវតី ជីន ដាលីន និស្សិតផ្នែកទំនាក់ទំនងអន្តរជាតិនៃសាកលវិទ្យាល័យភូមិន្ទភ្នំពេញ។
យុវតី ជីន ដាលីន និស្សិតទើបបញ្ចប់ការសិក្សាថ្នាក់បរិញ្ញាបត្រផ្នែកទំនាក់ទំនងអន្តរជាតិ នៃសាកលភូមិន្ទនីតិសាស្ត្រនិងវិទ្យាសាស្ត្រសេដ្ឋកិច្ច បានលើកឡើងថា កញ្ញាកំពុងរៀបចំកាលវិភាគសិក្សាបន្ថែម និងត្រៀមខ្លួនប្រឡងយកអាហារូបករណ៍ថ្នាក់អនុបណ្ឌិតទៅសិក្សានៅក្រៅប្រទេស។ ដាលីន បានបង្ហើបបទពិសោធរបស់ខ្លួនបន្តថា ផែនការសកម្មភាពឆ្នាំថ្មី ត្រូវបែងចែកជាចំណែកតូចៗ រួមមានផែនការសិក្សា ការងារ ការអភិវឌ្ឍខ្លួន និងសកម្មភាពចូលរួមចំណែកការងារសង្គម។
ទោះបីបញ្ចប់ការសិក្សាថ្នាក់បរិញ្ញាបត្រទៅហើយក្តី ប៉ុន្តែ ដាលីន នៅតែរៀបចំកាលវិភាគសិក្សាបន្ថែម និងត្រៀមខ្លួនប្រឡងយកអារហារូបករណ៍ទៅសិក្សានៅក្រៅប្រទេសសម្រាប់ថ្នាក់អនុបណ្ឌិត។
មនុស្សម្នាក់ៗមានផែនការសកម្មភាពក្នុងដំណើរជីវិតខុសៗគ្នា អាស្រ័យតាមតម្រូវការ និងបំណងប្រាថ្នារបស់ខ្លួន។ យុវជន ជឹម ហេងឡុង ជានិស្សិតឆ្នាំទីពីរនៃវិទ្យាស្ថានភាសាបរទេស នៅសាកលវិទ្យាល័យភូមិន្ទភ្នំពេញ បាននិយាយថា ៖ “សម្រាប់ឆ្នាំ 2021 ខ្ញុំនឹងព្យាយាមសម្រេចផែនការឆ្នាំចាស់របស់ខ្ញុំ ហើយផែនការថ្មីនោះ គឺខ្ញុំនឹងព្យាយាមអភិវឌ្ឍសមត្ថភាពខ្ញុំទៅលើផ្នែករចនា (Design) ឱ្យកាន់តែល្អប្រសើរមួយកម្រិតទៀត ព្រោះខ្ញុំចាប់អារម្មណ៍ផ្នែកនេះជាខ្លាំង ចង់ឱ្យខ្លួនឯងស្ទាត់ជំនាញនៅក្នុងផ្នែកនេះ។ បន្ថែមពីនេះទៀត គឺថែរក្សាសុខភាពឱ្យបានល្អ”។
ជាមិត្តរួមថ្នាក់របស់ ហេងឡុង កំពុងសិក្សាពីរសាកលវិទ្យាល័យក្នុងពេលតែមួយយុវជន លី ប៉ោឡេង បានប្តេជ្ញាថា ៖
“សម្រាប់ឆ្នាំ 2021 ខ្ញុំនឹងព្យាយាមសម្រេចផែនការឆ្នាំចាស់របស់ខ្ញុំ ហើយផែនការថ្មីនោះ គឺខ្ញុំនឹងព្យាយាមអភិវឌ្ឍសមត្ថភាពខ្ញុំទៅលើផ្នែករចនា (Design) ឱ្យកាន់តែល្អប្រសើរមួយកម្រិតទៀត ព្រោះខ្ញុំចាប់អារម្មណ៍ផ្នែកនេះជាខ្លាំង ចង់ឱ្យខ្លួនឯងស្ទាត់ជំនាញនៅក្នុងផ្នែកនេះ។ បន្ថែមពីនេះទៀត គឺថែរក្សាសុខភាពឱ្យបានល្អ”
យុវជន ដាង ដាំរ៉ុង
ជាមិត្តរួមថ្នាក់របស់ ហេងឡុង កំពុងសិក្សាពីរសាកលវិទ្យាល័យក្នុងពេលតែមួយយុវជន លី ប៉ោឡេង បានប្តេជ្ញាថា ៖
“សម្រាប់ឆ្នាំថ្មីនេះ ខ្ញុំនឹងស្វែងរកការងារមួយដែលអាចផ្ដល់ឱកាសឱ្យខ្ញុំអាចរកលុយផ្គត់ផ្គង់ខ្លួនឯងបាន ហើយគិតផ្នែកសុខភាពជាកត្តាចម្បង ព្យាយាមធ្វើលំហាត់ប្រាណ លេងកីឡា ញ៉ាំទឹកឱ្យបានច្រើន…”
ជាការកត់សម្គាល់ ផែនការសកម្មភាពដែលរៀបចំទុកមុន មានឥទ្ធិពលយ៉ាងខ្លាំងដល់ការសិក្សានិងការងារ។ ឆ្នាំចាស់បានផ្ដល់អនុស្សាវរីយ៍ និងបទពិសោធជាច្រើន សុទ្ធសឹងតែជាមេរៀនសម្រាប់គ្រប់គ្នា។ ផែនការ
សកម្មភាពចាស់អាចនឹងអស់សុពលភាព ប៉ុន្ដែមិនថ្វីទេ ទំព័រផែនការសកម្មភាពឆ្នាំថ្មី សិស្សានុសិស្សទាំងអស់ នៅតែអាចបង្កើតអ្វីដែលថ្មី និងមានប្រសិទ្ធិភាពជាងមុនសម្រាប់ការសិក្សា ការងារ និងជីវភាពរស់ប្រចាំថ្ងៃ៕
ជីវប្រវត្តិ: កញ្ញា សៅ សុធារ៉ា កំពុងសិក្សាផ្នែកប្រព័ន្ធផ្សព្វផ្សាយនិងសារគមនាគមន៍ នៅសាកលវិទ្យាល័យភូមិន្ទភ្នំពេញ។ កញ្ញាធ្លាប់ជាអ្នកសរសេរអត្ថបទជាភាសាខ្មែរ និងបកប្រែឲ្យស្ថាប័នឯកជនមួយកន្លែង។ បច្ចុប្បន្ន សុធារ៉ា ជាអ្នកយកការព័ត៌មានអប់រំឲ្យសារព័ត៌មាន AMS Education។
របាយការណ៍សំខាន់
ព័ត៌មានទូទៅ
កម្មវិធីផ្លាស់ប្តូរការសិក្សា «ផែនការនិស្សិតឆ្នើម ទៅសិក្សានៅបរទេសរាប់ពាន់នាក់» លើកទី៣ នឹងជួយផ្សព្វផ្សាយវប្បធម៌ ទេសចរណ៍ របស់កម្ពុជា តាមរយៈនិស្សិតចិន
បាក់ឌុបនាពេលអនាគត អាចតម្រូវឱ្យប្រឡងភាសាបរទេសជាមុខវិជ្ជាកាតព្វកិច្ច ខណៈអ្នកជំនាញគាំទ្រការលើកកម្ពស់ជំនាញភាសាសម្រាប់ទីផ្សារការងារ
អវត្តមានសិស្សខ្ពស់ និងលទ្ធផលប្រឡងទាប ៖ ក្រសួងអប់រំដាក់ផែនការកែទម្រង់វិទ្យាល័យទួលប្រាសាទសែនសុខជាបន្ទាន់
របត់ថ្មី! សិស្សជានារី រៀនជំនាញជួសជុលរថយន្តកាន់តែច្រើន ព្រោះឃើញឱកាសការងារ និងប្រាក់ចំណូលសមរម្យ
ស្ថាប័ន OECD ព្រមានពីសិស្សអវត្តមានច្រើនកំពុងក្លាយជាបញ្ហាប្រឈមធំក្នុងប្រព័ន្ធអប់រំសកល
គ្មានអ្វីយឺតពេលឡើយ! អ្នកសម្អាតជនជាតិចិនម្នាក់ ប្រឡងជាប់ថ្នាក់អនុបណ្ឌិត ក្រោយសិក្សាដោយខ្លួនឯង១ឆ្នាំ
អាហារូបករណ៍ពេញលេញ ពីសាកលវិទ្យាល័យ Deakin University អូស្ត្រាលី សម្រាប់ឆ្នាំ២០២៧
អ្នកជំនាញ ៖ កម្ពុជាចាប់ផ្ដើមស្គាល់ AI កាន់តែច្រើន ប៉ុន្តែកម្រិតប្រើប្រាស់នៅមិនទាន់ឈានដល់ដំណាក់កាលបម្លែងអាជីវកម្ម
មនុស្សពេញវ័យធ្វើការនៅកម្ពុជា នឹងកើនឡើងខ្លាំង នៅរយៈពេល១៧ឆ្នាំខាងមុខនេះ
អង្គការកុមារកម្ពុជារីករាយ វិនិយោគជាង ១៧,៣ លានដុល្លារ គាំទ្រសាលារៀន ១៨១កន្លែង លើកកម្ពស់គុណភាពអប់រំសម្រាប់កុមារក្រីក្រ និងងាយរងគ្រោះ
កម្មវិធីពិសេសរបស់ AMS EDUCATION
ព័ត៌មានសង្ខេប
