៩វិធីក្លាយជាសិស្សឆ្នើមនៅក្នុងសាលា

ពេលខ្លះការបន្ថែមកិច្ចខិតខំជារឿងសំខាន់បំផុតដើម្បីក្លាយជាយុវជនឆ្នើមនៅក្នុងសាលា ។ ប្រសិនបើអ្នកជាសិស្សដែលសិក្សាក្នុងសាកលវិទ្យាល័យ អ្នកអាចនឹងដឹងពីភាពខុសគ្នារវាងសិស្សល្អ ពូកែ និងឆ្នើម។ លក្ខណៈពិសេសរបស់សិ្សសឆ្នើម គឺពួកគេមិនត្រឹមតែរៀនពូកែប៉ុណ្ណោះទេ ពួកគាត់ជាក្រុមមនុស្សដែលមានគំនិតច្នៃប្រឌិត និងឆន្ទៈផ្លាស់ប្តូរនូវអ្វីដែលពួកគេយល់ថា ហាក់មិនសមស្រប និងបង្កើតសមិទ្ធផលថ្មីៗ។

សិស្សឆ្នើមមានទម្លាប់សួរសំណួរជាប្រចាំ ហើយនឹងស្វែងរកចម្លើយដើម្បីឆ្លើយតបទៅនឹងសំណួរដែលពួកគាត់បានបំផុស។ ប្រសិនបើអ្នកចង់ក្លាយជាសិស្សឆ្នើម ភារកិច្ចសំខាន់ដែលគួរចាត់ជាអទិភាពក្នុងជីវិតនាពេលបច្ចុប្បន្នគឺការសិក្សា។ យោងតាមគេហទំព័រ The Asian School បានបង្ហាញគន្លឹះ៩ចំណុចដើម្បីពង្រឹងខ្លួនឱ្យក្លាយជាសិស្សឆ្នើមនៅក្នុងសាលា ដែលមានលម្អិតដូចខាងក្រោម៖

១. សួរសំណួរ ៖ ប្រសិនបើអ្នកមិនយល់អំពីអ្វីមួយ វាពិតជាសំខាន់ណាស់ក្នុងការសួរបញ្ជាក់ទៅកាន់គ្រូដើម្បីដឹងចម្លើយ ឬពេលខ្លះដឹងហើយប៉ុន្តែសួរបន្ថែមដើម្បីផ្ទៀងផ្ទាត់ចម្លើយ ហើយគាប់ជួនពេលខ្លះសិស្សអាចនឹងទទួលបានជម្រើសបន្ថែមពីលើអ្វីដែលមានស្រាប់។ ការសួរពុំធ្វើឱ្យសិស្សខាតបង់ប្រយោជន៍នោះទេ ដូច្នេះសូមកុំខ្មាសអៀននៅក្នុងការសួរ យ៉ាងហោចណាស់ វាផ្តល់ឱកាសឱ្យបង្កើតកិច្ចសន្ទនារៀនសូត្រថ្មីៗ និងយល់ច្បាស់ពីមេរៀន ឬប្រធានបទដែលកំពុងជជែក។

២. បំពេញកិច្ចការដែលគ្រូដាក់ឱ្យធ្វើនៅផ្ទះបានគ្រប់ចំនួន ៖ វាជាទំនួលខុសត្រូវរបស់សិស្ស គឺត្រូវតែបំពេញកិច្ចការផ្ទះដែលគ្រូបានប្រគល់ឱ្យធ្វើបន្ថែមក្រោយចប់ម៉ោងសិក្សានៅសាលា។ កិច្ចការសាលាជាផ្នែកសំខាន់នៅក្នុងជីវិតជាសិស្ស ឬនិស្សិត ដែលពួកគាត់មានភារកិច្ចធ្វើឱ្យរួចរាល់ ដើម្បីជៀសវាងអារម្មណ៍ឃ្លាតឆ្ងាយពីការសិក្សា និងស្វែងរកបន្ថែមនូវអ្វីដែលពួកគាត់រំពឹងពីការសិក្សា មួយវិញទៀតជៀសវាងការបាត់បង់ពិន្ទុផងដែរ ។ បន្ថែមពីនោះ ការយកចិត្តទុកដាក់ធ្វើកិច្ចការសាលា ជាវិធីសាស្រ្តជំរុញឱ្យសិស្សរៀនអំពីការគ្រប់គ្រងពេលវេលា និងការកំណត់វិន័យផងដែរ។

៣. កំណត់គោលដៅ ៖ នៅពេលដែលអ្នកកំពុងតែរំពឹងចង់ដឹងអំពីវិធីសាស្រ្តក្លាយទៅជាសិស្សឆ្នើមម្នាក់ អ្នកគួរតែចាប់ផ្តើមកំណត់គោដៅ នៃការសិក្សាដែលសមល្មមមួយសម្រាប់ខ្លួនឯង។ ធ្វើបែបនេះនាំសិស្សសម្រេចគោលដៅមួយ ដែលស្របនឹងការគ្រោងទុក និងយល់ច្បាស់ពេលធ្វើសេចក្ដីសម្រេចចិត្តអ្វីមួយទៅលើការសិក្សា។ ការកំណត់គោលដៅជំរុញឱ្យអ្នកបង្កើនកម្លាំងជំរុញទឹកចិត្ត និងកាត់បន្ថយភាពមន្ទិល បង្កើតបានលំនឹងជីវិតផងដែរ។

៤. រក្សាការផ្តោត ៖ សិស្សល្អតែងដឹងអំពីវិធីសាស្រ្តក្នុងការផ្តោតយ៉ាងល្អ ហើយគេក៏ដឹងអំពីការកាត់ផ្តាច់ពីមជ្ឈដ្ឋានដែលបង្កការរំខាន ធ្វើបែបនេះវាអាចឆ្លើយតបទៅនឹងលទ្ធផលការសិក្សាបានល្អ ។ ពួកគាត់ចាត់ទុកការសិក្សាជាគោល ហើយនៅពេលដែលផ្តោតទៅលើកិច្ចការក្នុងខណៈតែមួយ នោះជំរុញឱ្យលទ្ធផលសិក្សាមានភាពរឹងមាំជាងមុន។

៥. ខំរៀន ៖ អភិវឌ្ឍន៍ជំនាញរៀនតាមរយៈការស្វ័យសិក្សាឱ្យបានច្រើន ការរៀនមិនតម្រូវឱ្យអនុវត្តន៍ត្រឹមតែការអានសៀវភៅ ឬព័ត៌មានតែប៉ុណ្ណោះទេ ពេលខ្លះក៏ត្រូវឆ្លុះបញ្ចំាងការយល់ឃើញពីខួរក្បាលរបស់យើងវិញដែរ វាកាន់តែជួយបានច្រើន ប្រសិនបើអ្នកខំប្រឹងរៀនហើយផ្តោតតែទៅលើចំណុចដែលសំខាន់ៗ។ បន្ថែមពីនោះ ប្រឹងអនុវត្តន៍ម្តងហើយម្តងទៀត និងផ្តោតលើការសិក្សារហូតទាត់តែសម្រេចបាននៅសមិទ្ធិផល ដែលស្របទៅនឹងគោលដៅ។ ជាមួយគ្នានោះកំឡុងពេលសិក្សា ក៏ត្រូវចំណាយពេលខ្លះដើម្បីសម្រាកដែរ។

៦. បង្កើតទម្លាប់ ៖ វាពិតជាប្រសើរ នៅពេលដែលសិស្សអាចបង្កើតទម្លាប់នៅក្នុងការសិក្សាជារៀងរាល់ថ្ងៃដើម្បីក្លាយជាសិស្សឆ្នើម ។ ការបង្កើតទម្លាប់ ឬកាលវិភាគការសិក្សា គួរតែបិទនៅកន្លែងដែលអ្នកអង្គុយសិក្សាជាប្រចាំ ឬកន្លែងដែលងាយស្រួលក្នុងការក្រឡេកមើល ពីព្រោះរៀងរាល់ព្រឹក ពេលដែលមើលការរៀបចំពេលវេលាទាំងនោះ វាជាកត្តាដែលកាន់តែជំរុញទឹកចិត្ត និងការផ្តោត។ ហើយវាធ្វើឱ្យអ្នកសម្រេចគោលដៅបានឆាប់រហ័ស។ មួយវិញទៀត ផែនការ នៃការសិក្សានឹងជួយឱ្យការរៀនកាន់តែមានប្រសិទ្ធភាព ហើយកាត់បន្ថយភាពភ័យខ្លាច ឬការតានតឹងនៅពេលប្រឡង។

៧. ជ្រើសវគ្គណែនាំបន្ថែម ៖ សិស្សអាចបន្ថែមវគ្គសិក្សា ប្រសិនបើនៅក្នុងថ្នាក់មិនអាចផ្តល់ជូនការបង្រៀន ដែលឆ្លើយតបបានគ្រប់គ្រាន់ទេ ការបង្វឹកបង្ហាត់បន្ថែម អាចជួយអ្នកសាកល្បងជាមួយវិធីសាស្រ្តថ្មីៗ ។ គ្រូណែនាំ កំឡុងពេលទទួលវគ្គសិក្សាបន្ថែម អាចជួយសម្រួលការអនុវត្តអ្វីដែលបានរៀន និងការងារសាលាជាដើម។ លើសពីនោះសិស្សកាត់បន្ថយការចំណាយពេលដែលខ្ជះខ្ជាយបានមួយចំណែកធំដោយការផ្តោតតែលើវគ្គសិក្សាណា ដែលចាំបាច់ស្របតាមតម្រូវការប៉ុណ្ណោះ។

៨. ផ្តោតអំពីភាពវិជ្ជាមាន ៖ ព្យាយាមបង្កើតទស្សនៈវិជ្ជមានទៅក្នុងជីវិត អ្នកអាចនឹងប្រឈមជាមួយបញ្ហាជាច្រើន ហើយបញ្ហាទាំងនោះជាវិញ្ញាសាក្នុងការសាកល្បងសមត្ថភាព និងភាពអត់ធ្មត់។ នៅឱ្យឆ្ងាយពីមនុស្សដែលតែងប្រកាន់ភ្ជាប់ផ្នត់គំនិតអវិជ្ជមាន វាជាឱកាសដែលនាំឱ្យអ្នកក្លាយជាសិស្សដែលមានសមត្ថភាពគ្រាន់បើម្នាក់ ហើយវាក៏ជាកត្តានាំឱ្យភាពតានតឹងរបស់អ្នកចុះថយផងដែរ ហើយផ្តល់ឱ្យអ្នកមានសុខភាពល្អ និងកាត់បន្ថយការគិតដែលមិនចាំបាច់។

៩. អាន ៖ ការអានគឺជាដំណើរការរៀនសូត្រមួយដែលមិនអាចកាត់ផ្តាច់បាន វាផ្តល់នូវចំណេះដឹងពីមជ្ឈដ្ឋានជុំវិញពិភពលោក ហើយវាក៏បានបង្កើតនូវភាពស្ទាត់ជំនាញលើផ្នែកណាមួយ និងចេះបាននូវពាក្យថ្មីៗ ទន្ទឹមគ្នានោះ ការអានក៏ពង្រឹងបានជំនាញសរសេរផងដែរ ថែមទាំងបង្កើតការស្រមើស្រមៃខ្ពស់។ លើសពីនោះ អានជួយឱ្យការចងចាំ និងផ្តោតបានប្រសើរជាងមុន ហើយរាល់ពេលដែលអ្នកអាន វាជាសកម្មភាពដែលកំពុងបំពេញបន្ថែមរាល់ព័ត៌មានថ្មីៗ ទៅកាន់ខួរក្បាលរបស់យើង៕



About WordPress

របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

បណ្ឌិត្យ​សភា​នគរបាល​កម្ពុជា ផ្តល់​អាហារូបករណ៍​៤០០កន្លែង សម្រាប់​សិស្ស​និស្សិត​ដែល​ចង់​ក្លាយ​ជា​មន្រ្តី​នគរបាល

ព័ត៌មានអាហារូបករណ៍, ព្រឹត្តិការណ៍

• 19/11/2024

ក្រសួង​មហាផ្ទៃ​កាលពី​ពេលថ្មីៗ​នេះ​បាន​ប្រកាស​ដល់​សាធារណជន ក៏​ដូចជា​សិស្ស និស្សិត ដែល​មាន​បំណង​ក្លាយ​ជា​នាយ​នគរបាល និង​នាយ​នគរបាល​រង​បន្តវេន ក្នុង​ក្រប​ខ័ណ្ឌ​មន្រ្តី​នគរបាលជាតិ សូម​ត្រៀម​ខ្លួន​ក្នុង​ការ​ដាក់ពាក្យ​ប្រឡង​ប្រជែង​ទទួល​យក​អាហារូបករណ៍...

អាហារូបករណ៍ថ្នាក់ភាសាចិនរយៈពេល១ឆ្នាំ នៅ​សាកលវិទ្យាល័យ Yunnan Normal

ព័ត៌មានអាហារូបករណ៍, ព្រឹត្តិការណ៍

• 18/03/2026

សមាគម​និស្សិត​កម្ពុជា​ប្រចាំ​សាធារណរដ្ឋប្រជាមានិតចិន ប្រកាស​ពីការផ្តល់អាហារូបករណ៍​ដល់និស្សិត​ចំនួន ៣០នាក់ សម្រាប់ការ​បណ្តុះបណ្តាល​ភាសាចិន​រយៈពេល១ឆ្នាំ នៅសាកលវិទ្យាល័យ Yunnan Normal ស្ថិត​នៅ​ទីក្រុង​គុនមីង

អាហារូបករណ៍សាច់ប្រាក់ពីកម្មវិធីអាហារូបករណ៍ធនាគារអ៊ូរីសម្រាប់និស្សិត នៃសាកលវិទ្យាល័យភូមិន្ទភ្នំពេញ

ព័ត៌មានអាហារូបករណ៍, ព្រឹត្តិការណ៍

• 13/06/2024

ឱកាសទទួលបានអាហារូបករណ៍សាច់ប្រាក់ពីកម្មវិធីអាហារូបករណ៍ធនាគាអ៊ូរីសម្រាប់កំពុងសិក្សានៅសាកលវិទ្យាល័យភូមិន្ទភ្នំពេញ។ អាហារូបករណ៍ផ្ដល់ជូន...

ឱកាសសិក្សាពីកម្មវិធីអាហារូបករណ៍ ផ្លូវសូត្រឆ្នាំ២០២៤ នៅសាកលវិទ្យាល័យហិរញ្ញវត្ថុ និងសេដ្ឋកិច្ចYUNNAN

ព័ត៌មានអាហារូបករណ៍, ព្រឹត្តិការណ៍

• 28/05/2024

ឱកាសសិក្សាពីកម្មវិធីអាហារូបករណ៍រដ្ឋាភិបាលចិន ផ្លូវសូត្រឆ្នាំ២០២៤ នៅសាកលវិទ្យាល័យហិរញ្ញវត្ថុ និងសេដ្ឋកិច្ចYUNNAN រយៈពេល២ឆ្នាំ។ អាហារូបករណ៍ផ្ដល់ជូនពីរដ្ឋាភិបាលចិនសម្រាប់និស្សិត...

អាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Melburne ប្រទេសអូស្ត្រាលីឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 24/03/2023

សាកលវិទ្យាល័យ Melburne នៅប្រទេស​អូស្រ្តាលី បាន​ប្រកាស​ផ្ដល់អាហារូបករណ៍ថ្នាក់បរិញ្ញាបត្រសម្រាប់និស្សិតអន្តរជាតិនៅឆ្នាំសិក្សា២០២៣នេះ ។...

អាហារូបករណ៍​ទេពកោសល្យស្ទែម ចំនួន១០កន្លែង​នៅ​សាកលវិទ្យាល័យ CamTech

ព័ត៌មានអាហារូបករណ៍, ព្រឹត្តិការណ៍

• 20/08/2025

សម្រាប់សិស្សានុសិស្ស​ដែល​ចាប់អារម្មណ៍​ក្នុងការ​បន្ត​ការ​សិក្សា​នៅ​សាកលវិទ្យាល័យ​ទៅ​លើជំនាញស្ទែម ពេលនេះ សាកលវិទ្យាល័យ CamTech បានប្រកាស​ពីអាហារូបករណ៍​ទេពកោសល្យ​ស្ទែម របស់ឯកឧត្តមបណ្ឌិតសភាចារ្យ ហង់ជួន ណារ៉ុន...

តួកគី ផ្តល់អាហារូបករណ៍លើការ​បណ្តុះបណ្តាល ភាសា-វប្បធម៌ ដល់មន្ត្រីរាជការ និងបញ្ញវន្តកម្ពុជា សម្រាប់ឆ្នាំសិក្សា២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 13/05/2026

សម្រាប់ឆ្នាំសិក្សា២០២៦-២០២៧ នេះ សាធារណៈរដ្ឋ​តួកគីយ៉េ ​បាន​ប្រកាស​ផ្តល់​អាហារូបករណ៍​ដល់​មន្ត្រីរាជការ និង​បញ្ញវន្ត​កម្ពុជា សិក្សា​រយៈ​ពេល ៨ ខែ​ពេញ​ លើ​ការ​បណ្ដុះបណ្ដាល​ភាសា​ និង​វប្បធម៌​តួកគីយ៉េ សិក្សា​នៅ​សាធារណរដ្ឋ​តួកគីយ៉េ។

គន្លឹះចំនួន៧ ក្នុងការសម្ភាសន៍បានជោគជ័យសម្រាប់អាហារូបករណ៍ Chevening

ព័ត៌មានអាហារូបករណ៍, ព្រឹត្តិការណ៍

• 15/08/2025

ដំណាក់កាលនីមួយៗនៃការដាក់ពាក្យអាហារូបករណ៍ Chevening ជាការសន្សំពិន្ទុដើម្បីឱ្យខ្លួនឯងមានអាទិភាពជាប់ជាបេក្ខភាពអាហារូបករណ៍ ជាពិសេសនៅក្នុងវគ្គសម្ភាសន៍។ ខាងក្រោមនេះ ជាគន្លឹះចំនួន៧ដែលអាចជួយឱ្យបេក្ខជន បេក្ខនារី...

វិទ្យាស្ថាន PSE ផ្តល់អាហារូបករណ៍ដល់សិស្សានុសិស្សក្រីក្រ​ចូលរៀនថ្នាក់ជំនាញចំនួន៣៥០នាក់

ព័ត៌មានអាហារូបករណ៍, ព្រឹត្តិការណ៍

• 28/06/2024

អង្គការ​ដើម្បីភាពញញឹម នៃកុមារ (PSE) ប្រកាស​ជ្រើសរើស​សិស្សានុសិស្ស​ក្រីក្រ ដើម្បីចូលរៀន​ថ្នាក់​ត្រៀម និង​ថ្នាក់​ជំនាញ​ចំនួន ៣៥០នាក់ សម្រាប់ឆ្នាំ​សិក្សា២០២៤-២០២៥ខាងមុខ។