ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សម្រាប់យុវជន ក៏ដូចជាប្រជាពលរដ្ឋ ដែលកំពុងស្វែងរកការសិក្សាជំនាញ វិជ្ជាជីវៈ និងបច្ចេកទេស ពេលនេះឱកាសបានមកដល់ហើយ, វិទ្យាស្ថានពហុបច្ចេកទេសភូមិភាគតេជោសែនស្វាយរៀង កំពុងតែជ្រើសរើសសិក្ខាកាមឱ្យចូលរៀនដោយឥតគិតថ្លៃ ក្រោមគម្រោង TVET 1.5M។
ជំនាញដែលត្រូវបណ្តុះបណ្តាលរួមមាន ៖ ការដំឡើងបណ្តាញអគ្គិសនីក្នុងអគារ, សេវាកម្មបរិក្ខារត្រជាក់ក្នុងគេហដ្ឋាន, ការដំឡើង និងថែទាំកាមេរ៉ាសុវត្ថិភាព, ការដំឡើងប្រព័ន្ធបញ្ជាម៉ូទ័រអគ្គិសនី, ការដំឡើង និងជួសជុលបរិក្ខារអេឡិចត្រូនិក, ការដំឡើង និងថែទាំបណ្តាញកុំព្យូទ័រ, ការថែទាំ និងជួសជុលរថយន្ត, ការផ្សារអគ្គិសនី និងការបន្សីលោហៈ។
ក្រុមគោលដៅ នៃការបណ្តុះបណ្តាល
-យុវជនមកពីគ្រួសារក្រីក្រ និងគ្រួសារងាយរងហានិភ័យទូទាំងប្រទេស (ចូលរៀនដោយមិនបង់ថ្លៃ និងទទួលបានប្រាក់ឧបត្ថម្ភក្នុងអំឡុងពេលបណ្តុះបណ្តាល)។
-បុគ្គលនៃសេដ្ឋកិច្ចក្រៅប្រព័ន្ធ និងក្នុងប្រព័ន្ធ (អាចចូលរៀនដោយមិនបង់ថ្លៃ)។
សម្រាប់ព័ត៌មានបន្ថែម និងការចុះឈ្មោះ សូមទំនាក់ទំនងទៅកាន់វិទ្យាស្ថានផ្ទាល់ ដែលមានអាស័យដ្ឋាននៅភូមិអេភ្លើង សង្កាត់ស្វាយរៀង ក្រុងស្វាយរៀង (ខាងលិចឈៀងខាងត្បូងស្រះវង់ចម្ងាយ ២០ម៉ែត្រ) ឬតាមរយៈទូរស័ព្ទលេខ ០១២ ២៦ ៧៨ ៧៩៕
