ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ៖ មនុស្សគ្រប់រូបរមែងកើតចេញពីសង្គមគ្រួសារដែលមានស្ថានភាពជីវភាពខុសៗគ្នា។ ទោះបីជីវភាពមានឬក្រ កូននៅក្នុងគ្រួសារតែងទទួលបានផ្នត់គំនិត គំរូភាព ទស្សនៈអប់រំ រួមទាំងឥរិយាបថរស់នៅផ្សេងៗបន្តពីមួយជំនាន់ទៅមួយជំនាន់ជានិច្ច។ តាមរយៈឥទ្ធិពលនេះបានបង្កើតសុភាសិតមួយ
“ស្លឹកឈើជ្រុះមិនឆ្ងាយពីគល់”
សម្គាល់លើអត្តចរឹករបស់មនុស្ស។ ប៉ុន្តែសុភាសិតនេះ អាចនឹងមិនមានន័យពិតទាំងស្រុងឡើយនៅក្នុងផ្នត់គំនិតយុវជនខ្មែរនាពេលបច្ចុប្បន្ន។ ហេតុផលទំនងដោយសារសង្គមរីកចម្រើនជឿនលឿន បច្ចេកវិទ្យាទំនើបសម្បូរបែប មនុស្សទទួលបានការអប់រំច្រើន ទើបអាចផ្លាស់ប្ដូរផ្នត់គំនិតខុសពីមុន។ នេះជាការយល់ឃើញរបស់យុវជនកំពុងសិក្សាលើមុខជំនាញផ្សេងៗគ្នានៅសាកលវិទ្យាល័យ។
កញ្ញា នង យូឡាយ ជានិស្សិតឆ្នាំទី៤ ផ្នែកចិត្តវិទ្យា នៃសាកលវិទ្យាល័យភូមិន្ទភ្នំពេញ យល់ឃើញថា បញ្ញត្តិស្លឹកឈើជ្រុះមិនឆ្ងាយពីគល់ អាចមិនពិតនៅក្នុងផ្នត់គំនិតយុវជន។
“ខ្ញុំយល់ថាពេលនេះការគិតរបស់យុវវ័យខុសពីផ្នត់គំនិតមនុស្សចាស់ពីមុនត្រង់ថា យើងមានសិទ្ធិជ្រើសរើសធ្វើអ្វីមួយដែលចេញពីចិត្ត យុវជនខិតខំប្រឹងប្រែងធ្វើវាដើម្បីទទួលជោគជ័យ ពេញចិត្តទទួលយកវា។ ប៉ុន្តែបើយើងធ្វើអ្វីដើម្បីបំពេញតាមបំណងគ្រួសារ វាធ្វើឱ្យយើងបាត់បង់អ្វីដែលជាក្ដីស្រមៃផ្ទាល់ខ្លួន”
កញ្ញា នង យូឡាយ
ចំណែក កញ្ញា ញៀន ដាលីន ជានិស្សិតសិក្សាជំនាញគ្រប់គ្រង នៃវិទ្យាស្ថានអភិវឌ្ឍនិស្សិត បាននិយាយថា៖
“ខ្ញុំគិតថាផ្នត់គំនិតយុវជននៅពេលនេះអត់ដូចមុនទេ មិនមែនកូនមិនស្តាប់ម្តាយឪពុកទេ ប៉ុន្តែនៅពេលដែលទទួលបានការអប់រំវាបានផ្លាស់ប្ដូរផ្នត់គំនិតចាស់ៗចេញ ! ពីមុនឪពុកម្ដាយធ្លាប់ប្រើប្រាស់អំពើហិង្សា តែយើងចង់ផ្លាស់ប្ដូរដោយខិតខំរៀនសូត្រ ទទួលបានការអប់រំ នោះនឹងមិនត្រឡប់ទៅធ្វើដូចឪពុកម្ដាយទៀតនោះទេ ព្រោះយើងធ្លាប់ជួបបញ្ហាទាំងនោះ”
កញ្ញា ញៀន ដាលីន
បន្ថែមលើការយល់ឃើញនេះ លោក ឱ ប៊ុណ្ណាក់ និស្សិតសិក្សាជំនាញស្ថាបត្យកម្ម នៃសាកលវិទ្យាល័យន័រតុន បាននិយាយថា គ្មាននរណាម្នាក់អាចវាតម្លៃមនុស្សលើប្រភព ឬផ្នត់គំនិតនៅក្នុងគ្រួសារបានឡើយ។ តែផ្ទុយទៅវិញទទួលបានការអប់រំពីក្នុងគ្រួសារ បូកបន្ថែមនឹងការអប់រំថ្មីៗពីសង្គម និងទទួលបានពីការអប់រំនៅសាកលវិទ្យាល័យ ធ្វើឱ្យគុណភាពជីវិតមនុស្សម្នាក់ៗកាន់តែប្រសើរ។
លោក ឱ ប៊ុណ្ណាក់
“ ខ្ញុំផ្ទាល់ប៉ារបស់ខ្ញុំចង់ឱ្យខ្ញុំនៅជួយការងាររបស់គាត់ ប៉ុន្តែខ្ញុំមានគំនិតមួយខុសប្លែកពីគាត់ ដោយខ្ញុំចង់រៀនជំនាញស្ថាបត្យកម្ម ហើយខ្ញុំតាំងចិត្តមករៀនដោយខ្លួនឯងដើម្បីសម្រេចក្ដីស្រមៃរបស់ខ្ញុំ។ ទោះជាខ្ញុំរវល់ជាមួយការសិក្សា និងការងាររបស់ខ្ញុំក៏ពិតមែន ខ្ញុំនៅតែអាចជួយការងារប៉ារបស់ខ្ញុំ ព្រមទាំងធ្វើអ្វីដែលបង្ហាញក្ដីស្រឡាញ់ទៅកាន់ក្រុមគ្រួសារ ព្រោះយើងមានហេតុផលសមរម្យ”
លោក ឱ ប៊ុណ្ណាក់
ជាការកត់សម្គាល់ បើទោះបីសុភាសិត
“ស្លឹកឈើជ្រុះមិនឆ្ងាយពីគល់”
អាចមិនពិតនៅក្នុងផ្នត់គំនិតយុជនខ្មែរមួយចំនួនក៏ពិតមែន ប៉ុន្តែកូនដែលប្រព្រឹត្តិល្អក្នុងដំណើរជីវិតតែងទទួលបានការអប់រំតាមបែបវិជ្ជមានពីម្តាយឪពុក។ បើតាមឯកសារស្តីពីការចិញ្ចឹមកូនបែបវិជ្ជមានរបស់ក្រសួងកិច្ចការនារី បានបញ្ជាក់ថា ម្តាយឪពុកដែលបានផ្ដល់ភាពកក់ក្ដៅដល់កូន មានប្រាស្រ័យទាក់ទងល្អក្នុងគ្រួសារ ចេះយល់អារម្មណ៍របស់កូន អហិង្សា លើកទឹកចិត្ត និងបង្ហាញផ្លូវកូនដោយត្រឹមត្រូវ នោះកូននឹងចម្លងឥរិយាបថវិជ្ជមានអនុវត្តក្នុងជីវភាពប្រចាំថ្ងៃ។ ចំណែកកូនរៀនសូត្របានខ្ពង់ខ្ពស់ ក៏មិនគួរមើលងាយឪពុកម្ដាយ ហើយត្រូវគោរពតបស្នងសងគុណឪពុកម្ដាយទើបសមជាកូនកត្តញ្ញូ៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍សំខាន់
ព័ត៌មានទូទៅ
មន្ត្រីក្រសួងអប់រំ ៖ យុវជនទាំងអស់ត្រូវមានចំណេះដឹងក្នុងការគ្រប់គ្រងហិរញ្ញវត្ថុផ្ទាល់ខ្លួន ដើម្បីឆ្លើយតបនឹងការវិវត្តនៃសេដ្ឋកិច្ចឌីជីថល
ក្រសួងប្រៃសណីយ៍ពង្រីកវិសាលភាព នៃការអប់រំឌីជីថល ទៅកាន់សាលាគោលដៅចំនួន១៨បន្ថែម
រដ្ឋមន្រ្តីអប់រំ ៖ ការអភិវឌ្ឍជំនាញសង្គម និងអារម្មណ៍ សំខាន់ក្នុងការអប់រំ និងអភិវឌ្ឍមូលធនមនុស្ស
ក្រសួងរ៉ែ ថាមពល និងអង្គការ SNV ប្រកាសពីជោគជ័យ នៃគម្រោងលើកកម្ពស់ការចម្អិនស្អាត និងភូមិគ្មានផ្សែង
តិចនិកសាមញ្ញ ៦ យ៉ាង ដើម្បីពង្រឹងការចងចាំឱ្យកាន់តែប្រសើរ
អាហារូបករណ៍ថ្នាក់បរិញ្ញាបត្រ សិក្សានៅប្រទេសវៀតណាម សម្រាប់យុវជនខេត្តស្វាយរៀង
ទិវាអន្តរជាតិនារី ៨មីនា ៖ នាយកស្ដីទីអង្គការភ្លែនអន្តរជាតិកម្ពុជា ចង់ឃើញបុរសចេះចែករំលែកបន្ទុកគ្រួសារក្នុងការចិញ្ចឹមកូន
គំរូយុវតីជនជាតិដើមភាគតិច ៖ “ស្ត្រីត្រូវមានចំណូល និងជំនាញច្បាស់លាស់ មុនសម្រេចចិត្តរៀបការ”
កម្ពុជា ចិន កំពុងបណ្តុះបណ្តាលគ្រូភាសាចិន សម្រាប់ថ្នាក់អនុវិទ្យាល័យ និងវិទ្យាល័យ
ការកសាងពលរដ្ឋឌីជីថល គន្លឹះឆ្ពោះទៅរកភាពជោគជ័យនៃសេដ្ឋកិច្ច និងសង្គមឌីជីថលនៅកម្ពុជា
កម្មវិធីពិសេសរបស់ AMS EDUCATION
ព័ត៌មានសង្ខេប
