ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ Oxford ចក្រភពអង់គ្លេសពីកម្មវិធីអាហារូបករណ៍ Oxford Pershing Sqaure Graduate Scholarship ២០២៤-២០២៥ ។
មហាវិទ្យាល័យដែលអាហារូបករណ៍ផ្ដល់ជូនសិក្សារួមមាន មហាវិទ្យាល័យល័យគោលនយោបាយសាធារណៈ, នាយកដ្ឋានឧក្រិដ្ឋកម្ម និងយុត្តិធម៌ព្រហ្មទណ្ឌ, នាយកដ្ឋានវិទ្យាសាស្ត្រកុំព្យូទ័រ, មហាវិទ្យាល័យអប់រំ, នាយកដ្ឋានគោលនយោបាយសង្គម, នាយកដ្ឋានសង្គមវិទ្យា, នាយកដ្ឋានប្រវត្តិសាស្ត្រ, នាយកដ្ឋានច្បាប់, នាយកដ្ឋានភាសាទំនើប, នាយកដ្ឋានអក្សរសាស្ត្រប្រៀបធៀប, នាយកដ្ឋានសិក្សាចំណាកស្រុក, នាយកដ្ឋានវិទ្យាសាស្ត្រទិន្នន័យ, នាយកដ្ឋានសិក្សាអ៊ីនធឺណិត, នាយកដ្ឋាននរវិទ្យា និង នាយកដ្ឋានជីវចម្រុះ និងអភិរក្ស ។
លក្ខខណ្ឌជ្រើសរើស បេក្ខជនត្រូវមានជំនាញភាសាអង់គ្លេសបានល្អ មានភាពជាអ្នកដឹកនាំ មានបំណងធ្វើការនៅក្នុងសហគមន៍ដើម្បីអភិវឌ្ឍន៍សហគមន៍របស់ខ្លួន មិនមានកំណត់អាយុ ភេទ សាសនា ឬប្រទេសឡើយ ។
បេក្ខជនជ័យលាភីនឹងទទួលបានអត្ថប្រយោជន៍ពីអាហារូបករណ៍ដូចជា ឱកាសសិក្សានៅសាកលវិទ្យាល័យដ៏ល្បីនៃចក្រភពអង់គ្លេស និងរស់នៅចក្រភពអង់គ្លេស, ថ្លៃសិក្សាពេញលេញពី Oxford Pershing Square Graduate Fully Funded Scholarships ២០២៤-២០២៥, និងទឹកប្រាក់ចំនួនជិត២ម៉ឺនដុល្លារសម្រាប់រយៈពេល២ឆ្នាំពីសាកលវិទ្យាល័យ Oxford ។ លើសពីនេះនិស្សិតមានឱកាសក្នុងបង្កើតទំនាក់ទំនងជាមួយនិស្សិតមកពីអន្តរប្រទេស ចូលរួមក្នុងសន្និសិទអន្តរជាតិ និងសកម្មភាពសង្គមផ្សេងៗ ។
ដើម្បីធ្វើការដាក់ពាក្យស្នើអាហារូបករណ៍និស្សិតអាចស្នើតាមរយៈ ៖ https://www.sbs.ox.ac.uk/oxford-experience/scholarships-and-funding/oxford-pershing-square-graduate-scholarships ។ សម្រាប់ព័ត៌មានបន្ថែមអាចចូលទៅកាន់តំណភ្ជាប់ https://b4unew.com/oxford-pershing-square-graduate-scholarships-fully-funded/ ។
ផុតកំណត់ទទួលពាក្យថ្ងៃទី០៥ ខែកញ្ញា ឆ្នាំ២០២៤ ៕
