ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
តាមរយៈគម្រោងជំនាញសម្រាប់ការប្រកួតប្រជែង (S4C) វិទ្យាស្ថានជាតិសហគ្រិនភាព និងនវានុវត្តន៍ (NIEI) ប្រកាសជ្រើសរើសសិស្សចូលរៀនអាហារូបករណ៍កម្រិតសញ្ញាបត្រជាន់ខ្ពស់បច្ចេកទេស (បរិញ្ញាបត្ររង) សម្រាប់ជំនាញវិស្វកម្មអគ្គិសនី ឆ្នាំសិក្សា២០២៤-២០២៥។
លក្ខខណ្ឌនៃការជ្រើសរើស ៖ បេក្ខជនជាសាធារណជន ទាំងពីរភេទដែលប្រឡងជាប់ ឬធ្លាក់បាក់ឌុប, ចំពោះបេក្ខជនជានារី យុវជនក្រីក្រ និងជនមានពិការភាពត្រូវបានផ្ដល់អាទិភាព។
អត្ថប្រយោជន៍ដែលបេក្ខជនទទួលបាន ៖ ការសិក្សារយៈពេល២ឆ្នាំ, ការស្នាក់នៅអន្តេវាសិកដ្ឋានរបស់វិទ្យាស្ថាន, ប្រាក់ឧបត្ថម្ភចំនួន៦០$ក្នុងមួយខែ (សម្រាប់និស្សិតឆ្នើម) និងការសិក្សាដោយផ្សារភ្ជាប់ការអនុវត្តនៅក្នុងរោងជាងដែលបំពាក់ឧបករណ៍ទំនើបៗ ការចុះកម្មសិក្សានៅតាមបណ្ដាក្រុមហ៊ុន/សហគ្រាស មានអាទិភាពការងារខ្ពស់ និងទទួលបានសញ្ញាបត្រចេញដោយក្រសួងការងារ និងបណ្ដុះបណ្ដាលវិជ្ជាជីវៈ និងទទួលស្គាល់ទូទាំងប្រទេស។
បេក្ខជន បេក្ខនារីដែលមានចំណាប់អារម្មណ៍ សូមទាក់ទងទៅវិទ្យាស្ថានដើម្បីដាក់ពាក្យស្នើសុំអាហារូបករណ៍ ចាប់ពីថ្ងៃជូនដំណឹងនេះ រហូតដល់ថ្ងៃទី១៥ ខែកុម្ភៈ ឆ្នាំ២០២៥ ឬបំពេញព័ត៌មានតាមរយៈតំណភ្ជាប់ https://forms.gle/ntjQNJjRwXavsqzX9 ។
សម្រាប់ព័ត៌មានបន្ថែម អាចទំនាក់ទំនងទៅកាន់ ០៨៧ ៥៥៧ ៧៧២ / ០១០ ៥៤៨ ៤២៦ / ០៩៣ ៨០៨ ០៥៧ / ០១០ ២៦៦ ២៩៦ / ០១០ ៧៤៤ ១៣២ / ០៧១ ៦៤ ៣៥ ៣៨៨ ។ វិទ្យាស្ថានជាតិសហគ្រិនភាព និងនវានុវត្តន៍ មានទីតាំងស្ថិតនៅតាមបណ្តោយមហាវិថីសហព័ន្ធរុស្សី សង្កាត់ទឹកថ្លា ខណ្ឌសែនសុខ រាជធានីភ្នំពេញ៕
