កិច្ចពិភាក្សា FrancoTech ថ្ងៃទី៣ ផ្តោតលើបច្ចេកវិទ្យាកសិកម្ម សន្តិសុខស្បៀង និងធុរកិច្ចឌីជីថល

កិច្ចពិភាក្សានៅថ្ងៃទី៣ នៃពិព័រណ៍ FrancoTech បានចាប់ផ្តើមយ៉ាងផុសផុល ដោយផ្តោតលើប្រធានបទសំខាន់ៗពាក់ព័ន្ធនឹងបច្ចេកវិទ្យាកសិកម្ម និងសន្តិសុខស្បៀង ព្រមទាំងធុរកិច្ចឌីជីថល និងនវានុវត្តន៍ ដើម្បីចែករំលែកបទពិសោធន៍ និងស្វែងរកដំណោះស្រាយថ្មីៗសម្រាប់ការអភិវឌ្ឍវិស័យកសិកម្ម និងសេដ្ឋកិច្ចឌីជីថល។

កិច្ចពិភាក្សាទី១ ស្តីពី «បច្ចេកវិទ្យាកសិកម្ម និងសន្តិសុខស្បៀង» ផ្តោតលើការប្រើប្រាស់បច្ចេកវិទ្យាក្នុងវិស័យកសិកម្ម ដើម្បីពង្រឹងសន្តិសុខស្បៀង លើកកម្ពស់កសិកម្មប្រកបដោយចីរភាព និងបង្កើនសមត្ថភាពប្រកួតប្រជែងនៃខ្សែសង្វាក់តម្លៃកសិកម្ម និងចំណីអាហារ។

ក្នុងឱកាសនេះ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ មានប្រសាសន៍ថា ទីផ្សារ និងឧបករណ៍ឌីជីថល អាចជួយឱ្យអ្នកផលិតធ្វើការសម្រេចចិត្តបានកាន់តែល្អប្រសើរ និងកាត់បន្ថយហានិភ័យក្នុងការប្រកួតប្រជែង។

ឯកឧត្តមរដ្ឋមន្ត្រីបានបញ្ជាក់ថា បច្ចេកវិទ្យាមិនត្រឹមតែចូលរួមលើកកម្ពស់ផលិតភាពប៉ុណ្ណោះទេ ប៉ុន្តែថែមទាំងអាចជួយភ្ជាប់រវាងការផ្គត់ផ្គង់ និងតម្រូវការនៅក្នុងទីផ្សារ។ ជាមួយគ្នានេះ កសិករកម្ពុជាកំពុងប្រើប្រាស់បច្ចេកវិទ្យាយ៉ាងទូលំទូលាយ ជាពិសេសគ្រឿងយន្តកសិកម្ម និងឧបករណ៍សម្រាប់ការប្រមូលផល។

ឯកឧត្តម ឌិត ទីណា ក៏បានលើកឡើងពីបំណងរបស់កម្ពុជាក្នុងការពង្រឹងកិច្ចសហប្រតិបត្តិការជាមួយអ្នកស្រាវជ្រាវ និងដៃគូអន្តរជាតិដែលប្រើប្រាស់ភាសាបារាំង និងបណ្តាប្រទេសក្នុងតំបន់អាស៊ី ដើម្បីជំរុញការច្នៃប្រឌិត និងបង្កើតដំណោះស្រាយបច្ចេកទេសថ្មីៗសម្រាប់វិស័យកសិកម្ម។

ឯកឧត្តមបានអំពាវនាវ និងលើកទឹកចិត្តដល់ក្រុមហ៊ុនដែលផ្តល់បច្ចេកវិទ្យាឱ្យបន្តចូលរួមក្នុងការអភិវឌ្ឍវិស័យកសិកម្មកម្ពុជា ព្រមទាំងបង្ហាញក្តីសង្ឃឹមថា កិច្ចពិភាក្សានេះនឹងបង្កើតបាននូវដំណោះស្រាយ និងគំនិតផ្តួចផ្តើមថ្មីៗប្រកបដោយប្រសិទ្ធភាព។

ដោយឡែក កិច្ចពិភាក្សាទី២ ស្តីពី «ធុរកិច្ចឌីជីថល និងនវានុវត្តន៍» ផ្តោតលើការពង្រឹងវិសាលភាពនៃធុរកិច្ចឌីជីថល និងការតភ្ជាប់ទៅកាន់បណ្តាញសហគមន៍ដែលប្រើប្រាស់ភាសាបារាំង ដើម្បីបង្កើនកិច្ចសហប្រតិបត្តិការ ការចែករំលែកចំណេះដឹង និងការបង្កើតនវានុវត្តន៍ថ្មីៗ។

ការរៀបចំកិច្ចពិភាក្សាទាំងនេះ បានក្លាយជាវេទិកាសម្រាប់អ្នកជំនាញ តំណាងរដ្ឋាភិបាល វិស័យឯកជន និងដៃគូអន្តរជាតិ ចែករំលែកបទពិសោធន៍ និងពិភាក្សាអំពីការប្រើប្រាស់បច្ចេកវិទ្យា ដើម្បីឆ្លើយតបទៅនឹងបញ្ហាប្រឈម និងជំរុញការអភិវឌ្ឍប្រកបដោយចីរភាព។

ព្រឹត្តិការណ៍ FrancoTech ត្រូវបានរៀបចំឡើងជាវេទិកាសម្រាប់ជំរុញកិច្ចសហប្រតិបត្តិការផ្នែកបច្ចេកវិទ្យា នវានុវត្តន៍ និងឌីជីថល រវាងកម្ពុជា និងដៃគូអន្តរជាតិ ជាពិសេសបណ្តាប្រទេស និងសហគមន៍ដែលប្រើប្រាស់ភាសាបារាំង៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

វិទ្យាស្ថានពហុបច្ចេកទេសខេត្តបន្ទាយមានជ័យ ផ្តល់អាហារូបករណ៍១០០% សម្រាប់ការសិក្សាជំនាញរយៈពេលខ្លី

ព័ត៌មានអាហារូបករណ៍, ព្រឹត្តិការណ៍

• 12/02/2026

ជាឱកាស​សម្រាប់សាធារណៈជន ក៏​ដូចជា​បងប្អូនពលករ​ចំណាកស្រុក​ដែល​ចង់បាន​ជំនាញ​មួយ​ពិតប្រាកដ ពេលនេះ វិទ្យាស្ថានពហុបច្ចេកទេស​ខេត្ត​ឧត្តរមានជ័យ បានប្រកាស​ពីការ​ផ្តល់អាហារូបករណ៍១០០%

ឱកាស​សម្រាប់​សិស្ស​និស្សិត​កម្ពុជា បន្ត​ការ​សិក្សា​ថ្នាក់ឧត្តមសិក្សា​នៅប្រទេស​ចិន តាមរយៈអាហារូបករណ៍ China-ASEAN Digital Academy

ព័ត៌មានអាហារូបករណ៍, ព្រឹត្តិការណ៍

• 18/05/2026

សាធារណរដ្ឋ​ប្រជាមានិត​ចិន កំពុុង​​ប្រកាស​ផ្តល់​អាហារូបករណ៍​ដល់​និស្សិត​កម្ពុជាចំនួន ១០​ រូប ដើម្បី​ឱ្យ​ទៅ​បន្ត​ការ​សិក្សា​ថ្នាក់​បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត លើមុខជំនាញផ្សេងៗ នៅ Harbin Institute of Technolog

មជ្ឈមណ្ឌលបណ្ដុះបណ្ដាលវិជ្ជាជីវៈខេត្តមណ្ឌលគិរី ជ្រើសរើសយុវជនចូលរៀនជំនាញវិជ្ជាជីវៈចំនួន៣៨៥កន្លែង

ព័ត៌មានអាហារូបករណ៍, ព្រឹត្តិការណ៍

• 18/12/2023

មជ្ឈមណ្ឌលបណ្ដុះបណ្ដាលវិជ្ជាជីវៈខេត្តមណ្ឌលគិរីប្រកាសជ្រើសរើសយុវជនចូលសិក្សាជំនាញបច្ចេកទេស និងវិជ្ជាជីវៈចំនួន៣៨៥កន្លែងសម្រាប់ឆ្នាំសិក្សា...

វិទ្យាស្ថានពហុបច្ចេកទេសខេត្តកំពង់ឆ្នាំង ផ្តល់អាហារូបករណ៍៤៥កន្លែង សម្រាប់ជំនាញជួសជុលកុំព្យូទ័រ និង​រចនាក្រាហ្វិច

ព័ត៌មានអាហារូបករណ៍, ព្រឹត្តិការណ៍

• 22/05/2023

ក្រោមថវិកាគម្រោងទ្រទ្រង់គ្រឹះស្ថានជំហាន១ ឆ្នាំ២០២៣ វិទ្យាស្ថានពហុបច្ចេកទេសខេត្តកំពង់ឆ្នាំងប្រកាសជ្រើសរើសសិស្សសិក្សាជំនាញ​បច្ចេកទេស​ដោយ​ឥតគិតថ្លៃចំនួន ៤៥នាក់។...

អាហារូបករណ៍រដ្ឋាភិបាលចិនប្រភេទ B ថ្នាក់បរិញ្ញាបត្រជាន់ខ្ពស់ និងបណ្ឌិត ជំនាញបច្ចេកវិទ្យា នៅសាកលវិទ្យាល័យ Beihang

ព័ត៌មានអាហារូបករណ៍, ព្រឹត្តិការណ៍

• 27/12/2023

អាហារូបករណ៍រដ្ឋាភិបាលចិនប្រភេទB ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតសិក្សានៅសាកលវិទ្យាល័យ Beihang ឆ្នាំសិក្សា២០២៣-២០២៤។...

ឱកាសចូលរួម​កម្មវិធី​ទស្សនកិច្ច​សិក្សា​នៅ​សាកលវិទ្យាល័យ CHUO ទីក្រុងតូក្យូ ប្រទេស​ជប៉ុន

ព័ត៌មានអាហារូបករណ៍, ព្រឹត្តិការណ៍

• 21/07/2025

សាកលវិទ្យាល័យ​ភូមិន្ទ​នីតិសាស្រ្ត និង​វិទ្យាសាស្រ្ត​សេដ្ឋកិច្ច បានប្រកាស​ជ្រើសរើស​និស្សិត​ចំនួន១០រូប ដើម្បី​ទៅចូល​រួមទស្សនកិច្ច​សិក្សា​នៅ​សាកលវិទ្យាល័យ CHUO ទីក្រុង​តូក្យូ ប្រទេស​ជប៉ុន ដែល​នឹង​ប្រព្រឹត្ត​ទៅ​ពី​ថ្ងៃទី១៧-២៣ ខែវិច្ឆិកា ឆ្នាំ២០២៥។

ឱកាសសិក្សាអាហារូបករណ៍ពីកម្មវិធី CICOPS នៅសាកលវិទ្យាល័យ Pavia នៃប្រទេសអ៉ីតាលី ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 03/05/2024

ឱកាសសិក្សាអាហារូបករណ៍រយៈពេលខ្លីពីកម្មវិធីអាហារូបករណ៍CICOPS នៅសាកលវិទ្យាល័យ Pavia Italy នៃប្រទេសអ៉ីតាលីឆ្នាំ២០២៥សម្រាប់ថ្នាក់...

អាហារូបករណ៍ថ្នាក់ឧត្តមសិក្សានៅសាកលវិទ្យាល័យ Saskatchewan ប្រទេសកាណាដាឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 26/06/2023

ឱកាសសិក្សាអាហារូបករណ៍សិក្សាថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យ Saskatchewan នៃប្រទេសកាណាដាឆ្នាំសិក្សា២០២៤ ។ ...

អាហារូបករណ៍រដ្ឋាភិបាលចិន ផ្លូវមួយ ខ្សែក្រវ៉ាត់មួយ ជំនាញវេជ្ជសាស្ត្រ

ព័ត៌មានអាហារូបករណ៍, ព្រឹត្តិការណ៍

• 02/04/2026

ឱកាស​ទទួលបានអាហារូបករណ៍រដ្ឋាភិបាលចិន ផ្លូវមួយ ខ្សែក្រវ៉ាត់មួយ ប្រភេទ CSC Type B ទៅសិក្សា​ជំនាញវេជ្ជសាស្ត្រ ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ឆ្នាំសិក្សា ២០២៦-២០២៧ នៅប្រទេសចិន