ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ស្តង់ Photo IA ក្នុងព្រឹត្តិការណ៍ហ្វ្រង់កូតិច (FrancoTech) កំពុងទទួលបានការចាប់អារម្មណ៍ពីអ្នកចូលរួមក្នុងការទទួលបទពិសោធបច្ចេកវិទ្យាថ្មីៗដែលរួមបញ្ជូលដោយបច្ចេលវិទ្យា AI។
កញ្ញា ទួន វួចស៊ីម ក្រុមការងារ Francotech (Photo IA) បានបង្ហាញចំណាប់អារម្មណ៍ថា កញ្ញាពិតជាមានអារម្មណ៍សប្បាយរីករាយ ដែលមានសាធារណជន ជាពិសេសយុវជន ជាច្រើនបានមកស្វែងយល់ពីបច្ចេកវិទ្យាថ្មីៗនៅក្នុងព្រឹត្តិការណ៍ហ្វ្រង់កូតិច (FrancoTech)។
កញ្ញា ទួន វួចស៊ីម បញ្ជាក់បន្ថែមថា ចំពោះការដាក់ស្តង់ Photo IA ក្នុងព្រឹត្តិការណ៍ហ្វ្រង់កូតិច (FrancoTech) នេះ ព្រោះចង់ចូលរួមបង្ហាញបច្ចេកវិទ្យាថតរូបថ្មី ដោយប្រើប្រាស់បច្ចេកវិទ្យា AI ដើម្បីផ្ដល់នូវបរិយាកាសរីករាយផង និងផ្ដល់នូវបទពិសោធថ្មីដល់អ្នកចូលរួមផង។
កញ្ញា ទួន វួចស៊ីម បន្តថា អ្នកចូលរួមទស្សនាស្តង់ថតរូប Photo IA ក៏បង្ហាញទឹកមុខសប្បាយរីករាយ រំភើប ក្នុងការទទួលបានរូបភាពស្អាត មានការរចនាច្នៃប្រឌិតដោយបច្ចេកវិទ្យា AI និងអាចទទួលបានរូបថតទុកជាវត្ថុអនុស្សាវរីយ៍ដោយឥតគិតថ្លៃផងដែរ។
ក្រុមការងារ Francotech (Photo IA) បន្ថែមថា ក្នុងព្រឹត្តិការណ៍ហ្វ្រង់កូតិច (FrancoTech) ២០២៦ រយៈពេល ៣ថ្ងៃនេះ គឺមានការដាក់ស្តង់តាំងបង្ហាញបច្ចេកវិទ្យាជាច្រើន មិនត្រឹមតែស្តង់កម្ពុជា តែក៏មានស្តង់មកពីបណ្ដាប្រទេសនិយាយភាសាបារាំងជាច្រើនទៀត ដែលជាឱកាសល្អដល់យុវជនក្នុងការចូលរួមទស្សនានិងសិក្សាស្វែងយល់។
គួរជំរាបជូនថា ព្រឹត្តិការណ៍ហ្វ្រង់កូតិច ឆ្នាំ២០២៦ នឹងប្រមូលផ្តុំតំណាងមកពីប្រទេសនិយាយភាសាបារាំងចំនួន ៩០ប្រទេស រួមមានស្ថាប័នរដ្ឋាភិបាល ធុរកិច្ចថ្មីឌីជីថល (Startups) វិនិយោគិន ក្រុមហ៊ុនបច្ចេកវិទ្យា និងថ្នាក់ដឹកនាំផ្នែកនវានុវត្តន៍ ដើម្បីជំរុញកិច្ចសហប្រតិបត្តិការ ភាពជាដៃគូ និងការអភិវឌ្ឍសេដ្ឋកិច្ច៕
