វិធីសាស្ត្រទាំង ១០ ដើម្បីតស៊ូនឹងភាពបរាជ័យ

បរាជ័យជារឿងមួយដែលពិបាកនឹងទទួលយកបំផុត។ ពេលជួបប្រទះនឹងការខកចិត្តជាបន្តបន្ទាប់ មិនថារឿងផ្ទាល់ខ្លួន ឬការងារនោះទេ វាអាចធ្វើឱ្យយើងមើលឃើញខ្លួនឯងក្នុងផ្លូវអវិជ្ជមាន បាត់បង់ទំនុកចិត្ត និងគិតថា ខ្លួនឯងលែងមានតម្លៃអ្វីទាំងអស់។

បើយោងតាមការលើកឡើងរបស់ បណ្ឌិត Elise Kalokerinos អ្នកជំនាញផ្នែកចិត្តវិទ្យាសង្គម និងជាសាស្ត្រាចារ្យរងនៅសាកលវិទ្យាល័យ Melbourne ប្រទេសអូស្ត្រាលី បានឱ្យដឹងថា អារម្មណ៍ខកចិត្តទាំងនេះអាចវិវត្តទៅជាការមើលស្រាលខ្លួនឯង ឬការបន្ទោសខ្លួនឯងឥតឈប់ឈរ។ ការសិក្សាស្រាវជ្រាវក៏បានបញ្ជាក់ផងដែរថា ការជួបប្រទះបរាជ័យអាចបង្កើនហានិភ័យ នៃបញ្ហាសុខភាពផ្លូវចិត្តថែមទៀតផង។

ទោះបីជាយ៉ាងណាក៏ដោយ យើងពិតជាអាចបង្វែរអារម្មណ៍ពីការខកចិត្ត ឱ្យទៅជាភាពម្ចាស់ការលើខ្លួនឯងបាន តាមរយៈការចេះគ្រប់គ្រងអារម្មណ៍ខ្លួនឯង។ ខាងក្រោមនេះគឺជាវិធីសាស្ត្រជាក់ស្តែងទាំង ១០ ដែលណែនាំដោយអ្នកជំនាញចិត្តសាស្ត្រ ដើម្បីជួយអ្នកសម្រួលអារម្មណ៍ និងដឹកនាំផ្នត់គំនិតឆ្ពោះទៅរកភាពជោគជ័យសាជាថ្មី៖

១. ទទួលស្គាល់អារម្មណ៍ពិតរបស់ខ្លួនឯង

សម្រាប់ដំណោះស្រាយលើអារម្មណ៍ខកចិត្ត យោបល់ដំបូងរបស់បណ្ឌិត Kalokerinos គឺ «ការទទួលស្គាល់»។ ចូរប្រាប់ខ្លួនឯងថា វាជារឿងធម្មតាទេដែលយើងមានអារម្មណ៍មិនល្អនៅពេលដំបូងដែលអ្វីៗមិនបានដូចបំណង។ ការបណ្តោយឱ្យខ្លួនឯងបង្ហាញអារម្មណ៍ឈឺចាប់ ឬខកចិត្តបន្តិចបន្តួច គឺជារឿងដែលត្រូវយល់ដឹង និងទទួលយក។

២. មានចិត្តមេត្តាចំពោះខ្លួនឯង

ការទទួលស្គាល់គឺជាផ្នែកមួយនៃគំនិតដ៏ធំទូលាយមួយទៀតហៅថា ការមានចិត្តមេត្តាចំពោះខ្លួនឯង ដែលក្នុងនោះអ្នកត្រូវចេះប្រព្រឹត្តចំពោះខ្លួនឯងដូចជាមិត្តភក្តិជិតស្និទ្ធម្នាក់ដែរ។ ការស្រាវជ្រាវបានបង្ហាញថា ការមានចិត្តល្អចំពោះខ្លួនឯងអាចជួយបង្កើនអារម្មណ៍វិជ្ជមាន និងកាត់បន្ថយការគិតវិលវល់ដដែលៗក្នុងខួរក្បាល។

ប្រសិនបើអ្នកកំពុងពិបាករកវិធីថែរក្សាខ្លួនឯង សូមសាកល្បងសម្រាករយៈពេលកន្លះម៉ោងដើម្បីបញ្ចូលថាមពលឡើងវិញ ដូចជាការគេងបន្តិច ឬទាក់ទងទៅមិត្តភក្តិដែលអ្នកទុកចិត្ត។ ការធ្វើសមាធិក៏ជាមធ្យោបាយដ៏មានឥទ្ធិពលក្នុងការជួយឱ្យអ្នកស្គាល់ និងទប់ស្កាត់ការនិយាយបង្អាប់ខ្លួនឯងក្នុងចិត្ត ដែលបង្កឱ្យមានភាពតានតឹងផងដែរ។

៣. ប្រើប្រាស់វិធីបង្វែរអារម្មណ៍ដើម្បីកំណត់ការគិតឡើងវិញ

ការបង្វែរអារម្មណ៍មិនមែនជាការលាក់បាំង ឬសង្កត់សង្កិនអារម្មណ៍នោះទេ ប៉ុន្តែវាជាការសម្រាកបណ្តោះអាសន្នដើម្បីផ្តោតលើអ្វីផ្សេងដែលមានភាពវិជ្ជមាន។ វាមិនត្រឹមតែធ្វើឱ្យអារម្មណ៍ធូរស្រាលប៉ុណ្ណោះទេ ថែមទាំងជួយឱ្យយើងងាយស្រួលក្នុងការត្រឡប់មកដោះស្រាយបញ្ហាដោយក្បាលស្រឡះជាងមុន។

៤. បង្កើតសំណើច ឬរឿងកំប្លែង

ការសើច ឬការស្វែងរកភាពសប្បាយរីករាយ អាចជាជម្រើសចុងក្រោយដែលយើងនឹកឃើញពេលកំពុងបរាជ័យ ប៉ុន្តែការសិក្សាបានបង្ហាញថា រឿងកំប្លែង និងសំណើច គឺជាឧបករណ៍គ្រប់គ្រងអារម្មណ៍ដ៏មានឥទ្ធិពល សូម្បីតែអ្នកកំពុងជួបប្រទះរោគសញ្ញាជំងឺបាក់ទឹកចិត្តក៏ដោយ។

៥. កែប្រែរបៀបនិយាយជាមួយខ្លួនឯង

ពេលរឿងរ៉ាវមិនបានដូចបំណង យើងងាយនឹងធ្លាក់ចូលទៅក្នុងសង្វាក់នៃការគិតអវិជ្ជមានជាមួយខ្លួនឯងណាស់។ លោកបណ្ឌិត Jason Moser សាស្ត្រាចារ្យ និងជាអ្នកជំនាញចិត្តសាស្ត្រ clinical មួយរូប បានណែនាំវិធីសាមញ្ញមួយគឺ ការនិយាយទៅកាន់ខ្លួនឯងដោយប្រើឈ្មោះផ្ទាល់ខ្លួន ឬពាក្យថា «អ្នក» ជំនួសឱ្យការប្រើពាក្យថា «ខ្ញុំ»។ ការធ្វើបែប (Distanced Self-Talk) នឹងជួយបង្កើតគម្លាតអារម្មណ៍ដ៏មានប្រយោជន៍ ដើម្បីកាត់បន្ថយភាពតានតឹងពីស្ថានការណ៍ពិបាកៗនោះ។

៦. តភ្ជាប់ខ្លួនទៅនឹងតម្លៃស្នូលរបស់អ្នក

ទោះបីជាអ្វីៗមិនបានដូចការរំពឹងទុកក៏ដោយ ក៏អ្នកគួរតែបន្តរក្សាភាពស្មោះត្រង់ចំពោះតម្លៃស្នូលរបស់ខ្លួនឯង ដូចជាការស្រលាញ់ការរីកចម្រើន ការស្វែងរកឱកាសថ្មីៗ និងការហ៊ានប្រឈមមុខនឹងបញ្ហាប្រឈម។ ការរំឭកខ្លួនឯងអំពីអ្វីដែលមានតម្លៃបំផុតក្នុងជីវិត អាចជួយបន្ធូរបន្ថយភាពតានតឹង និងផ្តល់កម្លាំងចិត្តពីអ្វីដែលមានអត្ថន័យធំធេងជាងការបរាជ័យចំពោះមុខ។

៧. មើលឃើញបរាជ័យជាមតិកែលម្អ

មនុស្សដែលមានភាពធន់ខ្ពស់ក្នុងជីវិត គឺពួកគាត់ចេះរៀនសូត្រពីកំហុស ជាជាងមានអារម្មណ៍ខ្មាសអៀន។ កំហុសឆ្គង និងឧបសគ្គមិនមែនជាអ្នកកំណត់តម្លៃនៃជីវិតរបស់អ្នកឡើយ ប៉ុន្តែវាគឺជា «ព័ត៌មាន» ដែលជួយឱ្យអ្នកកាន់តែពូកែជាងមុន។

៨. រៀបចំផែនការសកម្មភាពសម្រាប់ពេលក្រោយ

កាលណាអ្នកចាប់ផ្តើមស្ងប់ចិត្ត និងទាញយកមេរៀនពីកំហុសបានហើយ ចូរចំណាយពេលគិតគូរពីរៀបចំផែនការទុកជាមុនថា តើអ្នកគួរត្រូវធ្វើអ្វីខ្លះបើជួបស្ថានភាពបែបនេះសាជាថ្មី។ ការធ្វើបែបនេះជួយឱ្យអ្នកដឹងថា តើផ្នែកណាមួយដែលស្ថិតក្រោមការគ្រប់គ្រងរបស់អ្នក និងផ្នែកណាមួយដែលហួសពីលទ្ធភាពរបស់អ្នក។

៩. ស្វែងរកចំណុចវិជ្ជមានដែលមិននឹកស្មានដល់

នៅក្នុងស្ថានការណ៍ដែលស្មុគស្មាញ ឬជូរចត់បំផុត ចូរចោទសួរខ្លួនឯងថា «តើមានរឿងល្អអ្វីខ្លះដែលកើតឡើងពីការបរាជ័យនេះ?» ឬ «តើខ្ញុំទទួលបានបទពិសោធន៍អ្វីខ្លះដែលខ្ញុំមិនធ្លាប់មានពីមុន?» ការរកឃើញពន្លឺតូចមួយក្នុងចំណោមភាពងងឹត អាចជួយផ្លាស់ប្តូរទស្សនៈ និងបើកទ្វារឆ្ពោះទៅរកឱកាសថ្មីៗ។

១០. ស្វែងរកជំនួយ និងការគាំទ្រ

ប្រសិនបើអ្នកបានព្យាយាមគ្រប់វិធីហើយ ប៉ុន្តែនៅតែមិនអាចឆ្លងកាត់អារម្មណ៍អវិជ្ជមាននេះបានទេ ការស្នើសុំជំនួយពីមិត្តភក្តិ ក្រុមគ្រួសារដែលយល់ចិត្ត ឬអ្នកជំនាញផ្នែកចិត្តសាស្ត្រ គឺជាជម្រើសដ៏ឆ្លាតវៃបំផុត។ ត្រូវចាំថា ការជ្រើសរើសមនុស្សដែលត្រឹមត្រូវសម្រាប់ពិភាក្សា គឺជារឿងសំខាន់បំផុតដើម្បីជៀសវាងការទទួលបានការវាយតម្លៃអវិជ្ជមានដែលធ្វើឱ្យស្ថានភាពកាន់តែយ៉ាប់យ៉ឺនទៅវិញ៕



About WordPress

របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់ឧត្ដមសិក្សា៥០កន្លែងនៅវិទ្យាស្ថានអាហ្កា

ព័ត៌មានអាហារូបករណ៍, ព្រឹត្តិការណ៍

• 22/10/2024

ឱកាសសិក្សាអាហារូបករណ៍ចំនួន៥០កន្លែងនៅវិទ្យាស្ថានអាហ្កា (AGA) សិក្សាថ្នាក់ឧត្ដមសិក្សាពីកម្មវិធីអាហារូបករណ៍អភិសន្តិបណ្ឌិត ស សុខា។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្ររង និងថ្នាក់បរិញ្ញាបត្រ សម្រាប់ឆ្នាំសិក្សា២០២៤-២០២៥។

អាហារូបករណ៍ថ្នាក់វេជ្ជបណ្ឌិត ផ្នែកវេជ្ជសាស្ត្រ នៅប្រទេសជប៉ុន រយៈពេល៦ឆ្នាំ

ព័ត៌មានអាហារូបករណ៍, ព្រឹត្តិការណ៍, អាហារូបករណ៍

• 08/07/2026

អាហារូបករណ៍សិក្សាពេញថ្លៃផ្នែកវិជ្ជសាស្ត្រ នៅប្រទេសជប៉ុន សម្រាប់ឆ្នាំសិក្សា២០២៧-២០៣៥

ឱកាសសិក្សាថ្នាក់បរិញ្ញាបត្រជាន់ខ្ពស់អប់រំឯកទេសការអប់រំបឋមសិក្សា ចំនួន២០នាក់ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 08/01/2025

ក្រសួងអប់រំ យុវជន និងកីឡា និង អង្គការយូណេស្កូ ប្រកាសជ្រើសរើសបុគ្គលិកអប់រំ ចូលសិក្សាថ្នាក់បរិញ្ញាបត្រជាន់ខ្ពស់អប់រំឯកទេសការអប់រំបឋមសិក្សា នៅវិទ្យាស្ថានគរុកោសល្យរាជធានីភ្នំពេញ ក្រោមកម្មពីធីពង្រឹងការអប់រំគ្រូបង្រៀននៅកម្ពុជា...

វេសឡាញសហការជាមួយសាកលវិទ្យាល័យ DPU ប្រទេសថៃ ផ្តល់ឱកាសសិក្សា និងអាហារូបករណ៍ដល់សិស្សានុសិស្សកម្ពុជា

ព័ត៌មានអាហារូបករណ៍, ព្រឹត្តិការណ៍

• 29/11/2024

បណ្តាញគ្រឹះស្ថានអប់រំ វេសឡាញ អេឌ្យូខេសិន គ្រុប និងសាកលវិទ្យាល័យ Dhurakij Pundit (DPU) ប្រទេសថៃ កាលពីពេលថ្មីៗនេះ បានចុះ MoU ជាមួយគ្នា ក្នុងការផ្តល់ឱកាសសិក្សា និងអាហារូបករណ៍ដល់សិស្សានុសិស្សកម្ពុជា ដែលមានបំណង...

អាហារូបករណ៍ថ្នាក់បរិញ្ញាបត្រចំនួន១០កន្លែងនៅវិទ្យាស្ថាន វ៉ាន់ដា ឆ្នាំសិក្សា​២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 07/12/2023

ឱកាសសិក្សាអាហារូបករណ៍ថ្នាក់បរិញ្ញាបត្រចំនួន១០កន្លែងពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិសម្រាប់សិស្ស-និស្សិតទូទាំងប្រទេសឱ្យសិក្សាថ្នាក់បរិញ្ញាបត្រ សិក្សា...

វិទ្យាស្ថានពហុបច្ចេកទេស​ខេត្តបន្ទាយមានជ័យ ផ្តល់អាហារូបករណ៍២៥០កន្លែង​សម្រាប់សិស្សធ្លាក់ ឬជាប់បាក់ឌុប

ព័ត៌មានអាហារូបករណ៍, ព្រឹត្តិការណ៍

• 10/12/2024

ជាឱកាស​សម្រាប់​សិស្សានុសិស្ស​ដែលទើបប្រឡង​បញ្ចប់សញ្ញាបត្រ​មធ្យមសិក្សា​ទុតិយភូមិ ឬបាក់ឌុប វិទ្យាស្ថាន​ពហុបច្ចេកទេស​ខេត្តបន្ទាយមានជ័យ​ ប្រកាស​ផ្តល់អាហារូបករណ៍​ចំនួន​២៥០កន្លែងសម្រាប់កម្រិត​សញ្ញាបត្រ​ជាន់ខ្ពស់​បច្ចេកទេស ឬបរិញ្ញាបត្ររង។

ឱកាសសម្រាប់និស្សិតកម្ពុជាជំនាញវិចិត្រសិល្បៈទៅផ្លាស់ប្តូរបទពិសោធន៍សិក្សានៅ Korea National University of Heritage

ព័ត៌មានអាហារូបករណ៍, ព្រឹត្តិការណ៍

• 14/10/2026

ជា​ឱកាសសម្រាប់និស្សិតកម្ពុជា​ដែលកំពុងសិក្សាចាប់ពីឆ្នាំទី២ រហូត ដល់ឆ្នាំទី៤ នៃមហាវិទ្យាល័យបុរាណវិទ្យា មហាវិទ្យាល័យស្ថាបត្យកម្មនិងនគរូបនីយវិទ្យា និងមហាវិទ្យាល័យ

ក្រសួងអប់រំជ្រើសរើសកុមារីចូលរួមប្រកួតកម្មវិធីតិចណូវេសិនកម្ពុជា ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 09/01/2025

ក្រសួងអប់រំ យុវជន និងកីឡា ប្រកាស​ជ្រើសរើសសិស្សនារីអាយុពី៨ ដល់១៨ឆ្នាំ ចូលរួមប្រកួតកម្មវិធីតិចណូវេសិន កម្ពុជា ឆ្នាំ២០២៥ ដើម្បីបង្កើនបរិមាណក្មេងស្រីបញ្ចប់ការសិក្សាលើជំនាញកុំព្យូទ័រ ។ កម្មវិធីនេះ ជំរុញលើកទឹកចិត្តកុមារីឱ្យក្លាយជាអ្នកអភិវឌ្ឍកម្មវិធី...

អាហារូបករណ៍ ASEAN-China Young Leaders ថ្នាក់បណ្ឌិត បរិញ្ញាបត្រជាន់ខ្ពស់ និងថ្នាក់ស្រាវជ្រាវសម្រាប់ឆ្នាំសិក្សា២០២៦-២០២៧ នៅប្រទេសចិន

ព័ត៌មានអាហារូបករណ៍, ព្រឹត្តិការណ៍

• 21/01/2026

ក្នុងសេចក្តីជូនដំណឹងកាលពីដើមសប្តាហ៍នេះ ក្រសួងអប់រំ យុវជន និងកីឡា បានឱ្យដឹងថា គណៈកម្មាធិការអាហារូបករណ៍អ្នកដឹកនាំវ័យក្មេងអាស៊ាន-ចិន (ASEAN-China Young Leaders Scholarship) នឹងផ្តល់អាហារូបករណ៍...