ការតាំងចិត្ត ជួយ យុវតី លឹម យ៉ុងយ៉ែរ សម្រេចក្តីប្រាថ្នាទៅបន្ត​ការសិក្សា​នៅ​ប្រទេសចិន

សំឡេងត្រូវបានបង្កើតឡើងតាមរយៈប្រព័ន្ធបញ្ញាសិប្បនិម្មិត

បំណងប្រាថ្នាចង់ទៅសិក្សា​នៅ​ប្រទេសចិន គឺជា​ក្តីស្រម៉ៃរបស់យុវតី លឹម យ៉ុងយ៉ែរ ចាប់តាំងពីថ្នាក់វិទ្យាល័យ។ ដើម្បីតាមចាប់ក្តីស្រម៉ៃនេះ ក្រោយប្រឡងបញ្ចប់ថ្នាក់ទី១២ភ្លាមៗ យ៉ុងយ៉ែរ បានស្វះស្វែង​រកដាក់ពាក្យ​អាហារូបករណ៍ទៅបន្ត​ការ​សិក្សា​នៅ​ប្រទេសចិនភ្លាមៗ​ប៉ុន្តែមិនទទួលបានជោគជ័យ។ ក្រោយបរាជ័យចំនួន២ដង ទីបំផុតយុវតីរូបនេះ បានប្រឡងជាប់ទទួលបានអាហារូបករណ៍​ទៅ​សិក្សា​ជំនាញវិទ្យាសាស្រ្ត​កុំព្យូទ័រ នៅ​ប្រទេស​ចិន តាមរយៈអាហារូបករណ៍ អ.ម.ត ។

យុវតី លឹម យ៉ុងយ៉ែរ និយាយថា មុនទទួលបានអាហារូបករណ៍នេះ កញ្ញាធ្លាប់ដាក់ពាក្យស្នើសុំអាហារូបករណ៍​រដ្ឋាភិបាលចិន តាមរយៈការប្រកួតប្រជែងជ្រើសរើសរបស់ក្រសួងអប់រំ យុវជន និងកីឡា ចំនួនពីរដងហើយដែរ ប៉ុន្តែមិនទទួលបានជោគជ័យ។ កត្តាដែលមិនទាន់ទទួលបានជោគជ័យ យ៉ុងយ៉ែរ យល់ឃើញថា ប្រហែលជាមកពីខ្លួនមិនទាន់ត្រៀមខ្លួនបានគ្រប់គ្រាន់អំពីចំណេះដឹងមួយចំនួនដូចជា ការដាក់ពាក្យ ការត្រៀមខ្លួនក្នុងការសម្ភាសន៍ និងចំណេះដឹងទូទៅផ្សេងទៀត។

តែយ៉ាងណានៅពេលដាក់ពាក្យស្នើសុំអាហារូបករណ៍លើកទី៣ តាមរយៈអាហារូបករណ៍ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (អ.ម.ត) យ៉ុងយ៉ែរ ទទួលបានការណែនាំ និងការជួយសម្រួលពីសំណាក់សិស្សច្បងផង នាងអាចយល់ និងដឹងកាន់តែច្រើនអំពីដំណើរការដាក់​ពាក្យ​តាំងពីការចាប់ផ្ដើមដាក់ពាក្យស្នើសុំ រហូតដល់វគ្គសម្ភាសន៍ និងការដាក់ពាក្យផ្ទាល់ទៅកាន់សាលារៀនដែលត្រូវទៅសិក្សា កម្មវិធីសិក្សា ការធ្វើឯកសារ និងត្រៀមឯកសារផ្សេងៗផងដែរ។

« ខ្ញុំបានចាប់ផ្ដើមរៀនភាសាចិនដោយខ្លួនឯងតាំងពីចុងឆ្នាំថ្នាក់ទី៨ រហូតអាចប្រើប្រាស់ច្រើនគួរសម និងអាចស្វែងរកការងារធ្វើទាក់ទងនឹងការប្រើប្រាស់ភាសាចិនបានផងដែរ» កញ្ញា លឹម យ៉ុងយ៉ែរ ។

ព្រោះតែកត្តាជីវភាព យ៉ុងយ៉ែរ មិនមានឱកាសបន្តការសិក្សានៅថ្នាក់មហាវិទ្យាល័យឡើយ បន្ទាប់ពីប្រឡងបញ្ចប់ថ្នាក់វិទ្យាល័យនៅកំឡុងឆ្នាំ២០២២ ដោយ យ៉ុងយ៉ែរ បានចាកចេញពីស្រុកកំណើត​នៅ​ខេត្តព្រៃវែង មកកាន់រាជធានីភ្នំពេញ ហើយស្វែង​រក​ការងារជា​អ្នក​បកប្រែភាសាចិន នៅ​ក្នុង​ក្រុមហ៊ុន​ឯកជនមួយ។ ក្មេងស្រីមានភាពតស៊ូនឹងភាពលំបាករូបនេះបន្តថា ការធ្លាក់អាហារូបករណ៍ចំនួន២ដងសឹងតែធ្វើឱ្យនាងបោះបង់ក្ដីស្រមៃទៅបន្តការសិក្សានៅប្រទេសចិនហើយ ប៉ុន្តែកូនចិត្តមួយបានដាស់ស្មារតីថា ប្រសិនបើទទួលបានអាហារូបករណ៍ទៅសិក្សានៅប្រទេសចិន នឹងធ្វើឱ្យនាងអាចមានឱកាសរៀនបន្ត និងទទួលបានប្រាក់ខែពីកម្មវិធីអាហារូបករណ៍ដែលអាចសម្រួលជីវភាពក្នុងកំឡុងពេលសិក្សាផងដែរ។

ក្រោយការតាំងចិត្តមិនបោះបង់ យ៉ុងយ៉ែរ ក៏អាចយកឈ្នះការប្រកួតប្រជែងជាមួយបេក្ខជនជាច្រើនរូប និងមានឱកាសទៅបន្តការសិក្សានៅប្រទេសចិនបានសម្រេចដូចក្ដីប្រាថ្នា។

ក្រោយជាប់ជាបេក្ខភាពទៅបន្តការសិក្សានៅប្រទេសចិន យុវតី លឹម យ៉ុងយ៉ែរ បានបង្ហាញការប្តេជ្ញាចិត្តថា នឹងខិតខំប្រឹងប្រែងរៀនសូត្រដល់ទីបញ្ចប់ និងឆ្លៀតស្វែងរកឱកាសការងារ ការចែករំលែកវប្បធម៌ផ្សេងៗដើម្បីជាបទពិសោធន៍មុនត្រឡប់មកប្រទេសកម្ពុជាវិញ។

ជាមួយគ្នានេះ យុវតី លឹម យ៉ុងយ៉ែរ ក៏សូមថ្លែងអំណរគុណចំពោះ សម្តេចតេជោ សម្តេចកិត្តិព្រឹទ្ធបណ្ឌិត សម្តេចធិបតី និងលោកជំទាវបណ្ឌិតដែលបានផ្ដល់នូវអាហារូបករណ៍ដែលមានតម្លៃយ៉ាងជ្រាលជ្រៅមកដល់រូបនាង និងក៏អរគុណដល់ក្រុមការងារ អ.ម.ត សម្រាប់ការតម្រង់ទិស និងការតាមដានការដាក់អាហារូបករណ៍របស់សិស្សនិស្សិតទាំងអស់គ្នា ព្រមទាំងការយកចិត្តទុកដាក់របស់ពួកគាត់ ធ្វើអោយសិស្សនិស្សិតទាំងអស់មានទំនុកចិត្តលើការដាក់អាហារូបករណ៍លើកនេះ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាស​សម្រាប់សិស្សកំពុងរៀនថ្នាក់ទី១២ ចង់រៀនជំនាញបច្ចេកវិទ្យា, ខេមតិច ផ្តល់អាហារូបករណ៍ ១០០%

ព័ត៌មានអាហារូបករណ៍, ព្រឹត្តិការណ៍

• 30/04/2026

សម្រាប់សិស្សានុសិស្ស​ដែលកំពុងរៀនថ្នាក់ទី១២ ហើយមានបំណងចង់បន្តការសិក្សានៅសាកលវិទ្យាល័យ លើជំនាញបច្ចេកវិទ្យា បន្ទាប់ពីចប់បាក់ឌុបរួច, ពេលនេះ សាកលវិទ្យាល័យ​ឯកជនក្នុងស្រុកមួយ...

ក្រសួងអប់រំ ជ្រើសរើសគ្រូបង្រៀនទៅផ្លាស់ប្ដូរការបង្រៀននៅសាធារណរដ្ឋកូរ៉េ

ព័ត៌មានអាហារូបករណ៍, ព្រឹត្តិការណ៍

• 19/02/2025

ឱកាសផ្លាស់ប្ដូរបទពិសោធន៍ការបង្រៀនសម្រាប់គ្រូកម្ពុជា ទៅបង្រៀននៅសាធារណរដ្ឋកូរ៉េចំនួន៨៩ថ្ងៃ ក្រោមការសហការរបស់ ក្រសួងអប់រំ យុវជន និងកីឡា និង អង្គការអាស៊ី-ប៉ាស៊ីហ្វិក នៃការអប់រំសម្រាប់ការយល់ដឹងសកល នៃសាធារណរដ្ឋកូរ៉េ...

អាហារូបករណ៍ថ្នាក់បរិញ្ញាបត្រនៅសាកលវិទ្យាល័យគៀងយ៉ាង​ប្រទេសវៀតណាម​​ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 28/04/2023

ភ្នំពេញ - សាកលវិទ្យាល័យគៀងយ៉ាង នៃប្រទេសវៀតណាម បានប្រកាសផ្ដល់អាហារូបករណ៍ថ្នាក់បរិញ្ញាបត្រដល់និស្សិតកម្ពុជាដែលកំពុងសិក្សានៅសាកលវិទ្យាល័យភូមិន្ទភ្នំពេញ...

អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Hubei ប្រទេសចិន

ព័ត៌មានអាហារូបករណ៍, ព្រឹត្តិការណ៍

• 29/12/2023

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតពីអាហារូបករណ៍រដ្ឋាភិបាលចិននៅសាកលវិទ្យាល័យ Hubei ឆ្នាំសិក្សា២០២៤។ ...

ឱកាសសិក្សាថ្នាក់ឧត្ដមសិក្សាពីអាហារូបករណ៍រដ្ឋាភិបាលកូឡុំប៊ី ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 05/06/2025

រដ្ឋាភិបាលកូឡុំប៊ីប្រកាសផ្ដល់អាហារូបករណ៍ដល់និស្សិតអន្តរជាតិ មកពីគ្រប់ប្រទេសទូទាំងពិភពលោក ឱ្យមានឱកាសសិក្សានៅសាកលវិទ្យាល័យផ្សេងៗក្នុងប្រទេសកូឡុំប៊ី សម្រាប់ឆ្នាំសិក្សា២០២៥។ អាហារូបកណ៍ផ្ដល់ជូនការសិក្សា...

មជ្ឈមណ្ឌលបណ្ដុះបណ្ដាលវិជ្ជាជីវៈខេត្តមណ្ឌលគិរី ជ្រើសរើសយុវជនចូលរៀនជំនាញវិជ្ជាជីវៈចំនួន៣៨៥កន្លែង

ព័ត៌មានអាហារូបករណ៍, ព្រឹត្តិការណ៍

• 18/12/2023

មជ្ឈមណ្ឌលបណ្ដុះបណ្ដាលវិជ្ជាជីវៈខេត្តមណ្ឌលគិរីប្រកាសជ្រើសរើសយុវជនចូលសិក្សាជំនាញបច្ចេកទេស និងវិជ្ជាជីវៈចំនួន៣៨៥កន្លែងសម្រាប់ឆ្នាំសិក្សា...

អាហារូបករណ៍ថ្នាក់ឧត្ដមសិក្សាពីរដ្ឋាភិបាលរុស្ស៉ី ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 04/06/2025

កម្មវិធីអាហារូបករណ៍រដ្ឋាភិបាលរុស្ស៉ី ប្រកាសបើកទទួលពាក្យអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅក្នុងប្រទេសរុស្ស៉ី សម្រាប់ឆ្នាំសិក្សា២០២៥-២០២៦។

អាហារូបករណ៍ KOICA’s 2026 សម្រាប់មន្រ្តីរាជការ​កម្ពុជា សិក្សា​ថ្នាក់បរិញ្ញាបត្រជាន់ខ្ពស់ នៅប្រទេសកូរ៉េ

ព័ត៌មានអាហារូបករណ៍, ព្រឹត្តិការណ៍

• 07/11/2025

កម្មវិធីអាហារូបករណ៍ KOICA (SP) ដែលត្រូវបានបង្កើតឡើងដើម្បីបណ្ដុះបណ្ដាលភាពជាអ្នកដឹកនាំដល់នៅក្នុងប្រទេសដៃគូ ដើម្បីរួមចំណែកដល់ការអភិវឌ្ឍសេដ្ឋកិច្ច-សង្គម នៃប្រទេសកំណើតរបស់ខ្លួន...

អាហារូបករណ៍ថ្នាក់ភាសាមួយឆ្នាំនៅ CAM-ASEAN សម្រាប់សិស្សបញ្ចប់ថ្នាក់ទី១២ ឆ្នាំ២០២២ និង២០២៣

ព័ត៌មានអាហារូបករណ៍, ព្រឹត្តិការណ៍

• 10/01/2024

វិទ្យាស្ថានអន្តរជាតិCAM-ASEAN បន្តផ្ដល់អាហារូបករណ៍សិក្សាថ្នាក់ភាសាចិន និងភាសាអង់គ្លេសមួយឆ្នាំសម្រាប់សិស្សដែលទើបតែបញ្ចប់ថ្នាក់ទី១២ក្នុងឆ្នាំ...