ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការមានរបៀបរស់នៅល្អ ដើរតួនាទីសំខាន់ក្នុងការជួយកាត់បន្ថយហានិភ័យនៃជំងឺបាក់ទឹកចិត្ត។ យោងតាមគេហទំព័រ knowridge បានបង្ហាញឱ្យឃើញថា ការវិភាគទិន្នន័យតាមរយៈមនុស្ស ២៩០,០០០ នាក់ បានបញ្ជាក់ថា របៀបរស់នៅល្អវាពាក់ព័ន្ធនឹងសុខភាពផ្លូវចិត្ត។
បើតាមរបាយការណ៍ អង្គការសុខភាពពិភពលោកវិញបានឱ្យដឹងថា យុវវ័យម្នាក់ក្នុងចំណោម២០នាក់ បានប្រទះនឹងបញ្ហាជំងឺធ្លាក់ទឹកចិត្ត។
ការសិក្សាបានបង្ហាញអំពីការកត់សម្គាល់ទម្លាប់រស់នៅប្រាំពីរចំណុចដែលអាចអះអាងពីរៀបរស់នៅល្អ និងជាកត្តាសំខាន់ជួយឱ្យកាត់បន្ថយហានិភ័យនៃជំងឺបាកទឹកចិត្ត ដែលមានដូចជា កាត់បន្ថយការប្រើប្រាស់គ្រឿងស្រវឹង ឬប្រើក្នុងកម្រិតមធ្យម និងការទទួលទានរបបអាហារដែលមានសុខភាពល្អឬមានសារធាតុចិញ្ចឹម រួមទាំងបង្កើនសកម្មភាពដែលនាំឱ្យរាងកាយមានចលនា ការរក្សាកាលវិភាគគេងឱ្យបានត្រឹមត្រូវទៀងទាត់ មិនជក់បារី មានឥរិយាបថរស់នៅល្អ និងបង្កើនទំនាក់ទំនងល្អក្នុងសង្គម។
ការទទួលទានដំណេកដែលធ្វើឱ្យមានសុខភាពល្អ គឺចន្លោះពីប្រាំពីរម៉ោងទៅប្រាំបួនម៉ោងក្នុងមួយយប់ ដែលវាជះផលវិជ្ជមានជួយកាត់បន្ថយហានិភ័យនៃជំងឺបាក់ទឹកចិត្តបានម្ភៃភាគរយ (២០%)។ ដោយឡែក ចំពោះការប្រើប្រាស់គ្រឿងស្រវឹងក្នុងកម្រិតមធ្យមអាចកាត់បន្ថយបាន១១ភាគរយ។ ហើយរបបអាហារល្អប្រាំមួយភាគរយ(៦%)។ សកម្មភាពដែលនាំឱ្យរាងកាយមានចលនាអាចកាត់បន្ថយបាន(១៤%) ចំណែកការកាត់បន្ថយបារីអាចកាត់បន្ថយបាន២០ភារយ។ ហើយការរក្សាអកប្បកិរិយាឱ្យបានល្អក៏អាចកាត់បន្ថយហានិភ័យរហូតទៅដល់១៣ភាគរយដែរ៕
