ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
រដ្ឋាភិបាលនៃសាធារណរដ្ឋឆែក បានប្រកាសផ្ដល់អាហារូបករណ៍ពេញលេញចំនួន ២១ កន្លែង សម្រាប់កម្រិតថ្នាក់បរិញ្ញាបត្រជាន់ខ្ពស់ (Master’s Degree) និងថ្នាក់បណ្ឌិត (PhD) ដល់និស្សិតកម្ពុជា ដើម្បីបន្តការសិក្សានៅតាមគ្រឹះស្ថានឧត្តមសិក្សាសាធារណៈនានាក្នុងប្រទេសឆែក សម្រាប់ឆ្នាំសិក្សា ២០២៧-២០២៨។
គម្រោងអាហារូបករណ៍នេះ ធ្វើឡើងក្រោមក្របខណ្ឌកិច្ចសហប្រតិបត្តិការអភិវឌ្ឍន៍បរទេស ក្នុងគោលបំណងលើកកម្ពស់ធនធានមនុស្ស។ សម្រាប់រយៈពេលសិក្សា៖
ថ្នាក់បរិញ្ញាបត្រជាន់ខ្ពស់៖ មានរយៈពេលចាប់ពី ១ ឆ្នាំ ទៅ ៣ ឆ្នាំ
ថ្នាក់បណ្ឌិត៖ មានរយៈពេលចាប់ពី ៣ ឆ្នាំ ទៅ ៤ ឆ្នាំ
ជំនាញអាទិភាពដែលត្រូវជ្រើសរើស រួមមាន៖ កសិកម្ម, ព្រៃឈើ, វិទ្យាសាស្ត្របរិស្ថាន, វិស្វកម្ម, គណិតវិទ្យា និងស្ថិតិ, វិទ្យាសាស្ត្រកុំព្យូទ័រ និងសន្តិសុខតាមប្រព័ន្ធអ៊ីនធឺណិត, សេដ្ឋកិច្ច និងហិរញ្ញវត្ថុ និងវិស្វកម្មជីវវេជ្ជសាស្ត្រ។
នីតិវិធី និងកាលបរិច្ឆេទនៃការដាក់ពាក្យ
បេក្ខជនដែលមានចំណាប់អារម្មណ៍ ត្រូវចូលទៅអានសេចក្ដីណែនាំលម្អិត (Guidelines) និងសំណួរ-ចម្លើយដែលសួរញឹកញាប់ (FAQ) ព្រមទាំងពិនិត្យបញ្ជីកម្មវិធីសិក្សាដែលត្រូវបានកំណត់។ បន្ទាប់មក ត្រូវធ្វើការចុះឈ្មោះ និងបំពេញតេស្តសមត្ថភាពតាមប្រព័ន្ធអនឡាញឱ្យបានមុន ថ្ងៃទី៣០ ខែកញ្ញា ឆ្នាំ២០២៦ តាមរយៈតំណភ្ជាប់៖
[ចុចទីនេះដើម្បីអានព័ត៌មានលម្អិត និងដាក់ពាក្យ]
ទំនាក់ទំនងសាកសួរព័ត៌មានបន្ថែម
សម្រាប់ព័ត៌មានបន្ថែមអំពីនីតិវិធីដាក់ពាក្យ អាចទាក់ទង ស្ថានទូតសាធារណរដ្ឋឆែកប្រចាំកម្ពុជា តាមអ៊ីមែល៖ phnompenh.development@mzv.gov.cz ។ ក្នុងករណីមានបញ្ហាបច្ចេកទេសពាក់ព័ន្ធនឹងការបំពេញពាក្យស្នើសុំតាមប្រព័ន្ធអេឡិចត្រូនិក អាចទាក់ទងអ្នកគ្រប់គ្រងប្រព័ន្ធតាមអ៊ីមែល៖ registr@dzs.cz ៕
