ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
បើបរិភោគតែបន្ថែផ្លែឈើច្រើនពេកហាក់គ្មានកម្លាំងកំហែង ហើយបើញាំអាហារដែលមានជាតិប្រូតេអ៊ីនឬកាឡូរីច្រើនពេក ក៏មិនល្អសម្រាប់រាងកាយដែរ។ ដូច្នេះមានតែព្យាយាមបរិភោគឱ្យមានតុល្យភាព និងបង្កើតទម្លាប់នៃការបរិភាគដើម្បីជំរុញដល់សុខភាព ដោយចាប់ផ្តើមពីការផ្លាស់ប្តូរសកម្មភាពសាមញ្ញ បន្តិចម្តងៗ តាមរយៈការវិភាគអំពីប្រភេទអាហារប្រចាំថ្ងៃ ថា តើមានបញ្ចូលសារធាតុចិញ្ចឹមទៅក្នុងសារពាង្គកាយ ឬ តើបានកាត់បន្ថយប្រភេទអាហារដែលជំរុញតែថាមពលក្នុងបរិមាណលើសលុបដែរឬទេ។
និយមន័យនៃការបរិភោគអាហារល្អ គឺមានច្រើនទម្រង់ និងមានតម្រូវការរបបអាហារខុសៗគ្នាទៅតាមរាងកាយ និងការបញ្ចេញកម្លាំងរបស់មនុស្សម្នាក់ៗ។ ការទទួលទានអាហារល្អ វាក៏មិនស្មុគស្មាញពេកនោះដែរ តាមរយៈការរៀបចំអាហារដែលខ្លួនចូលចិត្ត ហើយរីករាយនឹងការបរិភោគប្រចាំថ្ងៃ ជាមួយគ្នានោះត្រូវស្គាល់អំពីគុណប្រយោជន៍នៃប្រភេទអាហារនីមួយៗ ដើម្បីឱ្យការបរិភោគឆ្លើយតបនឹងតម្រូវការដែលខ្លួនចង់បាន។
ហេតុអ្វីបានជាគិតគួរអំពីការបរិភោគអាហារដែលមានសុខភាពល្អ ជារឿងសំខាន់ខ្លាំងក្នុងការរស់នៅ? អាហារមានតួនាទី ផ្តល់ឱ្យនូវរាងកាយមានកាឡូរី និងសារធាតុចិញ្ចឹម ហើយបើខ្វះត្រង់ផ្នែកណាមួយ វាក៏នឹងជះឥទ្ធិពលមិនល្អទៅកាន់សុខភាពរបស់អ្នកបានដូចគ្នា។ ហើយគុណភាព នៃរបបអាហារ វាពាក់ព័ន្ធនឹងហានិភ័យនៃជំងឺចំពោះរាងកាយ រួមទាំងសុខភាពផ្លូវចិត្ត។ ដូច្នេះការគិតគូរអំពីអាហារមានសុខភាព ឬមានគុណភាពចំពោះការរស់នៅប្រចាំថ្ងៃទៅកាន់ខ្លួនឯង វាជាការបំពេញរាងកាយឱ្យមានសុខភាពល្អ បង្កើនសារធាតុចិញ្ចឹម កាត់បន្ថយជំងឺមហារីក ជំរុញឱ្យអាយុវែងក្នុងការរស់នៅ ហើយជារួមគឺអាហារដែលល្អសំខាន់ទាំងសុខភាពផ្លូវកាយ និងផ្លូវចិត្ត។
ជំហានដំបូងដែលនាំឱ្យមានសុខភាពល្អគឺ យកចិត្តទុកដាក់អំពីរបបអាហារ ដែលមិនមែនមានន័យថា ត្រូវការចំណាយពេលរាប់ម៉ោងក្នុងការធ្វើអាហារនោះទេ ថែមទាំងមិនតម្រូវឱ្យដាក់ការប្រឹងប្រែងខ្លាំងពេកនោះដែរ ជាពិសេសសម្រាប់អ្នកមមាញឹកនឹងកិច្ចការខាងក្រៅ យ៉ាងណាមិញ តម្រូវឱ្យមានការតាំងចិត្តអនុវត្តន៍ឱ្យបានទៀងទាត់ឬញឹកញាប់។ ឧទារណ៍ដូចជា ទៅផ្សារ ឬហាងទំនិញ ដើម្បីរកអាហារដែល្អ ឱ្យបានពីរដងក្នុងមួយសប្តាហ៍ ដែលធ្វើយ៉ាងណា ដើម្បីបង្កើតជម្រើសឱ្យខ្លួនឯងមានឱកាសបានទទួលទានអាហារល្អៗ។
សូមបញ្ជាក់ដែរថា អាហារល្អមិនមែនសំដៅលើតែរបស់ថ្លៃៗនោះទេ ប៉ុន្តែជាអាហារដែលមានបញ្ចូលឱ្យរាងកាយទទួលបាននូវសារធាតុសាងសង់ ការពារ និងថាមពល ដែលមានចម្រុះនៅក្នុងបន្លែ ត្រីសាច់ ក៏ដូចជាផ្លែឈើ។
យ៉ាងណាក៏ដោយ យើងសូមបង្ហាញនូវអាហារ ៣ក្រុម ដែលជាប្រភេទអាហារផ្តល់ថាមពល បង្កើនការលូតលាស់ ការពារ និងប្រឆាំងជំងឺ ដែលវាត្រូវចាត់ទុកថា ជាការអាហារល្អសម្រាប់សុខភាព ដូចជា៖
១. អាហារថាមពល ផ្ដល់នូវកម្លាំង និង ចំហេះ ៖ អាហារប្រភេទស្ករ មិនថាស្ករអ្វីនោះទេ ដូចជាស្ករអំពៅ ស្ករត្នោត ឬទឹកឃ្មុំ ។ អាហារប្រភេទម្សៅមានដូចជានំប៉័ង នំបញ្ចុកជាដើម។ អាហារប្រភេទខ្លាញ់ និងប្រេងរុក្ខជាតិគ្រប់ប្រភេទទាំងអស់ ដូចជា ប្រេងសណ្ដែក ប្រេងដូង ខ្លាញ់ត្រីជាដើម។
២. អាហារស្ថាបនា ផ្ដល់ភាពលូតលាស់រាងកាយ ៖ ដូចជា ត្រីគ្រប់ប្រភេទ (មិនថាជាត្រីតូច ត្រីធំ) ស៊ុតបក្សី សាច់សត្វគ្រប់ប្រភេទ និងសណ្ដែកគ្រប់មុខ ដូចជាសណ្ដែកដី សណ្ដែកសៀង ឬ សណ្ដែកបាយជាដើម។
៣. អាហារការពាររាងកាយពីជម្ងឺ៖ ដូចជា បន្លែ និងរុក្ខជាតិណាដែលមានពណ៌បៃតងចាស់ (ស្លឹកបាស ផ្ទី ត្រកួន។ល។) និងបន្លែផ្លែឈើដែលមានពណ៌ លឿងទុំ (ល្ពៅ ស្វាយទុំ ល្ហុង។ល។)៕
