ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កំពង់ស្ពឺ – ឧទ្យានជាតិគិរីរម្យជារមណីយដ្ឋានទេសធម្មជាតិដ៏ស្រស់ត្រកាលគ្របដណ្តប់ដោយព្រៃស្រល់លើខ្នងភ្នំនៅក្នុងទឹកដីខេត្តកំពង់ស្ពឺ ហើយបរិយាកាលព្រឹកនេះកាន់តែរីករាយ និងស្រស់ស្អាតមួយកម្រិតទៀត នៅពេលដែលក្រុមយុវអាហារូបត្ថម្ភនៃអង្គការ Helen Keller អន្តរជាតិ ប្រមាណជាង ៣០នាក់ បាននាំគ្នាសិក្សានិងចម្អិនម្ហូបអាហារដោយផ្ទាល់ដៃរួមគ្នា បំណងជម្រើសបន្លែត្រីសាច់និងរៀនពីរបៀបចម្អិនមុខម្ហូបសម្រាប់របបអាហារសុខភាព ។ កម្មវិធីនេះដែរ ក៏មានវត្តមានតំណាងអង្គការ Helen Keller តំណាង គម្រោង MESEFO នៃអង្គការ GIZ ព្រមទាំងយុវជនតំណាងក្រុមប្រឹក្សាស្តារអភិវឌ្ឍន៍វិស័យកសិកម្មនិងជនបទ នៃទីស្តីការគណៈរដ្ឋមន្ត្រី ។
កញ្ញា ឈុន បូរមី អ្នកសម្របសម្រួលយុវជនជើងឯកអាហារូបត្ថម្ភមាន បាននិយាយថា កម្មវិធីបោះជំរុំយុវជននៅថ្ងៃទី០៧-០៨ ខែមេសានេះ មានគោលបំណងបួនសំខាន់ រួមមាន ១. បង្កើនការយល់ដឹងរបស់យុវជនជើងឯកអាហារូបត្ថម្ភស្តីពីជម្រើសនិងរបៀបចម្អិនមុខម្ហូបសម្រាប់របបអាហារសុខភាព, ២. ប្រឡងប្រណាំងលើការរៀបចំចម្អិនមុខម្ហូបសម្រាប់របបអាហារសុខភាពដែលដាក់ពិន្ទុដោយចុងភៅជំនាញ, ៣. ផ្តល់វេទិកាដល់យុវជនដើម្បីចែករំលែកការយល់ដឹង បទពិសោធន៍ និងមតិយោបល់លើជម្រើសនិងរបៀបចម្អិនមុខម្ហូបសម្រាប់របបអាហារសុខភាព, និង ៤. ពិភាក្សាលើយុទ្ធនាការមិត្តអប់រំមិត្ត សមិទ្ធិផល បញ្ហាប្រឈម ដំណោះស្រាយ និងជំហានបន្ទាប់ ។
លោក ហ៊ូ ក្រើន នាយករងអង្គការ Helen Keller មានប្រសាសន៍ថា ដំណើរបោះជំរុំយុវជនអាហារូបត្ថនេះ យុវជនទាំងអស់មានឱកាសយល់ពីសារៈសំខាន់នៃរបបអាហារសុខភាពដែលពួកគេទទួលការបណ្តុះបណ្តាលពេលកន្លងទៅ ។ ទន្ទឹមគ្នានេះ ពួកគេនឹងមានឱកាសបញ្ចេញស្នាដៃដោយផ្ទាល់ក្នុងការរៀបចំចម្អិនមុខម្ហូបសម្រាប់របបអាហារសុខភាព តាមរយ:ការប្រកួតប្រជែងគ្នាក្រោមការត្រួតពិនិត្យពីចុងភៅជំនាញ។
នាយករងអង្គការ Helen Keller លោក ហ៊ូ ក្រើន បានបញ្ជាក់ទាំងស្នាមញញឹមថា ៖
“បន្តិចទៀតយើងនឹងឃើញថា តើប្អូនៗមានទេពកោសល្យប៉ុណ្ណាក្នុងការប្រើប្រាស់ចំណេះដឹងដែលបានទទួលកន្លងមក និងនៅថ្ងៃនេះពីចុងភៅជំនាញរបស់យើងសម្រាប់ការអនុវត្តជាក់ស្តែង។ ខ្ញុំទន្ទឹងរង់ចាំមើលលទ្ធផលការប្រកួតប្រជែងនេះ”
នៅក្នុងកម្មវិធីចម្អិតចុងភៅពិសេសបានបង្ហាញពីរបៀបធ្វើអាហារសុខភាពបីមុខទៅកាន់យុវជនទាំងអស់ រួមមាន សម្លរកកូរ សម្លរម្ជូរស្រែ និងឆាបន្លែគ្រប់មុខ ដោយពន្យល់យ៉ាងល្អិតល្អន់លើគ្រឿងផ្សំ សម្ភារៈចម្អិនដែល ត្រូវការ និងដំណើរការមុនពេល កំឡុងពេល និងក្រោយពេលចម្អិនម្ហូបសម្រាប់អាហារសុខភាព ។ ដោយឡែក ការផ្តល់ពិន្ទុលើការប្រកួតរៀបចំចម្អិនអាហារសុខភាពនេះ ផ្តោតលើការរៀបចំមុនពេលចម្អិន របៀបធ្វើ ការងារក្រុម រសជាតិអាហារ ភាពប៉ិនប្រសប់ក្នុងការច្នៃប្រតិដ្ឋ អនាម័យ ទេពកោសល្យបង្ហាញមុខម្ហូបបន្ទាប់ពីចម្អិនរួច និងការរៀបចំសម្ភារៈទុកដាក់វិញ ។
សូមជម្រាបថា កំឡុងពេលការប្រកួតធ្វើអាហារសុខភាពនេះ មានការសង្កេតមើលយ៉ាងម៉ត់ចត់ពីចុងភៅពិសេស និងគណ:កម្មការត្រួតពិនិត្យក្រោមបរិយាកាសសប្បាយរីករាយ មិត្តភាព និងស្មារតីទទួលខុសត្រូវខ្ពស់ ។ បន្ទាប់ពីកម្មវិធីធ្វើអាហារសុខភាពត្រូវបានបញ្ចប់មក កម្មវិធីភ្លក្ស មុខម្ហូបដែលជាស្នាដៃរបស់ក្រុមនិមួយៗត្រូវបានធ្វើឡើង។ ក្រុមយុវជននីមួយៗទទួលបានវត្ថុអនុស្សាវរីយ៍ពីកម្មវិធីដោយមានភាពសប្បាយរីករាយនិងចងចាំនូវបទពិសោធន៍ល្អៗក្នុងរយ:ពេលពីរថ្ងៃនៅហើយបានប្តេជ្ញាផ្សព្វផ្សាយសារគន្លឹះសំខាន់ៗនៃរបបអាហារសុខ ភាព ដល់មិត្តភក្តិនិងគ្រួសារ ។
កញ្ញា ឃឹម ស្រីពៅ យុវតីមកពីក្រុមប្រឹក្សាស្តារអភិវឌ្ឍន៍កសិកម្មនិងជនបទ បាននិយាយថា កម្មវិធីបោះជំរុំយុវជនជើងឯកអាហារូបត្ថម្ភ មិនត្រឹមតែធ្វើឱ្យយល់យុវជនយល់ដឹងពីអាហារូបត្ថម្ភទេ តែធ្វើឲ្យយុវជនមានការប្រាស្រ័យទាក់ទងគ្នាបានកាន់តែស្និតស្នាល ចេះជួយធ្វើការងារជាក្រុមបានល្អ មិនត្រឹមតែប៉ុណ្ណោះយុវជនយើងក៏បានលេងល្បែងប្រជាប្រិយ៍ខ្មែរផងដែរ ។
ទន្ទឹមគ្នានេះ កញ្ញា ឃឹម ស្រីពៅ បានបញ្ជាក់ ៖
“កម្មវិធីបោះជំរុំយុវជនជើងឯកអាហារូបត្ថម្ភ ខ្ញុំពិតជាមានចិត្តសប្បាយរីករាយដោយសារកម្មវិធីនេះធ្វើឱ្យយុវជនមកពីស្ថាប័ន និងសាកលវិទ្យាល័យផ្សេងៗគ្នា ស្គាល់គ្នាតាមរយ:ការបែងចែកក្រុមប្រកួតប្រជែងធ្វើម្ហូបអាហារដែលពោលពេញដោយអាហារូបត្ថម្ភ”
ដោយឡែកកញ្ញា ភូរិម៉ា យុវជនជើងឯកអាហារូបត្ថម្ភអង្គការ Helen Keller បាននិយាយថា ការបោះជំរំយុវជនជើងឯកអាហារូបត្ថម្ភបានផ្តល់ចំណេះដឹងថ្មីៗទាក់ទងនឹងវិធីសាស្រ្តក្នុងការបន្ថែមគ្រឿងផ្សំដើម្បីជួយបង្កើនតម្លៃអាហារូបត្ថម្ភនិងរសជាតិនៃរបបអាហារសុខភាព ។ លើសពីនេះទៀត យុវជនបានទទួលបទពិសោធន៍ថ្មីៗពីការប្រកួតប្រជែងចម្អិនម្ហូបដើម្បីទទួលបានឣាហារូបត្ថម្ភល្អ និងបន្តចែករំលែកទៅកាន់បងប្អូន ក្រុមគ្រួសារឣំពីចំណេះដឹងឣំពីរបបអាហារសុខភាព ។
និយាយលាយដោយស្នាមញញឹមយុវជន គិន សុភាភិរុន ជាមកពីក្រុមប្រឹក្សាស្តារអភិវឌ្ឍន៍កសិកម្មនិងជនបទ បានឱ្យដឹងថា កម្មវិធីបោះជំរុំយុវជនជើងឯកអារហារូបត្ថម្ភ ពិតជាឱកាសល្អ បានផ្តល់ចំណេះដឹង និងបទពិសោធន៏ចម្អិនអាហារសុខភាពល្អ និងបានស្គាល់មិត្តភិត្តច្រើន។ សុភាភិរុន បានសំណូមពរថា អង្គការ Helen Keller និង GIZ គួរមានកម្មវិធីបោះជំរុំយុវជនជើងឯកអារហារូបត្ថម្ភនៅតាមបណ្តាខេត្តផ្សេងៗទៀតឱ្យបានច្រើន ។
អ្នកស្រីវេជ្ជបណ្ឌិត Sanne Sigh អ្នកជំនាញអាហារូបត្ថម្ភគម្រោង MUSEFO នៃអង្គការ GIZ និងលោក អ៊ុន សំអឿន តំណាងគម្រោង MESEFO នៃអង្គការ GIZ មានប្រសាសន៍ថា នៅពេលយុវជនបានយល់ច្បាស់ពីសារៈសំខាន់នៃរបបអាហារសុខភាព នោះនឹងជួយលើកកម្ពស់សុខភាពនិងការលូតលាស់រាងកាយរបស់ពួកគេយ៉ាងល្អ។
នេះជាការបញ្ជាក់របស់អ្នកស្រីវេជ្ជបណ្ឌិត Sanne Sigh អ្នកជំនាញអាហារូបត្ថម្ភគម្រោង MUSEFO នៃអង្គការ GIZ
“ក្នុងនាមគម្រោង MUSEFO នៃអង្គការ GIZ ខ្ញុំសូមលើកទឹកចិត្តដល់ប្អូនៗទាំងអស់ដើម្បីសួរសំណួររដល់ចុងភៅជំនាញ និងអ្នកជំនាញអាហារូបត្ថម្ភផ្សេងទៀតដែលនៅទីនេះអំពីរបៀបការរៀបចំចម្អិនមុខម្ហូបសម្រាប់របបអាហារសុខភាព ហើយត្រូវចែករំលែកចំណេះដឹងនេះដល់ក្រុមគ្រួសា និងមិត្តភក្តិ ដើម្បីឱ្យពួកគេមានសុខភាពល្អ ព្រមទាំងអាហរូបត្ថម្ភត្រឹមត្រូវ “
ជីវប្រវត្តិ: លោក ម៉ៅ សំណាង ជាការីនិពន្ធផ្នែកអប់រំ និងជាផលិតករព័ត៌មាននៃ AMS Education ។ លោកមានបទពិសោធន៍ការងារជាអ្នកសារព័ត៌មានវិទ្យុ, ពិធីករ និងជាអ្នករាយការណ៍ព័ត៌មានទូរទស្សន៍, និងជាផលិករប្រព័ន្ធផ្សព្វផ្សាយចម្រុះ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ក្រសួងអប់រំជ្រើសរើសនិស្សិតអាហារូបរកណ៍រដ្ឋាភិបាលចិន៦០កន្លែង សម្រាប់ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 13/12/2023
ក្រសួងអប់រំ យុវជន និងកីឡាប្រកាសប្រឡងជ្រើសរើសសិស្ស-និស្សិតកម្ពុជាទៅសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ចំនួន ៦០កន្លែង ទៅសិក្សាអាហារូបករណ៍...
ឱកាសផ្លាស់ប្ដូរការសិក្សានៅសាកលវិទ្យាល័យ Yale ពីកម្មវិធី Yale Young Scholars ឆ្នាំ២០២៥
ព័ត៌មានអាហារូបករណ៍, ព្រឹត្តិការណ៍
• 25/12/2024
កម្មវិធីអាហារូបករណ៍ Yale Young Scholars (YYGS) ផ្ដល់ឱកាសផ្លាស់ប្ដូរការសិក្សានៅសាកលវិទ្យាល័យ Yale ចំនួន២សប្ដាហ៍សម្រាប់និស្សិតអន្តរជាតិទាំងអស់ដែលមានអាយុចាប់ពី១៦ឆ្នាំ ដល់១៨ឆ្នាំ សិក្សានៅសហរដ្ឋអាមេរិក។
វិទ្យាស្ថានពហុបច្ចេកទេសភូមិភាគតេជោសែនបាត់ដំបង ផ្តល់អាហារូបករណ៍សម្រាប់សិក្សាជំនាញបច្ចេកទេស និងវិជ្ជាជីវៈ ចំនួន ៦៣៣០នាក់
ព័ត៌មានអាហារូបករណ៍, ព្រឹត្តិការណ៍
• 17/11/2023
ជាឱកាសល្អសម្រាប់ យុវជន យុវតី សិស្ស និស្សិត ដែលចង់សិក្សាជំនាញបច្ចេកទេស និងវិជ្ជាជីវៈ ពេលនេះ វិទ្យាស្ថានពហុបច្ចេកទេសភូមិភាគតេជោសែនបាត់ដំបង ...
វិទ្យាស្ថានពហុបច្ចេកទេសខេត្តកំពង់ ផ្តល់អាហារូបករណ៍ដល់យុវជនចំនួន១៥០នាក់ សិក្សាជំនាញបច្ចេកទេសឥតគិតថ្លៃ ជំហានទី២
ព័ត៌មានអាហារូបករណ៍, ព្រឹត្តិការណ៍
• 22/03/2024
វិទ្យាស្ថានពហុបច្ចេកទេសកំពង់ធំប្រកាសផ្ដល់អាហារូបករណ៍សិក្សាជំនាញបច្ចេកទេស និងវិជ្ជាជីវៈក្រោមកម្មវិធី១.៥លាន ជំហានទី២ ចំនួន១៥០ នាក់...
រៀនជំនាញវិជ្ជាជីវៈដោយឥតគិតថ្លៃជិត២ពាន់កន្លែង នៅវិទ្យាស្ថានពហុបច្ចេកទេសភូមិភាគតេជោសែនសៀមរាប
ព័ត៌មានអាហារូបករណ៍, ព្រឹត្តិការណ៍
• 27/05/2025
វិទ្យាស្ថានពហុច្ចេកទេសភូមិភាគតេជោសែនសៀមរាប កំពុងប្រកាសជ្រើសរើស យុវជន និងសាធារណជនចូលសិក្សាជំនាញវិជ្ជាជីវៈដោយឥតគិតថ្លៃសម្រាប់វគ្គសិក្សាថ្មី។
ក្រសួងអប់រំជ្រើសរើសនិស្សិតអាហារូបករណ៍១០០% សិក្សាថ្នាក់បរិញ្ញាបត្ររង និងថ្នាក់បរិញ្ញាបត្រ នៅវិទ្យាស្ថានបច្ចេកវិទ្យាកំពង់ស្ពឺ
ព័ត៌មានអាហារូបករណ៍, ព្រឹត្តិការណ៍
• 19/08/2025
ជាឱកាសសម្រាប់សិស្សានុសិស្សដែលបានបញ្ចប់ថ្នាក់ទី១២ បើទោះជាធ្លាក់ ឬជាប់បាក់ឌុប ដោយក្រសួងអប់រំ យុវជន និងកីឡា កំពុងប្រកាសប្រឡងជ្រើសរើសនិស្សិតអាហារូបករណ៍១០០% និងនិស្សិតបង់ថ្លៃ សរុបចំនួន ២៩០កន្លែង...
អាហារូបករណ៍ថ្នាក់បរិញ្ញាបត្រជាន់ខ្ពស់ជំនាញសុរិយោដី និងអភិរក្ស ១០០% និង៥០% នៅសាកលវិទ្យាល័យអន្តរជាតិ
ព័ត៌មានអាហារូបករណ៍, ព្រឹត្តិការណ៍
• 09/02/2024
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យអន្តរជាតិ(IU) ចំនួន២៧កន្លែងសម្រាប់ឆ្នាំសិក្សា២០២៤។ អាហារូបករណ៍ផ្ដល់ជូន...
វិទ្យាស្ថានជាតិពហុបច្ចេកទេសអង្គរ ផ្តល់អាហារូបករណ៍១០០% និង ៥០% លើជំនាញវិស្វកម្ម ៥៨០កន្លែង
ព័ត៌មានអាហារូបករណ៍, ព្រឹត្តិការណ៍
• 12/09/2024
វិទ្យាស្ថានជាតិពហុបច្ចេកទេសអង្គរ បានប្រកាសពីការផ្តល់ជូនអាហារូបករណ៍ ១០០% និង ៥០% ទៅលើជំនាញបច្ចេកទេសពាក់ព័ន្ធនឹងវិស្វកម្មសរុបចំនួន ៥៨០កន្លែង ដោយក្នុងនោះបេក្ខជនអាចទទួលបានប្រាក់ឧបត្ថម្ភចំនួន ៦០ដុល្លារក្នុងមួយខែថែមទៀត។
វិទ្យាស្ថានពហុបច្ចេកទេសព្រះកុសុមៈ ជ្រើសរើសសិស្សចូលរៀនជំនាញវិជ្ជាជីវៈ និងបច្ចេកទេស ជំហានទី២ ជាង៣រយកន្លែង
ព័ត៌មានអាហារូបករណ៍, ព្រឹត្តិការណ៍
• 30/04/2024
វិទ្យាស្ថានពហុបច្ចេកទេសព្រះកុសុមៈ បានប្រកាសជ្រើសរើសសិស្សទាំងពីរភេទឱ្យចូលរៀនក្នុងកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស ដោយឥតគិតថ្លៃ ជំហានទី២ ចំនួន៣៦០កន្លែង។
កម្មវិធីពិសេសរបស់ AMS EDUCATION
ព័ត៌មានសង្ខេប
