ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
យោងតាមការស្រាវជ្រាវថ្មីមួយបានចេញផ្សាយដោយ CNN បានរកឃើញថា ការទទួលទានគ្រឿងស្រវឹងហួសប្រមាណផ្តល់គុណវិបត្ដិមួយចំនួនដល់សុខភាពផ្លូវកាយ និងប៉ះពាល់សុខភាពផ្លូវចិត្ដ ជាពិសេសអាចធ្វើឱ្យប៉ះពាល់ដល់ខួរក្បាល បាត់បង់ការចងចាំ និងឈានទៅកើតជំងឺវិកលចរិតជាដើម។ ការប្រើប្រាស់គ្រឿងស្រវឹងក្នុងកម្រិតតិចតួចយ៉ាងណាក្តី មិនមានសុវត្ថិភាពឡើយចំពោះសុខភាព នេះមិនរាប់ទាំងគ្រោះថ្នាក់ចរាចរណ៍ ប្រើអំពើហិង្សាក្នុងគ្រួសារ និងបង្កភាពចលាចលនៅក្នុងសង្គមបណ្តាលមកពីឥទ្ធិពលគ្រឿងស្រវឹង។
លោកស្រី Anya Topiwala សាស្ត្រាចារ្យជាន់ខ្ពស់ទទួលបន្ទុកកិច្ចការងារស្រាវជ្រាវវិទ្យាសាស្ត្រ នៃសាកលវិទ្យាល័យ Oxford បានសាកល្បងសិក្សាទៅលើក្រុមអ្នកប្រើប្រាស់គ្រឿងស្រវឹងប្រមាណជា ២ម៉ឺនប្រាំពាន់នាក់ទូទាំងចក្រភពអង់គ្លេស បានបង្ហាញឱ្យឃើញថា ការប្រើប្រាស់ជាតិស្រវឹងធ្វើឱ្យប៉ះពាល់ទៅដល់ចំណុចជាលិកាពណ៍ខ្មៅដែលប្រភពផ្ទុកព័ត៌មាននិងដំណើរការព័ត៌មានរបស់ខួរក្បាលយ៉ាងធ្ងន់ធ្ងរ ហើយទទួលទានកាន់តែច្រើនជាលិកាទាំងនោះបានបាត់បង់កាន់តែច្រើនដូចគ្នា។
លោកស្រីបានពន្យល់បន្តទៀតថា បញ្ហាខួរក្បាលបែបនេះ នឹងអាចធ្វើឱ្យមនុស្សចាប់ផ្តើមចាស់ជាងវ័យ ព្រមទាំងប្រឈមមុខទៅនឹងបញ្ហាវង្វេងស្មារតីធ្ងន់ធ្ងរ។ លើសពីនេះគ្រឿងស្រវឹងធ្វើឱ្យសមត្ថភាពចងចាំរបស់មនុស្សកាន់តែកាន់តែធ្លាក់ចុះជាលំដាប់ៗ បើទោះបីគ្រឿងស្រវឹងទាំងនោះត្រូវបានផលិតឡើងជាមួយនឹងរសជាតិខុសគ្នា ឬលក្ខខណ្ឌផ្សេងគ្នាយ៉ាងណាក្តី ទាំងស្រាក្រហម ស្រាក្រឡុក ឬស្រាបៀរ។
សូមរំលឹកថា ការស្រាវជ្រាវកាលពីឆ្នាំ២០១៦ ការទទួលទានគ្រឿងស្រវឹងបានក្លាយទៅជាកត្តាហានិភ័យនៃការស្លាប់របស់មនុស្សធំជាងគេបំផុតទាំងបុរសនិងស្ត្រី អាយុចន្លោះពី ១៥ទៅ ៤៩ឆ្នាំនៅទូទាំងពិភពលោក។ ការស្លាប់នេះបណ្តាលមកពីជំងឺផ្សេងៗ ហើយអត្រាមួយក្នុងចំណោម ១០នាក់នៃការស្លាប់មុនកំណើតបណ្តាលមកពីការទទួលទានគ្រឿងស្រវឹង៕
ជីវប្រវត្តិ: ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Education និង AMS Economy ។
របាយការណ៍សំខាន់
ព័ត៌មានទូទៅ
ជំនាញសំខាន់ៗដែលយុវជន និងពលរដ្ឋត្រូវមាន ដើម្បីក្លាយជាពលរដ្ឋឌីជីថល
ឱកាសអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ HTW Berlin University ប្រទេសអាល្លឺម៉ង់
ហេតុអ្វីកម្ពុជានៅលេខ៨១ ក្នុងរង្វាយតម្លៃ PISA ឆ្នាំ២០២២ ទោះជាមានកំណែទម្រង់វិស័យអប់រំឆ្នាំ២០១៤?
រដ្ឋមន្រ្តីអប់រំដាក់ចេញទិសដៅយុទ្ធសាស្រ្តចំនួន ៤ ដើម្បីបន្តកែលម្អប្រព័ន្ធអប់រំកម្ពុជា មានភាពប្រកួតប្រជែងក្នុងតំបន់ និងអន្តរជាតិ
ឯកឧត្តម ហង្ស សុតសំភារ ៖ ស្ថាបត្យករវ័យក្មេងបច្ចុប្បន្ន មានសមត្ថភាពខ្ពស់ អាចបន្តវេនសម្រាប់ការសាងប្រទេសជាតិ ពិសេសវិស័យស្ថាបត្យកម្ម
ឯកឧត្តម ឈួរ សុបញ្ញា ៖ ពេលយុវជនមានបេះដូងដឹងគុណ នោះសង្គមនឹងមានមូលដ្ឋានរឹងមាំ ប្រកបដោយសីលធម៌ គុណធម៌ និងសាមគ្គីភាព
តើ ពោត ល្អចំពោះសុខភាពដែរ ឬទេ?
ឱកាសរបស់យុវជនឆ្នើមលើវិស័យបច្ចេកវិទ្យា និងការបង្កើតហ្គេម ដើម្បីឈ្នះអាហារូបករណ៍ ១ម៉ឺនដុល្លារ ពីកម្មវិធីប្រកួតបង្កើតហ្គេមកម្រិតអន្តរជាតិ
រដ្ឋមន្រ្តីអប់រំ អំពាវនាវឱ្យសាលារៀនគំរូ និងសាលារៀនទាំងអស់ បញ្ចូលស្មារតីស្នេហាជាតិក្នុងកម្មវិធីសិក្សា
វេសឡាញបង្កើតក្រុមប្រឹក្សាសិស្សដើម្បីរួមចំណែកអភិវឌ្ឍសាលារៀន សហគមន៍ និងបណ្តុះភាពជាអ្នកដឹកនាំ
កម្មវិធីពិសេសរបស់ AMS EDUCATION
ព័ត៌មានសង្ខេប
