ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ព្រះបាទជ័យវរ័្មទី៧ ជាក្សត្រមួយអង្គដែលមានកិត្តិនាមល្បីល្បាញខ្ទរខ្ទារមួយរូបក្នុងទំព័រប្រវត្តិសាស្រ្ដខ្មែរលើការកសាងប្រទេសជាតិ ធ្វើសឹកសង្គ្រាមបង្រួបបង្រួមទឹកដី លើកកម្ពស់វប្បធម៌ខ្មែរក្នុងសម័យអង្គរ។ ព្រះអង្គជាបុត្រារបស់ព្រះបាទធរណិន្រ្ទវរ័្មនទី២ និងព្រះនាង ចូឌាមណី ជាមាតា។ គេដឹងថា ព្រះបាទជ័យវរ័្មនទី៧មានស្នាមព្រះហស្ថជាច្រើននៅក្នុងវិស័យពុទ្ធចក្រ និងអាណាចក្រ ក្នុងនោះមានគោលការណ៍ប្រាំបីចំណុចដែលព្រះអង្គតែងលើកយកមកអនុវត្តក្នុងភាពជាអ្នកដឹកនាំ។ នេះបើតាមសៀវភៅ ព្រះបាទជ័យវរ័្មនទី៧ បានចងក្រងដោយ បណ្ឌិត ម. ត្រាណេ អ្នកស្រាវជ្រាវប្រវត្តិសាស្រ្ដខ្មែរ។
គោលការណ៍ទាំងប្រាំបីចំណុចរបស់ព្រះបាទជ័យវរ័្មនទី៧ យកមកអនុវត្តក្នុងការដឹកនាំប្រទេសឱ្យទទួលបានភាពរុងរឿងនាសម័យអង្គរ រួមមាន ១. អម្រែកទឹក មានសេចក្ដីថាមិនលំអៀង, ២. ភ្នែកខ្លែង មានន័យថាត្រូវសម្លឹងឱ្យឆ្ងាយមើលគ្រប់ទិសទី, ៣. ស្ញែងរាជសី មានន័យថា ធ្វើជាអ្នកដឹកនាំត្រូវឱ្យគេគោរពស្ញប់ស្ញែង, ៤. សម្ដីឥសូ (សម្ដីទិព្វ គេគោរព ស្ដាប់បង្គាប់ និងអនុវត្តតាម) ៥. ថ្ងូរព្រះឥន្រ្ទ (ថ្នាក់ដឹកនាំតែងខ្វល់ខ្វាយជានិច្ចពីសុខទុក្ខរបស់ប្រជារាស្រ្ដ) ៦. សុបិន្តសួគ៌ (អ្នកដឹកនាំត្រូវសម្រេចកិច្ចការតាមបំណងប្រាថ្នារបស់រាស្រ្ដ) ៧. ខួរទន្សាយ (ជាបុគ្គលឈ្លាសវៃដោះស្រាយវិបត្តិរបស់ប្រជាពលរដ្ឋដោយសន្តិវិធី) និង៨. សប្បាយស្រមោច (ជួយឱ្យប្រជារាស្រ្ដសម្បូរសប្បាយ នគររុងរឿង) ។
តាមរយៈគោលការណ៍ដឹកនាំទាំងប្រាំបីចំណុចខាងលើនេះ អ្នកសិក្សាស្រាវជ្រាវ អ្នកអានឯកសារ និងអ្នកដឹកនាំមួយចំនួនតែងលើកជាឃ្លាជាប់គ្នាថា៖
“អម្រែកទឹក ភ្នែកខ្លែង ស្ញែងរាជសី សម្ដីឥសូ ថ្ងូរព្រះឥន្រ្ទ សុបិន្តសួគ៌ ខួរទន្សាយ សប្បាយស្រមោច”
នៅក្នុងសិលាចារឹកមួយនៅសាយ ហ្វុង K. 368 (ទល់មុខវៀងច័ន្ទន៍ ប្រទេសលាវ) ក៏បានបង្ហាញឱ្យឃើញថា ព្រះអង្គជាក្សត្រដែលបានផ្សព្វផ្សាយ គុណធម៌ដល់ប្រជានុរាស្រ្ដខ្លាំងណាស់ ដោយសារតែការខិតខំប្រឹងប្រែង និងការយកចិត្តទុកដាក់របស់ព្រះអង្គចំពោះសេចក្ដីសុខរបស់ប្រជារាស្រ្ត ដោយព្រះអង្គយល់ឃើញថា ទុកសោករបស់រាស្ត្រជាការឈឺចាប់វេទនារបស់ព្រះអង្គហើយខ្លាំងជាងការឈឺចាប់របស់ព្រះអង្គទៅទៀត។
គួររំលឹកដែរថា នៅដើមសតវត្សទី១៣ ព្រះបាទជ័យវរ័្មនទី៧ ជាស្ដេចសឹកមួយអង្គដ៏ខ្លាំងពូកែ និងមានព្រហ្មវិហារធម៌ដល់ប្រជានុរាស្រ្ដ។ ព្រះអង្គបានបង្រ្កាបពួកបះបោរនៅក្នុងប្រទេស ដោយបង្រួបបង្រួមខេមរជនទាំងអស់ដែលនៅក្រោមការត្រួតត្រារបស់ព្រះអង្គឱ្យដើរផ្លូវតែមួយតាមដង្ហែរព្រះអង្គ ព្រមទាំងរំដោះទឹកដីឱ្យផុតពីការត្រួតត្រារបស់ប្រទេសបច្ចាមិត្ត។ ព្រះបាទជ័យវរ័្មនទី៧ មានមហេសីព្រះនាម ជ័យរាជទេវី ។ ក្រោយពីព្រះនាង ជ័យរាជទេវី សោយទិវង្គត ព្រះបាទជ័យវរ័្មនទី៧ បានរៀបអភិសេកជាមួយព្រះនាងឥន្រ្ទទេវី ដែលជាបងថ្លៃ។ ព្រះនាងឥន្រ្ទទេវីជាស្ត្រីដឹកនាំ គំរូមួយរូបដែលមានចរិយាសម្បត្តិល្អឥតខ្ចោះ និងមានកេរ្តិ៍ឈ្មោះល្បីល្បាញរហូតមកដល់សព្វថ្ងៃ៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍សំខាន់
ព័ត៌មានទូទៅ
«កុំរៀនតាមគេ!» ៖ លោកជំទាវបណ្ឌិត ពេជ ចន្ទមុន្នី ផ្ដល់គន្លឹះ ៥ ចំណុច ជួយយុវជនជ្រើសរើសអាជីព និងអនាគតដោយភាពជឿជាក់
«គុណភាពអប់រំ ចាប់ផ្ដើមពីការរចនាសាលារៀន» ៖ កម្ពុជាជំរុញគម្រោងកែលម្អសាលារៀនទូទាំងប្រទេស
ក្រុមវិទ្យាល័យដំដែក ខេត្តសៀមរាប និងសាលាប៊ែលធីអន្តរជាតិ បន្តទៅវគ្គផ្ដាច់ព្រ័ត្រ នៃកម្មវិធីជជែកដេញដោលយុវជនថ្នាក់ជាតិ ឆ្នាំ២០២៦
និស្សិតកម្ពុជាត្រូវបានស្វាគមន៍ក្រោមកម្មវិធីពានរង្វាន់អាស៊ានថ្មីរបស់សាកលវិទ្យាល័យ Monash
គន្លឹះរៀបចំជីវិត និងការងារឱ្យមានរបៀបរៀបរយ សម្រាប់យុវជន
រៀនជំនាញបច្ចេកទេសឥតគិតថ្លៃនៅវិទ្យាស្ថានពហុបច្ចេកទេសភូមិភាគតេជោសែនស្វាយរៀង
ហេតុអ្វីនិស្សិត DMC ភាគច្រើនងាកទៅរកវិស័យផ្សេងៗ ជំនួសឱ្យការងារក្នុងស្ថាប័នសារព័ត៌មាន?
ក្រុមបេក្ខជនមកពីសាកលវិទ្យាល័យវិទ្យាសាស្រ្តសុខាភិបាល ជាប់ជ័យលាភីលេខ១ ក្នុងវគ្គផ្តាច់ព្រ័ត្រ នៃការប្រកួតវោហារស័ព្ទជាក្រុម ស្ដីពី ”ឥទ្ធិពលនៃគ្រឿងស្រវឹង”
ឥណ្ឌាជាមជ្ឈមណ្ឌលអប់រំលំដាប់សកល, រដ្ឋមន្រ្តីអប់រំប្រាប់និស្សិតកម្ពុជាប្រឹងប្រែងក្រេបជញ្ជក់ចំណេះដឹង ត្រឡប់មកអភិវឌ្ឍជាតិ
កម្ពុជាប្រាប់ពិភពលោកពីការរងផលប៉ះពាល់របស់កុមារក្នុងជម្លោះព្រំដែនថៃ-កម្ពុជា និងអំពាវនាវឱ្យពង្រឹងការការពារតាមច្បាប់អន្តរជាតិជាបន្ទាន់
កម្មវិធីពិសេសរបស់ AMS EDUCATION
ព័ត៌មានសង្ខេប
