ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ Zhejiang Normal នៃសាធារណរដ្ឋប្រជាមានិតចិន សម្រាប់ឆ្នាំសិក្សា២០២៦ ពីកម្មវិធីអាហារូបករណ៍រដ្ឋាភិបាលចិន CSC Type B។
ជំនាញអាហារូបករណ៍ផ្ដល់សម្រាប់ថ្នាក់បរិញ្ញាបត្រជាន់ខ្ពស់ ៖ រដ្ឋបាលពាណិជ្ជកម្ម (MBA), រដ្ឋបាលសាធារណៈ ធនធាន និងបរិស្ថាន, អេឡិចត្រូនិច និងព័ត៌មាន (វិស្វកម្មកម្មវិធី), ការងារសង្គម, រូបវិទ្យា, គណិតវិទ្យា, គីមីវិទ្យា, ជីវវិទ្យា, វិទ្យាសាស្ត្របរិស្ថាន និងវិស្វកម្ម, វិស្វកម្មមេកានិច, បរិស្ថានវិទ្យា Comparative Education។
ជំនាញសម្រាប់ថ្នាក់បណ្ឌិត ៖ គណិតវិទ្យាមូលដ្ឋាន, គណិតវិទ្យាអនុវត្ត, ការស្រាវជ្រាវប្រតិបត្តិការ និង វិទ្យាសាស្ត្រអ៊ីនធឺណិត, រូបវិទ្យា, គីមីវិទ្យា និង Comparative Education។
បេក្ខជនជ័យលាភីអាហារូបករណ៍នឹងទទួលបានការគាំទ្រដូចជា ថ្លៃសិក្សាពេញលេញ ថ្លៃស្នាក់នៅ ថ្លៃធានារ៉ាប់រង ថ្លៃចុះឈ្មោះចូលរៀន និងប្រាក់ប្រចាំខែ ៣០០០Yuan/ខែ សម្រាប់ថ្នាក់បរិញ្ញាបត្រជាន់ខ្ពស់ និង ៣៥០០Yuan/ខែ សម្រាប់ថ្នាក់បណ្ឌិត។
លក្ខខណ្ឌក្នុងការដាក់ពាក្យ ៖ បេក្ខជន បេក្ខនារី មិនមានសញ្ជាតិចិន, មានសុខភាពល្អទាំងបញ្ញា និងស្មារតី, អាយុក្រោម៣៥ឆ្នាំ មានសញ្ញាបត្រមធ្យមសិក្សាទុតិយភូមិ និងសញ្ញាបត្រថ្នាក់បរិញ្ញាបត្រ សម្រាប់ថ្នាក់បរិញ្ញាបត្រជាន់ខ្ពស់ និងអាយុក្រោម៤០ មានសញ្ញាបត្រមធ្យមសិក្សាទុតិយភូមិ សញ្ញាបត្រថ្នាក់បរិញ្ញាបត្រ សញ្ញាបត្រថ្នាក់បរិញ្ញាបត្រជាន់ខ្ពស់ និងលិខិតស្រាវជ្រាវ សម្រាប់ថ្នាក់បណ្ឌិត។ ជាមួយគ្នា បេក្ខជនត្រូវមានសញ្ញាបត្របញ្ជាក់សមត្ថភាព IELTS 5.5+, TOEFL 80+ និងលិខិតបញ្ជាក់ភាសាចិន HSK level 4+ និងជាបេក្ខជនដែលមិនកំពុងទទួលបានអាហារូបករណ៍រដ្ឋាភិបាលចិន។
សម្រាប់ព័ត៌មានបន្ថែមអាចចូលទៅកាន់ https://ehsaskafaalat.com/zhejiang-normal-university-csc-scholarship/ ។
ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី២០ ខែកុម្ភៈ ឆ្នាំ២០២៦៕
