ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – កុមារា វិន សុវណ្ណបញ្ញារាជ បានក្លាយជាម្ចាស់ជ័យលាភីមេដាយមាស ផ្នែក Natural Science នៅ Rice University នាទីក្រុង Houston រដ្ឋ Texas សហរដ្ឋអាមេរិក កាលពីថ្ងៃទី២៦ ខែមករា ឆ្នាំ២០២៣កន្លងទៅ ក្នុងការប្រកួតប្រជែងជាមួយសិស្សមកពី១៨ប្រទេសនៅទូទាំងពិភពលោក ។ ជ័យលាភីនេះ ជារឿងដែលគួរឱ្យកោតសរសើរ និងគួរឱ្យស្ញប់ស្ញែងដែលប្រទេសកម្ពុជាមានទំពាំងស្នងឬស្សីសម្រាប់អភិវឌ្ឍសង្គមជាតិឱ្យកាន់តែរីកចម្រើន។
សូមបញ្ជាក់ថា មុននឹងទទួលឈ្នះមេដាយមាស ផ្នែក Natural Science កុមារា វិន សុវណ្ណបញ្ញារាជ បានទទួលជោគជ័យលើការប្រឡង Copernicus Olympiad ក្នុងថ្នាក់តំបន់លើមុខវិជ្ជា Natural Science និង Physics Astronomy វគ្គ Elimination Round ដែលមានសិស្សចូលរួមប្រឡងប្រជែងចំនួន ២២៥នាក់ ពីសាលាចំនួន ៣៥សាលា មកពីសាលារដ្ឋ និងសាលាឯកជន ទាំងក្នុងរាជធានីភ្នំពេញ និងតាមបណ្តាខេត្តកាលពីថ្ងៃទី២៧ ខែវិច្ឆិកា ឆ្នាំ២០២២កន្លងទៅ ។
បន្ទាប់ពីទទួលបានជោគជ័យក្នុងថ្នាក់តំបន់ កុមារា វិន សុវណ្ណបញ្ញារាជ ក៏បានចេញទៅចូលរួមប្រកួតប្រជែងវគ្គ GLOBAL ROUND នៅលើទឹកដីសហរដ្ឋអាមេរិក ជាមួយសិស្សមកពី ១៨ប្រទេសជុំវិញពិភពលោក កាលពីថ្ងៃទី២៣ ខែមករា ឆ្នាំ២០២៣ ដល់ថ្ងៃទី២៦ ខែមករា ឆ្នាំ២០២៣ ក្នុងសកលវិទ្យាល័យ RICE UNIVERSITY ។
ក្រោយការប្រកួតវគ្គ GLOBAL ROUND នាទឹកដីសហរដ្ឋអាមេរិក កុមារា វិន សុវណ្ណបញ្ញារាជ ក៏ដណ្តើមបានមេដាយមាសលើមុខវិជ្ជា Natural Science រួមទាំងទទួលបានរង្វាន់ពិសេសថែមទៀត បន្ទាប់ពីបានជាប់ក្នុង Top 3។
កម្មវិធីប្រកួតប្រជែង COPERNICUS OLYMPIAD គឺជាការប្រឡងប្រជែងដ៏ធំមួយដែលមានមុខវិជ្ជាចំនួន ៥ រួមមាន Mathematics, Natural Science, Physics and Astronomy, Cyber Security និង Film Festival ៕
