ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
នាព្រឹកថ្ងៃទី០៣ ខែវិច្ឆិកា ២០២៣នេះ ប្រធានវិញ្ញាសាសម្រាប់ការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប ត្រូវបានប្រធានគណៈមេប្រយោគប្រចាំរាជធានី ខេត្ត មកដឹកទៅកាន់បណ្ដារាជធានី-ខេត្តរៀងៗខ្លួនហើយ ដើម្បីត្រៀមសម្រាប់ការប្រឡងសញ្ញាបត្រមធ្យមសិក្សាទុតិយភូមិ ដែលនឹងប្រព្រឹត្តទៅនៅថ្ងៃទី០៦ និងថ្ងៃទី០៧ ខែវិច្ឆិកា ។
ក្នុងការទទួល និងដឹកជញ្ជូនវិញ្ញាសាសម្រាប់ការប្រឡងសញ្ញាបត្រមធ្យមសិក្សាទុតិយភូមិ គេក៏ឃើញមានការចូលរួមពីពិនិត្យពីអង្គភាពប្រឆាំងអំពើពុករលួយផងដែរ ដើម្បីធានាថា ការប្រឡងសញ្ញាបត្រមធ្យមសិក្សាទុតិយភូមិនៅឆ្នាំនេះ ប្រព្រឹត្តទៅតាមគោលការណ៍ច្បាប់ យុត្តិធម៌ តម្លាភាព និងលទ្ធផលអាចទទួលយកបាន។
ជាមួយគ្នា នៅថ្ងៃនេះ មន្រ្តីក្រសួងអប់រំ ក៏បានចុះពិនិត្យមើលស្ថានភាពនៅតាមមណ្ឌលប្រឡង ដោយក្នុងនោះបើតាមការណែនាំរបស់ក្រសួង មណ្ឌលប្រឡងនីមួយៗត្រូវបំពេញបាននូវស្តង់ដាដែលបានកំណត់ គឺចាំបាច់ត្រូវមានហេដ្ឋារចនាសម្ព័ន្ធរឹងមាំគ្រប់គ្រាន់ដូចជា តុ កៅអី ក្កាខៀន ទ្វា បង្អួច មានបំពាក់ឧបករណ៍បំពងសំឡេង អគ្គីសនី បន្ទប់ទឹក បន្ទប់សង្គ្រោះបឋម និងបន្ទប់ប្រឡងសម្រាប់បេក្ខជនមានបញ្ហាសុខភាព។ បន្ទប់ប្រឡងត្រូវមានពន្លឺចេញចូល មានដំបូលរឹងមាំជិតល្អ មិនមានផលប៉ះពាល់ករណីមានភ្លៀងធ្លាក់ជាដើម។
គួរជម្រាបជូនថា សម្រាប់ការប្រឡងសញ្ញាបត្រមធ្យសិក្សាទុតិយភូមិ ឬបាក់ឌុបឆ្នាំនេះ មានបេក្ខជនសរុបចំនួន ១៣៧ ៤១២នាក់ ក្នុងនោះស្រីចំនួន ៧៣ ២៧៨នាក់៕
