ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ក្រសួងអប់រំ យុវជន និងកីឡា សហការជាមួយអង្គការយូនីសេហ្វ នឹងរៀបចំកម្មវិធីតម្រង់ទិសការប្រើប្រាស់បច្ចេកវិទ្យាក្នុងការអប់រំមុខវិជ្ជាបំណិនជីវិតមូលដ្ឋាន ឆ្នាំ២០២៣ ដើម្បីផ្សារភ្ជាប់បំណិនជីវិតតាមមូលដ្ឋានជាមួយបច្ចេកវិទ្យា សហគ្រិនភាព ដែលប្រព្រឹត្តទៅនៅថ្ងៃទី២៣ ខែមករា ឆ្នាំ២០២៣ ខាងមុខ ។
កម្មវិធីនេះ រៀបចំឡើងក្នុងគោលបំណងបង្កើតឱកាសឱ្យសិស្សានុសិស្ស ទទួលបានការបណ្តុះបណ្តាលចំណេះដឹងថ្មីៗ បទពិសោធន៍ទាក់ទងនឹងបច្ចេកវិទ្យា បណ្ដុះគំនិតអាជីវកម្ម ដោយការបង្កើតកម្មវិធីក្នុងទូរស័ព្ទដៃ ដោះស្រាយបញ្ហានៅក្នុងសហគមន៍ ដែលជាផ្នែកមួយនៃមុខវិជ្ជាបំណិនជីវិតមូលដ្ឋាន។
លក្ខខណ្ឌចូលរួមសម្រាប់គ្រឹះស្ថានសិក្សានីមួយៗ គឺសិស្សានុសិស្សត្រូវមានអាយុចាប់ពី ៨-១៨ឆ្នាំ និងត្រូវជ្រើសរើសក្រុមសិស្សដែលមានសមាជិកចាប់ពី០៣-០៥នាក់។ លើសពីនេះ ក្រុមនីមួយៗត្រូវមានទូរសព្ទទំនើបផ្ទាល់ខ្លួនយ៉ាងឃោចណាស់មានសិស្សពីមួយក្រុមឡើងទៅ និងមានគ្រូយ៉ាងហោចណាស់ម្នាក់ដែលមានចំណេះដឹងខាងបច្ចេកវិទ្យាខ្លះៗ។ ជាពិសេស អ្នកចូលរួមត្រូវមានបំណងដោះស្រាយបញ្ហាប្រចាំថ្ងៃ ឬបញ្ហាក្នុងសហគមន៍ ដោយប្រើប្រាស់បច្ចេកវិទ្យា, មានបំណងបម្លែងគម្រោងសហគមន៍មុខវិជ្ជាបំណិនជីវិតមូលដ្ឋាន ទៅជាកម្មវិធីទូរសព្ទដៃ និងមានការគាំទ្រពីអាណាព្យាបាលឱ្យចូលរួមកម្មវិធី។
គ្រឹះស្ថានសិក្សាដែលមានចំណាប់អារម្មណ៍ចូលរួមកម្មវិធីការប្រើប្រាស់បច្ចេកវិទ្យាសម្រាប់មុខវិជ្ជាបំណិនជីវិតតាមមូលដ្ឋាន សូមដាក់ពាក្យតាមរយៈតំណភ្ជាប់ https://korms.gle/sDKirxKdhZswDepo6 ។ ព័ត៌មានបន្ថែមសូមទាក់ទងតាមរយៈតេឡេក្រាម https://t.me/+RuZqQBR1wLhhYjQ1 ។
គួរបញ្ជាក់ដែរថា ក្រោមការជួយគាំទ្រពីយូនីសេហ្វ ចាប់តាំងពីឆ្នាំ២០១៥មក កម្មវិធីបំណិនជីវិតតាមមូលដ្ឋាន បានជួយដល់សិស្សានុសិស្សពីថ្នាក់ទី៤ ដល់ទី៩ ឱ្យចេះដោះស្រាយបញ្ហាប្រឈមនានាក្នុងជីវិតប្រចាំថ្ងៃ មិនថាតែជាបញ្ហាកើតឡើងនៅក្នុងសាលារៀន នៅផ្ទះ ឬនៅក្នុងសហគមន៍ប៉ុណ្ណោះទេ។ កម្មវិធីសិក្សានេះ ប្រើប្រាស់វិធីសាស្ត្រនៃការបង្រៀន និងរៀនតាមបែបរិះរក ដែលអាចឱ្យសិស្សសិក្សាពីបំណិនទន់ តាមរយៈការឈ្វេងយល់ពីបញ្ហាដែលកើតឡើង និងស្វែងរកដំណោះស្រាយ។ នៅពេលដែលពួកគេរិះរកប្រធានបទណាមួយ តាមរយៈការស្រាវជ្រាវ និងសម្ភាសន៍ សិស្សានុសិស្សចាប់ផ្តើមរៀនឈ្វេងយល់អំពីខ្លួនឯង កាន់តែមានទំនុកចិត្ត និងចាប់ផ្តើមយកអ្វីៗដែលខ្លួនបានរៀនសូត្រទៅប្រើប្រាស់ក្នុងពិភពជុំវិញខ្លួនពួកគេតែម្តង៕
