ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
រយៈពេល ៩ឆ្នាំ កម្មវិធីលើកកម្ពស់អនាម័យជនបទរបស់អង្គការភ្លែនបានបញ្ចប់ដោយជោគជ័យ
(ភ្នំពេញ)៖ កម្មវិធីលើកកម្ពស់អនាម័យជនបទ និងអប់រំសុខុមាលភាពប្រជាពលរដ្ឋចំនួន ១១ខេត្តក្នុងប្រទេសកម្ពុជា របស់អង្គការភ្លែនអន្តរជាតិ ត្រូវបានបញ្ចប់ដោយជោគជ័យបន្ទាប់ពីអនុវត្តន៍រយៈពេល ៩ឆ្នាំកន្លងទៅ។ ជាលទ្ធផលមានភូមិចំនួន ១,៦៤០ ឃុំចំនួន ៨៨ និងស្រុកចំនួន ៨ នៅកម្ពុជា បានប្រកាសបញ្ឈប់ការបន្ទោរបង់ពាសវាលពាសកាលទាំងស្រុង។
អ្នកស្រី គ្វីននេត វ៉ង នាយិកាប្រចាំប្រទេសនៃអង្គការភ្លែនអន្តរជាតិកម្ពុជា មានប្រសាសន៍ថា៖
“ រយៈពេលជិតប្រាំបួនឆ្នាំហើយដែលអង្គការភ្លែនអន្តរជាតិកម្ពុជា និងដៃគូទាំងអស់ បានចូលរួមគាំទ្រដល់ក្រសួងអភិវឌ្ឍន៍ជនបទ ដើម្បីកែលម្អស្ថានភាពអនាម័យជនបទនៅកម្ពុជាឱ្យកាន់តែប្រសើរឡើង… គម្រោងយើងបញ្ចប់នៅថ្ងៃទី៣១ ខែធ្នូ ឆ្នាំ ២០២០។ គម្រោងនេះបានជួយគាំទ្របន្ថែមទៀតដល់រដ្ឋាភិបាលកម្ពុជា ដើម្បីសម្រេចគោលដៅលើកកម្ពស់អនាម័យជាយុទ្ធសាស្ត្រនៅឆ្នាំ ២០៣០ និងកម្មវិធីថ្នាក់ជាតិ”។
សកម្មភាពមុនបញ្ចប់គម្រោងនេះ អង្គការភ្លែនអន្តរជាតិកម្ពុជាបានបញ្ជាក់ថា នៅក្នុងដំណាក់កាលជំងឺកូវីដ-19 កំពុងរីករាលដាល កម្មវិធីអប់រំអនាម័យសហគមន៍ខាងលើបានធ្វើការជិតស្និទ្ធជាមួយរាជរដ្ឋាភិបាល ដៃគូអភិវឌ្ឍន៍ និងអាជ្ញាធរមូលដ្ឋាន ផ្គត់ផ្គង់សម្ភារៈចាំបាច់ដូចជាសាប៊ូ អាកុល ទឹកលាងសម្លាប់មេរោគ សំឡីអនាម័យ និងតំឡើងស្ថានីយលាងដៃនៅតាមទីសាធារណៈ។ ជាការកត់សម្គាល់ ប្រជាពលរដ្ឋនៅទីជនបទបានផ្លាស់ប្តូរឥរិយាបទរស់នៅវិជ្ជមាន ព្រមទាំងអនុវត្តន៍ទម្លាប់អនាម័យនៅក្នុងគ្រួសារ។
កម្មវិធីលើកកម្ពស់អនាម័យជនបទរបស់អង្គការភ្លែន ចាប់ផ្តើមបង្កើតកាលពីឆ្នាំ ២០១១ មានគោលបំណងលើកកម្ពស់និរន្តរភាពនៃការប្រើប្រាស់បង្គន់អនាម័យ បង្កើនទម្លាប់លាងសម្អាតដៃជាមួយសាប៊ូ និងផឹកទឹកមានសុវត្ថិភាពនៅក្នុងសហគមន៍ជនបទ។ ទន្ទឹមគ្នានេះ កម្មវិធីក៏បានចូលរួមអភិវឌ្ឍនិងពង្រឹងសមត្ថភាពអាជ្ញាធរមូលដ្ឋាន និងអង្គការក្រៅរដ្ឋាភិបាលក្នុងស្រុកពីការងារអនាម័យ។ បច្ចុប្បន្នប្រជាជនកម្ពុជាប្រមាណជាង ១,៥លាននាក់ រួមទាំងស្ត្រី កុមារី និងជនមានពិការភាពទទួលអត្ថប្រយោជន៍ពីកម្មវិធីនេះ។
តាមការប៉ានស្មានរបស់អង្គការសុខភាពពិភពលោកនៅក្នុងឆ្នាំ 2010 ទូទាំងពិភពលោក ជំងឺរាកបានសម្លាប់មនុស្សប្រមាណ 2,2 លាននាក់ក្នុងមួយឆ្នាំ (ភាគច្រើនជាកុមារ)។ នៅកម្ពុជា 20% នៃមូលហេតុស្លាប់របស់កុមារអាយុក្រោម 5ឆ្នាំ បណ្ដាលមកពីជំងឺរាក។ ចំនួន 88% នៃជំងឺរាក គឺបណ្ដាលមកពីកង្វះអនាម័យបរិស្ថាន ប្រតិបត្តិអនាម័យផ្ទាល់ខ្លួនមិនបានល្អ និងផឹកទឹកមិនមានសុវត្ថិភាព (យូនីសេហ្វ ២០១២)។ ទន្ទឹមគ្នានេះ ការស្រាវជ្រាវបានបង្ហាញថា កង្វះទឹកស្អាតនិងអនាម័យ ផ្តល់ផលប៉ះពាល់យ៉ាងខ្លាំងដល់សុខភាពរាងកាយ (កុមារក្រិន) និងការលូតលាស់ខួរក្បាលរបស់កុមារ។ ប្រទេសកម្ពុជាខាតបង់ប្រមាណ ៤៤៨ លានដុល្លារក្នុងមួយឆ្នាំ ដោយសារកង្វះអនាម័យ។
សូមបញ្ជាក់ផងដែរថា អង្គការភ្លែនអន្តរជាតិកម្ពុជា ជាអង្គការអភិវឌ្ឍន៍និងមនុស្សធម៌មួយ ធ្វើការងារលើកកម្ពស់សិទ្ធិកុមារ និងសមភាពសម្រាប់ក្មេងស្រី។ អង្គការភ្លែនអន្តរជាតិកម្ពុជាបានចាប់ផ្តើមប្រតិបត្តិការនៅកម្ពុជាចាប់តាំងពីឆ្នាំ ២០០២៕
ជីវប្រវត្តិ: លោក ម៉ៅ សំណាង ជាការីនិពន្ធផ្នែកអប់រំ និងជាផលិតករព័ត៌មាននៃ AMS Education ។ លោកមានបទពិសោធន៍ការងារជាអ្នកសារព័ត៌មានវិទ្យុ, ពិធីករ និងជាអ្នករាយការណ៍ព័ត៌មានទូរទស្សន៍, និងជាផលិករប្រព័ន្ធផ្សព្វផ្សាយចម្រុះ។
របាយការណ៍សំខាន់
ព័ត៌មានទូទៅ
កម្មវិធីផ្លាស់ប្តូរការសិក្សា «ផែនការនិស្សិតឆ្នើម ទៅសិក្សានៅបរទេសរាប់ពាន់នាក់» លើកទី៣ នឹងជួយផ្សព្វផ្សាយវប្បធម៌ ទេសចរណ៍ របស់កម្ពុជា តាមរយៈនិស្សិតចិន
បាក់ឌុបនាពេលអនាគត អាចតម្រូវឱ្យប្រឡងភាសាបរទេសជាមុខវិជ្ជាកាតព្វកិច្ច ខណៈអ្នកជំនាញគាំទ្រការលើកកម្ពស់ជំនាញភាសាសម្រាប់ទីផ្សារការងារ
អវត្តមានសិស្សខ្ពស់ និងលទ្ធផលប្រឡងទាប ៖ ក្រសួងអប់រំដាក់ផែនការកែទម្រង់វិទ្យាល័យទួលប្រាសាទសែនសុខជាបន្ទាន់
របត់ថ្មី! សិស្សជានារី រៀនជំនាញជួសជុលរថយន្តកាន់តែច្រើន ព្រោះឃើញឱកាសការងារ និងប្រាក់ចំណូលសមរម្យ
ស្ថាប័ន OECD ព្រមានពីសិស្សអវត្តមានច្រើនកំពុងក្លាយជាបញ្ហាប្រឈមធំក្នុងប្រព័ន្ធអប់រំសកល
គ្មានអ្វីយឺតពេលឡើយ! អ្នកសម្អាតជនជាតិចិនម្នាក់ ប្រឡងជាប់ថ្នាក់អនុបណ្ឌិត ក្រោយសិក្សាដោយខ្លួនឯង១ឆ្នាំ
អាហារូបករណ៍ពេញលេញ ពីសាកលវិទ្យាល័យ Deakin University អូស្ត្រាលី សម្រាប់ឆ្នាំ២០២៧
អ្នកជំនាញ ៖ កម្ពុជាចាប់ផ្ដើមស្គាល់ AI កាន់តែច្រើន ប៉ុន្តែកម្រិតប្រើប្រាស់នៅមិនទាន់ឈានដល់ដំណាក់កាលបម្លែងអាជីវកម្ម
មនុស្សពេញវ័យធ្វើការនៅកម្ពុជា នឹងកើនឡើងខ្លាំង នៅរយៈពេល១៧ឆ្នាំខាងមុខនេះ
អង្គការកុមារកម្ពុជារីករាយ វិនិយោគជាង ១៧,៣ លានដុល្លារ គាំទ្រសាលារៀន ១៨១កន្លែង លើកកម្ពស់គុណភាពអប់រំសម្រាប់កុមារក្រីក្រ និងងាយរងគ្រោះ
កម្មវិធីពិសេសរបស់ AMS EDUCATION
ព័ត៌មានសង្ខេប
