ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ ៖ ទម្លាប់អានជាប្រចាំតែងផ្តល់ចំណេះដឹងនិងរឿងរ៉ាវអស្ចារ្យជាច្រើនដល់បុគ្គលគ្រប់រូប។ ខណៈបច្ចេកវិទ្យាកំពុងរីកចម្រើនជារៀងរាល់ថ្ងៃ មធ្យោបាយអានក៏មានច្រើនជម្រើសសម្រាប់អ្នកចូលចិត្តអំណានដែរ។ អានសៀវភៅ អានលើឧបករណ៍អេឡិកត្រូនិក (Kindle) អ៊ី-ប៊ុក (e-Book) អាននៅលើស្មាតហ្វូន អាននៅលើកុំព្យូទ័រ ទាំងនេះសុទ្ធសឹងជាមធ្យោបាយសំខាន់ៗដែលនាំអ្នកអានទាំងឡាយឱ្យសម្រេចគោលបំណងអានរបស់ខ្លួន។ សម្រាប់យុវជនដែលស្រឡាញ់វិស័យអំណាន យល់ឃើញផ្សេងៗគ្នាចំពោះមធ្យោបាយអានទាំងនេះ។
កញ្ញា ម៉ៅ ចាន់រស្មី ជាអ្នកនិពន្ធសៀវភៅ ឬហៅថា “កូនទន្សាយ” បាននិយាយថា ទោះបីអំណានលើឧបករណ៍បច្ចេកវិទ្យាមានកើនឡើងយ៉ាងណាក៏ដោយ ក៏ការអានសៀវភៅនៅតែមានសន្ទុះគាំទ្រខ្លាំងនាបច្ចុប្បន្ន”។
កញ្ញាបន្តថា
“ជាក់ស្តែងបើយើងក្រឡេកមើលទៅប្រទេសជឿនលឿន ប្រទេសជប៉ុនបច្ចេកវិទ្យារីកចម្រើនខ្លាំងមែនទែន ប៉ុន្តែការអានតាមរយៈសៀវភៅនៅមានសន្ទុះដដែល។ មួយវិញទៀត បច្ចេកវិទ្យាអានបែបទំនើបមានតាមរយៈ E-Book I-pad Kindle និងទូរស័ព្ទជាច្រើន ប៉ុន្តែនៅកម្ពុជាមិនទាន់មានឯកសារគ្រប់គ្រាន់ដាក់នៅលើបណ្ដាញសង្គម ឬបច្ចេកវិទ្យាទាំងនោះបានល្អឡើយ”
កញ្ញា ម៉ៅ ចាន់រស្មី អ្នកនិពន្ធសៀវភៅ
អ្នកនិពន្ធវ័យក្មេងមួយនេះ យល់ថា ការអានបែបទំនើប (ឧបករណ៍បច្ចេកវិទ្យា) ចំណាយពេលតិចជាងអានសៀវភៅ មិនចាំបាច់ប្រើប្រាស់ក្រដាស ព្រមទាំងជួយដល់បរិស្ថានផងដែរទេ។ ទោះជាយ៉ាងណា កញ្ញានៅតែប្រាកដចិត្តថា អានតាមរយៈសៀវភៅដោយផ្ទាល់សំខាន់ជាងអានលើឧបករណ៍បច្ចេកវិទ្យា ពីព្រោះអារម្មណ៍ដែលទទួលបានពីសន្លឹកសៀវភៅខុសគ្នាពីការអានតាមបែបទំនើប។
និយាយពីវិស័យអំណាននេះ ការអានសៀវភៅនៅប្រទេសកម្ពុជានាពេលបច្ចុប្បន្ន មានកំណើនគួរឱ្យកត់សម្គាល់ធៀបទៅប៉ុន្នានឆ្នាំកន្លងទៅ។ មួយវិញទៀត សង្កេតឃើញថា អ្នកនិពន្ធវ័យក្មេងនៅក្នុងប្រទេសកំពុងកើនឡើងជាងមុន ហើយវត្តមានសៀវភៅបោះពុម្ភមានក៏កើនឡើងជាបន្តបន្ទាប់ផងដែរ។
ចំណែកកញ្ញា ផន ផាត់នី និស្សិតកំពុងបន្តការសិក្សានៅសាលកវិទ្យាល័យ ធានជីង នៃសាធារណៈរដ្ឋចិន បាននិយាយថា ៖
“ក្នុងនាមខ្ញុំជាអ្នកចូលចិត្តអានមួយរូប ការអានតាមបែបទំនើបនៅក្នុងប្រទេសយើងគឺមិនទាន់មានជឿនលឿនខ្លាំងដូចប្រទេសដទៃនោះទេ… អានតាមបែបទំនើបមានទាំងផលវិជ្ជមាននិងអវិជ្ជមាន”
កញ្ញា ផន ផាត់នី
កញ្ញា ផន ផាត់នី បានបន្តទៀតថា ៖
“នៅពេលដែលយើងមាន e-Book យើងអាចបើកអានបានគ្រប់ពេលវេលាទាំងអស់ ងាយស្រួលអាន មិនបាច់ស្ពាយសៀវភៅធ្ងន់តាមខ្លួន តែវាប៉ះពាល់ទៅដល់ភ្នែក និងធ្វើឱ្យអារម្មណ៍ប្រែប្រួលលឿនរហ័ស។ មួយវិញទៀត ចំពោះមនុស្សចាស់ៗពួកគាត់ក៏អាចមានបញ្ហាដោយសារតែពួកគាត់ មិនទាន់ក្នុងការចេះប្រើប្រាស់នូវបចេ្ចកវិទ្យាទំនើបស្ទាត់ជំនាញ”
ស្រដៀងគ្នានេះដែរ កញ្ញា មុន្នី ស្រីនាថ និស្សិតឆ្នាំទី2 នៃដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍ នៅសាកលវិទ្យាល័យភូមិន្ទភ្នំពេញ
“ប្រសិនបច្ចេកវិទ្យាទៅថ្ងៃមុខកាន់តែមានការរីកចម្រើន សៀវភៅនៅតែមានការគាំទ្រដូចគ្នា ដោយសារមានអ្នកនិពន្ធមួយចំនួនពួកគាត់ព្យាយាមបញ្ចូលសិល្បៈតែងនិពន្ធចូលក្នុងសៀវភៅ ទាំងនោះគឺជាផ្នែកមួយធ្វើអោយយើងកាន់តែមានការគាំទ្រខ្លាំងឡើង”
កញ្ញា មុន្នី ស្រីនាថ
គួររំលឹកថា កន្លងទៅរាល់កម្មវិធីតាំងពិព័រណ៍សៀវភៅ ឬទិវាជាតិអំណានម្តងៗ សាធារណជនកម្ពុជា ពិសេសយុវជនតែងទិញសៀវភៅដែលបានដាក់លក់ជាហូរហែ។ អ្នកគ្រប់គ្រងកម្មវិធីពិព័រណ៍អំណាន ក៏ធ្លាប់លើកឡើងដែរថា របត់ថ្មីនៃអំណានលើបច្ចេកវិទ្យា និងអានសៀវភៅដោយផ្ទាល់នៅកម្ពុជា កំពុងមានសន្ទុះគាំទ្រខ្លាំងពីមួយឆ្នាំទៅមួយឆ្នាំ៕
ជីវប្រវត្តិ: លោក សន តុលា កំពុងសិក្សានៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍នៃសាកលវិទ្យាល័យភូមិន្ទភ្នំពេញ។ បច្ចុប្បន្នលោកជាអ្នកសរសេរ និងអ្នករាយការណ៍ព័ត៌មានអប់រំនៃ AMS Education។
របាយការណ៍សំខាន់
ព័ត៌មានទូទៅ
នាយករដ្ឋមន្រ្តីស្នើឱ្យសិក្សាលទ្ធភាពរៀនតាមប្រព័ន្ធអនឡាញ ប្រសិនវិបត្តិតម្លៃប្រេងឥន្ធនៈនៅតែបន្ត
អ្នកនាំពាក្យក្រសួងមហាផ្ទៃ អំពាវនាវអ្នកបើកបរគ្រប់រូប ពិសេសយុវជន យកចិត្តទុកដាក់ពីសុវត្ថិភាព គោរពច្បាប់ និងបើកបរដោយប្រុងប្រយ័ត្ន
យុវជនខ្មែរប្រើសិល្បៈឌីជីថល រំលេចអត្តសញ្ញាណជាតិ ក្នុងឱកាសបុណ្យចូលឆ្នាំថ្មី
តិចនិក ៧ យ៉ាង ដើម្បីក្លាយជា «មនុស្សពូកែគិត» (Critical Thinking)
ឱកាសអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ Peking (PKU)
មន្ត្រីជំរុញឱ្យយុវជនទៅវត្ត ខណៈយុវជនមួយចំនួនមិនសូវចាប់អារម្មណ៍ទៅវត្តក្នុងឱកាសបុណ្យចូលឆ្នាំ
របាំត្រុដិ មរតកប្រពៃណីទំនៀមទម្លាប់ ដែលផ្សារភ្ជាប់ជាមួយអត្តសញ្ញាណជាតិ និងជីវភាពកសិករខ្មែរ
បណ្ឌិត គិន ភា ៖ ការប្រើប្រាស់ភាសាខ្មែរគឺជាកាតព្វកិច្ច និងតម្លៃនៃអត្តសញ្ញាណជាតិ
កម្មវិធីពិសេសរបស់ AMS EDUCATION
ព័ត៌មានសង្ខេប
