ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°ភ្នំពេញ៖ អត្ថបទល្ខោនវិទ្យុមួយមានចំណងជើងថា “ជនត្រូវគេបំពាន” បានជាប់ជ័យលាភីលេខ១ ក្នុងការប្រកួតប្រជែងសរសេរអត្ថបទល្ខោនវិទ្យុទាក់ទងនឹងប្រធានបទ “ការបៀតបៀនស្រ្តីលើប្រព័ន្ធអ៊ីនធឺណេត” រៀបចំឡើងដោយមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ សម្រាប់ឆ្នាំ២០២១។ យុវជន ស៊ុយ លីនប៉ាវ មានអាយុម្ភៃពីរឆ្នាំ ជានិស្សិតផ្នែកស្ថាបត្យកម្ម សិក្សាឆ្នាំទី៥ នៅវិទ្យាស្ថានបច្ចេកវិទ្យាកម្ពុជា បានបង្កើតស្នាដៃតែងនិពន្ធនេះ។
ខ្លឹមសារនៃស្នាដៃល្ខោនវិទ្យុថ្មោងថ្មីដំបូងរបស់ ស៊ុយ លីនប៉ាវ មានបំណងបង្ហាញឱ្យឃើញសកម្មភាពមួយចំនួននាំឱ្យកើតមានរូបភាពបៀតបៀនស្រ្តីលើប្រព័ន្ធអ៊ីនធឺណេត ព្រមទាំងផ្តល់ដំណោះស្រាយផ្សេងៗដល់ជនរងគ្រោះនៅក្នុងដំណើរសាច់រឿង។
ស៊ុយ លីនប៉ាវ ៖
“ក្តីស្រមៃខ្ញុំតែងផ្លាស់ប្ដូរជានិច្ច ពេលឱកាសថ្មីមកដល់! អាចនិយាយម្យ៉ាងទៀតថា ខ្ញុំមិនទាន់បានរកឃើញទេពកោសល្យពិតប្រាកដរបស់ខ្លួនឯង ដូច្នេះខ្ញុំតែងសាកល្បងបទពិសោធន៍ថ្មីៗ ដើម្បីស្វែងយល់ខ្លួនឯងឱ្យកាន់តែច្បាស់… តែខ្ញុំចង់ក្លាយជាអ្នកនិពន្ធមួយរូប”
ស៊ុយ លីនប៉ាវ
យុវជនមានទីកន្លែងកំណើតនៅខេត្តកំពង់ធំរូបនេះ បានរំលឹកដល់ការសម្រេចចិត្តតែងនិពន្ធអត្ថបទល្ខោនវិទ្យុលើដំបូងរបស់ខ្លួនថា សម្រេចចិត្តចូលរួមប្រកួតប្រជែងសរសេរអត្ថបទរឿងល្ខោនវិទ្យុ មានគោលបំណងធំមួយ គឺចង់សាកល្បងស្នាដៃនិងទេពកោសល្យរបស់ខ្លួន។
ពន្លកអ្នកនិពន្ធរូបនេះ បានឱ្យដឹងថា រូបគេមានសង្ឃឹមយ៉ាងមុតមាំក្នុងការងារតែងនិពន្ធ ដោយសារទទួលបានការគាំទ្រនិងលើកទឹកចិត្តពីរៀមច្បងនិងអ្នកនិពន្ធជាច្រើនរូប រួមមានអ្នកស្រី ម៉ីសន សុធារី, អ្នកស្រី អ៊ុច ថាវី, ឯកឧត្តម ព្រឿង ប្រណិត, លោក ឡឹក ជំនោរ, អ្នកស្រី ប៉ុល ពិសី, លោកគ្រូអ្នកគ្រូនៅក្នុងសមាគមអ្នកនិពន្ធខ្មែរ, ព្រមទាំងរៀមច្បងក្នុងអាជីពជាច្រើនរូបទៀត។
សូមបញ្ជាក់កាលពីឆ្នាំ២០២០ កន្លងទៅ ស៊ុយ លីនប៉ាវ ធ្លាប់បានទទួលជ័យលាភីកិត្តិយសក្នុងកម្មវិធីប្រកួតប្រជែងពានរង្វាន់ព្រះនាងឥន្ទ្រទេវី ផ្នែកប្រលោមលោកខ្លី។ លីនប៉ាវ ធ្លាប់បានសរសេររឿងខ្លីមួយចំនួនដូចជា រឿងខ្លី “ម៉ែ! ខ្ញុំចង់រស់” ទទួលបានជ័យលាភីលេខ១ ពានរង្វាន់អក្សរសិល្ប៍រៀបចំពុទ្ធសាសនបណ្ឌិត្យ ឆ្នាំ២០២០ ក្រោមប្រធានបទ “ទោសនៃសុរា”, ប្រលោមលោកខ្លី “មានលុយបាត់ម៉ែ” រង្វាន់កិត្តិយសនៃពានរង្វាន់ព្រះនាងឥន្ទ្រទេវី របស់ក្រសួងវប្បធម៌ និងវិចិត្រសិល្បៈ ឆ្នាំ២០១៩។ ស៊ុយ លីនប៉ាវ ធ្លាប់ចូលរួមបោះពុម្ពរឿងខ្លី “កូនអ្នករើសសំរាម” ជាមួយសមូហកម្មមន្តទឹកខ្មៅ ក្រោមចំណងជើងសៀវភៅ “ខ្មាសខ្លួនឯង” ក្នុងឆ្នាំ២០១៩ និងរឿងខ្លី “បណ្ដឹងគីង្គក់” ចូលរួមបោះពុម្ពជាមួយសមូហកម្មមន្តទឹកខ្មៅ ក្រោមចំណងជើងសៀវភៅ “ព្រៃរំដួល” កាលឆ្នាំ២០១៨ និងមានស្នាដៃជាទៀតដែលមានការគាំទ្រខ្លាំងអំពីមហាជន៕
ជីវប្រវត្តិ: លោក សន តុលា កំពុងសិក្សានៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍នៃសាកលវិទ្យាល័យភូមិន្ទភ្នំពេញ។ បច្ចុប្បន្នលោកជាអ្នកសរសេរ និងអ្នករាយការណ៍ព័ត៌មានអប់រំនៃ AMS Education។
របាយការណ៍សំខាន់
ព័ត៌មានទូទៅ
ផលប៉ះពាល់ នៃការប្រើប្រាស់ផលិតផលប្លាស្ទិក
អាហារូបករណ៍ថ្នាក់បរិញ្ញាបត្ររង សិក្សានៅប្រទេសចិន ចំនួន១៥កន្លែង
មន្ត្រីក្រសួងអប់រំ ៖ យុវជនទាំងអស់ត្រូវមានចំណេះដឹងក្នុងការគ្រប់គ្រងហិរញ្ញវត្ថុផ្ទាល់ខ្លួន ដើម្បីឆ្លើយតបនឹងការវិវត្តនៃសេដ្ឋកិច្ចឌីជីថល
ក្រសួងប្រៃសណីយ៍ពង្រីកវិសាលភាព នៃការអប់រំឌីជីថល ទៅកាន់សាលាគោលដៅចំនួន១៨បន្ថែម
រដ្ឋមន្រ្តីអប់រំ ៖ ការអភិវឌ្ឍជំនាញសង្គម និងអារម្មណ៍ សំខាន់ក្នុងការអប់រំ និងអភិវឌ្ឍមូលធនមនុស្ស
ក្រសួងរ៉ែ ថាមពល និងអង្គការ SNV ប្រកាសពីជោគជ័យ នៃគម្រោងលើកកម្ពស់ការចម្អិនស្អាត និងភូមិគ្មានផ្សែង
តិចនិកសាមញ្ញ ៦ យ៉ាង ដើម្បីពង្រឹងការចងចាំឱ្យកាន់តែប្រសើរ
អាហារូបករណ៍ថ្នាក់បរិញ្ញាបត្រ សិក្សានៅប្រទេសវៀតណាម សម្រាប់យុវជនខេត្តស្វាយរៀង
ទិវាអន្តរជាតិនារី ៨មីនា ៖ នាយកស្ដីទីអង្គការភ្លែនអន្តរជាតិកម្ពុជា ចង់ឃើញបុរសចេះចែករំលែកបន្ទុកគ្រួសារក្នុងការចិញ្ចឹមកូន
គំរូយុវតីជនជាតិដើមភាគតិច ៖ “ស្ត្រីត្រូវមានចំណូល និងជំនាញច្បាស់លាស់ មុនសម្រេចចិត្តរៀបការ”
កម្មវិធីពិសេសរបស់ AMS EDUCATION
ព័ត៌មានសង្ខេប
