ជំនាញ ៦ដែលមានតម្រូវការខ្ពស់ ក្រោយពិភពលោកងាកមកលើកកម្ពស់បរិស្ថាន

ទន្ទឹមនឹងការរីកចម្រើនលើវិស័យបច្ចេកវិទ្យាជាន់ខ្ពស់ក្នុងពិភពលោក ប្រទេសជាច្រើនក៏កំពុងគិតគូអំពីការលើកកម្ពស់បរិស្ថាន ព្រមទាំងសេដ្ឋកិច្ចបៃតងផងដែរ ដើម្បីនាំមកនូវការអភិវឌ្ឍប្រកបដោយចីរភាពទាំងបរិស្ថាន និងសង្គម។ ជាមួយគ្នានេះ ជំនាញមួយចំនួនដែលពាក់ព័ន្ធនឹងការលើកម្ពស់បរិស្ថាន(Green Job) នឹងក្លាយជាជំនាញដែលមានទីផ្សារខ្ពស់នាពេលអនាគត។ តើជំនាញទាំនោះមានអ្វីខ្លះ?

យោងតាម We Forum បានឱ្យដឹងថា នៅក្នុងកម្មវិធីលើកកម្ពស់បរិស្ថានរបស់អង្គការសហប្រជាជាតិ បានបង្ហាញអំពីជំនាញ ៦ដែលមានតម្រូវការខ្ពស់ ដែលនឹងជួយឱ្យយុវជនទទួលបានភាពជោគជ័យនាពេលអនាគត នៅពេលពិភពលោកងាកមកលើកកម្ពស់ឧស្សាហកម្មបៃតង។ ជំនាញទាំងនោះមានដូចជា៖

១. ជំនាញវិទ្យាសាស្ត្រ (Science skill) ៖ ការអភិវឌ្ឍសេដ្ឋកិច្ចបៃតងនាពេលអនាគត គឺពឹងផ្អែកខ្លាំងទៅលើធនធានមនុស្សដែលមានជំនាញផ្នែកវិទ្យាសាស្ត្រ។ ដោយជំនាញសំខាន់ៗទាំងនោះរួមមាន អ្នកវិទ្យាសាស្ត្របរិសា្ថន ជីវវិទូ អ្នកជំនាញផ្នែកធារាសាស្ត្រ (hydrologist) និងជីវគីមី(biochemist)។ អ្នកឯកទេសលើជំនាញដែលបានរៀបរាប់នេះ នឹងដើរតួនាទីយ៉ាងសំខាន់ ក្នុងការត្រួតពិនិត្យ គ្រប់គ្រង និងការពារធនធានធម្មជាតិ រួមទាំងដី និងការផ្គត់ផ្គង់ទឹក។

២. អ្នកជំនាញស្ថាបត្យកម្ម និងរៀបចំគម្រោង(Architectural and planning skills) ៖ នាពេលអនាគត ការសាងសង់អគារនឹងសង្កត់ធ្ងន់ទៅលើការសន្សំសំចៃថាមពល ដែលតម្រូវឱ្យមានធនធាន និងសម្ភារតិចជាងមុន ក្នុងដំណើរការសាងសង់។ ដូច្នេះហើយ ស្ថាបត្យករ និងអ្នករៀបចំគម្រោង ត្រូវរចនាគម្រូអគារ ដែលអនុលោមតាមបញ្ញាតិបរិស្ថាន ដែលចាំបាច់ត្រូវបានទីតាំងសម្រាប់ដាំដើមឈើ ស្មៅ និងបន្លែជាដើម។

៣. ជំនាញវិស្វកម្មបៃតង និងបច្ចេកវិទ្យា(Green engineering and tech skills) ៖ យុវជននាថ្ងៃនេះ នឹងក្លាយជាវិស្វករបៃតងនៅថ្ងៃស្អែក ដែលជួយរចនា បង្កើត និងថែទាំងបន្ទះស្រូបពន្លឺព្រះអាទិត្យ ទួរប៊ីនខ្យល់ យានជំនិះបញ្ចេញឧស្ម័នតិច និងផ្នែកជាច្រើនទៀតនៃបច្ចេកវិទ្យាសេដ្ឋកិច្ចបៃតង។

៤. ជំនាញកសិកម្ម ៖ ការធ្វើកសិកម្ម និងការផ្គត់ផ្គង់ស្បៀងអាហារ គឺជាវិស័យដែលមាននិរន្តរភាពមួយ ដែលមនុស្សត្រូវការជាចាំបាច់។ ជាមួយគ្នានេះ ជំនាញនេះនឹងកាន់តែមានតម្រូវខ្ពស់នាពេលអនាគត ដោយសារកំណើននៃតម្រូវការផលិតផលកសិកម្មសរីរាង្គ ការបង្កើតឱ្យមានកសិកម្មក្នុងទីក្រុង និងកសិកម្មបែបទំនើប (Precision farming)។

៥. ជំនាញយុវតិធម៌បរិស្ថាន (Environmental justice skill) ៖ អ្នកជំនាញលើផ្នែកនេះ នឹងដើរតួរជាអ្នកសម្របសម្រួលរវាងសិទ្ធិមនុស្ស និងសិទ្ធិបរិស្ថាន។ ពួកគេចាំបាច់ត្រូវមានចំណេះដឹងផ្នែកច្បាប់ សង្គម និងប្រវត្តិសាស្ត្រ ដើម្បីធានាថាមនុស្សជាតិមិនបង្កើតកំហុសឆ្គងកាលពីអតីតកាលម្ដងទៀត ដែលអាចនាំឱ្យមានបញ្ហាសង្គម បរិស្ថាន និងភាពក្រីក្រ។

៦. ជំនាញផ្នែកបង្កើតប្រព័ន្ធប្រតិបត្តិការ (System Skills)៖ សេដ្ឋកិច្ចបៃតងនឹងត្រូវការអ្នកជំនាញផ្នែករចនា ប្រតិបត្តិការ និងត្រួតពិនិត្យប្រព័ន្ធយ៉ាងទូលំទូលាយ។ អ្នកជំនាញផ្នែកនេះ មានតួនាទីស្វែងរកវិធីបង្កើនប្រសិទ្ធភាពអាជីវកម្ម និងកែលម្អប្រព័ន្ធប្រតិបត្តិការ។ ពួកគេត្រូវមានចំណេះដឹងផ្នែកម៉ាក្រូសេដ្ឋកិច្ច ដើម្បីកសាងនិរន្តរភាពក្នុងគម្រោងកសាងហេដ្ឋារចនាសម្ព័ន្ធរយៈពេលវែង។

ការងារក្នុងសង្គមនៃសេដ្ឋកិច្ចបៃតង

ការងារ និងអាជីពថ្មីៗរាប់លាននឹងត្រូវបានបង្កើតនៅក្នុងសេដ្ឋកិច្ចបៃតង ប៉ុន្តែការបង្កើតការងារថ្មី ក៏តម្រូវឱ្យមានធនធានមនុស្សដែលអាចឆ្លើយតបនឹងឱកាសការងារទាំងនោះផងដែរ។ ទន្ទឹមនឹងនេះ បើយោងតាមរបាយការណ៍របស់ Davos Labs youth Recovery Plan បានឱ្យដឹងថា ៥០% នៃយុវជនបច្ចុប្បន្ននឹងមានអារម្មណ៍ថា ពួកគេមិនមានជំនាញដ៏ត្រឹមត្រូវមួយ ដើម្បីធានាថាពួកគេមានការងារល្អក្នុងរយៈពេល ៥ ទៅ ១០ឆ្នាំខាងមុខ។

ជាមួយគ្នានេះ ជំនាញមួយចំនួនដូចជា អ្នកជំនាញផ្នែកថាមពលបៃតង (Green energy skill) វិស្វករ ជំនាញគិតបែបត្រិះរិះ (Critical thinking) ជំនាញឌីជីថល និងគ្រប់គ្រងទិន្នន័យនឹងមានតម្រូវការខ្ពស់គិតត្រឹមឆ្នាំ ២០៥០។

ជំនាញមានតម្រូវការខ្ពស់ក្នុងវិស័យជំនួញ

ភាពរីកចម្រើននៃបច្ចេកវិទ្យា គឺជាកត្តាជំរុញដ៏សំខាន់ក្នុងការអភិវឌ្ឍវិស័យជាច្រើន។ យោងតាមរបាយការ Future of Job Report បានឱ្យដឹងថា ជំនាញ cloud computing, big data, artificial intelligence និងជំនាញបច្ចេកវិទ្យាដទៃទៀត នឹងក្លាយជាជំនាញអាទិភាពដែលម្ចាស់អាជីវកម្មត្រូវការ។ ម្ចាស់អាជីវកម្មនៅអាមេរិកប្រមាណ ៩៤% បានរាយការណ៍ថា ពួកគាត់រំពឹងថាបុគ្គលិករបស់ខ្លួននឹងអភិវឌ្ឍជំនាញខាងលើ ដើម្បីវិវត្តន៍ខ្លួនឱ្យទាន់ស្ថានការ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ ស សុខា ១០០កន្លែងនៅសាកលវិទ្យាល័យឯកទេសនៃកម្ពុជា ខេត្តបាត់ដំបង ឆ្នាំ២០២២-២០២៣

ព័ត៌មានអាហារូបករណ៍, ព្រឹត្តិការណ៍

• 09/01/2023

ឱកាសទទួលបានអាហារូបករណ៍សិក្សាថ្នាក់បរិញ្ញាបត្រនៅសាកលវិទ្យាល័យ ឯកទេស នៃកម្ពុជា ខេត្តបាត់ដំបង ចំនួន១០០កន្លែង សម្រាប់ឆ្នាំសិក្សា២០២២-២០២៣...

សាកលវិទ្យាល័យ Mae Fah Lung ប្រទេសថៃ ផ្តល់អាហារូបករណ៍ថ្នាក់បរិញ្ញាបត្រ​សម្រាប់ឆ្នាំ២០២៣

ព័ត៌មានអាហារូបករណ៍, ព្រឹត្តិការណ៍

• 22/03/2023

ភ្នំពេញ - សាកលវិទ្យាល័យ Mae Fah Lung នៃប្រទេសថៃ បានប្រកាសផ្ដល់អាហារូបករណ៍ថ្នាក់បរិញ្ញាបត្រចំនួន២កន្លែងសម្រាប់ឆ្នាំសិក្សា២០២៣ ។ អាហារូបករណ៍ផ្ដល់ជូន...

សាកលវិទ្យាល័យជាតិមានជ័យផ្ដល់អាហារូបករណ៍ចំនួន២៥កន្លែងតាមរយៈអាហារូបករណ៍អភិសន្តិបណ្ឌិត ស​ សុខា

ព័ត៌មានអាហារូបករណ៍, ព្រឹត្តិការណ៍

• 28/10/2024

សាកលវិទ្យាជាតិមានជ័យផ្ដល់ឱកាសសិក្សាអាហារូបករណ៍ចំនួន២៥កន្លែងសិក្សាថ្នាក់បរិញ្ញាបត្រ តាមរយៈកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិ សម្រាប់ឆ្នាំសិក្សា២០២៤-២០២៥។ 

ឱកាសសិក្សាអាហារូបករណ៍ថ្នាក់បរិញ្ញាបត្រចំនួន៥០០កន្លែងពីកម្មវិធីអាហារូបករណ៍ទេពកោសល្យ​ឌីជីថលតេជោ

ព័ត៌មានអាហារូបករណ៍, ព្រឹត្តិការណ៍

• 17/10/2024

ឱកាសសិក្សាអាហារូបករណ៍ចំនួន៥០០កន្លែង សម្រាប់សិស្សានុសិស្សសិក្សាថ្នាក់បរិញ្ញាបត្រជំនាញបច្ចេកវិទ្យាឌីជីថល នៅសាកលវិទ្យាល័យល្បីៗចំនួនប្រាំមួយរបស់កម្ពុជា។ អាហារូបករណ៍ផ្ដល់ជូនក្រោមកម្មវិធីអាហារូបករណ៍ទេពកោសល្យឌីជីថលតេជោ...

កម្មវិធីអាហារូបករណ៍ថ្នាក់អនុបណ្ឌិតពីប្រទេសអៀរឡង់ សម្រាប់ឆ្នាំសិក្សា ២០២៧/២០២៨

ព័ត៌មានអាហារូបករណ៍, ព្រឹត្តិការណ៍

• 30/06/2026

កម្មវិធីអាហារូបករណ៍ Ireland Fellows Programme – Asia សម្រាប់ឆ្នាំសិក្សា 2027/2028 ត្រូវបានបើកទទួលពាក្យជាផ្លូវការហើយ! អាហារូបករណ៍នេះផ្តល់ឱកាសដល់និស្សិត និងមន្ត្រីជំនាញមកពីប្រទេសកម្ពុជា វៀតណាម និងឡាវ...

ឱកាសសិក្សា​ជំនាញបច្ចេកទេស និង​វិជ្ជាជីវៈ ឥតគិតថ្លៃពីវិទ្យាស្ថានពហុបច្ចេកទេស​ខេត្តព្រះសីហនុ

ព័ត៌មានអាហារូបករណ៍, ព្រឹត្តិការណ៍

• 12/12/2023

វិទ្យាស្ថានបច្ចេកទេស​ខេត្តព្រះសីហនុ បានប្រកាស​ផ្តល់​អាហារូបករណ៍ ១០០ភាគរយ សម្រាប់វគ្គសិក្សា​កម្រិតសញ្ញាបត្របច្ចេកទេស និង​វិជ្ជាជីវៈ ១ (C1) ដោយសិក្សា​រយៈពេល​៤ខែ ដោយ​ឥតគិតថ្លៃ។

ឱកាសអាហារូបករណ៍ សិក្សាថ្នាក់បរិញ្ញាបត្រ បរិញ្ញាបត្រជាន់ខ្ពស់ នៅសាកលវិទ្យាល័យវិទ្យាសាស្រ្ត និងបច្ចេកវិទ្យាប៉េកាំង

ព័ត៌មានអាហារូបករណ៍, ព្រឹត្តិការណ៍

• 30/01/2025

ក្រោមកិច្ចសហប្រតិបត្តិការរវាងកម្មវិធីសាបព្រោះគ្រាប់ពូជ​ នៃ ស.ស.យ.ក. រាជធានីភ្នំពេញ និងសាកលវិទ្យាល័យវិទ្យាសាស្រ្ត និងបច្ចេកវិទ្យាក្រុងប៉េកាំង(USTB)បានប្រកាស​ផ្តល់អាហារូបករណ៍​ដល់​និស្សិត​កម្ពុជា ក្នុងការ​សិក្សាជំនាញជាច្រើន...

វិទ្យាស្ថាន​ពហុបច្ចេកទេស​ខេត្ត​បន្ទាយមានជ័យ ផ្ដល់​អាហារូបករណ៍​ថ្នាក់​សញ្ញាបត្រ​បច្ចេកទេស​ចំនួន៦០០កន្លែង

ព័ត៌មានអាហារូបករណ៍, ព្រឹត្តិការណ៍

• 06/11/2024

នៅ​ក្នុង​ឆ្នាំសិក្សា​២០២៤-២០២៥ វិទ្យាស្ថាន​ពហុបច្ចេកទេស​ខេត្ត​បន្ទាយមានជ័យ បាន​ប្រកាស​ជ្រើសរើស​សិស្ស-និស្សិតចំនួន៦០០នាក់ សម្រាប់​ទទួល​អាហារូបករណ៍​សិក្សា​ទៅ​លើមុខ​ជំនាញ​ជាច្រើន​ដែល​កំពុង​មាន​តម្រូវ​ការ...

ឱកាសសិក្សាអាហារូបករណ៍ចំនួន១២០កន្លែងនៅវិទ្យាស្ថានបច្ចេកវិទ្យាកម្ពុជា សាខាខេត្តត្បូងឃ្មុំ

ព័ត៌មានអាហារូបករណ៍, ព្រឹត្តិការណ៍

• 18/10/2024

វិទ្យាស្ថានបច្ចេកវិទ្យាកម្ពុជាសាខាខេត្តត្បូងឃ្មុំ ប្រកាសជ្រើសរើសនិស្សិតចូលសិក្សាថ្នាក់កម្រិតវិស្វករ ចំនួន១២០កន្លែង។ អាហារូបករណ៍ប្រឡងជ្រើសរើសសម្រាប់កម្រិតវិស្វករ សិក្សារយៈពេល៥ឆ្នាំក្នុងដេប៉ាតឺម៉ង់ចំនួនបួន។