ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្រឹត្យក្រមធម្មជាតិរបស់មនុស្សរមែងមិនចូលចិត្តអារម្មណ៍រងសម្ពាធឡើយ មិនថាសម្ពាធពីអ្នកដទៃ ឬសម្ពាធដាក់ដោយខ្លួនឯង ប៉ុន្តែសម្ពាធខ្លះអាចជួយជំរុញលទ្ធភាពការងារ និងបំផុសសក្ដានុពលពីក្នុងខ្លួនឱ្យកាន់តែប្រសើរ ដើម្បីជំរុញចិត្តឈានទៅសម្រេចការងារតាមគម្រោងដែលបានកំណត់។
លោក ប៊ុន ផាក នាយកប្រតិបត្តិក្រុមហ៊ុន Camazoon និងជាស្ថាបនិក WERead Asia យល់ឃើញថា បុគ្គលមិនដាក់សម្ពាធដល់ខ្លួនឯង ធ្វើកិច្ចការតាមចំណង់ ឬធ្វើតាមតែអ្វីដែលអាចធ្វើបាន បុគ្គលនោះនឹងបាត់បង់សេចក្តីព្យាយាមដើម្បីដោះស្រាយបញ្ហា និងពង្រឹងសមត្ថភាពផ្ទាល់ខ្លួន។
លោកបានបន្ថែមថា “មានពាក្យមួយម៉ាត់បាននិយាយថា បើមិនបង្ខំខ្លួនឯងឱ្យទាល់ច្រកទេ ធ្វើម៉េចដឹងថាខ្លួនឯងមានសមត្ថភាពប៉ុណ្ណា ! យើងមិនមែនមានចេតនាទៅដាក់ខ្លួនឯងនៅក្នុងហានិភ័យទេ តែត្រូវដាក់សម្ពាធខ្លួនឯងទៅលើរឿងវិជ្ជមាន”។
លោក ប៊ុន ផាក បានបង្ហោះសំណេរប្តេជ្ញាចិត្តនៅលើប្រព័ន្ធផ្សព្វផ្សាយសង្គមថា លោកនឹងសង្ខេបអត្ថបទចេញពីសៀវភៅឱ្យបានយ៉ាងហោចណាស់ 52 ក្បាលក្នុងមួយឆ្នាំ ហើយធ្វើការងារនោះឱ្យបានមួយពាន់ថ្ងៃជាប់ៗគ្នា។
លោកបានពន្យល់ចំណុចនេះថា “សម្រាប់ខ្ញុំ ទីមួយវាជាការសន្យាចំពោះខ្លួនឯង ទីពីរវាជាការទទួលស្គាល់ពីអ្នកដទៃនៅលើបណ្ដាញសង្គម ដែលគេនឹងចាំមើលថាយើងធ្វើបានអត់។ មូលហេតុដែលខ្ញុំហ៊ានប្រកាសពីផែនការរបស់ខ្ញុំបែបនេះ ដោយសារខ្ញុំដាក់សម្ពាធឱ្យខ្លួនឯងថាត្រូវធ្វើឱ្យបាន យើងធ្វើបែបហ្នឹងដើម្បីកុំឱ្យខុសពាក្យសម្ដីរបស់ខ្លួនឯង កុំឱ្យអ្នកដទៃមើលមកថា ខ្ញុំធ្វើអត់បាន ចឹងខ្ញុំត្រូវតែខំ”។
ស្ថាបនិក WERead Asia រូបនេះបានបន្តថា មើលមួយភ្លែតការដាក់សម្ពាធប្រៀបដូចជាការកំណត់គោលដៅមួយដែលលើសពីសមត្ថភាពដែលខ្លួនមាន តែវាមិនត្រូវលើសលុបខ្លាំងពេកទេ ត្រូវសមល្មមតាមតែអាចប្រឹងប្រែងធ្វើបាន។ ប្រសិនបើលើសច្រើនខ្លាំងពេក វាអាចក្លាយជាសម្ពាធធ្ងន់ធ្ងរដែលមិនអាចទ្រាំទ្របាន។
សម្រាប់លោក ប៊ុន ផាក ការដាក់សម្ពាធដល់ខ្លួនឯងត្រឹមត្រូវនិងទទួលបានលទ្ធផលវិជ្ជមាន ត្រូវផ្អែកលើគោលការណ៍ច្បាស់លាស់។
“ការដាក់សម្ពាធខ្លួនឯងប្រៀបដូចជាការកំណត់គោលដៅមួយ យើងត្រូវមើលលើចំណុចសំខាន់មួយចំនួន ទីមួយត្រូវកំណត់ឱ្យជាក់លាក់ថាខ្លួនឯងត្រូវធ្វើអ្វីឱ្យពិតប្រាកដ និងទីពីរត្រូវដឹងពីការទំហំនៃសម្ពាធរបស់យើងផង (Measurable) ថាតើត្រូវគ្នាជាមួយនឹងបទពិសោធន៍ ចំណេះដឹង និងការយល់ដឹងរបស់យើងដែរឬទេ? ទន្ទឹមគ្នានេះទីបីត្រូវគិតដល់លទ្ធភាពដែលអាចធ្វើទៅបាន (Achievable) និងទីបួនការវាស់វែងពេលវេលា (Timely)”។
អ្នកជំនាញនៅអង្គការ HEDC-International ក៏បានលើកឡើងដែរថា ការស្ថិតក្រោមសម្ពាធវាជារឿងធម្មតាទេក្នុងជីវិត វាអាចជួយឱ្យមនុស្សចាប់យកសម្មភាព បង្កើនថាមពល ដើម្បីទទួលបានលទ្ធផលល្អ។ ប៉ុន្តែបើមនុស្សចាប់ផ្ដើមមានអារម្មណ៍តានតឹងខ្លាំង នោះវាអាចចាប់ផ្តើមក្លាយជាបញ្ហាហើយ។
ការដាក់សម្ពាធមិនសុទ្ធតែអាក្រក់ទាំងអស់ទេ ដាក់សម្ពាធខ្លួនឯងឱ្យដើរលើផ្លូវវិជ្ជមាន ខំប្រឹងឱ្យដល់គោលដៅ ផ្ដោតលើគោលបំណង និងសម្រេចក្ដីសុបិនរបស់ខ្លួន ប៉ុន្តែអាចស្ថិតក្នុងលក្ខខណ្ឌមួយដែលអាចទៅរួច ហើយមិនធ្វើបាបខ្លួនឯងទាំងផ្លូវកាយនិងផ្លូវចិត្ត៕
ជីវប្រវត្តិ: កញ្ញា សៅ សុធារ៉ា កំពុងសិក្សាផ្នែកប្រព័ន្ធផ្សព្វផ្សាយនិងសារគមនាគមន៍ នៅសាកលវិទ្យាល័យភូមិន្ទភ្នំពេញ។ កញ្ញាធ្លាប់ជាអ្នកសរសេរអត្ថបទជាភាសាខ្មែរ និងបកប្រែឲ្យស្ថាប័នឯកជនមួយកន្លែង។ បច្ចុប្បន្ន សុធារ៉ា ជាអ្នកយកការព័ត៌មានអប់រំឲ្យសារព័ត៌មាន AMS Education។
របាយការណ៍សំខាន់
ព័ត៌មានទូទៅ
សម្ដេចតេជោ ហ៊ុន សែន បង្ហាញជំនឿថា បាក់ឌុបឆ្នាំនេះ ស្ត្រីអាចជាប់ច្រើនជាងបុរស
យុវជនកម្ពុជា ៧រូប តំណាងជាតិ ចូលរួម World Youth Festival 2026 នៅរុស្ស៊ី ផ្តោតលើជំនាញបច្ចេកវិទ្យា និងរ៉ូបូត
រកឃើញយុវជន ៣រូប និង៣ក្រុម ឈ្នះពីការប្រកួតប្រជែងសន្តិសុខសាយប័រ
បេក្ខជនបាក់ឌុបត្រៀមខ្លួនជ្រើសរើសជំនាញសិក្សាបន្ត ខណៈអ្នកឃ្លាំមើលសង្គមស្នើឱ្យជ្រើសរើសតាមឧបនិស្ស័យ និងសមត្ថភាព
ការស្រាវជ្រាវបង្ហាញថា ការមាក់ងាយ បៀតបៀន (Bullying) ភាគច្រើនកើតឡើងនៅសាលារៀន, អ្នកជំនាញទាមទារឱ្យមានការចូលរួមទប់ស្កាត់
ការស្រាវជ្រាវបង្ហាញថា ការឱ្យកូន ”គេងឆ្អែត” នៅថ្ងៃចុងសប្តាហ៍ អាចជួយកាត់បន្ថយហានិភ័យនៃជំងឺធ្លាក់ទឹកចិត្ត
សាកលវិទ្យាល័យជាតិបាត់ដំបង ប្រកាសផ្តល់អាហារូបករណ៍ថ្នាក់បរិញ្ញាបត្រ ៤ជំនាញ សម្រាប់ឆ្នាំសិក្សា២០២៦-២០២៧
មានពិការភាពដៃទាំងពីរ តែមិនបាត់បង់ក្តីសង្ឃឹម ៖ រឿងរ៉ាវតស៊ូរបស់យុវជន ទ្រី វិចិត្រ ក្លាយជាគ្រូបង្រៀននៅវត្តមុនីសាគរ
ក្រសួងអប់រំចាប់ផ្តើមធ្វើកំណែប្រឡងបាក់ឌុប ក្រោមការឃ្លាំមើលពី ACU
ជំនាញយុទ្ធសាស្ត្រទាំង ៦ ដែលនឹងមានតម្រូវការទីផ្សារខ្ពស់បំផុតក្នុងរង្វង់ ៥ ទៅ ១០ឆ្នាំខាងមុខ
កម្មវិធីពិសេសរបស់ AMS EDUCATION
ព័ត៌មានសង្ខេប
