ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ៖ បំពេញកាតព្វកិច្ចដែលខ្លួនពេញចិត្តឱ្យមានប្រសិទ្ធភាព ទោះហត់នឿយនិងជួបការលំបាកបន្តិចក្ដី ក៏ទឹកចិត្តស្រឡាញ់នៅតែបន្តធ្វើការងារទាំងនោះបានដោយរលូន។ ការងារខ្លះមើលទៅសាមញ្ញ ប៉ុន្តែបង្កប់ទៅដោយការលះបង់ទាំងកម្លាំងកាយនិងកម្លាំងចិត្តក្នុងនាមជាគ្រូបង្រៀន។ នេះជាការយល់ឃើញរបស់លោក វ៉ា សាម៉េត ជាគ្រូបង្រៀនវិទ្យាល័យក្រោលគោ ខេត្តស្វាយរៀង នោះពេលដែល AMS បានសួរនាំខ្លះៗពីបំណងចង់ក្លាយខ្លួនជាគ្រូបង្រៀន។
លោកគ្រូ វ៉ា សាម៉េត បានបញ្ចប់ការសិក្សាថ្នាក់បរិញ្ញាបត្រអក្សរសាស្រ្ដខ្មែរ នៅសាកលវិទ្យាល័យភូមិន្ទភ្នំពេញ ឆ្នាំ២០១៩ ហើយលោកក៏បានប្រឡងជាប់ជាគ្រូបង្រៀននៅវិទ្យាស្ថានជាតិអប់រំ (NIE)ក្នុងឆ្នាំដដែល។ លោកគ្រូ វ៉ា សាម៉េត បានបន្តថា ក្នុងដំណើរជីវិតជាគ្រូបង្រៀនមានរឿងអស្ចារ្យជាច្រើនកើតឡើង ហើយតាមរយៈអាជីពនេះបានជួយយុវជនកម្ពុជាឱ្យក្លាយជាធនធានមនុស្សសំខាន់សម្រាប់សង្គម។
“ជោគជ័យដ៏ល្អសម្រាប់ខ្ញុំ ចង់ឃើញក្មេងៗជំនាន់ក្រោយបានទទួលការអប់រំត្រឹមត្រូវ មានចំណេះដឹងទូទៅទូលំទូលាយ និងមានបំណិនជីវិតច្បាស់លាស់ មូលហេតុទាំងនេះហើយទើបខ្ញុំក្លាយខ្លួនជាគ្រូបង្រៀន”
លោកគ្រូ វ៉ា សាម៉េត
គ្រូបង្រៀនថ្នាក់វិទ្យាល័យ វ័យ ២៦ឆ្នាំរូបនេះ បានបន្តថា កាលដើមឡើយលោកគ្មានបំណងចង់ធ្វើជាគ្រូបង្រៀននោះទេ ប៉ុន្តែពេលមួយលោកបានធ្វើដំណើរទៅតំបន់ជនបទដាច់ស្រយាល ក៏ឃើញសាលារៀនខ្វះគ្រូបង្រៀន ខណៈកុមារក្នុងភូមិចង់រៀនសូត្រ។ រូបភាពទាំងនេះ លោកចិញ្ចឹមចិត្តចង់ក្លាយជាគ្រូបង្រៀនតាំងពីពេលនោះមក។
“ពេលខ្ញុំចេញបង្រៀនសិស្សនៅឆ្នាំ២០២០ ខ្ញុំបានជួបប្រទះជីវិតក្នុងនាមជាគ្រូគ្រប់រស់ជាតិ មានសិស្សខិតខំរៀន និងសិស្សមិនខំរៀន មិនធ្វើកិច្ចការជាដើម ប៉ុន្តែក្នុងអាជីពជាគ្រូនិងដើម្បីក្មេងជំនាន់ខ្ញុំត្រូវតែជួយបង្ហាញផ្លូវដល់ពួកគេ។ ខ្ញុំយល់ថាគ្រូបង្រៀនមិនមែនជាអ្នកមានទ្រព្យសម្បត្តិច្រើនអីទេ តែជាអ្នកមានទឹកចិត្តចង់ផ្ដល់ចំណេះដឹងពិតប្រាកដដល់សិស្ស”
លោកគ្រូ វ៉ា សាម៉េត
សម្រាប់បទពិសោធន៍របស់លោក វ៉ា សាម៉េត ដើម្បីក្លាយជាគ្រូបង្រៀនត្រូវត្រៀមខ្លួនក្នុងការសិក្សាជានិច្ច និងយល់ពីរបៀបប្រឡង។ លោកថា និស្សិតត្រូវអានឱ្យបានច្រើន ឬរំលឹកមេរៀន ធ្វើហាត់សរសេរលើក្រដាស់ប្រឡង និងកំណត់រយៈពេលធ្វើលំហាត់ដូចពេលវេលាប្រឡង។ ពេលប្រឡងត្រូវបំពេញក្បាលសន្លឹកកិច្ចការមុននឹងចាប់ផ្ដើមធ្វើឆ្លើយសំណួរ ឬបកស្រាយផ្សេងៗ ត្រូវសរសេរតាមលំដាប់លំដោយនៃទំព័រ និងសរសេរឱ្យកៀកនឹងបន្ទាត់បញ្ឈរពណ៌ខ្មៅ។ កុំសរសេររំលងបន្ទាត់ ឬរំលងទំព័រ កុំដាក់លេខសំណួរ ឬលំហាត់នៅក្រៅបន្ទាត់បញ្ឈរ កុំដាក់សញ្ញាសម្គាល់ផ្ដេសផ្ដាសបន្ទាប់ពីដាក់លេខ និងសរសេរឱ្យបានស្អាតមានរបៀបរៀបរយត្រឹមត្រូវ៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍សំខាន់
ព័ត៌មានទូទៅ
កម្មវិធីផ្លាស់ប្តូរការសិក្សា «ផែនការនិស្សិតឆ្នើម ទៅសិក្សានៅបរទេសរាប់ពាន់នាក់» លើកទី៣ នឹងជួយផ្សព្វផ្សាយវប្បធម៌ ទេសចរណ៍ របស់កម្ពុជា តាមរយៈនិស្សិតចិន
បាក់ឌុបនាពេលអនាគត អាចតម្រូវឱ្យប្រឡងភាសាបរទេសជាមុខវិជ្ជាកាតព្វកិច្ច ខណៈអ្នកជំនាញគាំទ្រការលើកកម្ពស់ជំនាញភាសាសម្រាប់ទីផ្សារការងារ
អវត្តមានសិស្សខ្ពស់ និងលទ្ធផលប្រឡងទាប ៖ ក្រសួងអប់រំដាក់ផែនការកែទម្រង់វិទ្យាល័យទួលប្រាសាទសែនសុខជាបន្ទាន់
របត់ថ្មី! សិស្សជានារី រៀនជំនាញជួសជុលរថយន្តកាន់តែច្រើន ព្រោះឃើញឱកាសការងារ និងប្រាក់ចំណូលសមរម្យ
ស្ថាប័ន OECD ព្រមានពីសិស្សអវត្តមានច្រើនកំពុងក្លាយជាបញ្ហាប្រឈមធំក្នុងប្រព័ន្ធអប់រំសកល
គ្មានអ្វីយឺតពេលឡើយ! អ្នកសម្អាតជនជាតិចិនម្នាក់ ប្រឡងជាប់ថ្នាក់អនុបណ្ឌិត ក្រោយសិក្សាដោយខ្លួនឯង១ឆ្នាំ
អាហារូបករណ៍ពេញលេញ ពីសាកលវិទ្យាល័យ Deakin University អូស្ត្រាលី សម្រាប់ឆ្នាំ២០២៧
អ្នកជំនាញ ៖ កម្ពុជាចាប់ផ្ដើមស្គាល់ AI កាន់តែច្រើន ប៉ុន្តែកម្រិតប្រើប្រាស់នៅមិនទាន់ឈានដល់ដំណាក់កាលបម្លែងអាជីវកម្ម
មនុស្សពេញវ័យធ្វើការនៅកម្ពុជា នឹងកើនឡើងខ្លាំង នៅរយៈពេល១៧ឆ្នាំខាងមុខនេះ
អង្គការកុមារកម្ពុជារីករាយ វិនិយោគជាង ១៧,៣ លានដុល្លារ គាំទ្រសាលារៀន ១៨១កន្លែង លើកកម្ពស់គុណភាពអប់រំសម្រាប់កុមារក្រីក្រ និងងាយរងគ្រោះ
កម្មវិធីពិសេសរបស់ AMS EDUCATION
ព័ត៌មានសង្ខេប
