ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ស្ថិតក្នុងបដិវដ្តឧស្សាហកម្ម ៤.០នេះ ពិភពលោកបានជំរុញឱ្យមានការប្រើប្រាស់បច្ចេកវិទ្យា ដោយក្នុងនោះ មានជំនាញជាច្រើននឹងត្រូវបាត់បង់ ខណៈការងារមួយចំនួនក៏ត្រូវបានជំនួសដោយវត្តមានរបស់បច្ចេកវិទ្យាផងដែរ។ ទោះជាយ៉ាងនេះក្តី ជំនាញថ្មីជាច្រើនក៏ចូលមកជំនួសជំនាញចាស់ៗទាំងអស់នោះដែលធ្វើឱ្យវត្តមានរបស់មនុស្សនៅតែសំខាន់ក្នុងទីផ្សារការងារ។
ពាក់ព័ន្ធនឹងបញ្ហានេះ លោកស្រី យូ បូរី ស្ថាបនិកក្រុមហ៊ុន TEDP និងជាអ្នកជំនាញផ្នែកធនធានមនុស្សបានលើកឡើងថា ការធ្វើស្វ័យប្រវត្តិកម្ម (automation) នឹងធ្វើឱ្យអាជីពដែលមិនសូវត្រូវការជំនាញ ឬការងារដដែលៗមួយចំនួននឹងត្រូវជំនួសដោយម៉ាស៊ីនស្វ័យប្រវត្តិ (robot)។ តែទោះជាយ៉ាងនេះក្តី វាមិនមែនមានន័យថា មនុស្សទាំងអស់នឹងត្រូវបាត់បង់ការងារនោះទេ។ ការងារថ្មីៗជាច្រើននឹងចូលមកជំនួសការងារចាស់ៗទាំងអស់នោះដែលធ្វើឱ្យមនុស្សកាន់តែមានសមត្ថភាពខ្ពស់ក្នុងការធ្វើការងារប្រកបដោយផលិតភាព និងគុណភាពល្អជាងមុន។
“ក្នុងចំណោមជំនាញទាំងអស់ដែលពិភពលោកត្រូវការក្នុងសតវត្សទី២១នេះ ជំនាញធ្វើការជាមួយមនុស្សនៅតែមានសារៈសំខាន់ ព្រោះទោះបីជាការងារជាច្រើនត្រូវធ្វើដោយម៉ាស៊ីនស្វ័យប្រវត្តិក៏ដោយ ក៏ស្ថាប័នទាំងអស់ចាំបាច់ត្រូវតែមានអ្នកគ្រប់គ្រងឧបករណ៍ឆ្លាតវៃទាំងអស់នោះដែរ”
លោកស្រី យូ បូរី
អ្នកជំនាញបណ្តុះបណ្តាលធនធានមនុស្សខាងលើបានលើកឡើងថា អនាគតទៅចង្វាក់ផលិតកម្មជាច្រើននឹងត្រូវការធនធានមនុស្សដែលមានសមត្ថភាពខ្លាំងជាងមុន ខណៈពេលដែលទីផ្សារនៃការប្រកួតប្រជែងផ្នែកឧស្សាហកម្ម និងបច្ចេកវិទ្យាជាដើមនឹងកាន់តែទូលំទូលាយ។ ហេតុនេះមនុស្សទាំងអស់នៅលើពិភពលោក នឹងកាន់តែជិតស្និតជាមួយគ្នា ព្រោះមនុស្សអាចនឹងចល័តទៅធ្វើការងារបាននៅគ្រប់តំបន់ទាំងអស់នៅលើពិភពលោក។
គួរបញ្ជាក់ថា ស្ថាប័នការងារក្នុងរបត់បដិវដ្តឧស្សាហកម្មទី៤ ស្ថាប័ននីមួយៗ ត្រូវការធនធានមនុស្សដែលមានសមត្ថភាពលើភាពជាអ្នកដឹកនាំ ជំនាញធ្វើការងារជាក្រុម និងជំនាញដោះស្រាយបញ្ហាជាដើម។ ជំនាញទាំងអស់នេះសុទ្ធជាជំនាញដែលវេទិកាសេដ្ឋកិច្ចពិភពលោកបានប្រកាសថាជាជំនាញដែលមនុស្សក្នុងសតវត្សទី២១ នេះត្រូវការ និងកាន់តែមានតម្រូវការខ្ពស់នៅថ្ងៃអនាគតបន្ថែមទៀត៕
លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។
របាយការណ៍សំខាន់
ព័ត៌មានទូទៅ
លោកស្រី តាន់ សុដានី ៖ សេចក្ដីក្លាហាន និងចង់ចេះចង់ដឹង ជាលក្ខណៈពិសេសធ្វើឱ្យស្រ្តីក្លាយជាអ្នកបង្កើតបច្ចេកវិទ្យា
គម្រោងបច្ចេកវិទ្យារបស់សិស្សកម្ពុជា ៥៧គម្រោង ត្រៀមប្រកួតក្នុងកម្មវិធីថ្នាក់ជាតិ ឆ្នាំ២០២៦
កម្មវិធី “អ្នកដឹកនាំយុវជនអាស៊ី ២០២៦” នៅប្រទេសជប៉ុន បើកទទួលពាក្យ
អាហារ ៧យ៉ាង ដែលគួរចៀសវាងមុនពេលចូលគេង
ក្រសួងប្រៃសណីយ៍ និងទូរគមនាគមន៍ ជ្រើសរើសនិស្សិត ២៥នាក់ ទៅសិក្សាថ្នាក់បរិញ្ញាបត្រជាន់ខ្ពស់ជំនាញផ្កាយរណប និងលំហអាកាស
អ្នកជំនាញ ៖ ការប្រើទូរស័ព្ទរបស់សិស្សក្នុងសម័យឌីជីថល គួរមានការគ្រប់គ្រងតាមអាយុ និងការណែនាំពីមាតាបិតា
យុគសម័យ AI លោកស្រី សំណាង វិធាវី លើកទឹកចិត្តក្មេងស្រីឱ្យចាប់យកជំនាញបច្ចេកវិទ្យា
សិស្សជាង២ពាន់នាក់នៅកំពង់ធំទទួលអត្ថប្រយោជន៍ពីគម្រោងកែលម្អគុណភាពអប់រំបឋមសិក្សា
វេសឡាញគ្រុបរៀបចំព្រឹត្តិការណ៍៤ ដើម្បីបង្ហាញផលជះវិជ្ជមាន និងបរិវត្តកម្មក្នុងវិស័យអប់រំរយៈពេល១៨ឆ្នាំ និងសម្ពោធដំណើរការកម្មវិធីសិក្សាអន្តជាតិ Pearson Edexcel មកពីចក្រភពអង់គ្លេស
វិធីជួយកូនតូចៗឱ្យបាត់មួម៉ៅ និងមានអារម្មណ៍ស្ងប់ស្ងាត់ឡើងវិញ
កម្មវិធីពិសេសរបស់ AMS EDUCATION
ព័ត៌មានសង្ខេប
