ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°គ្រូបង្រៀនជាបុគ្គលសំខាន់បំផុតដែលដើរតួនាទីជាអ្នកលុបបំបាត់បញ្ហាអនក្ខរកម្ម និងលើកកម្ពស់គុណភាពអប់រំនៅក្នុងសង្គម។ គ្រូបង្រៀនជាអ្នកបង្ហាញផ្លូវ និងចែករំលែកចំណេះដឹងជាច្រើនដល់សិស្សនុសិស្ស ឬយុវជនជំនាន់ក្រោយឱ្យមានគុណភាពជីវិតកាន់ប្រសើរឡើង។ ក្រសួងអប់រំ យុវជន និងកីឡា តែងលើកឡើងជារឿយៗថា គ្រូបង្រៀនជាអ្នកសាបព្រោះចំណេះដឹង និងលើកកម្ពស់គុណភាពអប់រំនៅក្នុងសង្គម ហើយជារៀងរាល់ឆ្នាំក្រសួងអប់រំតែងប្រារព្ធពិធីអបអរសាទរទិវាគ្រូបង្រៀនក្រោមប្រធានបទផ្សេងៗជាបន្តបន្ទាប់។
ទន្ទឹមនឹងការលើកឡើងពីគុណសម្បត្តិរបស់គ្រូបង្រៀន កន្លងទៅឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីនៃក្រសួងអប់រំ យុវជន និងកីឡា មានប្រសាន៍ថា៖
“ចំណេះដឹងមានអត្ថប្រយោជន៍ លុះត្រាតែគ្រូបង្រៀនចេះប្រើប្រាស់ចំណេះដឹងនេះ ដើម្បីបង្កើនគុណភាពបង្រៀន បង្កើតបរិយាកាសអំណោយផលសម្រាប់ការសិក្សា ប្រើវិធីសាស្ត្របង្រៀនសមស្របដើម្បីកែលម្អលទ្ធផលសិក្សាសិស្សប្រសើរជាងមុន និងលើកកម្ពស់គុណភាពនៃប្រព័ន្ធអប់រំ ដើម្បីមនុស្សជាតិទាំងមូល”
ឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីនៃក្រសួងអប់រំ យុវជន និងកីឡា
លោក សុផា សីហា ជាគ្រូបង្រៀននៅសាលាបឋមមួយកន្លែង ស្ថិតនៅក្នុងខេត្តកោះកុង បានប្រាប់ AMS ថា សិស្សានុសិស្សដែលមានចំណេះដឹងល្អ និងសមត្ថភាពសមស្របក្នុងការសិក្សា លុះត្រាតែគ្រូបង្រៀនមានភាពប៉ិនប្រសប់ ព្រមទាំងឆ្លាតវៃនៅក្នុងការចែករំលែកចំណេះដឹងនៃការរៀនសូត្រ។
លោកបានបន្តថា ភាពប៉ិនប្រសព្វរបស់គ្រូសំដៅទៅលើគ្រូដែលមានវិជ្ជាជីៈច្បាស់លាស់ មានទឹកចិត្តស្រឡាញ់នៅក្នុងការចែករំលែក ហើយប្រើប្រាស់តួនាទីរបស់ខ្លួនដើម្បីអភិវឌ្ឍន៍សង្គមជាតិរួមទាំងការសិក្សា។
ចំណែកអ្នកស្រី សឹម រ៉ាលីន ជាអ្នកមានបទពិសោធន៍លើការងារអប់រំមួយរូប ក៏យល់ឃើញដែរថា ពាក្យចាស់ពោលថា៖
“គ្រូបង្រៀនគឺជាឪពុកម្ដាយទីពីររបស់សិស្ស ប្រយោគមួយនេះវាពិតជាមានន័យជ្រាលជ្រៅដោយសំដៅទៅដល់គ្រូបង្រៀនគឺជាមគ្គុទេសក៍ដ៏ចំណាន ជាអ្នកបំភ្លឺផ្លូវដែលស្មោះត្រង់ និងមានគុណធម៌ខ្ពស់”
ឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីនៃក្រសួងអប់រំ យុវជន និងកីឡា
អ្នកស្រីបានពន្យល់បន្តថា គ្រូបង្រៀនក៏ជាអ្នកដឹកនាំ ដែលត្រូវដើរតួនាទីជាអ្នកអប់រំ ផ្ដល់ការពិភាក្សា និងជាអ្នកទីប្រឹក្សាដ៏ល្អ ព្រមទាំងបំផុសគំនិតឱ្យសិស្សបានឃើញពីឧត្ដមគតិជឿនលឿន និងបង្ហាញពីមាគ៌ានៃការអប់រំ បំពេញសមត្ថភាព និងចំណេះដឹងស្ដែងដោយភាពពេញលេញ។
សូមបញ្ជាក់ថា ក្នុងគោលបំណងបង្ហាញពីគុណតម្លៃរបស់គ្រូឱ្យកាន់តែសំខាន់ក្នុងតួនាទីជាអ្នកអប់រំឆ្នើម កន្លងទៅក្រសួងអប់រំ ធ្លាប់បានលើឡើងថា រយៈពេលមធ្យម និងរយៈពេលវែងខាងមុខ ក្រសួងនឹងរៀបចំតម្រង់ទិសគ្រូបង្រៀនឱ្យឆ្លើយតបយុគសម័យឌីជីថលនិងបរិបទថ្មីៗ ជាពិសេសបន្តបោះជំហានទៅរកការអប់រំតាមបែបឌីជីថល។ ក្រសួងនឹងបន្តយកចិត្តទុកដាក់លើកកម្ពស់សមត្ថភាពគ្រូបង្រៀន តាមរយៈការបន្តអនុវត្តកំណែទម្រង់ការបណ្តុះបណ្តាលគ្រូ កំណែទម្រង់សាលាគរុកោសល្យឱ្យកាន់តែល្អប្រសើរ៕
ជីវប្រវត្តិ: លោក សន តុលា កំពុងសិក្សានៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍នៃសាកលវិទ្យាល័យភូមិន្ទភ្នំពេញ។ បច្ចុប្បន្នលោកជាអ្នកសរសេរ និងអ្នករាយការណ៍ព័ត៌មានអប់រំនៃ AMS Education។
របាយការណ៍សំខាន់
ព័ត៌មានទូទៅ
ការរចនាអាគារបែប «biophilic» អាចពង្រឹងគុណភាពជីវិតសម្រាប់អ្នកមានបញ្ហាប្រព័ន្ធប្រសាទ (neurodivergent)
សាលាអន្តរជាតិដ៏មានកិត្យានុភាពចំនួនប្រាំបីក្នុងប្រទេសកម្ពុជា ទទួលបានអាជ្ញាបណ្ណពីអាជ្ញាធរគ្រប់គ្រងស្តង់ដា និងកម្មវិធីសិក្សារបស់នាយកដ្ឋានអប់រំរដ្ឋអូស្រ្តាលីខាងលិច ក្នុងការប្រើប្រាស់កម្មវិធីសិក្សាអប់រំចំណេះទូទៅស្តង់ដារដ្ឋអូស្ត្រាលីជាផ្លូវការនៅក្នុងប្រទេសកម្ពុជា
ទិវាជាតិអប់រំបណ្តុះបណ្តាលបច្ចេកទេស និងវិជ្ជាជីវៈ ឆ្នាំនេះ ធ្វើឡើងក្រោមប្រធានបទ «រៀនឱ្យចប់ ឱ្យចេះ ឱ្យមានការងារ»
ចូលរួមធ្វើឱ្យបរិស្ថានល្អ ជួយជំរុញសុខភាពផ្លូវចិត្តកាន់តែប្រសើរ
វិទ្យាស្ថានពហុបច្ចេកទេសភូមិភាគតេជោសែនឦសាន ជ្រើសរើសយុវជនចូលរៀនជំនាញ TVET
វិទ្យាស្ថានពហុបច្ចេកទេសភូមិភាគតេជោសែនសៀមរាប ផ្តល់អាហារូបករណ៍ដល់យុវជន២៤០នាក់
Code for Girls បន្តផ្ដល់ចំណេះដឹងសរសេរកូដនៅសាលារៀនក្នុងខេត្តស្ទឹងត្រែង ជួយសិស្សងាកមកចាប់អារម្មណ៍បច្ចេកវិទ្យា
វិទ្យាស្ថានជាតិអប់រំ ដាក់បញ្ចូលស្តង់ដាសាលាមធ្យមសិក្សាសាធារណៈគំរូទៅក្នុងកម្មវិធីបណ្តុះបណ្តាលគ្រូបង្រៀន
ទម្លាប់រស់នៅវិជ្ជមាន ជាចំណែកនាំឱ្យមានសុខភាពល្អ និងអាយុវែង
ឧកញ៉ា ប៉ិច បូឡែន ៖ ការចូលរួមរបស់ឪពុកម្តាយជាមួយសាលារៀន ជួយឱ្យកូនៗទទួលបានការអភិវឌ្ឍពេញលេញ
កម្មវិធីពិសេសរបស់ AMS EDUCATION
ព័ត៌មានសង្ខេប
