រំដួលអេកូ ៖ ដបទឹក និង បំពង់បឺត បរិស្ថានរង់ចាំម្ចាស់ថ្មី ជំនួសតំណែងដបនិងបំពង់ប្លាស្ទិក

ភ្នំពេញ៖ ដបទឹក បរិស្ថានលម្អដោយក្បាច់រចនាជារូបភាពជាអក្សរលើបំពង់ឬស្សីខាងក្រៅទាំងនេះ កំពុងរង់ចាំអតិថិជនជាម្ចាស់ថ្មីរបស់វានៅក្នុងហាងលក់វត្ថុប្រើប្រាស់មួយ នៃផ្សារទំនើបសូរិយា។ នៅក្បែរដបទឹក មានពែងទឹកបរិស្ថាន បំពង់បឺត បរិស្ថាន ថង់បរិស្ថាន កន្ត្រក់យូរដៃបរិស្ថាន សំឡីអនាម័យស្ត្រីបរិស្ថាន កាបូបបរិស្ថានដាក់លក់ជាហូរហែរ អមដោយសៀវភៅអានផ្សេងៗ។

រំដួលអេកូ ដបទឹក បំពង់បឺត

ហាងលក់វត្ថុប្រើប្រាស់ផលិតពីរុក្ខជាតិមួយនេះ មានឈ្មោះថា “រំដួលអេកូ” បង្កើតដោយកញ្ញា មឿន ស៊ុនម៉ាឡែន ជាអ្នកស្រឡាញ់បរិស្ថានដែលគ្មានប្លាស្ទិក និងជាអ្នករចនាក្រាហ្វិកឌីសាញម្នាក់។

“ខ្ញុំមិនអាចហាមឃាត់នរណាម្នាក់មិនឱ្យប្រើប្រាស់ប្លាស្ទិកនោះទេ ប៉ុន្តែខ្ញុំអាចបង្ហាញពីអ្វីដែលមាន ហើយល្អជាងប្លាស្ទិកទៅកាន់ប្រជាជនកម្ពុជា”

នេះជាមូលហេតុចម្បងមួយដែលជំរុញចិត្តកញ្ញា មឿន ស៊ុនម៉ាឡែន ឱ្យក្លាយខ្លួនជាស្ថាបនិកនៃហាងលក់សម្ភារ:ប្រើប្រាស់រំដួលអេកូ។

ម្ចាស់ហាងវ័យ 29 ឆ្នាំរូបនេះ បានបន្តឱ្យដឹងថា សម្ភារៈប្រើប្រាស់ដាក់លក់នៅក្នុងហាងទាំងអស់ ជាផលិតផលធ្វើដោយដៃ និងរចនារូបរាងដោយកញ្ញាផ្ទាល់តែម្ដង។ រយៈពេលមួយឆ្នាំនៅក្នុងអាជីវកម្មថ្មោងថ្មីនេះ បានទទួលការគាំទ្រយ៉ាងច្រើនពីអតិថិជន ចាប់ពីពេលបើកដំបូងនៅពាក់កណ្តាលឆ្នាំ 2019 កន្លងទៅ។

“ខ្ញុំឃើញអតិថិជន ពិសេសយុវជនគាត់ប្រើប្រាស់ដបទឹក បំពង់បឺតបរិស្ថាន ថង់បរិស្ថាន… ពេលពួកគាត់ប្រើវា ច្រើនថតបង្ហោះលើបណ្តាញសង្គមរបស់គាត់។ ខ្ញុំគិតថា នេះជាចំណុចល្អមួយដែលយុវជនកម្ពុជាយើងចូលរួមគាំទ្រផលិតផលដែលមិនប៉ះពាល់ដល់បរិស្ថាន ទោះមិនបានច្រើនក្តី ប៉ុន្តែគាត់បានចូលរួមចំណែកជួយបរិស្ថាន ហើយគាត់ពេញចិត្តនឹងខ្លួនឯង”

កញ្ញា មឿន ស៊ុនម៉ាឡែន
រំដួលអេកូ ដបទឹក បំពង់បឺត
រំដួលអេកូ ដបទឹក បំពង់បឺត

អ្នកខេត្តសៀមរាប ទឹកដីអង្គររូបនេះ បានរៀបរាប់បន្តថា គំនិតចៀសវាងប្រើប្លាស្ទិកក្នុងជីវភាពប្រចាំថ្ងៃ កើតឡើងដោយសារចំនួនប្លាស្ទិករាយប៉ាយគ្មានសណ្តាប់ធ្នាប់ បានបំផ្លាញបរិស្ថាន ប៉ះពាល់ដល់សុខភាពរបស់មនុស្ស សត្វ និងជីវៈចម្រុះផ្សេងៗ។ រហូតមកសព្វថ្ងៃរយៈពេល 12ឆ្នាំហើយ ដែលកញ្ញាបានកាត់បន្ថយការប្រើប្រាស់ប្លាស្ទិកតាមលទ្ធភាពដែលអាចធ្វើបាន បន្ទាប់ពីបញ្ចប់ការសិក្សានៅវិទ្យាល័យមក។

រំដួលអេកូ ដបទឹក បំពង់បឺត

“ខ្ញុំសប្បាយចិត្ត ពេលដែលខ្ញុំបានធ្វើការងារដែរខ្ញុំស្រឡាញ់ ! ខ្ញុំអត់ចូលចិត្តប្រើប្លាស្ទិកទេ ហើយចង់ឃើញចំនួនប្លាស្ទិកត្រូវបានកាត់បន្ថយ ដូច្នេះទើបខ្ញុំចាប់ផ្តើមលក់របស់របរដែលអាចប្រើជំនួសប្លាស្ទិកហ្នឹង”

នេះជាការបញ្ជាក់បន្ថែមរបស់កញ្ញា មឿន ស៊ុនម៉ាឡែន ស្ថាបនិករំដួលអេកូ។

រំដួលអេកូ ដបទឹក បំពង់បឺត

សម្ភារៈផលិតចេញពីរុក្ខជាតិរចនាក្បាច់បង្កប់ន័យសិល្បៈខ្មែរ វត្ថុធាតុដើមមួយចំនួនជាប្រភេទផលិតផលឆាប់រលាយក្នុងដី (នៅពេលបោះចោល) ត្រូវទិញពីប្រជាសហគមន៍ ផលិតនិងកែច្នៃដោយដៃមានដូចជាពែងឬស្សី បំពង់បឺតូច-ធំ កាបូបត្បាញជាដើម និងមួយចំនួនទៀតរំដួលអេកូបាននាំចូលពីក្រៅប្រទេស។ ក្រៅពីនេះ សៀវភៅអានច្រើនក្បាលដែលកំពុងដាក់តាំងលក់ ម្ចាស់ហាងក៏បានបញ្ជាក់ថា

“វាជាគំនិតមួយបំផុតឱ្យភ្ញៀវស្រឡាញ់អំណាន ហើយគិតដល់ការអប់រំដើម្បីអភិវឌ្ឍន៍សមត្ថភាពខ្លួនឱ្យបានប្រសើរ បើនិយាយទៅខ្ញុំមានទម្លាប់អានសៀវភៅ”

រំដួលអេកូ ដបទឹក បំពង់បឺត

ជាការកត់សម្គាល់ សព្វថ្ងៃថង់និងដបប្លាស្ទិកបានជួយសម្រួលការលំបាករបស់ប្រជាជនកម្ពុជា ប៉ុន្តែសំណល់ប្លាស្ទិកបន្ទាប់ពីប្រើប្រាស់រួច ប្រសិនបើគ្រប់គ្រងមិនបានល្អ និងគ្មានបច្ចេកទេសត្រឹមត្រូវ វានឹងផ្តល់ផលប៉ះពាល់រយៈពេលវែងដល់អនាគតមនុស្សជំនាន់ក្រោយ។ ទន្ទឹមគ្នានេះ បញ្ហាមីក្រូប្លាស្ទិក ក៏ផ្តល់ផលអវិជ្ជមានជាច្រើនដល់បរិស្ថាន និងសុខភាពប្រជាជនកម្ពុជាដែរ ដែលពេលខ្លះហាក់មើលរំលង។

សូមបញ្ជាក់ថា តាមរបាយការណ៍របស់ក្រសួងបរិស្ថានឆ្នាំ 2019 បានបង្ហាញឱ្យដឹងថា សំណល់ប្លាស្ទិកក្នុងប្រទេសកម្ពុជាបានកើនឡើងដោយសារតែកំណើនប្រជាពលរដ្ឋ កំណើនជីវភាពនិងសេដ្ឋកិច្ច ទម្លាប់ប្រើប្រាស់ប្លាស្ទិកសម្រាប់វេចខ្ចប់ម្ហូបអាហារ ឬសម្ភារផ្សេងៗ និងខណៈប្រជាពលរដ្ឋមួយចំនួននៅខ្វះខាតចំណេះដឹងក្នុងការញែនិងគ្រប់គ្រងសំរាមផ្ទាល់ខ្លួន។

រំដួលអេកូ ដបទឹក បំពង់បឺត

បច្ចុប្បន្នចំនួនថង់ប្លាស្ទិកប្រមាណ 10លានថង់ ត្រូវបានប្រើប្រាស់ជារៀងរាល់ថ្ងៃនៅក្នុងទីក្រុងភ្នំពេញ ខណៈដែលប្រជាជនពលរដ្ឋកម្ពុជាម្នាក់ៗដែលរស់នៅក្នុងទីក្រុងនានា ប្រើប្រាស់ថង់ប្លាស្ទិកជាង 2,000 ថង់ក្នុងមួយឆ្នាំ។ កំណើនបរិមាណសំណល់ប្លាស្ទិក បានបង្កការគំរាមកំហែងយ៉ាងធ្ងន់ធ្ងរដល់បរិស្ថាន ជីវចម្រុះ សុខភាពមនុស្ស និងសេដ្ឋកិច្ចជាតិ៕


ព័ត៌មានជាតិ, ព្រឹត្តិការណ៍

គណៈគ្រប់គ្រងសាលារៀន​នៅ​រាជធានីភ្នំពេញបង្ហាញក្តីបារម្ភចំពោះ​ផលប៉ះពាល់​របស់បារីអេឡិចត្រូនិច ចំពោះ​សិស្សា​នុសិស្ស

គណៈគ្រប់គ្រង​សាលា​រៀន​ដែលមានភូមិសាស្រ្ត​នៅ​រាជធានីភ្នំពេញ បានបង្ហាញ​ក្តីបារម្ភចំពោះការ​ចែកចាយ និង​ប្រើប្រាស់​បារីអេឡិចត្រូនិចក្នុងចំណោមយុវជនជា​សិស្សានុសិស្ស ដោយសារ​តែពួកគេមិនបានដឹងអំពីផលវិបាក…
ព័ត៌មានជាតិ, ព្រឹត្តិការណ៍

ក្រសួងការងារ សហការជាមួយ ស.ស.យ.ក ជំរុញ​ការផ្សព្វផ្សាយ TVET ទៅ​កាន់យុវជន

ក្រសួងការងារ និង​បណ្តុះបណ្តាលវិជ្ជាជីវៈ និងសហភាពសហព័ន្ធយុវជន​កម្ពុជា (ស.ស.យ.ក.) បាន​ចុះ​អនុស្សរណៈ នៃការយោគយល់គ្នា ដើម្បីជំរុញ​ការផ្សព្វផ្សាយ​អំពីវគ្គបណ្តុះបណ្តាល​ជំនាញវិជ្ជាជីវៈ និង​បច្ចេកទេស (TVET)…
ព័ត៌មានអន្តរជាតិ, ព្រឹត្តិការណ៍

សាកលវិទ្យាល័យល្បីៗលើពិភពលោក ចាប់ផ្ដើមប្រើបច្ចេកវិទ្យា Blockchain ក្នុងវិស័យស្រាវជ្រាវ

ការទទួលយកបច្ចេកវិទ្យា Block chain ដោយស្ថាប័នសិក្សាកំពុងតែកើនឡើង ព្រោះតែភាពជឿនលឿននៃបច្ចេកវិទ្យានេះ ដែលបានបង្កើនប្រសិទ្ធភាព និងសុវត្ថិភាព រក្សាទុកទិន្នន័យសម្រាប់ការស្រាវជ្រាវធំៗ…
ជំនាញ, ព្រឹត្តិការណ៍

វិស័យបៃតង ជាជំនាញមានភាពធន់ និងសំខាន់ក្នុងសម័យទំនើប

ការស្រាវជ្រាវរបស់ LinkedIn បានរកឃើញថា ជំនាញ និងការងារបៃតងកំពុងបង្ហាញពីភាពធន់ ជាពិសេសនៅពេលមានភាពមិនច្បាស់លាស់ខាងសេដ្ឋកិច្ច។ ខណៈពេលដែល ការជ្រើសរើសបុគ្គលិកកំពុងថយចុះ…
ចំណេះជីវិត, ព្រឹត្តិការណ៍

ទម្លាប់បួន ជួយដោះស្រាយបញ្ហាអារម្មណ៍ជាប់គាំង

ស្មារតីជាប់គាំងងាយនឹងកើតមានចំពោះមនុស្សនាសម័យកាលនេះណាស់ ពេលខ្លះមិនមានអារម្មណ៍ធ្វើអ្វីទាល់តែសោះ ហើយពេលខ្លះទៀតផ្លូវចិត្តមិននឹងន មានការខកចិត្ត……
ព័ត៌មានអាហារូបករណ៍, ព្រឹត្តិការណ៍, អាហារូបករណ៍

អាហារូបករណ៍សាច់ប្រាក់ពីកម្មវិធីអាហារូបករណ៍ មេយប៊ែង កម្ពុជា​  ឆ្នាំសិក្សា​២០២៤-២០២៥

ឱកាសទទួលបានអាហារូបករណ៍សាច់ប្រាក់ពីកម្មវិធីអាហារូបករណ៍របស់ធនាគារ មេយប៊ែង កម្ពុជា​(Maybank Cambodia) ឆ្នាំសិក្សា ២០២៤-២០២៥។…
ទេពកោសល្យ, ព្រឹត្តិការណ៍, យុវជនឆ្នើម

លោក ភាព សុភ័ក សរសេរសៀវភៅ «សិស្សឆ្នើមនិទ្ទេសA» ជាបំណិនក្នុងការ​សិក្សា​សម្រាប់សិស្សត្រៀមប្រឡងបាក់ឌុប

លោក ភាព សុភ័ក ដែលជាអតីតសិស្សនិទ្ទេស A ឆ្នាំ២០១៨ ហើយ​បច្ចុប្បន្នលោកគឺជាគ្រូបង្រៀនភាសាអង់គ្លេស និងជាអ្នកបង្កើតមាតិកាអប់រំនៅលើបណ្តាញសង្គម បានសម្រេច​ចិត្ត​និពន្ធសៀវភៅ «សិស្សឆ្នើមនិទ្ទេសA»…
ព័ត៌មានជាតិ, ព្រឹត្តិការណ៍

ផលលំបាកនៃការរៀបការនៅវ័យកុមាររបស់ សូរិយា ជនជាតិដើមភាគតិច

ក្រោយពេលរៀបការក្មេងស្រីភាគច្រើនត្រូវមើលថែទាំកូនតូចដោយខ្លួនឯង និងចាប់អាជីពជាអ្នកស៉ីឈ្នួលនៅចំការក្នុងសហគមន៍ ឬតាមភូមិស្រុក …
ព័ត៌មានជាតិ, ព្រឹត្តិការណ៍

រដ្ឋមន្រ្តីក្រសួងការងារ ៖ ការប្រើប្រាស់ធនធាន​មនុស្ស​ក្នុងស្រុក គឺជាការជួយសង្គម បង្កើនប្រសិទ្ធភាព​ផលិតកម្ម និង​ធានា​និរន្តរភាព

រដ្ឋមន្រ្តីក្រសួងការងារ និង​បណ្តុះបណ្តាលវិជ្ជាជីវៈ បានលើកទឹកចិត្ត​ទៅ​ដល់​ក្រុមហ៊ុន​ សហគ្រាស​ក្នុងស្រុក ងាក​មក​ប្រើប្រាស់​ធនធាន​មនុស្ស​នៅក្នុងស្រុក ដែលវា​នឹង​ជួយ​​ទៅ​ដល់​ការងារ​សង្គម បង្កើន​ប្រសិទ្ធភាព​ខ្សែចង្វាក់ផលិតកម្ម…
ព័ត៌មានអន្តរជាតិ, ព្រឹត្តិការណ៍

៩ចំណុច ជួយកាត់បន្ថយការប្រែប្រួលអាកាសធាតុនៅលើភពផែនដី

ការស្រាវជ្រាវមួយរបស់អង្គការសហប្រជាជាតិបង្ហាញថា ជាមួយនឹងការឡើងកំដៅផែនដី 2°C នឹងបង្កឱ្យមានគ្រោះរាំងស្ងួតកាន់តែខ្លាំង និងទឹកជំនន់ ភ្លើងឆេះព្រៃ និងខ្យល់ព្យុះកាន់តែច្រើន។ លោក នីកូឡាស ហាហ្គែលបឺក…