ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – យុវតី សយ ស្រីនិច្ច ជាសិស្សមកពីវិទ្យាល័យហ៊ុនសែនពារាំង នៃខេត្តព្រៃវែង ត្រូវបានគណៈកម្មការប្រកាសឱ្យជាប់ជ័យលាភីលេខ១ ក្នុងវគ្គផ្ដាច់ព្រ័ត្រ នៃកម្មវិធីប្រកួតនិយាយសាធារណៈលើប្រធានបទ “ហេតុអ្វីបានជាកម្ពុជាចាំបាច់ត្រូវដំឡើងពន្ធថ្នាំជក់” និងបង្ហាញអំពីសារៈសំខាន់ “វិធានការពន្ធថ្នាំជក់ និងជំងឺកូវីដ១៩” ដែលប្រព្រឹត្តទៅកាលពីពាក់កណ្តាលខែវិច្ឆិកាកន្លងទៅ។
សយ ស្រីនិច្ច បានប្រាប់មក AMS ថា ដំបូងឡើយកញ្ញាត្រឹមជាបេក្ខជនបម្រុងនៅវគ្គសំណេរប៉ុណ្ណោះ ប៉ុន្តែដោយសារមានបេក្ខជនមួយចំនួនបានបោះបង់ការប្រកួត ទើបនាងមានឱកាសចូលរួលរួមប្រកួតនៅវគ្គពាក់កណ្ដាលផ្ដាច់ព័ត្រ ។ យុវតីរូបនេះ បន្តថា រយៈពេលនៃការប្រកួតមានរហូតដល់មួយខែ ប៉ុន្តែដោយទទួលបានឱកាសភ្លាមៗ នាងមានពេលត្រឹមមួយសប្ដាហ៍ប៉ុណ្ណោះសម្រាប់ត្រៀមខ្លួនចូលរួមប្រកួត ខណៈដែលនាងក៏ត្រូវត្រៀមប្រលងយកអាហារូបករណ៍របស់ក្រសួងក្នុងសប្ដាហ៍នោះផងដែរ។
ម្ចាស់ជ័យលាភីលេខ១ ក្នុងកម្មវិធីនិយាយជាសាធារណៈ រូបនេះ បន្ថែមថា សម្រាប់ការប្រកួតមួយនេះ កញ្ញាមិនធ្លាប់គិតថាខ្លួនឯងអាចទទួលបានជ័យលាភីនោះទេ ព្រោះបេក្ខជនដែលចូលរួមប្រកួតសុទ្ធតែជារៀមច្បង មានចំណេះដឹងខ្ពស់ និងជាអ្នកបានបញ្ចប់ការសិក្សា ។ ទោះជាយ៉ាងនេះកី្ត យុវតី សយ ស្រីនិច្ច នៅតែតាំងចិត្តខិតខំប្រឹងប្រែងចាប់យកឱកាសដ៏ល្អនេះ ដើម្បីបង្ហាញសមត្ថភាព បើទោះជាលទ្ធផលបែបណាក៏ទទួលយកដោយពេញចិត្ត ។
“ខ្ញុំមានអារម្មណ៍ថារំភើប សប្បាយរីករាយ ដែលបានក្លាយខ្លួនជាម្ចាស់ជ័យលាភីលេខ១ នៃការប្រកួតនិយាយជាសាធារណៈដែលរៀបចំដោយអង្គការចលនាដើម្បីសុខភាពកម្ពុជា ”
យុវតី សយ ស្រីនិច្ច
យុវតីវ័យ១៨ឆ្នាំរូបនេះ បន្ថែមថា គោលបំណងសំខាន់បំផុតដែលកញ្ញាចូលរួមក្នុងកម្មវិធីប្រកួតនិយាយជាសាធារណៈ គឺ ទី១.កញ្ញាស្រលាញ់ការនិយាយជាសាធារណៈ ព្រមទាំងជាមនុស្សដែលចង់ដឹង ចង់សាកល្បង និងចង់ស្គាល់អំពីកម្មវិធីប្រឡង ។ ទី២. ចាប់យកឱកាស ដើម្បីបញ្ចេញសំឡេងលើវេទិកា ជាសារប្រាប់ដល់សាធារណៈជនអំពីផលប៉ះពាល់របស់ថ្នាំជក់ ។
“ថ្នាំជក់បានបំផ្លាញសុខភាព ថវិកា និងអាយុជីវិតរបស់មនុស្សជាច្រើន ហេតុនេះ មានតែសំណូមពរដល់រាជរដ្ឋាភិបាលដាក់ចេញវិធានដំឡើងពន្ធថ្នាំជក់ក្នុងពេលឆាប់ៗនេះ ទើបជាវិធានការមានប្រសិទ្ធភាព ដែលអាចជួយទាំងសុខភាពប្រជាពលរដ្ឋ និងជួយដល់សេដ្ឋកិច្ចជាតិយ៉ាងច្រើន”
យុវតី សយ ស្រីនិច្ច
ជុំវិញឧបស័គ្គនៅក្នុងការប្រកួតវិញ យុវតី សយ ស្រីនិច្ច បានបញ្ជាក់ថា សម្រាប់ការប្រកួតនេះ នាងជួបនូវបញ្ហាប្រឈមមួយចំនួនដូចជា ទី១.ការរៀបចំអត្ថបទសម្រាប់និយាយ ដោយត្រូវស្វែងរកទិន្នន័យដែលភាគច្រើនជាភាសារអង់គ្លេស, ទី២.ទាក់ទងនឹងការរៀបពាក្យ ត្រូវធ្វើយ៉ាងណាឱ្យអត្ថបទខ្លី ហើយខ្លឹម អ្នកស្ដាប់ងាយយល់ និងទាន់ម៉ោង និងទី៣.ការនិយាយត្រូវប្រើសំឡេងឱ្យច្បាស់ ត្រូវគ្រប់គ្រងអារម្មណ៌ភ័យ និងតាំងចិត្តថាធ្វើឱ្យបានល្អដើម្បីបង្ហាញសមត្ថភាពក្នុងការប្រកួតប្រជែង។
ក្នុងការប្រកួតនៅវគ្គផ្តាច់ព្រ័ត ស្រីនិច្ច មានពេលវេលាត្រឹមមួយខែសម្រាប់ការស្រាវជ្រាវ និងត្រៀមខ្លួនសម្រាប់ការប្រកួត ដូច្នេះនាងត្រូវចំណាយពេលទាំងអស់ដើម្បីអភិវឌ្ឍនូវសមត្ថភាព ដោយខិតខំស្រាវជ្រាវម្ដងមួយៗសម្រាប់អត្ថបទនិយាយ និងហ្វឹកហាត់និយាយជារៀងរាល់ថ្ងៃរហូតដល់ថ្ងៃប្រឡង ។ យុវតី សយ ស្រីនិច្ច បន្តថា ពេលវាលាទាំងអស់ពីមួយនាទីទៅមួយនាទីពិតជាមានតម្លៃសម្រាប់នាងផ្ទាល់ និងជាឱកាសល្អមួយសម្រាប់បញ្ចេញនូវសមត្ថភាពពិត។
តើស្រីនិច្ច ទទួលបានបទពិសោធន៍អ្វីខ្លះពីការប្រកួតនេះ ?
យុវតីមកពីខេត្តព្រៃវែងរូបនេះ បញ្ជាក់ថា ក្រោយចូលរួមកម្មវិធីប្រកួតនិយាយជាសាធារណៈ កញ្ញាទទួលបានទំនាក់ទំនងល្អៗ ចំណេះដឹងថ្មីៗ បទពិសោធន៍ថ្មីៗ ទាក់ទងនឹងការស្រាវជ្រាវ និងចំណេះដឹងជាច្រើនទៀត ។ មួយវិញទៀតវាក៏ជួយពង្រឹងលើកការសិក្សាស្រាវជ្រាវ ការនិយាយជាសាធារណៈ និងធ្វើឱ្យនឹងដឹងពីចំណុចខ្វះខាត និងកម្រិតសមត្ថភាពខ្លួន ពិសេសអាចបញ្ចេញសំលេងដើម្បីជាប្រយោជន៍ដល់សង្គមជាតិ ។
ជាចុងក្រោយ សយ ស្រីនិច្ច លើកទឹកចិត្តដល់យុវជនទាំងអស់គួរតែចូលរួមកម្មវិធីប្រកួតនិយាយជាសាធារណៈឱ្យបានច្រើន ដើម្បីចាប់យកឱកាសអភិវឌ្ឍសមត្ថភាព ពង្រីកចំណេះដឹង និងទទួលបានបទពិសោធន៍ថ្មីៗ ។ ម៉្យាងវិញទៀត ប្រសិនមានពេលគ្រប់គ្រាន់ កញ្ញានឹងបន្តចូលរួមកម្មវិធីប្រកួតដទៃទៀត ព្រោះឱកាសមិនមែនមានសម្រាប់យើងរហូតនោះទេ ទាល់តែយើងចាប់យកឱកាសទើបយើងអាចទទួលបាន៕
កញ្ញា វ៉ាន គីមសល់ ជាអ្នករាយការណ៍ព័ត៌មានអប់រំឱ្យបណ្ដាញសារព័ត៌មាន AMS Education ។
របាយការណ៍ថ្មី
មើលទាំងអស់ ➧
គន្លឹះគ្រប់គ្រងពេល ២៤ម៉ោងផ្ទាល់ខ្លួនបានត្រឹមត្រូវ បញ្ជៀសទំនាស់និងបង្កើនគុណភាពជីវិត
បទយកការណ៍, ព័ត៌មានជាតិ និងអន្តរជាតិ, ព័ត៌មានអន្តរជាតិ
• 15/12/2023
មនុស្សមានទំនាស់ពីរប្រភេទ គឺទំនាស់ក្នុងខ្លួន និងទំនាស់ក្រៅខ្លួន ។ ទំនាស់ក្នុងខ្លួនជាអាកប្បកិរិយាទាស់ទែងនឹងឥរិយាបថ ...
ព័ត៌មានទូទៅ
មើលទាំងអស់ ➧
កម្មវិធីអាហារូបករណ៍ Fulbright ប្រកាសផ្តល់អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតសម្រាប់ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 17/02/2023
អាហារូបករណ៍ Fulbright កំពុងប្រកាសផ្ដល់អាហារូបករណ៍សិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតសិក្សានៅសហរដ្ឋអាមេរិក...
វិទ្យាស្ថានពហុបច្ចេកទេសខេត្តកំពង់ស្ពឺផ្ដល់អាហារូបករណ៍សិក្សាជំនាញបច្ចេកទេសចំនួន២២៥កន្លែង
ព័ត៌មានអាហារូបករណ៍, ព្រឹត្តិការណ៍
• 16/05/2023
វិទ្យាស្ថានពហុបច្ចេកទេសខេត្តកំពង់ស្ពឺប្រកាសជ្រើសរើសសិក្ខាកាមសិក្សាជំនាញបច្ចេកទេសវគ្គខ្លី មួយសប្ដាហ៍ និងបួនខែចំនួន២២៥កន្លែងដោយឥតគិថ្លៃ ។...
វគ្គសិក្សាឥតគិតថ្លៃតាម online ទាំង១០នៅសាកលវិទ្យាល័យតូរ៉ុនតូប្រទេសកាណាដា
ព័ត៌មានអាហារូបករណ៍, ព្រឹត្តិការណ៍
• 30/03/2023
សាកលវិទ្យាល័យតូរ៉ុនតូ នៃប្រទេសកាណាដា បានផ្ដល់ការសិក្សាដោយឥតគិតថ្លៃតាមរយៈប្រព័ន្ធ Online ចំនួន១៥មុខជំនាញ ។...
ឱកាសសិក្សាអាហារូបករណ៍ពីកម្មវិធី ASEAN-Maybank Scholarship សម្រាប់ឆ្នាំសិក្សា២០២៣
ព័ត៌មានអាហារូបករណ៍, ព្រឹត្តិការណ៍
• 13/02/2023
កម្មវិធីអាហារូបករណ៍ ASEAN-Maybank Scholarship ឬហៅកាត់ថា AMS Programme 2023 ប្រកាសផ្ដល់អាហារូបករណ៍សម្រាប់សិស្ស និស្សិត...
ក្រសួងអប់រំ ផ្តល់អាហារូបករណ៍ដល់និស្សិតទៅសិក្សាថ្នាក់ឧត្ដមសិក្សានៅតំបន់ស្វយ័តជនជាតិជាំក្វាងស៊ី ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 21/02/2024
ក្រសួងអប់រំ យុវជន និងកីឡា ប្រកាសប្រឡងជ្រើសរើសសិស្សនិស្សិតទៅសិក្សាអាហារូបករណ៍ថ្នាក់ឧត្ដមសិក្សានៅតំបន់ស្វយ័តជនជាតិក្វាំងស៊ី នៃ...
អាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ UNIL ប្រទេសស្វីស ឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 19/09/2023
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យLausanne នាប្រទេសស្វីសឆ្នាំសិក្សា២០២៤ ។ អាហារូបរកណ៍បើកផ្ដល់សម្រាប់និស្សិតជុំវិញពិភពលោករួម.......
វិទ្យាស្ថានពហុបច្ចេកទេសភូមិភាគតេជោសែនស្វាយរៀង ប្រកាសជ្រើសរើសសិក្ខាកាម ចូលរៀនជំនាញបរិក្ខារត្រជាក់ និងកាមេរ៉ាសុវត្ថិភាព ឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 18/08/2023
សម្រាប់យុវជន យុវនារី កម្មករ កម្មការិនី ដែលបាត់បង់ឱកាសការងារនៅតាមរោងចក្រ សហគ្រាសនានា និងគ្មានការងារធ្វើ, ពេលនេះ វិទ្យាស្ថានពហុបច្ចេកទេសភូមិភាគតេជោសែនស្វាយរៀង ប្រកាសជ្រើសរើសសិក្ខាកាម...
គន្លឹះក្នុងការសរសេរលិខិតអនុសាសន៍អាហារូបករណ៍
ព័ត៌មានអាហារូបករណ៍, ព្រឹត្តិការណ៍
• 11/09/2023
លិខិតអនុសាសន៍ ឬ Recommendation letter ជាឯកសារចាំបាច់មួយក្នុងចំណោមឯកសារចាំបាច់ផ្សេងទៀត ដែលអាហារូបករណ៍តម្រូវឱ្យបេក្ខជនសរសេរឡើងការរៀបរាប់ដោយសង្ខេប...
ឱកាសសិក្សាថ្នាក់ឧត្ដមសិក្សា៤០០កន្លែង ពីអាហារូបករណ៍អភិសន្តិបណ្ឌិត ស សុខា ថ្នាក់ជាតិឆ្នាំ២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 25/10/2023
ឱកាសសិក្សាអាហារូបករណ៍ថ្នាក់ឧត្ដមសិក្សានៅវិទ្យាស្ថានខ្មែរជំនាន់ថ្មីចំនួន៤០០កន្លែងពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិឆ្នាំ២០២៣-២០២៤។អាហារូបករណ៍ផ្ដល់ជូនក្រោមការ.....
កម្មវិធីពិសេសរបស់ AMS EDUCATION
ព័ត៌មានសង្ខេប
