ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ជំងឺចិត្តកាយវិបល្លាស ឬនិយាយឱ្យស្រួលស្តាប់គឺ ជំងឺពិបាកចិត្ត ឈឺកាយ (Somatoform Disorder or Unexplained Somatic Complaint), ជំងឺនេះគឺជាការត្អូញត្អែររបស់អ្នកជំងឺ ហើយការត្អូញត្អែរនេះអាចមានមួយ ឬអាចមានច្រើនប្រភេទ ប៉ុន្តែមានលក្ខណៈមិនច្បាស់លាស់ ឬមិនធម្មតា។ ជួនកាលការឈឺចាប់រត់ពីកន្លែងមួយទៅកន្លែងមួយនៃរាងកាយ មិននៅកន្លែងណាមួយពិតប្រាកដឡើយ។ នេះបើតាមការបញ្ជាក់របស់វេជ្ជបណ្ឌិតជំងឺផ្លូវចិត្ត។
កញ្ញា ហ៊ ធារី ដែលជាបុគ្គលិកស្ថាប័នមួយរូបបានបញ្ជាក់ថា
“ខ្ញុំតែងតែឈឺទ្រូង ពិបាកដកដង្ហើម ចេះតែឈឺនេះនោះមករហូត! ប៉ុន្តែពេលទៅពេទ្យពិនិត្យមើល គេថាខ្ញុំមិនបានឈឺអ្វីនោះទេ ប៉ុន្តែមកពីខ្ញុំគិតច្រើនពេកទើបវាបែបនេះ”
កញ្ញាវ័យ២៥ឆ្នាំរូបនេះបន្តថា នៅពេលនោះ នាងក៏សម្រេចចិត្តទៅជួបគ្រូពេទ្យផ្លូវចិត្ត រួចធ្វើរោគវិនិច្ឆ័យទើបដឹងថា ខ្លួនឯងមានជំងឺចិត្តកាយវិបល្លាស។
លោកវេជ្ជបណ្ឌិត យឹម សុបុត្រា ឯកទេសវិកលវិទ្យា និងជានាយកមន្ទីរសម្រាកព្យាបាលផ្លូវចិត្តសាន់រ៉ាយ ថ្លែងថា ជំងឺចិត្តកាយវិបល្លាស គឺកើតដោយសារតែចិត្ត ទើបធ្វើឱ្យកាយមានបញ្ហា។ ពេលពិនិត្យផ្នែករាងកាយ និងការពិនិត្យផ្នែកអមវេជ្ជសាស្ត្រមិនឃើញថាមានជំងឺអ្វីទេ។ ដូច្នេះវាធ្វើឱ្យអ្នកជំងឺកាន់តែអស់សង្ឃឹម ហើយជួនកាលអ្នកជំងឺគិតថាការពិនិត្យទាំងនោះមិនត្រឹមត្រូវ។
លោកវេជ្ជបណ្ឌិតបន្តថា ជំងឺនេះកើតឡើងចំពោះមនុស្សវ័យជំទង់ ឬកើតឡើងចំពោះមនុសុ្សចូលដល់អាយុពេញវ័យ ដោយសារមនុស្សបែបនោះកំពុងតែទទួលឥទ្ធិពលច្រើនក្នុងសង្គម។ ឧទាហរណ៍ ជាក់ស្តែងពេលលោកនៅក្មេងអំឡុងពេលនៅសាលាអនុវិទ្យាល័យមិនសូវមានបញ្ហាគិតច្រើននោះទេ ប៉ុន្តែនៅពេលពេញវ័យមានរឿងជាច្រើនដែលត្រូវទទួលខុសត្រូវ និងទទួលរងសម្ពាធ ទើបបណ្ដាលឱ្យមានជំងឺផ្លូវចិត្ត។
ទន្ទឹមនឹងនោះដែរ លោកវេជ្ជបណ្ឌិត ឈឹម សុធារ៉ា វេជ្ជបណ្ឌិតឯកទេសជំងឺផ្លូវចិត្ត និងជានាយកប្រតិបត្តិអង្គការចិត្តសង្គមអន្ដរវប្បធម៌ TPO បានមានប្រសាសន៍ថា អ្នកជំងឺប្រហែលជាព្រួយបារម្ភជ្រុលហួសហេតុអំពីជំងឺផ្នែករាងកាយ ឬជំងឺទូទៅរបស់អ្នកជំងឺ។ ជាទូទៅអ្នកជំងឺមានរោគសញ្ញានៃជំងឺធ្លាក់ទឹកចិត្ត ឬជំងឺថប់អារម្មណ៍នៅលាយឡំជាមួយដែរ។
លោកវេជ្ជបណ្ឌិតរូបនេះបន្តថា ត្រូវផ្តោតលើការគ្រប់គ្រងរោគសញ្ញា ឬព្យាបាលរោគសញ្ញា មិនមែនព្យាយាមរកមូលហេតុនៃជំងឺនេះទេ។ ការព្យាបាលឱ្យជាដាច់គឺប្រហែលមិនអាចទៅរួចទេ ប៉ុន្តែគោលបំណងនៃការព្យាបាលគឺធ្វើឱ្យអ្នកជំងឺអាចរស់នៅ និងប្រកបការងារបានទោះបីជារោគសញ្ញានៅតែបន្តមានក៏ដោយ៕
ជីវប្រវត្តិ: លោក សន តុលា កំពុងសិក្សានៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍នៃសាកលវិទ្យាល័យភូមិន្ទភ្នំពេញ។ បច្ចុប្បន្នលោកជាអ្នកសរសេរ និងអ្នករាយការណ៍ព័ត៌មានអប់រំនៃ AMS Education។
របាយការណ៍ថ្មី
មើលទាំងអស់ ➧
គន្លឹះគ្រប់គ្រងពេល ២៤ម៉ោងផ្ទាល់ខ្លួនបានត្រឹមត្រូវ បញ្ជៀសទំនាស់និងបង្កើនគុណភាពជីវិត
បទយកការណ៍, ព័ត៌មានជាតិ និងអន្តរជាតិ, ព័ត៌មានអន្តរជាតិ
• 15/12/2023
មនុស្សមានទំនាស់ពីរប្រភេទ គឺទំនាស់ក្នុងខ្លួន និងទំនាស់ក្រៅខ្លួន ។ ទំនាស់ក្នុងខ្លួនជាអាកប្បកិរិយាទាស់ទែងនឹងឥរិយាបថ ...
ព័ត៌មានទូទៅ
មើលទាំងអស់ ➧
អាហារូបករណ៍ថ្នាក់បណ្ឌិត-អនុបណ្ឌិតពីកម្មវិធី MSIS Lap នៅសាកលវិទ្យាល័យជាតិ Chungbuk
ព័ត៌មានអាហារូបករណ៍, ព្រឹត្តិការណ៍
• 04/04/2024
ឱកាសសិក្សាអាហារូបករណ៍ថ្នាក់បណ្ឌិត-អនុបណ្ឌិតពីកម្មវិធីអាហារូបករណ៍ Master-Ph.D or Ph.D Student Positions with Research Scholarship ...
អាហារូបករណ៍សិក្សាថ្នាក់បរិញ្ញាបត្រ១០កន្លែងនៅសាកលវិទ្យាល័យ ហេង សំរិន ត្បូងឃ្មុំ ឆ្នាំសិក្សា២០២២-២០២៣
ព័ត៌មានអាហារូបករណ៍, ព្រឹត្តិការណ៍
• 03/01/2023
កម្មវិធីអាហារូបករណ៍ ស សុខា ថ្នាក់ជាតិ បានប្រកាសផ្ដល់ជូនអាហារូបករណ៍សិក្សាថ្នាក់បរិញ្ញាបត្រចំនួន១០កន្លែងនៅសាកលវិទ្យាល័យ...
ក្រសួងអប់រំជ្រើសរើសនិស្សិតអាហារូបករណ៍នៅសិក្សានៅប្រទេសថៃសម្រាប់ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 20/12/2023
ក្រសួងអប់រំ យុវជន និងកីឡា ប្រកាសប្រឡងអាហារូបករណ៍ជ្រើសរើសសិស្ស និស្សិត និងមន្ត្រីរាជធការកម្ពុជាទៅសិក្សានៅប្រទេសថៃក្រោមអាហារូបករណ៍ ព្រះអង្គម្ចាស់ក្សត្រីយ័មហាចក្រីសិរិថន។ អាហារូបករណ៍...
ឱកាសសិក្សាអារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធី DREAM TOGETHER នៅប្រទេសកូរ៉េឆ្នាំ២០២៤
ព័ត៌មានអាហារូបករណ៍, ព្រឹត្តិការណ៍
• 26/02/2024
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ DREAM TOGETHER នៅប្រទេសកូរ៉េឆ្នាំសិក្សា ២០២៤-២០២៥។ អាហារូបករណ៍ជាការ...
ឱកាសសិក្សាថ្នាក់ឧត្ដមសិក្សា៤០០កន្លែង ពីអាហារូបករណ៍អភិសន្តិបណ្ឌិត ស សុខា ថ្នាក់ជាតិឆ្នាំ២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 25/10/2023
ឱកាសសិក្សាអាហារូបករណ៍ថ្នាក់ឧត្ដមសិក្សានៅវិទ្យាស្ថានខ្មែរជំនាន់ថ្មីចំនួន៤០០កន្លែងពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិឆ្នាំ២០២៣-២០២៤។អាហារូបករណ៍ផ្ដល់ជូនក្រោមការ.....
អាហារូបករណ៍ថ្នាក់បរិញ្ញាបត្រ និងថ្នាក់បរិញ្ញាបត្រជាន់ខ្ពស់ ៤០កន្លែង នៅសាលាជាតិផែនការ និងស្ថិតិ (NSPS)
ព័ត៌មានអាហារូបករណ៍, ព្រឹត្តិការណ៍
• 04/01/2024
គណៈកម្មាធិការអាហារូបករណ៍សិស្ស-និស្សិតក្រីក្រ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប្រកាសផ្តល់អាហារូបករណ៍ សិក្សានៅសាលាជាតិផែនការ និងស្ថិតិ ថ្នាក់បរិញ្ញាបត្រ...
កម្មវិធី Kemitraan Negara Berkembang ប្រកាសផ្តល់អាហារូបករណ៍ថ្នាក់ឧត្តមសិក្សាជាច្រើនកន្លែងនៅប្រទេសឥណ្ឌូនេស៊ី
ព័ត៌មានអាហារូបករណ៍, ព្រឹត្តិការណ៍
• 27/01/2023
ភ្នំពេញ - ឱកាសសិក្សាអាហារូបករណ៍ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតជាច្រើនកន្លែងសម្រាប់និស្សិតថ្នាក់អន្តរជាតិសិក្សានៅប្រទេសឥណ្ឌូនេស៊ី ឆ្នាំសិក្សា២០២៣...
កម្មវិធីពិសេសរបស់ AMS EDUCATION
ព័ត៌មានសង្ខេប
