ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ ៖ មនុស្សគ្រប់រូបមានពេលវេលាជាក់លាក់បំផុតម្ភៃបួនម៉ោងស្មើគ្នាក្នុងមួយថ្ងៃ។ ទន្ទឹមគ្នានេះម្នាក់ៗ អាចអនុវត្តសកម្មភាពប្រចាំខុសៗគ្នា ក៏អាស្រ័យលើពេលវេលា និងរៀបចំពេលវេលាឱ្យសមស្របបម្រើប្រយោជន៍ផ្ទាល់ខ្លួនផងដែរ។ គុណតម្លៃរបស់ពេលត្រូវបានកំណត់ជាសុភាសិតថា “ពេលវេលាជាមាសប្រាក់” ដោយសារតែពេលវេលានេះ អាចញ៉ាំងឱ្យបុគ្គលធ្វើកិច្ចការជោគជ័យជាច្រើនក្នុងសកម្មភាពរស់នៅ។ តើធ្វើបែបណាដើម្បីគ្រប់គ្រងពេលវេលាបានល្អ?
ឧកញ៉ា ប៉ិច បូឡែន អគ្គនាយកក្រុមហ៊ុន វេសឡាញ អេឌ្យូខេសិនគ្រុប មានប្រសាសន៍ថា ៖
“បុគ្គលិកនិងមនុស្សដែលមិនមានប្រសិទ្ធភាព តែងបណ្តោយឱ្យពេលវេលាម្ភៃបួនម៉ោងក្នុងមួយថ្ងៃ រំលងផុតទៅជាមួយនឹងភាពខ្ជីខ្ជា និងរញ៉េរញៃ។ ពួកគេតែងតែបណ្តោយឱ្យពេលវេលាទំពារស៊ីជីវិតទៅទាំងឥតន័យ ដោយផ្តេកផ្តួលជាមួយនឹងភាពងាយស្រួល ការកម្សាន្តដែលមិនចំណេញដល់ជីវិត ឬចំណាយពេលវេលាច្រើនជ្រុលជាមួយនឹងបណ្តាញសង្គមជាដើម…”
ឧកញ៉ា ប៉ិច បូឡែន អគ្គនាយកក្រុមហ៊ុន វេសឡាញ អេឌ្យូខេសិនគ្រុប
ទន្ទឹមគ្នានេះ លោកបានសង្កត់ធ្ងន់ថា ប្រសិទ្ធភាព និងគុណភាពជីវិតកើតឡើងបានអាស្រ័យលើការរៀបចំពេលវេលាច្បាស់លាស់ និងអនុវត្តឱ្យបានហ្មត់ចត់ទៅលើការងារ ឬការសិក្សា។ លើសពីនេះ ត្រូវចេះប្រើប្រាស់ពេលវេលារីករាយជាមួយក្រុមគ្រួសារ ដូចជាអានសៀវភៅជុំគ្នា ឬទទួលទានអាហារជួបជុំជាដើម។
“មកដល់កន្លែងធ្វើការ អ្នកមានផលិតភាពការងារ គេដឹងច្បាស់ថា គេត្រូវធ្វើអ្វីពិតប្រាកដនៅថ្ងៃនេះ ដោយសារគេបានរៀបចំផែនការកាលពីម្សិលមិញច្បាស់លាស់រួចជាស្រេច”
ឧកញ៉ា ប៉ិច បូឡែន
និយាយពីឃ្លា “ពេលវេលាជាមាសប្រាក់” កញ្ញា ទេព អរុណវតី ជាអ្នកផលិតមាតិកាវីដេអូលើយូធូប (Youtuber) យល់ថា រៀបចំពេលវេលាឱ្យបានល្អជាចំណុចគន្លឹះនៃជោគជ័យការងា។
“ខ្ញុំត្រូវរៀបចំកាលវិភាគសម្រាប់ខ្លួនជារៀងរាល់ថ្ងៃ ហើយធ្វើរឿងណាចាំបាច់មុនគេ។ ពេលគ្រប់គ្រង់ពេលវេលាខ្លួនឯងឱ្យបានល្អ ខ្ញុំឆាប់សម្រេចគោលបំណង និងធ្វើឱ្យជីវិតកាន់តែមានតុល្យភាពថែមទៀត”
កញ្ញា ទេព អរុណវតី
ស្រដៀងគ្នានេះដែរ លោក អ៊ឹង ម៉េងគង់ ជានិស្សិតឆ្នាំទី៤ នៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគន៍ នៃសាកលវិទ្យាល័យភូមិន្ទភ្នំពេញ បាននិយាយថា ៖
“រាល់ថ្ងៃខ្ញុំជានិស្សិតដែលកំពុងរៀនផង និងធ្វើការងារក្រៅម៉ោងផង អីចឹងហើយខ្ញុំពិតជារវល់ខ្លាំង ប៉ុន្តែខ្ញុំបែងចែកពេលវេលាបានត្រឹមត្រូវ”
លោក អ៊ឹង ម៉េងគង់
និស្សិតរូបនេះបង្ហាញបទពិសោធផ្ទាល់ថា រៀងរាល់ព្រឹកត្រូវចំណាយពេលសិក្សានៅសាលា ពេលរសៀលធ្វើការ ចំណែកពេលចុងសប្តាហ៍ហាត់កីឡា និងជួបជុំក្រុមគ្រួសារឱ្យបានទៀងទាត់។ “បែងចែកពេលវេលាបែបនេះ បានក្លាយជាទម្លាប់ប្រចាំថ្ងៃរបស់ខ្ញុំ” លោក អ៊ឹង ម៉េងគង់។
ជារួមមកឥរិយាបថគ្រប់គ្រងពេលវេលាតាមបែបសាមញ្ញៗប្រចាំថ្ងៃទាំងអស់នេះ នឹងក្លាយជាទម្លាប់គ្រប់គ្រងសកម្មភាពដ៏ល្អក្នុងជីវភាពរស់នៅប្រចាំថ្ងៃ។ តាំងចិត្តផ្តល់តម្លៃលើពេលវេលា អាចឆ្លុះបញ្ជាំងពីសមត្ថភាពបំពេញការងារ វិន័យផ្ទាល់ខ្លួន ព្រមទាំងចាត់ចែងសកម្មភាពនានាមានប្រសិទ្ធភាពបំផុត៕
ជីវប្រវត្តិ: លោក សន តុលា កំពុងសិក្សានៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍នៃសាកលវិទ្យាល័យភូមិន្ទភ្នំពេញ។ បច្ចុប្បន្នលោកជាអ្នកសរសេរ និងអ្នករាយការណ៍ព័ត៌មានអប់រំនៃ AMS Education។
របាយការណ៍សំខាន់
ព័ត៌មានទូទៅ
គួន ភីរុន ម្ចាស់ជ័យលាភីលេខ១ ផ្នែកអត្ថបទឧស្សាហ៍កថា ពានរង្វាន់សម្តេចតេជោ ហ៊ុន សែន
ការគាំពារ និងអភិវឌ្ឍកុមារតូច ដើរតួនាទីយ៉ាងសំខាន់ មិនអាចខ្វះបានក្នុងការអភិវឌ្ឍធនធានមនុស្ស
ព្រះសង្ឃ តាជី យាយជី ប្រមាណ៥០០អង្គ/នាក់ នឹងធ្វើសមាធិនៅមុខផ្ទាំងគំនូរដើម្បីសន្តិភាព
អត្ថប្រយោជន៍សុខភាពទាំង ៦ យ៉ាងពីការទទួលទានផ្លែល្ហុង
ស្រ្តីជិត២ពាន់នាក់ ចូលរួមព្រឹត្តិការណ៍ “ដើរដើម្បីសន្តិភាពយូរអង្វែង សម្រាប់យើងទាំងអស់គ្នា”
ឯកឧត្តម ហង់ជួន ណារ៉ុន ៖ ការអភិរក្ស និងអភិវឌ្ឍភាសាជាតិ គឺជាភារកិច្ចរួមរបស់ពលរដ្ឋគ្រប់រូប
អម្រឹត រៀបចំទស្សនកិច្ចសិក្សាជូនសិស្សានុសិស្សចំនួន ១០០នាក់ ក្នុងកម្មវិធី «ទិវាជាតិអំណានលើកទី១១» ដើម្បីបណ្តុះទម្លាប់អាន និងជំរុញវប្បធម៌អាន
ក្រសួងអប់រំស្វែងរកការជួយឧបត្ថម្ភសម្រាប់រង្វាន់លើកទឹកចិត្តសិស្សពូកែទូទាំងប្រទេស
៥ ទម្លាប់ពេលព្រឹក ដើម្បីសុខភាពផ្លូវចិត្តរឹងមាំ
សិក្សាជំនាញបច្ចេកទេសរថយន្តឥតបង់ថ្លៃ នៅវិទ្យាស្ថានបច្ចេកទេស ហ្ស៊ី វ៉េ សេ
កម្មវិធីពិសេសរបស់ AMS EDUCATION
ព័ត៌មានសង្ខេប
