ក្រោយបញ្ចប់ថ្នាក់វិទ្យាល័យ ពោលគឺក្រោយប្រឡងសញ្ញាបត្រមធ្យមសិក្សាទុតិយភូមិរួច មានសិស្សមួយចំនួនធំដែលរស់នៅតាមបណ្តាខេត្តកំពុងតែធ្វើការពិចារណាថា តើពួកគេគួរឃ្លាតឆ្ងាយពីផ្ទះ ទៅបន្តការសិក្សាថ្នាក់ឧត្តមសិក្សានៅរាជធានីភ្នំពេញ ឬក៏ត្រូវបន្តការសិក្សាថ្នាក់ឧត្តមសិក្សានៅក្នុងខេត្ត ក្បែរផ្ទះរបស់ខ្លួន?
ចំពោះសំណួរមួយនេះ បើតាម កញ្ញា អ៊ីត សុខា ដែលមកពីខេត្តកំពងចាម ហើយបច្ចុប្បន្នកំពុងបន្តការសិក្សានៅសាកលវិទ្យាល័យភូមិន្ទនីតិសាស្ត្រនិងវិទ្យាសាស្ត្រសេដ្ឋកិច្ច បានលើកឡើងថា ការដែលកញ្ញាសម្រចចិត្តមករៀននៅភ្នំពេញ គឺដោយសារនៅភ្នំពេញមានសាកលវិទ្យាល័យច្រើន ទាំងការសិក្សាបែបជាតិ និងអន្តរជាតិ ដែលបង្កភាពងាយស្រួលក្នុងការជ្រើសរើសសាកលវិទ្យាល័យ ហើយទីនេះក៏ប្រមូលផ្តុំដោយការងារគ្រប់ប្រភេទ ។
កត្តាមួយទៀត ដែលជំរុញឱ្យ សុខា មករៀនភ្នំពេញ ក៏ព្រោះតែទីនេះ មានវគ្គសិក្សាខ្លីៗជាច្រើនដោយឥតគិតថ្លៃ ហើយវគ្គទាំងនោះមានច្រើនប្រភេទណាស់ ។ ការសិក្សាវគ្គខ្លីៗទាំងនោះ វាជួយឱ្យកញ្ញាអាចបន្សាំខ្លួនទៅនឹងបរិយាកាសខាងក្រៅ ហើយជាមួយគ្នានោះការប្រាស្រ័យទាក់ទងជាមួយមនុស្សផ្សេងទៀតក៏កាន់តែល្អប្រសើរ។
“…ត្បិតថាការចាកចេញឆ្ងាយពីគ្រួសារធ្វើឱ្យមានភាពលំបាកបន្តិចមែន ក៏ប៉ុន្តែខ្ញុំបានរៀនសូត្រពីរឿងរ៉ាវជាច្រើន …ការរស់ឆ្ងាយពីគ្រួសារ ធ្វើឱ្យការចាយវាយរបស់យើងរឹតតែត្រូវមានភាពហ្មត់ចត់ ជាពិសេសចំពោះអ្នកមានជីវភាពមិនសូវធូរធា …ដូច្នេះហើយការសម្រេចមករៀននៅឆ្ងាយធ្វើឱ្យខ្ញុំមានទម្លាប់រៀបចំផែនការចាយវាយយ៉ាងល្អិតល្អន់”
សម្រាប់កញ្ញា សឿង វិចារិកា មកពីខេត្តកំពង់ស្ពឺ ដែលកំពុងសិក្សាផ្នែកច្បាប់នៅសកលវិទ្យាល័យកម្ពុជា ក៏បានលើកឡើងស្រដៀងគ្នាដែរថា ការមកកាន់រាជធានីភ្នំពេញ គឺជាជម្រើសដែលនាងពេញចិត្តណាស់ ព្រោះវាស្របទៅនឹងក្ដីស្រមៃការងា និងការសិក្សា។
តាមកញ្ញា វិចារិកា បច្ចុប្បន្ននេះភាសាអង់គ្លេសមានសារៈសំខាន់ណាស់ មិនថាយើងរៀនជំនាញអ្វីនោះទេ ក៏ត្រូវការភាសារបរទេសជំនួយបន្ថែមដែរ ដូច្នេះការមករៀននៅភ្នំពេញ គឺជាជម្រើសដ៏ល្អ ព្រោះនៅទីនេះមានសាលាភាសារបរទេសច្រើនដែលអាចឆ្លើយតបទៅនឹងតម្រូវការនិស្សិតទាំងឡាយ។
ហើយចំណុចមួយទៀតដែលកញ្ញាយល់ថា ការសម្រេចចិត្តមករៀននៅភ្នំពេញនឹងមិនធ្វើឱ្យមានអារម្មណ៍ស្ដាយក្រោយនោះ គឺសម្រាប់អ្នកដែលចង់បានអាហាររូបករណ៍ទៅរៀននៅឯបរទេស ។ អាហាររូបករណ៍ក្រៅប្រទេសជាច្រើនផ្តល់ឱ្យតាមរយៈស្ថានទូតប្រចាំប្រទេសនានា ហើយទីតាំងស្ថានទូតទាំងនោះសុទ្ធតែតាំងនៅភ្នំពេញទាំងអស់ ។
មិនខុសគ្នាពីយុវសិស្សទាំង២ខាងលើប៉ុន្មានឡើយ កញ្ញា ហុងហាប់ និត្យវិច្ឆិកា អតីតសិស្សនិទ្ទេស B ឆ្នាំ២០១៦ មកពីខេត្តរៀមរាប នាងក៏បានសម្រេចចិត្តមករៀននៅភ្នំពេញផងដែរ ដោយបច្ចុប្បន្ននាងកំពុងរៀនផ្នែកពេទ្យ ។ ការមកបន្តការសិក្សានៅរាជធានីភ្នំពេញរបស់ វិច្ឆិកា ក៏មានការជំរុញពីសមាជិកគ្រួសារផងដែរ ដោយពួកគាត់រំពឹងថា នាងនឹងមានភាពរឹងមាំជាងមុន នៅពេលរស់ឆ្ងាយពីក្រុមគ្រួសារ។
ប៉ុន្តែសម្រាប់លោក ឈន ហឿម បច្ចុប្បន្នជាគ្រូបង្រៀនភាសារអង់គ្លេសនៅខេត្តបាត់ដំបង បានមានប្រសាសន៍ថា ក្រោយបញ្ចប់ថ្នាក់វិទ្យាល័យ លោកមិនបានទៅបន្តការសិក្សានៅរាជធានីភ្នំពេញទេ គឺលោកជ្រើសរើសការសិក្សានៅខេត្តរបស់លោកតែម្តង។ លោកថា លោកចូលចិត្តបរិយាកាសបែបធម្មជាតិ ដូច្នេះសាកវិទ្យាល័យនៅខេត្តគឺល្អបំផុត។
– លោក ឈន ហឿម
“…នៅពេលដែលយើងរៀននៅជិត យើងក៏អាចនៅជាមួយគ្រួសារបាន អាចនៅជាមួយមិត្តភ័ក្រ្ត ហើយបរិបទសង្គមយើងមានភាពបន្សាំជាមួយកន្លែងដែលយើងរស់នៅ ។ ហើយបន្សាំនៅកន្លែងណាមួយវាធ្វើឱ្យយើងសប្បាយចិត្ត ។ អ៊ីចឹងនៅពេលណាយើងសប្បាយចិត្ត អ្នកអាចផ្តោតទៅលើការរៀនបានច្រើន ។ បើសិនជាយើងទៅឆ្ងាយមានតែការនឹកម្តាយ នឹកផ្ទះ នឹកមិត្តភ័ក្រ្ត និងនឹកកន្លែងណាមួយដែលយើងមានការចងចាំល្អៗនៅខេត្តដែលធ្លាប់រស់នៅ”
សម្រាប់កញ្ញា ស៊ុន លីហួង ដែលបានសិក្សានៅសាកលវិទ្យាល័យមួយនៅក្នុងខេត្តបន្ទាយមានជ័យ ហើយបច្ចុប្បន្នកំពុងបម្រើការងារនៅមន្ទីរអភិវឌ្ឍន៍ជនបទខេត្តបន្ទាយមានជ័យ បានលើកឡើងថា ការបន្តការសិក្សាថ្នាក់ឧត្តមសិក្សានៅខេត្ត សម្រាប់នាងគឺវាមានភាពងាយស្រួល ហើយការសិក្សាក៏វាមិនខុសគ្នាពីរាជធានីប៉ុន្មានឡើយ គឺសាលាដូចគ្នា ហើយកម្មវិធីសិក្សាក៏ដូចគ្នា ហើយអ្វីដែលពិសេសសម្រាប់ជាជម្រើសនោះ គឺសាលានៅជិតផ្ទះ បាននៅជុំគ្រួសារ ហើយអាចប្រកបការងារដែលនៅក្នុងខេត្តបានដូចគ្នា៕
លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។
របាយការណ៍ថ្មី
មើលទាំងអស់ ➧គន្លឹះគ្រប់គ្រងពេល ២៤ម៉ោងផ្ទាល់ខ្លួនបានត្រឹមត្រូវ បញ្ជៀសទំនាស់និងបង្កើនគុណភាពជីវិត
បទយកការណ៍, ព័ត៌មានជាតិ និងអន្តរជាតិ, ព័ត៌មានអន្តរជាតិ
• 15/12/2023
មនុស្សមានទំនាស់ពីរប្រភេទ គឺទំនាស់ក្នុងខ្លួន និងទំនាស់ក្រៅខ្លួន ។ ទំនាស់ក្នុងខ្លួនជាអាកប្បកិរិយាទាស់ទែងនឹងឥរិយាបថ ...
មាតិកាលើប្រព័ន្ធបណ្តាញសង្គមជះឥទ្ធិពលដល់ការអប់រំកុមារ និងយុវជន
បទយកការណ៍, ព័ត៌មានជាតិ និងអន្តរជាតិ
• 15/09/2023
ប្រព័ន្ធផ្សព្វផ្សាយសង្គម (Social Media) កំពុងក្លាយជាមធ្យោបាយផ្តល់និងទទួលព័ត៌មាន ព្រមទាំងផ្តល់ការកម្សាន្តដ៏ពេញនិយមនាពេលបច្ចុប្បន្ន ។ ប្រព័ន្ធផ្សព្វផ្សាយសង្គមមានសម្បូរបែប .....
ព័ត៌មានទូទៅ
មើលទាំងអស់ ➧សាកលវិទ្យាល័យ Mae Fah Lung ប្រទេសថៃ ផ្តល់អាហារូបករណ៍ថ្នាក់បរិញ្ញាបត្រសម្រាប់ឆ្នាំ២០២៣
ព័ត៌មានអាហារូបករណ៍, ព្រឹត្តិការណ៍
• 22/03/2023
ភ្នំពេញ - សាកលវិទ្យាល័យ Mae Fah Lung នៃប្រទេសថៃ បានប្រកាសផ្ដល់អាហារូបករណ៍ថ្នាក់បរិញ្ញាបត្រចំនួន២កន្លែងសម្រាប់ឆ្នាំសិក្សា២០២៣ ។ អាហារូបករណ៍ផ្ដល់ជូន...
ឱកាសសិក្សាអាហារូបករណ៍រយៈពេលខ្លីនៅប្រទេសជប៉ុន នៃកម្មវិធីអាហារូបករណ៍ Amgen ឆ្នាំសិក្សា២០២៣
ព័ត៌មានអាហារូបករណ៍, ព្រឹត្តិការណ៍
• 18/01/2023
កម្មវិធីអាហារូបករណ៍ Amgen បើកផ្ដល់អាហារូបករណ៍ខ្លីរយៈពេល២ខែដោយមានការគាំទ្រពី Tokyo Scholarship សម្រាប់និស្សិតបរទេសដែលបានបញ្ចប់ថ្នាក់បរិញ្ញាបត្រ...
សាកលវិទ្យាល័យខេមតិចផ្ដល់អាហារូបករណ៍ ១០០% និង៧៥% សម្រាប់និស្សិតស្រ្តី និងនិស្សិតមកពីខេត្តដាច់ស្រយាល
ព័ត៌មានអាហារូបករណ៍, ព្រឹត្តិការណ៍
• 10/01/2023
សាកលវិទ្យាល័យខេមតិចកំពុងបើកផ្ដល់អាហារូបករណ៍ថ្នាក់បរិញ្ញាបត្រ និងសញ្ញាបត្រជាន់ខ្ពស់ចំនួន១០០កន្លែងសម្រាប់និស្សិតស្រ្តី និងនិស្សិតមកពីបណ្ដាខេត្តដាច់ស្រយាល ...
អាហារូបករណ៍អូស្ដ្រាលីឆ្នាំសិក្សា២០២៤ បើកទទួលពាក្យសម្រាប់និស្សិតកម្ពុជា
ព័ត៌មានអាហារូបករណ៍, ព្រឹត្តិការណ៍
• 09/02/2023
អាហារូបករណ៍អូស្ដ្រាលីសម្រាប់ឆ្នាំសិក្សា២០២៤កំពុងបើកទទួលពាក្យ សម្រាប់ការស្នើសុំអាហារូបករណ៍សិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅប្រទេសអូស្រ្តាលី...
ឱកាសសិក្សាថ្នាក់បរិញ្ញបត្ររង-បរិញ្ញាបត្រ នៅវិទ្យាស្ថានអាហ្កាចំនួន១០០កន្លែង ពីអាហារូបករណ៍អភិសន្តិបណ្ឌិត ស សុខា
ព័ត៌មានអាហារូបករណ៍, ព្រឹត្តិការណ៍
• 10/11/2023
ឱកាសសិក្សាអាហារូបករណ៍ថ្នាក់បរិញ្ញបត្ររង និងថ្នាក់បរិញ្ញាបត្រនៅវិទ្យាស្ថានអាហ្កាចំនួន១០០កន្លែង ពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិឆ្នាំ២០២៣-២០២៤។ អាហារូបករណ៍ផ្ដល់ជូនក្រោមការឧបត្ថម្ភ ...
ឱកាសអាហារូបករណ៍ ពីសាកលវិទ្យាល័យភូមិន្ទភ្នំពេញ ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 11/12/2023
ឱកាសសិក្សាអាហារូបករណ៍ថ្នាក់បរិញ្ញាបត្រនៅវិទ្យាស្ថានសិក្សាអន្តរជាតិ និងគោលនយោបាយសាធារណៈ(វសនប) នៃសាកលវិទ្យាល័យភូមិន្ទភ្នំពេញពីកម្មវិធីអាហារូបករណ៍...
ឱកាសសិក្សាជំនាញវិជ្ជាជីវៈចំនួន២១០កន្លែងនៅវិទ្យាស្ថានពហុបច្ចេកទេសខេត្តព្រះវិហារ
ព័ត៌មានអាហារូបករណ៍, ព្រឹត្តិការណ៍
• 11/03/2024
ឱកាសសិក្សាជំនាញវិជ្ជាជីវៈចំនួន២១០កន្លែងនៅវិទ្យាស្ថានពហុបច្ចេកទេសខេត្តព្រះវិហារឆ្នាំសិក្សា២០២៣-២០២៤។ អាហារូបករណ៍ផ្ដល់ជូនការសិក្សាថ្នាក់សញ្ញាបត្របច្ចេកទេស និងវិជ្ជាជីវៈ១ កម្រិត២ សិក្សារយៈពេល៤ខែ។