រដ្ឋមន្ត្រីក្រសួងអប់រំ ៖ កម្ពុជាកំពុងហ្វឹកហ្វឺនកីឡាករជម្រើសជាតិ ត្រៀមប្រកួតស៊ីហ្គេម និងប៉ារ៉ាហ្គេម ២០២៣

ភ្នំពេញ- នៅក្នុងពិធីប្រគល់ប្រាក់រង្វាន់ជូនដល់កីឡាការិនី អ៊ុក ស្រីមុំ ម្ចាស់មេដាយមាសពិភពលោកពីការប្រកួតប៉េតង់ពីប្រទេសអេស្ប៉ាញ នាព្រឹកថ្ងៃពុធនេះ ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្រ្ដីក្រសួងអប់រំ យុវជន និងកីឡា មានប្រសាសន៍ថា កម្ពុជាកំពុង​ហ្វឹកហ្វឺនកីឡាករជម្រើសជាតិ ដើម្បី​ត្រៀមខ្លួនប្រកួតកីឡាស៊ីហ្គេម និងប៉ារ៉ាហ្គេមឆ្នាំ២០២៣ ។

ឯកឧត្តមបណ្ឌិតសភាចារ្យ ហង់ជួន ណារ៉ុន មានប្រសាសន៍ថា កន្លងមករាជរដ្ឋាភិបាលកម្ពុជាបានអនុញ្ញាតិឱ្យគ្រូបង្វឹក កីឡាករ កីឡាការិនីជម្រើសជាតិ ដែលជាមន្រ្តីរាជការ កងកម្លាំងប្រដាប់អាវុធ ព្យួរការងារនៅអង្គភាព ដើម្បីចូលរួមហាត់ហ្វឹកហ្វឺនពេញម៉ោងតាមកម្មវិធីហាត់ហ្វឹកហ្វឺនក្រុមជម្រើសជាតិ រហូតដល់ចប់ការប្រកួតស៊ីហ្គេម និងកីឡាប៉ារ៉ាហ្គេមឆ្នាំ២០២៣ ។

– ឯកឧត្តមបណ្ឌិតសភាចារ្យ ហង់ជួន ណារ៉ុន

“ក្រសួងអប់រំក៏បានរៀបចំផ្ដល់អាទិភាពដល់សិស្ស និស្សិត ទាំងការរៀនសូត្រ ការប្រឡង និងការផ្ដល់ពិន្ទុ ដល់កីឡាករ កីឡាការិនី ជម្រើសជាតិដែលកំពុងហាត់ហ្វឹកហ្វឺនក្នុង និងក្រៅប្រទស ដើម្បីត្រៀមលក្ខណៈឆ្ពោះទៅកាន់ការប្រកួតស៊ីហ្គេម និងប៉ារ៉ាហ្គេម ឆ្នាំ២០២៣”

ឯកឧត្តមបណ្ឌិតសភាចារ្យ បញ្ជាក់បន្តថា ការប្រកួតប៉េតង់លើវិញ្ញាសាវាយយកពិន្ទុ កម្ពុជាបានឈ្នះមេដាយមាស ៥ជំនាន់ជាប់ៗគ្នា ដោយវីរកីឡាការិនី កែ ឡេង រក្សាបាន ៤ជំនាន់ ក្នុងឆ្នាំ២០១៣ នៅបារំាង ឆ្នាំ២០១៥ នៅថៃ ឆ្នាំ២០១៧ នៅចិន និងឆ្នាំ២០១៩ កម្ពុជាធ្វើម្ចាស់ផ្ទះ ។ កីឡាការិនី អ៊ុក ស្រីម៉ុម ទទួលមេ​ដា​យ​មាសទី៥ ក្នុងឆ្នាំ២០២១ ដែលជាមេដាយមាសទី៥ ក្នុង​កំណត់ត្រាពិភពលោកដ៏អស្ចារ្យរបស់កម្ពុជា ។

រដ្ឋមន្រ្តីក្រសួងអប់រំ បន្ថែមថា កីឡាការិនី អ៊ុក ស្រីម៉ុម ប្រកួតប៉េតង់ដណ្ដើមបានមេដាយមានលើវិញ្ញាសាវាយយកពិន្ទុ ជាមោទនភាពខ្ពស់បំផុតរបស់កម្ពុជាដែលបានរក្សានូវកេត្តនាមជាម្ចាស់មេដាយពិភពលោកពីការប្រកួតកីឡាប៉េតង់ នៅប្រទេសអេស្ប៉ាញ ។  ឯឧត្តមបណ្ឌិតសភាចារ្យ បន្តថា ការទទួលលទ្ធផលគួរជាទីមោទននៈពេលនេះ អាស្រ័យដោយការខិតខំប្រឹងប្រែងរបស់សមីខ្លួនផ្ទាល់ខិតខំប្រឹងប្រែងប្រចាំថ្ងៃ និងការយកចិត្តទុកដាក់គាំទ្រពីគ្រូបង្វឹក និងការយកចិត្តទុកដាក់គណៈប្រតិភូ ។

គួររំលឹកថា កាលពីថ្ងៃទី១២ ដល់ទី២១ ខែវិច្ឆិកា ឆ្នាំ២០២១កន្លងទៅ ក្រសួងអប់រំ បានបញ្ជូនប្រតិភូកម្ពុជាចូលរួមប្រកួតកីឡាបេតង់ពិភពលោក នៅប្រទេសអេស៉្បាញ ។ ជាលទ្ធផលកម្ពុជាទទួលបានមេដាយមាសមួយគ្រឿងលើវិញ្ញាវាយយកពិន្ទុ នៅវគ្គផ្ដាច់ព្រ័ត្រ ដោយកីឡាការិនី អ៊ុក ស្រីម៉ុម ឈ្នះកីឡាករថៃលទ្ធផល ៣៧ ទល់ ២៩ ។

គួរជម្រាបជូនថា នៅក្នុងពិធីប្រគល់ប្រាក់រង្វាន់ កីឡាការិនី អ៊ុក ស្រីមុំ ទទួលបានថវិកាចំនួន ៤០លានរៀល ពីក្រសួងអប់រំ យុវជន និងកីឡា និងទឹកប្រាក់ចំនួន មួយម៉ឺនដុល្លារ ផ្ដល់ជូនដោយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងភរិយា ។ ដោយឡែក គ្រូបង្វឹក លោក សុខ ម៉ុម ទទួលបានថវិកាចំនួន ៤០លានរៀល ពីក្រសួងអប់រំ យុវជន និងកីឡា និងថវិកាចំនួន ៥ពាន់ដុល្លារ ផ្ដល់ជូនដោយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងភរិយា ៕


ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

រដ្ឋមន្រ្តីអប់រំ៖ ដើម្បីជំរុញការអប់រំបច្ចេកវិទ្យា សាលារៀនមួយត្រូវតែមានបន្ទប់ឌីជីថល និងបណ្ណាល័យសតវត្សទី២១

ដើម្បីជា​ការ​លើក​កម្ពស់​ដល់​ការ​អប់រំបែបឌីជីថល ក្រសួងអប់រំ យុវជន និ​ងកីឡា គ្រោង​នឹង​បង្កើតបន្ទប់ឌីជីថល ក៏ដូចជា​បណ្ណាល័យ​សតវត្សទី២១…
ព្រឹត្តិការណ៍

អ្នកជំនាញប្រាប់ពីវិធីសាស្រ្តថែទាំធ្មេញកុមារឱ្យ​ស្របតាមបច្ចេកទេស

ឪពុកម្តាយភាគ​ច្រើនតែងបារម្ភអំពីសុខភាពមាត់ធ្មេញរបស់កូនៗ, មានអាណាព្យាបាលមួយចំនួនបានដឹងខ្លះៗ​ហើយ​អំពីការថែទាំសុខភាពមាត់ធ្មេញ​នេះ…
ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

ក្រសួងអប់រំសម្ពោធដាក់ឱ្យប្រើប្រាស់សមិទ្ធផលនានានៅវិទ្យាល័យ​ប៊ុនរ៉ានី​ហ៊ុនសែន​ស្ពឺ

អគារសិក្សាមួយខ្នងកម្ពស់៤ជាន់ ចំនួន២៤បន្ទប់ ផ្ទះសំណាក់គ្រូបង្រៀន១ខ្នង កម្ពស់២ជាន់ ចំនួន២០បន្ទប់ និងទីចាត់ការ ១ខ្នង ចំនួន៤បន្ទប់…
ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

លោក សឿម កក្កដា៖ សៀវភៅរឿងកុមារ ជាផ្នែកមួយមិនអាចខ្វះបានដើម្បីបង្កើតទម្លាប់អានរបស់កុមារ

ដើម្បីបង្កើតទម្លាប់អានដល់កុមារបាន គឺទាមទារឱ្យមានសម្ភារៈអានឱ្យបានច្រើន មានសៀវភៅច្រើនជម្រើស ព្រោះកាលណាកុមាររកឃើញជម្រើសមួយ…
ចំណេះជីវិត, ព្រឹត្តិការណ៍

អូស៊ីឌី (OCD) ជំងឺផ្លូវចិត្តម៉្យាង ជំរុញឱ្យធ្វើ​អ្វីដដែលៗម្ដងហើយម្ដងទៀត

ប្រសិន​បើ​អ្នក​ចេះតែចង់ត្រួតពិនិត្យមើលអ្វីៗដដែលៗ ធ្វើអ្វីដដែលៗ ឬមានគំនិតគិតអ្វីដដែលៗម្តងហើយម្តងទៀត​ នោះអ្នកអាច​នឹង​មាន​ជំងឺផ្លូវចិត្ត…
ព័ត៌មានអាហារូបករណ៍, ព្រឹត្តិការណ៍

វិទ្យាស្ថានទេសចរណ៍សៀងហៃផ្ដល់អាហារូបករណ៍១០កន្លែងសម្រាប់និស្សិតកម្ពុជា

វិទ្យាស្ថានទេសចរណ៍សៀងហៃ នៃសាធារណប្រជាមានិតចិន ផ្ដល់អាហារូបករណ៍សិក្សាវគ្គខ្លីលើជំនាញទេសចរណ៍ចំនួន១០កន្លែង ដល់មន្ត្រី …
ព័ត៌មានអាហារូបករណ៍, ព្រឹត្តិការណ៍

មជ្ឈមណ្ឌលបណ្តុះបណ្តាលវិជ្ជាជីវៈខេត្តកណ្តាល ផ្ដល់អាហារូបករណ៍ជំនាញបច្ចេកទេសចំនួន២១០កន្លែង

ក្រោមគម្រោងកម្មវិធីធ្វើទំនើបកម្មប្រព័ន្ធអប់រំបណ្តុះបណ្តាលបច្ចេកទេស និងវិជ្ជាជីវៈឆ្នាំ២០២២ មជ្ឈមណ្ឌលបណ្តុះបណ្តាលវិជ្ជាជីវៈខេត្តកណ្តាល…
ព្រឹត្តិការណ៍, អប់រំកុមារតូច

ព័ត៌មានផ្ទាល់ខ្លួនរបស់កុមារលើអ៊ីនធឺណិតអាចបណ្តាលឱ្យកុមារងាយគ្រោះថ្នាក់

ជនខិលខូចមួយចំនួនអាចប្រើប្រាស់ព័ត៌មានផ្ទាល់ខ្លួនរបស់កុមារ ដែលពួកគេស្វែងរកបាន និងប្រមូលយកតាមរយៈអ៊ីនធឺណិត ដើម្បីយកទៅធ្វើចេតនាអាក្រក់ណាមួយ។…
ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

ឯកឧត្តម សាយ សំអាល់ ៖ បណ្ណាល័យជាច្រកបង្កើនសមត្ថភាព​ និងគំនិតច្នៃប្រតិដ្ឋ

ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន មានប្រសាសន៍ថា បណ្ណាល័យបានដើរតួនាទីយ៉ាងសំខាន់ជាមូលដ្ឋាននៅក្នុងការសិក្សា…
ជំនាញ, ព្រឹត្តិការណ៍

យុវជន ជួប វ៉ាន់ឌី ចែករំលែក​បទពិសោធន៍​ក្នុងការ​ជ្រើស​រើស​ជំនាញ

ការជ្រើសរើស​ជំនាញ​ពិតជាមានសារៈសំខាន់​ណាស់​សម្រាប់​សិស្ស​ដែល​រៀនចប់ថ្នាក់វិទ្យាល័យ ដោយ​សារ​តែជំនាញនឹង​ត្រូវ​កំណត់ពីអាជីព​…