ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ៖ កុមារគ្រប់រូបត្រូវការភាពកក់ក្ដៅពីម្ដាយឪពុក មនុស្សជុំវិញខ្លួន និងសង្គម។ ប្រសិនបើកុមារទទួលរងអំពើហឹង្សាណាមួយនៅក្នុងគ្រួសារ នោះភាពមិនប្រក្រតីនៅក្នុងការរស់នៅនឹងកើតលើកុមារ ជាពិសេសបញ្ហាផ្លូវចិត្តនឹងកើតឡើងរ៉ាំរៃលើដំណើរជីវិតរបស់ពួកគេ។ ពេលខ្លះភាពភ័យខ្លាចប្រចាំកាយអាចធ្វើឱ្យកុមារបាក់ស្បាត កោងកាច ទន់ជ្រាយ និងចុះខ្សោយការចង់ចាំជាដើម។
តាមរយៈបទពិសោធបង្រៀនច្រើនឆ្នាំ លោក សាន សុវណ្ណា គ្រូបង្រៀននៅសាលាបឋមសិក្សាមួយ មានប្រសាសន៍ថា ម្តាយឪពុកមួយចំនួនតែងប្រើអំពើហឹង្សាលើកុមារ ហើយកុមារខ្លះរងគ្រោះដោយសារការគំរាមកំហែង។ ក្នុងចំណោមកុមារភាគរងគ្រោះទាំងនោះ មានភាគតិចបំផុតដែលហ៊ាននិយាយប្រាប់ការពិតពីអំពើរហឹង្សាដែលពួកគេធ្លាប់ទទួល។ កុមារគួរតែទទួលបានការថ្នាក់ថ្នម ថែរក្សា និងផ្ដល់ភាពកក់ក្ដៅពីក្រុមគ្រួសារឱ្យបានល្អ។
លោក សាន សុវណ្ណា មានប្រសាសន៍បន្តថា ៖
“អំពើហឹង្សាទៅលើកុមារមិនមែនជារឿងត្រឹមត្រូវនោះទេ វាអាចបណ្ដាលឱ្យកុមារមានបញ្ហាសតិអារម្មណ៍ ស្មារតីកុមារចុះខ្សោយ និងអាចឱ្យពួកគេមានបញ្ហាផ្លូវចិត្តធ្ងន់ធ្ងរទាំងបច្ចុប្បន្ននិងអនាគត”
ក្នុងនាមជាម្តាយមួយរូបលោកស្រី ភូ ផាណារី បុគ្គលិកក្រុមហ៊ុនឯកជនមួយ ក៏បាននិយាយមកកាន់ AMS ថា៖
“ខ្ញុំព្យាយាមមើលថែកូនឱ្យបានល្អ… ខ្ញុំមិនដែលប្រើអំពើហិង្សាលើកូនឡើយ ពីព្រោះគិតថាវាជារឿងមិនត្រឹមត្រូវ ហើយអំពើហិង្សាទៅលើកូនហ្នឹង ឬក៏បណ្ដោយឱ្យនរណាមកម្នាក់មកប្រព្រឹត្តអំពើអាក្រក់បែបនេះ ជាទង្វើមិនគួរធ្វើឡើយ”
លោកស្រី ភូ ផាណារី បានបញ្ជាក់បន្ថែមថា នៅពេលដែលកុមារធ្វើអ្វីខុសម្តាយឪពុកគួរពន្យលណែនាំ និងកែតម្រូវពួកគេដោយអហឹង្សា។ ប្រើអំពើរហិង្សាទៅលើកូនខ្លួនឯងរាល់ថ្ងៃ នោះនឹងបង្កឱ្យកុមារមានស្នាមរបួសពេញខ្លួន កុមារភ័យខ្លាចច្រើន មិនសូវនិយាយស្ដី មិនហ៊ានធ្វើអ្វីក្រៅពីឳពុកម្ដាយបង្គាប់បញ្ជា និងមិនមានទំនាក់ទំនងល្អជាមួយមនុស្សនៅជុំវិញខ្លួន។
គួរបញ្ជាក់ថា អំពើហឹង្សាលើកុមារនេះ ត្រូវបានអង្គការយូនីសេហ្វកម្ពុជា រកឃើញថា ជាងពាក់កណ្តាលនៃកុមារកម្ពុជាធ្លាប់ទទួលរងអំពើហិង្សាផ្លូវកាយ។ អំពើហិង្សាបង្កផលប៉ះពាល់ធ្ងន់ធ្ងរដល់សុវត្ថិភាពផ្លូវកាយ និងផ្លូវចិត្តរបស់កុមារ។ ទង្វើនេះក្រៅពីប៉ះពាល់រយៈពេលខ្លី ដូចជារបួសរាងកាយ និងការប៉ះទង្គិចផ្លូវចិត្ត ការទទួលរងអំពើហិង្សានៅវ័យកុមារ អាចនាំឱ្យមានបញ្ហាផ្លូវចិត្ត បញ្ហាឥរិយាបថនៅក្នុងវ័យជំទង់ និងឈានទៅពេលវេលាពេញវ័យទៀតផង៕
ជីវប្រវត្តិ: លោក សន តុលា កំពុងសិក្សានៅដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍នៃសាកលវិទ្យាល័យភូមិន្ទភ្នំពេញ។ បច្ចុប្បន្នលោកជាអ្នកសរសេរ និងអ្នករាយការណ៍ព័ត៌មានអប់រំនៃ AMS Education។
របាយការណ៍សំខាន់
ព័ត៌មានទូទៅ
សាលារៀន ណត្សឡាញន៍ កើនមួយសាខាទៀតលើទឹកដីចោមចៅ រំពឹងនាំជោគជ័យមិនចាញ់សាខាចាស់ៗ
យុវជនឆ្នើមកម្ពុជា ២៨រូប ក្លាយជាអ្នកវិភាគគោលនយោបាយជំនាន់ថ្មី ក្រោយទទួលការបណ្ដុះបណ្ដាលពីអូស្ត្រាលី
ក្រសួងកិច្ចការនារីចុះអប់រំហានិភ័យរៀបការវ័យក្មេង ខណៈខេត្តរតនគិរី មានអត្រាខ្ពស់ជាងគេ
សាលាហេបភីច័ន្ទតារារៀបចំទិវា «ស្អាត និងបៃតង» ជំរុញការយល់ដឹងអំពីបរិស្ថានក្នុងចំណោមក្មេងស្រី
តើការញ៉ាំផ្លែប៊ឺ ផ្តល់ផលល្អអ្វីខ្លះដល់រាងកាយ?
ឱកាសសម្រាប់អ្នកស្រាវជ្រាវ ៖ ស្ថានទូតបារាំងផ្តល់ «អាហារូបករណ៍ការផ្លាស់ប្តូរការស្រាវជ្រាវភាសាបារាំង ឆ្នាំ២០២៦»
រដ្ឋមន្រ្តីអប់រំ លើកទឹកចិត្តសិស្សត្រៀមប្រឡងបាក់ឌុប បន្តខិតខំរៀនឱ្យអស់ពីលទ្ធភាព
កម្ពុជា-ជប៉ុន ចាប់ដៃគ្នាជំរុញការអប់រំសុវត្ថិភាពចរាចរណ៍ក្នុងសាលារៀន
កម្មវិធីអប់រំការគិតបែបកុំព្យូទ័រ នឹងបណ្ដុះកុមារឱ្យមានមូលដ្ឋានគ្រឹះរឹងមាំលើចំណេះដឹងឌីជីថល តាំងពីកម្រិតបឋមសិក្សា
អ្នកជំនាញអាមេរិកព្រមានថា អេក្រង់ទូរស័ព្ទអាចប៉ះពាល់ខួរក្បាលកុមារដែលពិបាកកែប្រែវិញ
កម្មវិធីពិសេសរបស់ AMS EDUCATION
ព័ត៌មានសង្ខេប
