ភ្នំពេញ – តាំងពីអតីតកាលរហូតមកដល់ពេលបច្ចុប្បន្ន គណិតវិទ្យាជាវិជ្ជាសំខាន់មួយកំពុងប្រើប្រាស់នៅក្នុងវិស័យវិទ្យាសាស្រ្ត និងជីវភាពរស់នៅប្រចាំថ្ងៃរបស់មនុស្សជាតិ ។ រាល់ថ្ងៃគណិតវិទ្យាបានជួយសម្រួលដល់កិច្ចការជាច្រើន រាប់ទាំងវិស័យសេដ្ឋកិច្ចពាណិជ្ជកម្ម វប្បធម៌ ទំនាក់ទំនង ព្រមទាំងការអបរំជាដើម ។ ដើម្បីប្រើប្រាស់ចំណេះដឹងទាំងនេះឱ្យមានប្រសិទ្ធភាព មនុស្សចាំបាច់ត្រូវចេះមូលដ្ឋានគណិតវិទ្យាតាំងពីវ័យកុមារ ។ លោក សុខ វិចិត្រ នាយកសាលា IAMA Cambodia កំពុងបង្ហាត់កុមារឱ្យចេះគណនាលេខលឿនរហ័ស បាននិយាយថា ប្រសិនបើកុមារទទួលបានចំណេះដឹងគណិតវិទ្យាតាំងពីតូច នោះនឹងជួយជំរុញការគិតរបស់ពួកគេកាន់តែប្រសើរ ។
លោក សុខ វិចិត្រ នាយកសាលា IAMA Cambodia មានប្រសាសន៍ថា កុមារមានមូលដ្ឋានគិតលេខលឿនរហ័សទទួលបានផលចំណេញដោយផ្ទាល់ និងដោយប្រយោលពីការសិក្សារបស់ពួកគេ ។ ផលចំណេញដោយផ្ទាល់ ឬផលចំណេញដែលអាចមើលឃើញ គឺកុមារនឹងពូកែគិតលេខ ហើយអាចជួយឱ្យការសិក្សាគណិតវិទ្យា រូបវិទ្យា គីមីវិទ្យា ជីវវិទ្យា និងមុខវិទ្យានានាមានទំនាក់ទំនងគ្នាបានល្អ និងគណនាបានលឿនជាងគេ ។
លោក សុខ វិចិត្រ នាយកសាលា IAMA Cambodia
” ឧទាហរណ៍ពេលធ្វើប្រមាណវិធីណាមួយ កុមារគ្រាន់តែមើលតែលេខហ្នឹង គឺគាត់អាចសរសេរចម្លើយយកតែម្ដង ។ ដូច្នេះហើយក្មេងអាចចំណេញទាំងពេលវេលា និងបានពន្លឿនការគិតរបស់គាត់ឱ្យទៀតផង “
ដោយឡែកផលចំណេញដោយប្រយោល ឬផលចំណេញដែលមិនអាចមើលឃើញភ្លាមៗបាន គឺជួយបណ្តុះភាពជាអ្នកដឹកនាំដល់កុមារ ជួយឱ្យកុមារគិតបានរហ័ស ចេះជំនាញនិយាយស្ដីមានហេតុផល និងចេះរៀបចំផែនការជីវិតបានល្អជាមុន ឬក៏រៀបចំផែនការការងារផ្សេងៗជាដើម។ លោកបន្តថា ជាធម្មតាអ្នកដែលពូកែគណិតវិទ្យា ជាមនុស្សដែលមានរបស់សំខាន់មួយខុសពីមនុស្សទូទៅ នោះគឺមានការចងចាំល្អ និងចងចាំបានរយៈពេលវែង ហើយថែមទាំងអាចបញ្ចេញរាល់ការចងចាំទាំងឡាយមកវិញលឿនជាងមនុស្សធម្មតា ។
ត្រឡប់មកវិញ លោក សុខ វិចិត្រ ចង់ឱ្យឪពុកម្តាយទាំងឡាយព្យាយាមរិះរកវិធីយ៉ាងណាជួយជំរុញកូនឱ្យឆ្លាត ឱ្យពូកែ ដោយកុំបណ្តោយឱ្យកូនបាត់បង់ឱកាសទទួលបានការអប់រំៗ ប៉ុន្តែក៏កុំរំពឹងថា ទាល់តែកូនរៀនបានលេខ១ ទើបអាចក្លាយទៅជាមនុស្សឆ្លាត ។
លោក សុខ វិចិត្រ បានបញ្ជាក់ថា ពាក្យថាឆ្លាតនិងពូកែត្រង់ចំណុចនេះ សម្តៅដល់កុមារដែលមានការគិតលឿនរហ័ស អាចមើលឃើញបញ្ហាមុនគេ និងមើលឃើញដំណោះស្រាយមុនគេ ចេះវិភាគស៊ីជម្រៅលើបញ្ហា ចេះរៀបផែនការជីវិត ឬរៀបចំផែនការសម្រាប់ខ្លួនឯង ជាពិសេសនិយាយស្ដីមានហេតុផល ព្រមទាំងមានការចងចាំ ៕
លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។
របាយការណ៍ថ្មី
មើលទាំងអស់ ➧អន្តរជាតិ គន្លឹះគ្រប់គ្រងពេល ២៤ម៉ោងផ្ទាល់ខ្លួនបានត្រឹមត្រូវ បញ្ជៀសទំនាស់និងបង្កើនគុណភាពជីវិត
ចំណេះជីវិត, បទយកការណ៍, ព័ត៌មានជាតិ និងអន្តរជាតិ
• 15/12/2023
មនុស្សមានទំនាស់ពីរប្រភេទ គឺទំនាស់ក្នុងខ្លួន និងទំនាស់ក្រៅខ្លួន ។ ទំនាស់ក្នុងខ្លួនជាអាកប្បកិរិយាទាស់ទែងនឹងឥរិយាបថ ...
មាតិកាលើប្រព័ន្ធបណ្តាញសង្គមជះឥទ្ធិពលដល់ការអប់រំកុមារ និងយុវជន
បទយកការណ៍, ព័ត៌មានជាតិ និងអន្តរជាតិ
• 15/09/2023
ប្រព័ន្ធផ្សព្វផ្សាយសង្គម (Social Media) កំពុងក្លាយជាមធ្យោបាយផ្តល់និងទទួលព័ត៌មាន ព្រមទាំងផ្តល់ការកម្សាន្តដ៏ពេញនិយមនាពេលបច្ចុប្បន្ន ។ ប្រព័ន្ធផ្សព្វផ្សាយសង្គមមានសម្បូរបែប .....
ព័ត៌មានទូទៅ
មើលទាំងអស់ ➧អាហារូបករណ៍ពីកម្មវិធីសិក្សាផ្នែកច្បាប់របស់ World Bank ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 18/04/2023
កម្មវិធីសិក្សាផ្នែកច្បាប់របស់ World Bank នៅរដ្ឋធានីវ៉ាស៊ីនតោន ប្រកាសផ្ដល់ឱកាសសិក្សាដល់និស្សិតអន្តរជាតិជុំវិញពិភពលោកសម្រាប់ឆ្នាំសិក្សា២០២៣-២០២៤ ។ ...
អាហារូបករណ៍សិក្សាថ្នាក់បរិញ្ញាបត្រជាន់ខ្ពស់នៅវិទ្យាស្ថានដូហា នៃប្រទេសកាតាឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 01/11/2023
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅវិទ្យាស្ថានដូហានៃប្រទេសកាតាក្រោមកម្មវិធីអាហារូបករណ៍ Doha Foundation Grant 2024-2025 ឆ្នាំសិក្សា២០២៤ -២០២៥។ ....
ឱកាសសិក្សានៅប្រទេសជប៉ុន ពីកម្មវិធីអាហារូបករណ៍ធនាគារអភិវឌ្ឍអាស៊ីឆ្នាំ២០២៣
ព័ត៌មានអាហារូបករណ៍, ព្រឹត្តិការណ៍
• 10/03/2023
កម្មវីធីអាហារូបករណ៍ The ADB-Japan Scholarship Program (JSP) បានប្រកាសផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់សម្រាប់សិក្សានៅសាកលវិទ្យាល័យ Tokyo ...
អាហារូបករណ៍ថ្នាក់អនុបណ្ឌិត និងបណ្ឌិត ពីកម្មវិធី Australia Awards ប្រទេសអូស្រ្តាលី
ព័ត៌មានអាហារូបករណ៍, ព្រឹត្តិការណ៍
• 19/04/2023
កម្មវិធីអាហារូបករណ៍ «Australia Awards Scholarships Intake 2024» របស់រដ្ឋាភិបាលអូស្រ្តាលី សម្រាប់ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត ចាប់ផ្តើមដំណើរការចុះឈ្មោះ...
គន្លឹះក្នុងការសរសេរលិខិតអនុសាសន៍អាហារូបករណ៍
ព័ត៌មានអាហារូបករណ៍, ព្រឹត្តិការណ៍
• 11/09/2023
លិខិតអនុសាសន៍ ឬ Recommendation letter ជាឯកសារចាំបាច់មួយក្នុងចំណោមឯកសារចាំបាច់ផ្សេងទៀត ដែលអាហារូបករណ៍តម្រូវឱ្យបេក្ខជនសរសេរឡើងការរៀបរាប់ដោយសង្ខេប...
ឱកាសសម្រាប់និស្សិតកម្ពុជាទៅហាត់ការរយៈពេលខ្លីនៅវិទ្យាស្ថាន GIST នៃសាធារណៈរដ្ឋកូរ៉េ
ព័ត៌មានអាហារូបករណ៍, ព្រឹត្តិការណ៍
• 22/02/2023
ឱកាសសម្រាប់និស្សិតដែលកំពុងសិក្សានៅក្នុងវិស័យវិទ្យាសាស្រ្ត និងវិស្វកម្ម ក្នុងការបានទៅហាត់ការនៅវិទ្យាស្ថានវិទ្យាសាស្ត្រ និងបច្ចេកវិទ្យា Gwangju...
ឱកាសផ្លាស់ប្ដូរការសិក្សាទៅសាកលវិទ្យាល័យ Chulalongkorn នៃកម្មវិធី AMIS Programme
ព័ត៌មានអាហារូបករណ៍, ព្រឹត្តិការណ៍
• 24/01/2024
ឱកាសផ្លាស់ប្ដូរការសិក្សានៅសាកលវិទ្យាល័យChulalongkorn នៃកម្មវិធី Asian International Mobility for Student និង The ASEAN University Network-ASEAN Credit Transfer ...