ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – មនុស្សជំនាន់ X ឬ Gen-X (អាយុចន្លោះ ៣៩-៥០ឆ្នាំ) គឺជាក្រុមមនុស្សច្នៃប្រឌិដ្ឋ បុគ្គលនិយម និងមានភាពជឿជាក់លើខ្លួនឯង។ ចំណែក មនុស្សជំនាន់ Y ឬ Gen-Y (អាយុចន្លោះ ២៥-៣៨ឆ្នាំ) គឺជាក្រុមមនុស្សសហស្សវត្សរ៍ ដែលច្រើនមានទំនុកចិត្ត សហការគ្នា និងផ្តោតលើលទ្ធផលពោរពេញដោយគំនិត និងការច្នៃប្រឌិដ្ឋ និងចូលចិត្តធ្វើការជាក្រុមដើម្បីសម្រេចបាននូវគោលបំណងរបស់ពួកគេ។ ប្រសិនបើអ្នកកំពុងរកឃើញថា ខ្លួនអ្នកមានជម្លោះអំពីរបៀបបង្កើតទំនាក់ទំនងការងាររវាងជំនាន់ទាំងពីរនេះ ខាងក្រោម ជាវិធីសាស្រ្តមួយចំនួនជួយរក្សាទំនាក់ទំនងល្អរវាងបុគ្គលិកជំនាន់ X និងជំនាន់ Y ។
១. ទំនាក់ទំនងសមរម្យ ៖ នៅពេលនិយាយទៅកាន់ មនុស្សជំនាន់ X ឬ Gen-X ត្រូវប្រាកដថាទំនាក់ទំនងក្រៅផ្លូវការ និងមានប្រសិទ្ធភាព។ ទន្ទឹមគ្នានេះ មនុស្សជំនាន់ X ឬ Gen-X ត្រូវបានគេស្គាល់ថាមានភាពស្មោះត្រង់ និងឯករាជ្យ ប៉ុន្តែជាទូទៅមិនចូលចិត្តឱ្យអ្នកគ្រប់គ្រងមកឈរមើលគេកំពុងបំពេញការងារពីក្រោយខ្នងនោះទេ។ សម្រាប់មនុស្សជំនាន់ Y ឬ Gen-Y វិញ គឺច្រើនចូលចិត្តមតិកែលម្អជាប្រព័ន្ធ និងការពង្រឹងជាវិជ្ជមានឱ្យបានច្រើនតាមដែលអាចធ្វើទៅបាន។
២. បង្កើតកម្មវិធី៖ ថ្វីត្បិតតែជំនាន់ទាំងពីរនេះ ធំឡើងជាមួយនឹងឧបករណ៍បច្ចេកវិទ្យាក៏ដោយ ក៏នៅតែអាចបង្កើតកម្មវិធីសម្រាប់មនុស្សទាំងពីរជំនាន់ដើម្បីធ្វើការជាមួយគ្នា និងចែករំលែកចំណេះដឹងរបស់ពួកគេ។ ក្រុមទាំងពីរនេះឱ្យតម្លៃលើការណែនាំ និងការបណ្តុះបណ្តាលច្រើនជាងការចែករំលែក ប៉ុន្តែពួកគេទាំងពីរអាចរៀនអ្វីមួយពីគ្នាទៅវិញទៅមក។ វាអាស្រ័យលើអ្នកគ្រប់គ្រងក្នុងការស្វែងរកកម្មវិធី ឬព្រឹត្តិការណ៍ដែលមានប្រយោជន៍ និងសហការគ្នាដើម្បីពង្រឹងទំនាក់ទំនង។
៣. បង្កើតក្រុម៖ ការបង្កើតក្រុមជាមធ្យោបាយដ៏ល្អបំផុតក្នុងការបង្កើតភាពជាដៃគូ គឺបង្កើតក្រុមគ្រប់វ័យ គ្រប់ភេទ និងចម្រុះវប្បធម៌។ តាមរយៈការធ្វើការរួមគ្នា និងពឹងផ្អែកលើគ្នាទៅវិញទៅមកសម្រាប់ជំនាញរបស់ពួកគេ បុគ្គលិករបស់អ្នកនឹងរៀនឱ្យតម្លៃ និងជឿជាក់លើមិត្តរួមក្រុមរបស់ពួកគេដោយមិនគិតពីជំនាន់របស់ពួកគេ។
៤. ការបណ្តុះបណ្តាលក្នុងភាពចម្រុះ ៖ ក្រុមហ៊ុនភាគច្រើនផ្តល់ការបណ្តុះបណ្តាលបុគ្គលិករបស់ពួកគេតិចតួចលើភាពចម្រុះ និងបញ្ហាស្រដៀងគ្នាផ្សេងទៀត។ នេះមិនគួរឱ្យភ្ញាក់ផ្អើលទេដែលក្រុមហ៊ុនទាំងនេះត្រូវដោះស្រាយបញ្ហាអន្តរជំនាន់នៅថ្ងៃក្រោយ។ ម៉្យាងវិញទៀត វគ្គបណ្តុះបណ្តាលផ្តល់ឱ្យបុគ្គលិកនូវឱកាសស្គាល់ពីចក្ខុវិស័យវែងឆ្ងាយ ហើយអ្នកគ្រប់គ្រងមានឱកាសដើម្បីបញ្ឈប់ជម្លោះរបស់បុគ្គលិកមុនពេលកើតឡើង។
៥. មានភាពបត់បែន៖ ដើម្បីបង្កើនសក្តានុពលរបស់បុគ្គលិក អ្នកមិនអាចផ្តោតលើរចនាបទគ្រប់គ្រងតែមួយបានទេ។ ដូច្នេះ ត្រូវអនុវត្តរចនាសម្ព័ន្ធដែលអាចបត់បែនបាន ដើម្បីសម្របបុគ្គលិកគ្រប់គ្នា។ ម៉្យាងវិញទៀត រឿងចុងក្រោយដែលអ្នកត្រូវធ្វើ គឺបំបែកក្រុមមនុស្ស។ បើអនុវត្តដោយគិតពិចារណា អ្នកពិតជាអាចធ្វើឱ្យអ្នករាល់គ្នាសប្បាយចិត្ត។ ដូច្នេះ ចាប់ផ្តើមដោយបង្កើតការសន្ទនា និងរក្សាទំនាក់ទំនងដោយបើកចំហ ព្រោះ Gen X និង Gen Y គឺមានការគិត ឬចង់ទទួលស្គាល់ស្រដៀងគ្នា៕
